茶房別天神

Open Now

Now Closed

千萬別去堂食。我和朋友逛街逛累了就找個地方食下午茶。店員客氣招呼我們坐下，叫我們用qr code下單。我們16:30下單後一邊聊天一邊等，叫了兩個pancake加2杯飲料。等著等著看見店員從我們身邊經過3次都是拿給另一桌的客人，16:55才來了一杯熱荔枝茶，再等了5分鐘才來了一份pancake。然而那份pancake的外皮已經冷掉變硬。我們想著可能店員不夠人手出菜晚了，也沒在意繼續等。結果在等了又10分鐘後實在等久了上廁所才發現店員在招呼外賣的pancake order。我們等了40分鐘都沒等到一份新鮮的pancake卻見到門外的的人享用著新鮮煮好的pancake。我親眼目睹，前面的人拿著pancake走了店員馬上招呼下一個客人。他手上還在做一份草莓pancake,我叫的是香蕉pancake。他們根本不想做堂食的生意。態度也很不在乎的。我之後直接取消單離開。

蝦味噌豚骨拉麵 ($100)餐廳的也標示註明了湯是沒有味精，是豬骨熬制的，而蝦味噌湯底味道濃郁，蝦味重，點選了的麵是標準軟硬度，麵質是煙韌的餐桌提供醃製芽菜，芽菜微辣的，味道不錯，可作湯麵的配料。套餐 ($110): 豚骨湯麵加 餃子4件豚骨湯底味道也很濃郁，麵質是煙韌。餃子皮脆，味道ok。Prawn Miso Ramen ($100)A post in the restaurant showed that the soup has no MSG and is prepared from pork bones.The soup base was rich in flavor of prawn.The ramen was al-dente as standard texture was selected when placing order.Free pickled spicy bean sprout was provided on each table.It was good to go with the Ramen.Set meal ($110): Hakata Style Ram

【茶房別天神】本來想食另一間博多拉麵，點知執左。星期日，12：15，滿坐，但無人等緊。等左10分鐘有人食完。三人行，有張4人枱。自己用 qr code 落單。叫左一個套餐 $110，豚骨湯拉麵 + 餃子。餃子先到，脆邊，似即煎。👍🏻豚骨湯拉麵，選了標準軟硬，湯好味，食晒。一位友人都叫了相同的麵，但無叫餃子。另一位點了 蝦味噌豚骨拉麵 $90，加半熟蛋 （+$10）。湯底比較濃，主要是蝦味，感覺略鹹。試了一啖湯，我比較喜歡原味。見到有 pancake ，忍唔住叫左一個 share。 士多啤梨忌廉朱古力碎班戟 $45。 pancake 香軟，忌廉香口柔滑，好味。香港有位詩人在詩集《地納於心》有一個專輯關於食物詩，其中有兩首是地道食物：車仔麵。拉麵來港多年，當中有不少改良，變得更適合香港人口味，將來會有人寫寫嗎？另外，筷子裝在盒內，有些有污漬。請注意。

一排冇嚟，今晚三個人約7:15pm入座，當時有七、八枱客。叫咗兩個拉麵一個咖喱豬扒飯，兩個拉麵等咗約廿分鐘嚟，食咗10分鐘食完，個咖喱飯都未到。催咗兩次都話整緊，催到第三次竟然先同我講漏單，終於等到成八點先有得食。其實成間餐廳啲運作，由出菜、上菜到埋單，都感覺相當混亂，啲伙記好似完全唔知自己做緊乜，見隔離幾張枱都有出錯情況。其實已經電子落單，唔明點解都仲可以有咁多甩漏情況，我係外國包括大陸，都未試過有漏單情況。所以香港做飲食業嘅唔好怨點解冇客，個個北上，麻煩認真檢討吓自己個行業先！

明明無乜客，眼見後面黎個客都上左麵我去問職員，佢話我無落單我比佢睇話我QR code落左單 足足等左半個鐘 佢話佢要煲湯 要再等最後我發現係佢地個QR code問題明明我一直坐緊07 枱07枱個QR code 落單話我坐C6 枱大家落單記得睇清楚 因為佢人手不足 等得耐我以為正常原來係一直落左枱號

每次行吉之島/康怡呢邊，經過呢間拉麵鋪，都會想試吓，門外仲有日式crepes，睇落幾吸引。唔知道茶房別天神係咪同坊間連鎖嘅一樣味，我都係抱住好奇心態試試，但結果有啲失望😥店舖面積唔大，總算可以容納到5-6張枱，叫做可以行緊商場時，搵個地方歇息下食碗麵🍜店員態度麻麻，自助式落單同斟水，所以免加一。豚骨湯拉麵 $80叫咗個最普通嘅拉麵黎試吓佢嘅功架，湯底非常濃厚，亦都偏咸，唔太好食。麵質較硬身，鍾意淋身可以同廚房order。唯一值得稱讚嘅係佢任加的辣芽菜，好開胃，夠提味😌

