壹茶

Open Now

Now Closed

石門嘅壹茶同元朗嘅真。奶並列，一直係全港我最喜愛的茶飲店榜首。原因無他，抵飲足料有良心💛今日一於講下前者，壹茶。壹茶我已經幫襯過無數次， cup爆唔知幾多張印花卡。其中飲得最多，亦係最signature 嘅，就係蛋糕奶茶系列。今日嗌左藍莓蛋糕奶茶，繼續無令我失望，同整個蛋糕奶茶系列一樣，真係飲得出成個蛋糕液態化嘅感覺！一飲落口，藍莓味先聲奪人衝擊味蕾，繼而係蛋糕嘅甜，最後咬到藍莓粒嘅酸酸甜甜。成杯嘢飲非常有層次嘅同時，各種味道嘅互補同撞擊亦令總體味道非常和諧平衡，一如以往咁出色，唔會死甜。而一杯咁好飲嘅奶茶都只係賣27蚊（以中杯計），學生仲有兩蚊優惠Tim！好彩平時都見佢啲客絡繹不絕咁嚟，幾好生意，如果唔係定價咁平真係有啲難維皮🥲順帶一提，蛋糕系列整體都係比較甜，即使叫左走冰走甜都係咁話。如果想飲比較健康清新嘅，可以考慮下佢哋新出嘅鴨屎綠香水檸檬茶。個名好熟面口？梗係啦，唔飲良心店，唔通飲「林尾香」咩🤭🤭

係沙田石門嘅京瑞廣場內 發現左一間手搖嘅店舖！佢店舖比較偏僻 係2樓大家樂旁邊 店舖面積也較細但飲品選擇多，比較特別的產品是蛋糕奶茶。而且飲品有分大和小的size 味道同質素都非常高質

又同同事外賣飲品，今次選的是壹茶，好像沒怎麼聽過這家飲品店，而家附近也沒有啊！似乎蛋糕奶茶是壹茶的招牌茶飲，但才剛吃完午飯不久，怕太飽滯，所以簡簡單單的選了仙草奶綠。仙草奶綠，少糖少冰，見到飲品內的仙草份量不少啊，都佔了1/3杯！嚐一口奶綠，奶味不會蓋過茶味，兩者之間的味道平衡。少糖 (70%糖) 的味道對我來說是剛剛好，不會只喝到糖水的味道。仙草的口感柔軟，不會太硬身，也不會太易散，帶淡淡的甜味。仙草沒珍珠那麼漲胃，喝完整杯飲品，也不會覺得好滯！雖然仙草奶綠看似簡單，但只要奶綠的味道不夠平衡，就會變得不好喝嚕～～～似乎值得再試試蛋糕奶茶系列啊！

芝士味唔會淨係得奶味同死鹹味，好多間啲芝士奶蓋死咸，另外嗰度嘅員工服務態度十分之好，初頭佢收咗我25蚊，但佢見到我推住架bb車，然後就話有小朋友嘅可以減兩蚊，我同佢講唔使，佢得照畀返我，我話要少甜，由於30%甜度嘅關係所以啲水蜜桃味都唔係太濃，我諗唉返50%或70%甜度會比較好飲，再問埋我需唔需要少冰，我覺得都幾好飲，值得一試~~~~~~~~~~~~~~~~~~~~~~~~~~~~~~

每次食晏經過呢間茶店都見到好多學生喺度等，不過睇價錢係有啲貴，但係飲落你就會明白點解都仲會有市場，我簡左季節限定嘅桃桃四季春，我一攞上手以為自己眼花，啲桃多到好似差唔多放左成個桃落去咁，即刻諗會唔會飲唔到茶味，點知真係好好飲，將桃味同四季春發揮到最夾最夾，茶味香濃桃味清新，一試即刻愛上。之後一定會再買黎飲

去到石門，當然要去壹茶買翻杯台式飲品🤤。一直以嚟，也米😍都係蛋糕奶茶嘅忠實粉絲，不過每次唔係飲原味，就係Oreo味，今次試吓草莓味🍓啦！而朋友就飲Oreo味。如果係學生，仲會有優惠💛，可以減$2。-🍴草莓蛋糕奶茶🍓(中杯)($25) - 買草莓味道嘅食物，最怕會有藥水味🤭，今次勇敢試伏。好彩，飲落去唔會有藥水味😆，草莓味都幾香，飲到真果肉👍🏻，所以都幾真材實料，幾好飲😋！不過好似有少少蓋過原本蛋糕奶茶嗰種味道，相比起嚟，也米😍都係鐘意飲原味嘅蛋糕奶茶。-🍴Oreo特濃蛋糕奶茶(大杯)($29) - 朋友嘅飲品🤣，拼係隔離，就見到中杯同大杯嘅差距😯。

奶茶係我飲過算好飲既，珍珠彈牙而味道就不過不失，蛋糕奶茶係必點之選！試過之後會覺得芝士奶蓋只係碎料，蛋糕感覺似係濃厚版既芝士忌廉，試過原味、士多啤梨味同Oreo味，都係原味最精彩👍🏻👍🏻👍🏻蛋糕本身帶甜味，建議奶茶可以叫少甜，飲開半糖既我叫蛋糕奶茶時走甜就覺得剛好。

📍壹茶味道：⭐️⭐️⭐️⭐️⭐️高質台式飲品店價格唔算太貴 而且選擇好多 最重要係黃店💛❶芝士桂花烏龍茶🥤 $23入口順滑🤤奶蓋既芝士味 咸甜適中 而且奶味很濃郁 但質感上比較稀薄 另外 茶底茶濃唇齒回甘👍🏻Ps:旺角、石門、天水圍、都有分店☺️

