唇茶 (堪富利士道) (Closed)

《愛上你的味道💋》———————————————-#唇茶 👄今次你推介呢間我成日飲嘅黃色茶飲店，佢最出名就係桃膠，完全係平民燕窩，對女仔護膚養顏好有功效。佢啲飲品都好特別，材料健康養生💪🏻-叫咗兩杯，「月滿桂花」係桂花、茉莉、玫瑰配烏龍底，「紅葉花開」就係玫瑰、山楂、洛神花配荔枝紅茶，兩杯都已經有滿滿嘅桃膠🍑-近排天氣咁熱，行街梗係想飲番杯消暑嘅茶飲，而家完全可以滿足到你，解渴潤喉，甜度非常適中。茶底濃郁甘香，用料份量大方，桃膠口感一流，一路行一路就嚼嚼吓都幾過癮💛-重點係咩，係佢超級抵呀！平時買一杯茶飲，大杯冇$30都走唔甩，但係佢喺Openrice 外賣搞緊自取半價，計返只係$16一杯。去七仔買支嘢飲都冇咗啦～仲唔去試吓？😆-⭐ 參考價錢︰（已折扣）B1 月滿花香（大杯）： $16B3 紅葉花開（大杯）： $16-🍌抵deal指數：9/10💰人均消費：$16

食完晚餐，行左陣街，朋友話請我飲野，佢揀左唇茶，因為有得食桃膠。我揀左月滿花香，佢就飲荔枝紅茶。月滿花香$28係唇•特色手調茶系列，用桂花、玫瑰、茉莉、烏龍整既，我要中杯微糖。荔枝紅茶$24係唇•純茶系列，佢要中杯少甜。我地無睇到桃膠有分原味同黑糖味，相信俾左原味俾我地。兩杯都有滿滿既桃膠，而且一啲都唔韌，爽口好咬。但係兩杯茶味都好淡，可以話冇甘滯，少甜同微糖既甜度唔係好飲得出個分別。手搖飲品店黎講就比較養生健康啲，都係好事黎。左: 荔枝紅茶，右: 月滿花香

由前年開始就成日留意啲有桃膠嘅食品平民燕窩wor食完變靚靚hahaaa開心鋪內裝潢我好like啊正如佢嘅名，周圍見到個珠唇仲有好多豬豬tim你睇，真係用茶葉架今次叫左杯B3, 突然想念洛神花嘅酸甜食得桃膠就知我注重養生hahaaa, 當然要熱的同埋少甜。熱要等耐少少..我竟然唔記得影杯野不過算啦，熱嘅紙杯裝其實杯杯都咁嘅樣lol佢應該怕spillage所以會有痴一條長膠紙，都細心..但佢真係好熱，我急腳走冇問到要個holder…如果佢有offer埋就更窩心覺得下次可以正常甜度，因為佢本身酸，熱好似令佢個酸又勁左，如果甜返啲應該會balance啲。桃膠份量算大方，係滿足嘅量

呢排天氣開始變到好熱又焗，本身我出街好少會買茶飲，但呢排真乾到一定要買野飲。想飲得健康D，不妨嚟呢間買！呢度只賣茶，而唔賣珍珠奶茶👍🏻！而且呢度既茶比一般店舖用左好多養顏潤喉既食材。呢杯月滿花香主要就係烏龍茶嚟，雖然我叫左少糖，但飲落唔澀仲帶少少茶既甘香味！入面有桂花，玫瑰同埋茉莉，我就飲到桂花同茉莉味，都幾香幾夾，令杯茶多左層次。至於個底就有好多桃膠！桃膠係種高纖，美顏食品，食落又少少似雪耳，口感都唔錯！冬天夏天都好岩飲👍🏻

食完鶴龜的沾面，當然要繼續尋求多一間黃店懲罰，充分利用車費和時間成本，哈哈。鶴龜和唇茶都是去的時侯完成無人排隊，去完就排隊爆場爆到七彩，極少去尖沙咀的我難道是黃店旺人？唇茶的名字改得好，有紅唇Logo，買茶飲更可以送連豬&Pepe口罩夾，好有心思，加分～月滿花香　4.5/5分  32元(大杯)烏龍茶與花香剛柔並重，桃膠的甜味亦恰到好處，不失為沾面後消腫的健康飲品。作為少喝茶飲的我都不得不大讚好飲!唇茶在MK和TST都有分店,希望手足可以多多支持,同時亦注重個人的身體健康,少糖生活呢~

