茶棧

Open Now

Now Closed

不是過時過節，不是有 special event, 我們一家人在外用膳，總喜歡簡簡單單。這一天，就同太太二人拖手仔行旺角。同家人說了不回家吃飯後，我們二人就決定簡單地找個舒適衛生的地方，吃好後繼續 shopping，在太子的我們，就在始創附近看看，而我們看中的，就是這一間名叫《茶棧》(Tea Break) 的茶餐廳。我們一於來個 "Tea Break"。一坐低就令我感開心了，因為晚餐時段，人人都有一碗例湯。這是一碗可愛的青紅蘿蔔湯，清新香甜。亦因為我太太茹素，唔飲得，咁我就唔客氣啦，飲了兩大碗。茶餐廳的素食基本餐，除了羅漢齋炒麵之外，就是香口的咖喱雜菜蛋飯了。這兒的咖喱汁非常之濃香，入口有椰漿的香味，少少辣，多多的香口同 creamy，用來伴飯，非常好。那一晚，我突然想吃一些甜甜酸酸的東西，於是，我選中了中式牛柳飯。汁以甜為主，酸為次。牛肉香口，而且完成沒有起筋，單是這汁，令我開心地食晒成碟飯。我們的晚餐，可以說是一個 three course meal。套餐有湯及飲品，在鬧市中心內的茶仔絕對唔多出現。而《茶棧》熱奶茶及凍檸茶出品，都令大家感滿意。全因為，茶底夠香滑啊。行街買野，簡單地

係太子搵嘢食個時，見到呢間嘢環境幾好，又算衛生，menu啲嘢都好似幾好食，有啲吸引，跟著同friend入去試下，叫左兩個芝士白汁火腿意粉，等侯時間5分鐘，都算合理。但食左幾啖之後我個意粉開始慢慢變濕，最尾個碟都係芝士水，而佢個份意粉越食越黏，食到喉嚨好晤舒服。火腿好重雪味，啲椰菜同紅蘿蔔好濕，個意粉好似晤係焗出黎，係蒸出黎咁，好伏。見到其他人啲嘢食幾好，但好似得我地個意粉好難食，可能係個別員工問題。員工算有禮，但嘢食質素晤可以接受。

4個字形容，好食抵食。茄汁帶酸仲有幾嚿新鮮蕃茄，十分開胃。仲有落芝士，有拉絲，十分香口。豬扒厚切份量勁多，食哂D飯都未食哂D豬扒。豬扒醃得入味，煎過，仲切埋上枱，有肉汁，非常好味。炒飯乾食有蛋香，淨撈酸酸地既蕃茄汁都好好食。蛋蛋極力推薦。

早前食過一次佢嘅下午茶可以百搭揀自己想食咩試咗雞髀, 多士仲有涼粉紅豆冰覺得好食! 都有推介比朋友!點知早兩日再去食嘅時候, 就發生「不衛生事件」! 完全不能接受😵‍💫😵‍💫😵‍💫餐廳將客人食過但有啲生嘅雞髀翻炸, 再拎返比客人!!!!!!（無諗過佢比返同一隻雞髀我, 所以無影隻雞髀🥲）侍應仲同客人講「不嬲都係咁」,「可能分開處理」唔信佢會炸完換過煲油囉..可能佢覺得經過「高溫消毒」, 但方法同心態極不衛生!!!! 雖然話「眼不見為乾淨」, 但呢個做法同態度真係要blacklist了!!拜拜!!