主打龍蝦湯底拉麵，只有龍蝦同豬骨可以揀，另外小食係有餃子 同龍蝦沙律。銅鑼灣分店就得依幾樣嘢可以食，太古分店會多左咖啡飯可以揀。整體份量都幾足，吾會食完好似冇食感，正常男仔食量都可以8成飽。 麵底係用博多拉麵個隻幼麵，都可以同師傅講反想要硬度。另外有辣芽菜，蒜蓉，紅薑絲，拉麵汁，芝麻 係枱頭可以自己加，客制化自己口味，仲貼左張指引點加最好味。個人最愛辣芽菜，辣得黎吾鹹 仲好脆，不過都中辣左右，吾食得辣就試一條就好。 龍蝦湯：食落好濃龍蝦味 但吾會過鹹，第一啖食落去 超級幸福。配料都好大方 吾會得個小小，成個麵面 都有料。叉燒係厚身，有咬口得黎吾會鞋 係彈牙嘅，不過就就細塊左小小 龍蝦沙律：食落超重龍蝦味，仲有勁多龍蝦肉，大推一定要試！ 豬骨湯：比起龍蝦湯 清淡好多 同埋較為普通，不過食得出豬骨個甜味，同埋主打冇味精 冇奶 全豬骨。不過都係食反龍蝦湯會開心d 餃子：好普通合格嘅日式餃子，個片係軟身 入面都有蔬菜甜，不過就吾特別

原本對別天神既觀感都幾好，湯底ok，麵正常，又唔會話太細碗。加上係商場行完街，想食一碗拉麵既時候係一個好選擇。今日6點幾入到別天神，嗌左一個套餐同一碗麵，開頭食都覺得侍應態度OK。我見到枱面既芽菜冇曬，念住叫侍應refill，點知聽到就話差唔多沽清晒，咁佢哋都有去隔籬枱拎俾我哋，雖然都係得返小小。去到最後，咁見到佢menus 有pancake，心血來潮想一試，但手機冇得落單，咁就問下侍應啦，咁有個男士應就話今日嘅pancake賣晒啦，咁都諗住算啦，冇晒都冇辦法。點知隔籬枱有一個女人新入嚟，又係睇緊啲pancake，佢都係見到menus 冇，就問個男侍應，點知個男侍應就話「咁啱仲有一個」，我個下都呆左，心念你頭先又話冇既，呢家同第二個講話仲有最後一個。我見到其他侍應望住我都有小小尷尬，就知咩料。後尾念念下，諗極都唔明，條氣唔順，決定上黎訴苦。

雖然唔算平，不過有機會都會keep住幫襯。今次要令自己開懷啲，都係食豚骨拉麵套餐（別天神套餐）。套餐比較抵食，有豚骨拉麵，有溏心蛋，有小食。湯底本身味道平衡，唔需要另加七味粉或調味。蝦味拉麵都好食嘅，都可以一試。小食通常都會叫餃子，豬肉味加少少醋。有良知嘅食家們，幫襯啦😇

經開太古商場，見到有間食pancake同埋拉麵嘅日本店。一試就愛上左首先，佢個蝦拉麵十分之出色！同真正去日本食冇乜分別。啲豚肉煮得啱啱好。跟住就成個邪惡pancake,一上到碟就真係嚇我一跳。大舊到食唔晒入面啲香蕉勁大條。Afterall, the location is very convenient where we only need to walk 3 mins from mtr station. Staff are very nice and the food is excellent.

東區尋找同路人食店第二彈茶房別天神星期五晚上七時許到達，全場只有一兩枱食客，睇 openrice 介紹餐廳係勁多好評，與現場所睇好似有一段距離🤔但係一心係撐同路人食店，都唔得理咁多，入去坐低先算。叫咗一個咖哩吉列豬扒飯🍛豚骨湯麵🍜吞拿魚沙律班戟🫔咖哩吉列豬扒飯塊豬扒已經唔脆，個汁味道都還可以，只可惜個汁唔熱，呈一 pat pat 狀態，有點失望😑豚骨湯麵個湯係一般日式拉麵豬骨湯底，不突出😑，兩塊曰式义燒份量又唔夠食晒成碗拉麵，拉麵品質又與一般日式拉麵店相約，唯慶幸塊紫菜還脆，總之成碗拉麵都不食也罷😴吞拿魚沙律班戟一向都係我最愛，但係佢呢個班戟皮都確實太過厚，真係，一樣都係好普通😪一間咁普通嘅日式拉麵店都可以有咁多讚好真係莫名其妙😵何況收費都唔算得係平😑唯一可以讚的是全店聘請的都是年輕人，包括一個疑似店長都係年輕人，佢哋服務態度都幾好，都見到佢哋同事之間互相融洽，面對客人時都有禮貌同有效率👍🏻