唇茶係我認識第一間有桃膠嘅手調飲品店由開店到現在水準一直維持到👍🏻自己最愛係Double May L size 微糖$32配料我揀左黑糖桃膠加奇亞籽份量多到爆炸 (有圖)桃膠煮得軟硬剛好 好有口感😍黑糖唔會過甜 無影響到杯野微糖Double May 係菠蘿🍍 洛神花 香六安微甜會帶少少酸甜除左爆多桃膠同奇亞籽入面又真係有菠蘿肉同洛神花係人面有得飲又有得食 我當自己食左個健康甜品正正正

今日好熱😎行街行到流晒大汗見到呢間店有五一黃金週優惠做🖐🏻☝🏻手勢就有51折抵到爛❤️❤️❤️黃到成間店都係文宣不過唔講政治立場佢啲飲品真係好掂👍🏻👍🏻👍🏻💁🏻‍♀️糖用冰糖/韓國黑糖，已經夠晒高質仲要飲品配搭好健康😋😋利賓納+柚子蜜+梳打水+薄荷葉飲完勁解渴，又潤喉😋個staff勁好人，係咁提啲人做手勢拎51折👍🏻👍🏻👍🏻個杯好靚 ig-able😂😂😂

最近潮濕嘅天氣好辛苦...好驚濕疹大爆發🥺所以最近都要食得清啲~今次lunch行經呢間茶飲鋪同事極力推介!.📍唇茶.🥤B1.月滿花香($28)-個名好靚🌸係桂花玫瑰茉莉烏龍茶~仲有桃膠好啱女仔飲!養身嘅🙆🏻‍♀️揀左常溫少糖😆少少甜又唔凍飲完喉嚨仲有回甘啊😌🥤B5.梨雪初華($30)-呢個係雪梨乾胎菊香片茶~感覺好滋潤😆梨乾仲可以清熱潤肺!啱哂呢排咁多肺炎病菌嘅日子!!同事飲完都讚好👍

今次又去到唇茶 但試左另一隻款🤓 六月飛雪🤭 雖然我都吾知點解叫呢個名 但件menu上話有雪梨乾 無花果乾 南棗就知應該好潤😌 佢系壽眉做茶底 入面有個兩種果乾 仲有好多南北杏😆 茶味我反而吾覺得好出 而飲到的只系甜甜地咁🤔 同埋入面真系好多杏仁 我個人吾太中意因為佢苦苦地😂 但入面一如既往地好多桃膠 好養生足料😝 叫左半糖所以吾會太甜 但系清清地咁 飲完都冇負擔🤤 雖然下次吾會再叫呢杯 因為我覺得味道只不過系滋潤的甜 有啲單調🧐 不過黃色經濟圈所以一定會再幫襯🤗

旺中飲品店有好多間，但每次都係忍唔住飲反唇茶，黃店不在話下，入面竟然有桃膠，好養生又美顏🥰-月滿花香 ($32)特色手調茶有11款，每杯都由吾同花草配搭～依杯有桂花/玫瑰/茉莉/烏龍，茶底好清甜，微糖更突顯茶香，吾會愈飲愈渴，重點係配有滿滿既桃膠啊，口感黏黏稠稠，加埋一齊真係好好飲唇茶😚-六月飛雪 ($30)依杯有無花果乾/雪梨乾/南棗/壽眉～講真飲完兩杯都分吾出壽眉同烏龍茶既分別，但依杯就會有雪梨🍐同無花果乾既清甜，上一杯就係黑糖既甜味為主～入面仲真係有果乾架好足料✌🏻