是日嗌左個日韓餐包括：惡魔雞脾+讚歧烏冬+火腿炒蛋+奶油脆豬（奶油脆豬+3轉）惡魔雞脾：整體ok,即叫即整，面頭撒上辣粉幾惹味，不過略嫌炸得太乾唔夠滑讚歧烏冬：豚骨湯底，烏冬彈牙🌟火腿炒蛋：火腿正常，炒蛋正😍奶油脆豬：好味😋雖然焦咗少少整體來講都抵食，一個餐咁多嘢都係$56，完全夠2個人食

因為順路一星期買早餐三至四次，食物質素都ok.外賣要加＄2,食幾次多士嘅牛油有怪味同職員反映，回覆係冇其他客人話有味，問可否唔要牛油要煉奶又話個餐規定咗，轉煉奶要加錢。嗰幾滴煉奶值幾錢呀！

十分唔老實日日經過見啲餐牌唔係好吸引都無試過見佢最近啲外賣多左款式 諗住試下啦一試中伏明明寫住$128 三餸 打去叫外賣然後自取 落order 個陣無人講無做呢個餐牌落到去拎先講聽日開始呢個餐牌今日係收正價 但外賣就做返85折 總數$182睇住個餐牌叫 要返餐牌入邊嘅餸話我聽冇呢個優惠要收正價做生意做到咁唔老實真係勸喻大家叫外賣之前問清楚幾錢唔好以為有個餐牌就冇死不過既然你整左 我就廢事浪費食物 照比錢但絕無下次 同食物質素無關但10分唔認同咁樣嘅生意手法

又係下午茶嘅時間, 見呢間新開, 門面整得都幾靚, 就一於試下。香濃芝士豬柳蛋漢堡包配雜果沙律 $40個漢堡包會覺得麥當勞好食好多, 味道唔係幾出色, 而雜果沙律係唔錯嘅🥗不過雪凍多少少會更好。珍寶熱狗皇配厚切西多士(半件) $49全部都係邪惡嘅嘢😈珍寶熱狗皇嘅味道, 同平時茶餐廳差唔多, 而厚切多士配埋牛油蜜糖簡直一流, 不過呢啲都係食少少就好啦😂以上套餐包埋嘢飲, 叫咗熱奶茶同埋涼粉紅豆冰, 全部都係正常發揮。

餐廳是新開，食評不多，而且有些更是負評，雖然如此，仍無損我的好奇心，一於要試試是否如此差勁，還是只因新開業熱身未夠，偶爾失手？外賣有打折，平均四十多元一個餐，飲品就要加錢，性價比一般，但味道算不過不失。咖哩海龍皇飯的料有青口、大蝦、魷魚、帆立貝、薯仔等。味道OK，但咖哩的顏色一般，有點暗沉、看上去不吸引，白飯跟咖哩汁是分開上的，飯有跟一隻煎蛋。廈門炒米的質量較均勻、味道及賣相都正正常常，料也算充足。觀乎今次的用餐體驗，都可以有下次嘅。

近始創中心有一間新開份茶餐廳，門面光鮮企理。平日返工前也不少鍾意出外食早餐的客人。是日我倆叫了一個冰火菠蘿油（跟餐）$25、歐陸早餐$38。服務人員有禮，但不熟手，手腳慢、出餐也慢。本以為放得張大相的菠蘿油，應該好吸引，奈何也是一般般，因為個包是凍的，慶幸杯奶茶還是不錯。但整體感覺乾淨衛生，也會再次光顧的。💪🏻😊

下午茶餐，脆香豬扒配炸薯條加凍檸茶。被脆香兩字吸引入嚟坐低試下！凍檸茶好大杯上枱時薯條凍晒，煎豬扒微溫，塊豬扒好鞋，好難食，第一次食剩野真係太鞋。無下次了！好失望！

一個疫情已經打亂左好多食店生意，亦都令好多食店做唔住，亦都令到有啲新既食店開張，不經不覺呢間新食店終於開張😋食飯時間都算幾多人，坐既位都幾舒服，望望餐牌，選擇都幾多，一般茶記style👍🏻最後揀個招牌蜜汁叉燒湯意粉🍝湯意粉既份量唔算大份，但勝在好足料，蜜汁叉燒有好多件，仲要係大大舊叉燒餐跟埋黑松露炒蛋火腿，加埋件舊多士😋炒蛋夠滑，配埋黑松露係幾夾，件厚多士真係幾厚下，我只可以KO半件已好足夠😂