茶木‧台式休閒餐廳 (Closed)

Flashback .... 估唔到上次黎食已經變左做最後一次黎食，雖然佢依家執左，都想記錄返佢既野食食後感😳我地叫左好多野食，食飽左好再去行街：1. 招牌牛肉麵 - 牛肉好大舊、個湯好濃，好有牛味2. 麻辣豬耳 - 少少麻，香味多d，好大份，開胃3. 芝士饟雞翼 - 好雞翼入面充滿芝士，仲有菇，惹味之選4. 士多啤梨芝士特飲 - 對於唔太鍾意士多啤梨既人黎講，估唔到又唔太酸又ok wor 5. 飯後甜品芒果拿破倫 - 😊芒果唔酸、都脆卜卜

2020-08-29 於茶木世貿點品嘗午餐🥣世貿茶木在8月31日結束營業，真係有啲唔捨得，個景望出去的確唔錯呀。地點又就腳，之後可以去無印良品行下😃今次午餐點左新推出的金盞花螺片濃雞湯配自家製麻辣伴面，有時候女性補下皮膚都靚啲。麻辣面一點也不辣，非常好食，午餐包了飲料，性價比更高，結賬約一百元左右。

今日約了同事Tea一tea,就去了銅鑼灣一轉，可能因為疫情關係，食市晚上禁堂食，所以下午茶都較多人，我們到了鋪頭都要排隊等了一會才安排入座，侍應安排我們坐到窗口角落位置，其實坐角落會感覺到同其他食客有一定距離，會安心啲但今日有D囇，在太陽底下食嘢會有D熱囉😥。下午茶都有幾多選擇，我們點了一咸一甜，是台式蚵仔煎加$16要埋蚵仔麵線，另一款是四色吐司，再點了兩杯果茶（要補差價）。蚵仔煎味道一般，無乜珂仔，而蚵仔麵線就好好味😋，四色吐司賣相一般，味道無驚喜較平淡，果茶甜了少少，但下午茶價錢較平，可以接受啦😆。

下午經過世貿，先至發覺成個商場翻新中，所有服裝店都關門，剩番食肆仲有開。見到張大poster，所以去咗茶木。午餐入到去見到佢個view都真係幾正，啱啱對住海邊，雖然對於面定係裝修中，但係個景真係好開揚，比其他茶木店更舒服，裝修同其他店帶子一樣幾雅致，有活力。我叫咗個午餐套餐價$80有三個小食，有滷水蛋，茄子同娃娃菜，主菜揀咗滷水拼盤配肉燥飯，上枱賣相都唔錯。但水準老實說一般，肉燥飯不夠油香，沒有回甘味，滷水豬耳剛好不肥不瘦，算不俗。食物份量太細，所以追加了一個紅油炒手，紅油有四川花椒麻辣，味道ok。最後點了他的烏龍珍珠奶茶，茶上枱冰已經溶了一半，唔湯唔水，溫度不夠凍，茶算有茶香，但冰融化後好似杯沖淡了的奶水，感覺十分差，絕對不合格，比起坊間店舖更差。雖然此食店食物一般，但離開是星期五的下午都排了長龍，大部份顧客都是年輕人，可能對食物要求不高吧！埋單$120午餐來講有啲貴，食物水準絕對不配此價錢。

星期日晚餐,一行3人,有幾張这集團的贈券,在銅鑼灣世貿附近,就試佢一下,入去得3,4枱客,要求下坐窗邊位置,景觀不錯!打開Menu,大部分餐都80元以上,未計飲品,一般要加30,才有飯,甜品和一杯飲品,即係百一,二 另計加一!价錢和食物質素,環境招待等,應成正比!就看一下食物先：總結：環境可以,食物普通,价錢唔平!環境是不錯的,尤其坐窗邊位置,但人均近$200,如果並非有贈券,相信都唔會再幫襯了!sorry

Just lunch time with friend wish to try Taiwanese style!! Friendly staff despite busy time!! We got teakwood stewed beef noodle spicy and not! Plus drink mango smoothies and tea with fruit. The noodles was very good and beef inside was totally amazing. Slow cooked good beef quality taste amazing and smooth really smooth. Enjoy when u eat for real. The drink was amazing big and fresh fruit!! Outstanding. Floor staff professional and friendly!! For sue will back again!!