記得曾經有一段時間這間茶飲店唇茶寂寂無名，後來因社會運動而聲名大噪，更在尖沙咀開設分店，雖然本來興趣不大，但在身邊朋友極力推薦下還是選擇一試，既可支持黃色經濟圈，何樂而不為？飲品款式別出新意，除了四款純茶外更有多款特色手調茶，將茶揉合不同材料配搭，更配有桃膠或奇亞籽這類健康配料，與坊間一般茶飲店相比顯然更加健康，別樹一幟。Double May ($32)從飲品名稱可見店方創意十足，令人不禁會心一笑，以香六安茶配上菠蘿和洛神花，入口略帶微微酸甜，茶底清香而不澀。底層加入大量桃膠，口感軟腍爽滑。渣渣後花園 ($28)而朋友則點了這款尖沙咀限定的飲品，當中以山楂的酸甜最為突出，但菊花和普洱茶香則微不足道。整體而言飲品味道均較清淡，感覺上每種材料都彷彿蜻蜓點水一樣，主體不夠鮮明，雖然無可否認會是相對健康的茶飲選擇，亦相當欣賞店方的誠意與心思，只是我和朋友都認為口味不合而已。

呢間唇茶茶飲店係一間政治立場明確得好黃既黃店，不過不是評論政治，只談好飲是良知。先講下呢間茶飲店既特別之處，第一，就係飲品配桃膠好少有，唔洗成日飲珍珠奶茶咁悶，我幾鐘意飲品有桃膠爽口既口感，第二，飲品可轉常溫，而有提供常溫既茶飲店都唔多，諗起平時想飲走冰又唔好太熱既飲料都好難，最多都係少冰。本身自己鐘意茶，就叫左tea dragon少甜常溫幾好飲不過對於鐘意茶既我黎講都係甜左少少，所以如果想無咁甜又鐘意茶味濃就飲“月滿花香”，朋友叫左呢個名叫“月滿花香”，好有茶香味。

以前覺得養生一定係飲啲唔好飲既野，但原來養生茶都可以好好飲。唇茶既飲品係用桃膠，唔係用珍珠，感覺上健康左好多倍。我本身已經好中意食桃膠，估唔到會有桃膠飲品，都幾開心！黑貴婦（黑糖 桂花 香片）$32飲過好多次既黑貴婦，有我最中意黑糖同埋養生桃膠。飲唇茶飲到咀叼，以後想飲野唔會再去買其他，一定飲有桃膠既唇茶，好食又健康過珍珠。杯杯都有好多桃膠，聽講食多桃膠會愈黎愈靚😹又多個藉口買野飲啦！兩個分店都飲過，發現TST店既比較甜啲，而MK店就茶底濃啲，總之一樣咁好飲。想飲就趁早去買，成日夜晚去都話賣哂！

知名黃店之一見就關門無乜人排隊即刻買杯試下餐牌勁多選擇！全部都係啲養生既材料，感覺好健康，揀到花多眼亂。今次揀左熱既黑貴婦 少甜 （$36）女孩子每個月苦況，飲多啲黑糖就可以減少經痛，佢每杯都包桃膠係入面，喜愛既可以轉做奇亞籽，超級食物，超級健康桃膠非常足料，好似每啖都補充緊骨膠原禁，口感豐富，桂花加上香片，令茶底非常清香，有啖啖既茶味，好舒服之前亦都試過月滿花香同非常消濟開胃既doublemay，都好值得一試。尖沙咀呢間更有限定，下次經過要再試試！平時飲得多珍珠奶茶，不防試下，減肥養生又好飲！重點係黃色經濟圈！！

成街都係台式飲品, 惟獨呢間人頭湧湧 所以行入去試下佢!裝修幾骨子, 叫得唇茶, 有大大個咀唇是常識吧!旁邊有小枱同兩張椅, 人少d 的話, 可以嘆一口茶, 好好享受下慢活tim!呢間淨係得茶飲, 想飲奶茶嘅朋友, 可能要失望了~結果我叫左店舖推介月滿花香, 以為係簡單一杯玫瑰花茶, 但原來有桃膠喺入面! 除左有港女嘅環境, 仲有埋中女嘅養生, 你話點可以唔推介畀絲打😂雖然話係黑糖桃膠, 但飲落唔太甜. 絕對係減肥良品, 珍珠奶茶嘅代替品lol