假日同屋企人行百貨公司都會見到呢間別天神大排長龍，座位不多，拉麵款式只有兩款，真係貴精不貴多🙈所以揀左平日黎試下，幸好12點到不用排隊別天神套餐｜$105套餐可以揀蟹子沙律或者一份四隻餃子，我揀左後者，不過皮煎得未夠香🙁雖然有肉汁，但偏油一點同埋唔脆口，每檯都有一碗辣芽菜，單食辣味會好重，所以建議加入湯一齊食，中和豚骨湯的滯膩😋湯底奶白色，用左豬骨和水熬成，冇加任何味精、防腐劑，天然又濃郁豚骨味🥰麵身偏幼身，質軟硬適中，叉燒質感柔軟，唔會覺得好油膩，整體不錯蝦味噌豚骨湯麵｜$85期間限定既蝦味噌湯，超級香濃🤤大量櫻花蝦味配合豚骨湯，鮮味大大提升，湯內仲有三片厚切叉燒同粟米，麵質都好彈牙，掛湯力高

以前去銅鑼灣食別天神係好好食，其他分店都麻麻，點知康怡呢間係更垃圾。。。。。諗住order，個職員話要掃QR code，聲氣都麻麻地。。鋪頭入面明明貼晒可以揀軟硬度同走唔走蔥，但係個app又好似唔覺眼有得揀。。算啦，見到職員d樣都費事問。。我地叫左兩個餐，一個麵。。本來想叫班戟，但係見到其他人食，同我地心目中既樣有d出入，無謂嘥錢。。餃子唔好食，無咩肉汁，個皮又厚，煎得唔夠平均拉麵無特別，好多地方都好食過佢叉燒，成舊都肉，少少肥都無(食完係會痴牙果隻)湯底無驚喜，只係覺得味精比較少好就好在佢有蒜泥，可以任落，個麵先好食d，調味料都算多，有辣芽菜，七味粉等等P.S. 由於搵唔到走蔥，我朋友比埋佢d蔥我，所以相入面好似好多咁

之前在這間拉麵店吃過晚餐，但是吃咖喱飯，因我喜歡吃日式咖喱，今次就吃拉麵，點了豚骨湯麵和蝦味噌豚骨湯麵，套餐選了日式餃子，第一次吃這裡的拉麵已覺得好吃，不愧是這裡的主打食品，我個人喜歡豚骨湯底，而蝦味噌湯底有很濃的蝦味，也很不錯，餐後還點了芒果忌廉朱古力碎班戟，份量十分大，加了朱古力雪糕球，真是非常好味道啊😋

相對於「太古城中心」商場的面積規模，「康怡廣場」面積規模沒有「太古城中心」那麼龐大。商場因為沿着「康山道」而興建，因而被迫分開興建「南座」跟「北座」，「南座」屬於某百貨公司，「北座」屬於一般商場。至於包含日本拉麵店「別府拉麵別天神」食品在內，還有售賣一些日式洋食小食、手調飲品，還有日式甜品的餐廳「茶房別天神」，則位於「康怡廣場」「南座」的日資百貨公司二樓開放式舖位裡面。我之後曾經在「銅鑼灣」海傍位置，光顧過由「別府拉麵別天神」廚房負責製造的豚骨湯拉麵套餐，套餐被了豚骨湯拉麵之外，還另外有製造提供套餐版本的小龍蝦沙律，以及汽水飲品。恰巧「博多拉麵別天神」裡面有關拉麵套餐的餐牌價目表，完全隨著「博多拉麵別天神」跟「茶房別天神」之間的關係，「博多拉麵別天神」拉麵跟套餐餐牌，也因此成為食店裡面的主餐牌招牌食品之一。不過我在下午茶時間，千里迢迢從「西貢」來到「康怡廣場南座」裡面的百貨公司，所以對「博多拉麵別天神」的日式拉麵興趣不大，只想享用實際份量沒有午餐那麼豐盛的下午茶。所以我今次在「康怡廣場」南座百貨公司裡面光顧「茶房別天神」，都變成純粹為了享用，屬於「茶房別天神」，可以當下午茶享用的其他食