朋友介紹，推薦試下呢間小店。買奶茶嘅時候，收銀姐姐問我有冇學生證，足足令我暗爽左一日🤣🤣🤣。我鍾意飲芝士奶蓋茶。好耐好耐之前係喜茶嘅fans。終於喺香港搵到取代品，就係葵廣嘅茶芝味。呢一間嘅芝士奶蓋拍得上葵廣嘅茶芝味！佢做得比茶芝味出色嘅係個茶底。我點左桂花烏龍茶，桂花味好濃好香，烏龍味都出，令人幾印象深刻。至於佢個奶蓋，味道上係OK嘅，夠芝士味同埋有芝士嘅鹹味，鍾意佢芝士味濃過奶味。唯一我覺得飲落太滿足嘅係，佢個奶蓋太稀...umm冇乜口感，因為太稀，芝士味停留唔到太耐，好快就溶晒嗰啲茶到，比茶味蓋過。

呢間肥仔水 好耐好耐之前飲過好似係蛋糕奶茶 出名？我見90%客人都會叫蛋糕奶茶😋今次食完午餐去買 怕會太飽 最後揀咗牛乳芒芒芒果同牛奶都好足料 芒果味好濃郁 唔錯唔錯望望下店入面嘅標語 原來又系💛店 喎🤪💛店多到爆既石門！爽！

本人返工附近商場有好多好多嘅小本經營餐廳, 定位年輕人為主, 順理成章亦都有好多台式手搖飲品店進駐, 呢間壹茶一直都屬於較受歡迎嘅小店, 食完午飯後都會同同事們都買一杯放響office 邊做邊飲, 不過大家午飯時間去要有定心理準備要等一等, 因為杯杯都要人手調製, 而且呢間小店提供嘅飲品都比較覆雜, 作為消費者當然欣賞, 因為所提供嘅飲品口感豐富而且都會睇到真材實料, 所以不時Encore咁岩今次就買左三杯, 分別係牛乳莓莓(凍), 32蚊圖左1就係啦, 佢嘅草莓係新鮮打漿而成嫁, 所以會自帶微微酸味, 而且份量一點都唔吝嗇, 飲完兩啖純草莓之後再溝奶茶飲更好, 因為一次試哂兩種味道, 不過本人中意溝埋嘅味, 中意草莓牛奶嘅都會中意, 珍珠就唔會好似老虎堂或者幸福堂咁自帶好甜好甜嘅味道, 不過口感煙un 又唔算濃味, 我覺得係好事, 同埋真係好大杯好抵飲呀珍珠奶茶(熱), 22蚊根據我同事所講, 因為佢叫少奶少糖, 所以口感都好爽唔係滑嘅, 但飲落負擔不大, 但同珍珠有少少格格不入, 但就飲品而言, 茶底同奶味都天然唔算刺激, 所以就咁飲都係水準之作黎珍珠奶綠(熱), 22蚊另一個同事

叫左皇家珍珠奶茶半甜，舖頭個小姐細心解釋正常小甜係7成，可以揀一半同3 成。我揀左半甜，加埋少冰，都唔會淡茂茂～茶味夠香，飲到尾都飲到茶香，而且茶同奶味均勻，溝得好好！珍珠煙韌，唔會太甜，唔係嗰d 深黑色、硬到好膠嘅珍珠，有淡淡焦糖味，同奶茶好夾。杯奶茶好香甜😋 仲要可以選擇中杯，size 對我來講啱啱好。因為我係食完飯去飲，怕飲完會太飽，中杯就唔會。$20 一杯真係超抵飲！舖頭細細但選擇多，見到poster 入面d 水果茶好吸引，下次要試吓佢d 水果茶！

鋪頭細細,幾個女仔好努力接order...我嘅至愛「霸氣橙子」真心好飲唔似出邊幾天博切切嘅橙...重點係原本好唔鍾意飲橙汁類飲料嘅我...竟然搵到呢一間小店令我重新愛上飲橙汁類嘅飲料😱果然神奇😱

係附近返工 愈開愈多飲品店 試來多試去 最值得一飲再飲就係TEA ONED水果茶係真係有好多真果肉係入面 絕對唔係糖漿 超級真材實料 飲完D果肉係個底仲要倒落口咁多而且唔會話甜到漏 佢杯杯茶都有加檸檬同另一種細細粒唔知咩青色水果 我唔識係咩 總之好清新 早排興返大陸飲喜茶...而家真係完全唔需要啦 仲平D添啊 XDD唔係D咩大集團式經營 全靠口碑 所以睇得出樣樣野都好用心而且好方便 可以WHATSAPP落單 食完飯落單 行到去就拎得 啱晒我地D趕頭趕命既打工仔   我自己最鐘意係"火龍星雨"  有火龍果 其它飲品店好少見 杯套都CUTE過人 一星期七日 日日唔同 星期六日唔使返工 集唔齊 ~0~"""個蓋又好好用 飲唔晒住 又可以蓋返實一陣再飲  乾淨衛生    

開張到而家都幫襯左好多次了， 最近多左好多款水果茶，特別係桃桃四季春，爆多桃. 公司近來都多左人叫外賣，接聽電話既姐姐慢慢講解同介紹， 最後就算叫唔夠200蚊都幫我們送貨， 超級好服務另外佢地既奶茶又係一絕. 台式奶茶來講算係夠茶味，而且香滑. 配埋珍珠更加一流，佢地既珍珠唔同出面黑色又硬個種車軑珍珠， 佢係偏軟一點但又夠煙韌,有淡淡焦糖味.希望佢地再出多點限定飲品（好似桃桃四季春） 咁， 等我再試多d出面冇既野！