茶王冰室 (洗衣街) (Closed)

🥤ᴅʀɪɴᴋ·茶王之王 $88﹟鬼叫自己係奶茶控, 唔飲唔舒服, 特別鐘情港式奶茶, 佢成個presentation都用上金色, 感覺好grand, 茶到既時候仲會有專人埋黎解釋一下「茶王」既特別之處, 建議係先飲一杯普通奶茶, 再用冰水漱下口, 最後先品嚐冠軍之作, 咁就可以對比到貴4倍貴錢既不同之處🤔﹟圖中左邊就係普通既絲襪奶茶, 係用2-3茶葉沖出黎, 而主角(右邊)就係用左6種不同茶葉作茶底沖成, 金茶既茶色望落比普通既淺色d, 聞落比起普通果杯更加香茶味, 聞到唔想停👃🏻😂飲落滑身, 而且個茶既回甘時間比普通果杯較長, 一開始可以唔好落糖飲, 更加品嚐到茶既香醇🤤👍鐘意奶茶既都建議一試, 但真係有d貴🙈😂▫️小插曲:作為一位唔專業既foodie, 要影到一張滿意既食野相當然會需要一d時間, 係到勸喻大家, 盡量減短影相既時間, 如果唔係會比收銀姐姐叫你快d飲茶嫁喇🤣因爲杯茶擺得耐會變色, 從而影響佢既味道!又或者希望佢地下次講解完再提提客人最佳飲用時間, 咁可能會更加好😊🥤ᴅʀɪɴᴋ·樽仔奶茶 $30﹟飲完未夠喉再買埋佢個外賣奶茶🥰欣賞佢呢個樽仔奶茶原來係用玻璃樽裝, 打開都聞

🍴ᴍᴀɪɴ·沙嗲牛肉蛋包包 $48﹟d蛋既份量十足👍🏻都夠滑😋切開就係好熟口面既茶記沙嗲牛肉喇, 份量都好多, 佢仲有埋麵包夾住, 吸收哂個汁既精華, 但就覺得搞到個包有d淋曬過濕🤔口感就見人見智😂另外一提, 塊包係有細心地擦埋牛油😛🍴ᴍᴀɪɴ·脆脆豬扒包 $35 (下午茶餐)﹟個豬仔包烘到卜卜脆, 又唔會介口😍配上蕃茄生菜同千島醬, 雖然豬排唔算特別厚身, 但整體食落都係好味既☺️再配一杯奶茶, 係一個幾不錯既下午茶選擇👍

早去旺角和朋友見面，想簡單吃個早餐就決定來這間奶茶很出名的餐廳。餐廳比想像中小，很容易滿座，坐位間的空間也很狹窄，很難長時間坐在內。早餐C $38看見米粉是透明款色內心開心了一下，可惜它泡太久，已經沒有彈牙的感覺，大大片生菜我是很滿足，只是其他食材略嫌不足，午餐肉太油，蛋也未算滑，食物方面只能說是勉強及格。為了試一試招牌奶茶味道，我特別叫了熱奶茶，的確奶茶香是很濃郁，入口口感滑溜也不會有苦澀的餘味，或者下次來應該只和奶茶呢。

茶王奶茶唔知係唔係真真茶王沖，定可能只係佢個徒弟沖。茶味唔算特濃特苦個隻，奶同茶既平衡度做得幾好，唔錯既。但如果要特登過黎飲杯奶茶又好似唔係好值。其他野正正常常

久仰大名！今日出開旺角順道試吓佢杯奶茶，點左兩個下午茶餐✨豬扒包$35✨吉列魚柳配沙律$40✨.茶王之王索價$88，依家最低工資$37.5，用兩個幾鐘嘅工資去飲一杯奶茶 so crazy😂最終冇勇氣嘗試，點左普通嘅奶茶。.食物賣相同質素都唔錯，價錢都算合理，同快餐店差不多。本來想叫蛋包包，店員介紹話係用四隻蛋包住三文治🥪，好似好heavy🤭.環境都唔錯光猛明亮，牆身用咗白色嘅瓷磚，地磚嘅pattern好懷舊，最難忘係佢啲金燦燦嘅餐具，真係有王者氣派。.講番杯奶茶，入口真係好順滑。可能奶比較多，茶味唔太突出，重口味嘅我比較喜歡茶香多啲，下次要叫少奶！有機會honey冇黐住我的話，都有衝動試吓杯$88嘅茶王之王🙈.整體來講，行過路過都不妨一試嘅！

[📍香港篇🇭🇰] 沙嗲牛肉蛋包包[📍Hong Kong🇭🇰] Omelette Satay Beef Sandwich蛋包飯聽過，蛋包包🥪你聽過未？😆爆多蛋！爆漿！蛋白質超標的一餐🙊蠻有創意既茶記食物🤪其實呢個就係喺沙嗲牛肉三文治上鋪滿滑蛋，目測應該用左4-5隻蛋🥚🥚🥚🥚🥚侍應教路先落少少黑椒再好似切蛋糕咁切🍴確保每啖都會有齊滑蛋、沙嗲牛肉同麵包喔😌 而且因爲滑蛋關係，底層麵包好正咁吸哂所有蛋汁💦唔好以為多蛋就無哂沙嗲牛啲味，你錯了🙅🏻‍♀️依然有啖啖肉同香濃沙嗲汁🤤圖2就見到層次分明既蛋包包😌個人小建議：可以落少少鹽調味，因為啲滑蛋本身食落無乜咸味的，所以可以落少少會無咁寡🤗

朋友知道我每日必要一杯奶茶落肚，今日經過旺角洗衣街，即刻帶我入這間奶茶王 試試，還有這裏的 蛋包包和蛋炒飯都是非常出色呢！午餐叉燒奄列蛋飯有理由相信用了三隻大蛋呢， 滿滿的看不見飯啊！ 叉燒大大件，飯的份量也不小 配上特製的甜豉油，真的很美味。隨餐附送一杯熱飲，當然點熱奶茶，茶味超香濃， 不用加糖，易入口 一滴也不留。

如果不想捱餓，不想受氣，就不要再幫襯。食物質素已不是重點，叫外賣送餐，3個餐只送1個。打電話問茶王，那位沒有禮貌的女職員不但沒有一句不好意思，還滔滔不絕咁推卸責任給餐廳其他職員，還說已發現漏單（但明顯hea，否則不會是我發現再打給他們）。有這樣的員工，這樣的服務態度，這間茶餐廳還會做下去？

好差服務第一次食，成班樓面掛住大聲講笑（得一個哥仔叫正路做野），野食來到，無餐具我自己去攞唔緊要，無提我自己攞仲要啤住我，差過澳奶（人地語氣差，但起碼真係做野有效率ㄚ）

專程嚟旺角試『茶王冰室』的“叉燒蛋包包”，之前喺網上見到係用滑蛋包著叉燒包時就覺得這道菜超有趣！今日決定慕名而來💓店鋪是新派裝修，仿傳統冰室設計。叉燒蛋包包：唔好以為只係普通叉燒包上面舖啲炒蛋咁簡單～滑蛋炒得好，很幼滑，中間包著的叉燒包可以見到叉燒很大舊，一塊塊的很完整，而不是比啲頭頭尾尾你一粒粒的，而且叉燒唔肥，肥膏很少，啱晒我呢啲怕肥嘅人。🙈奶茶：嚟茶王冰室點可以唔叫奶茶！？奶茶夠香夠滑，茶味夠香濃，沒有被奶味蓋過，調配比例剛剛好。必點之一～👍

茶餐廳的港式絲襪奶茶是不少香港人的至愛，同樣是筆者每日的精神食糧。今日行經旺角洗衣街見到有間【茶王冰室】，筆者被【茶王】二字所吸引，茶王每年報刊都有介紹，有一年為了品嚐茶王的味道，老遠跑到元朗再入的鄉郊品嚐。今日茶王竟然遠在天邊近在眼前，當然要品嚐一下。【茶王冰室】茶王陳子平師傅坐鎮作賣點，陳師傅在2019年贏得「國際金茶王大賽」。另外窗外貼上不少名人到此一遊的照片吸引客人。進店內有別傳統茶餐廳，水吧位於當眼位置為的是以陳師傅作招睞吧。餐廳雖然用上霓虹招牌、磚牆、格仔等地帶有懷舊冰室做設計，但望上去一點也不老土而且摩登時尚。最耀眼是金色的餐具，茶室用上浮誇的金色的餐具都係第一次見。餐牌上的食物都大都不包括餐飲，而且食物價格定位一點也不便宜，不似大眾化的茶餐廳價錢。單點食物加$20可以試下這裡名物 【樽仔奶茶 $30】飲不便宜的奶茶，但作為茶王的奶茶，絕對值得一試！奶茶放在玻璃瓶而且外型似個烈酒瓶，配上色澤金黃的奶茶，好吸引！(聽到店員同旁邊的客人話可以把這玻璃瓶帶走)。另外茶室用竹纖維飲管取代塑飲管，非常環保。入口濃滑香醇，帶有茶葉的甘香，層次豐富。以竹纖維飲管取代塑飲管，更為環保，奶

聽同事講個奶茶好好飲，雖然話有D貴，但朋友係瘋狂奶茶fans就打算去試下啦點知夜晚六七點左右去到，話茶王唔係度，無個招牌奶茶😑😑再問先知其實阿茶王唔係成日係鋪頭😑😑其實時間限定都無問題，但要講明吖嘛，有D被騙感覺⋯⋯但都坐低左就繼續食啦跟店員推介，2個人叫左個滑蛋叉燒飯同西多士個滑蛋叉燒飯，首先個蛋唔好話滑，真係熟過老蛋，而且懷疑無落鹽，無味的......西多都算正常餐廳係裝修得幾靚，但最重要係嘢食好味，應該唔會再試😅😅

今日同阿媽諗住食個下午茶，經過呢間冰室見到好多人，好似唔錯，就入去試下。食物質數真係好，招呼一流，價錢相當合理。地方干淨，侍應服務態度又好又快又和藹。選擇都幾多我自己就叫咗個叉燒意粉。佢哋啲叉燒又香又唔干，真係好食！日日去食都唔會厭！

見到茶王諗住試下，叫左兩個早餐，一個餐早就齊晒。另一個餐冇左杯奶茶同炒蛋餐肉多士，催左4次，都叫我等等。到左第5次先發覺漏左單，翻轉頭問我叫左啲咩，問完都係再黎錯，對唔住唔好意思都冇句。茶王，食物唔係特別出色，憑咁既服務態度可以做到幾耐？

又係時候試新野～lunch time要等位，證明應該唔錯。茶王嘅奶茶飲唔到..唯有試佢常餐。 叫左個沙嗲牛通粉配奄列多士～ 沙嗲牛幾好食，唔會「鞋」，本身佢係配出前一丁，但我轉左通粉佢都照俾包麻油我～好貼心o(｀ω´ )o 個奄列蛋乾啲同薄啲，多士算厚好好食（滿滿嘅牛油），成份餐好夠食，好飽！價錢都算正常，環境唔可以話坐得舒服，我覺得有啲熱...同迫。因為要搭枱，佢啲4人位都好細.. 同事試左佢普通奶茶都覺得有啲甜。下次要試試佢。