Lunch 個別set做買一送一，超抵個quality 又無特別差左個麵有口感炸雞扒都好鬆口追加左個辣豬耳，呢個要俾like 雖然好辣，但好開胃加$18就可以將餐飲既冬瓜水換其他餐牌上既飲品咁就換左latte 同士多啤梨沙冰個沙冰好夏日~ 好靚好吸引個咖啡反而麻麻地，不過個餅乾仔就upgrade 左成件事

在家困了好幾個月，心情不免有點鬱悶，星期六便和媽媽去了銅鑼灣買些護膚品，順道吃些甜點。選擇困難的我們，最後選了就近的茶木，也很久沒有去吃了。店員幫我們量體溫，亦嚴格遵守限聚令，桌間有間隔板。世貿的茶木，環境特別好，可看到避風塘的海景，價格竟是平價餐廳，真是十分之抵。我們點了甜品餐，芒果拿破崙千層蛋糕配黑糖冬瓜茶。芒果很甜，每層都鋪滿忌廉，拿破崙千層酥脆，二人分享不會太膩。黑糖冬瓜茶，熱烘烘的，甜度適中，清甜冬瓜加上黑糖，味道更濃。

開開心心入黎食飯 一上菜ruin哂所有心情嗌左dinner combo set：豬軟骨配麵線 加一個甜品同飲品真係想知茶木公司對於食物嘅份量同presentation有無一個standard係度碗麵線一上台已經覺得份量好少 而且碎到好似廚餘咁最大一"注"已經係下圖...其餘全部都係夾都夾唔起嘅麵線碎唔好話女仔食 小朋友食都唔夠啦？對比係combo配飯 兩個嘅份量真係天淵之別我知飯係平好多 但可以差咁遠？不過最嬲嘅係員工嘅態度叫左員工妹妹黎問 escalate左俾副經理黎handle初頭副經理都肯拎入去廚房幫手問下但半分鐘後出番黎轉述：「廚房話撩下個底就有麵」okay?????係呀係有麵 咪就係上圖食兩啖就無咁多囉...平心而論 個豬軟骨同甜品豆花杯都係唔錯但係真係無可能接受到-- 無論係食物嘅質素 定係員工嘅質素。

最近見疫情好轉至放膽出街食飯行街，難得去到銅鑼灣想快快脆脆醫完肚仔去行街，一心唸住茶木會比較少人點知一去到已經要排成十個😭，既然到咗就照排啦，大約等咗30分鐘職員就幫我哋量體溫入坐，好好彩安排到海境卡位。卡位兩個人就夠哂大好舒服呀👍🏻排隊期間已經唸到食乜，即叫🤣🔸鹽酥雞扒刈包拼蚵仔麵線個刈包係我全餐最滿意嘅，雞扒好脆個包又軟棉棉，好吃👍🏻蚵仔麵線食唔到台灣風味，不過蚵仔都幾大隻。🔸鹽酥雞肶拼菜沙律雞肶超大，大過我隻手，味道係好不過太飽食唔哂🔸綜合水果茶，台式酸莓冰好抵呀跟餐可以跟$46或以下飲品，兩個都好清新，幾好飲又降温🔸滷肉飯加$16可以追加滷肉飯，味道ok，抵食🤣兩個人都係食咗$132，有咁嘅環境已經好好🎉會唔會再幫襯？答案係《會》

好耐冇食過台灣嘢, 所以喺放復活節假前－日就同同事去咗銅鑼灣嘅茶木食晏<Teawood 紅燒牛肉麵餐>大食妹嗌左份經典嘅紅燒牛肉麵餐紅燒湯底咸咸辣辣, 味道還好刀削麪都幾有咬頭, 牛肉亦幾大塊雖然牛肉有啲太硬身, 有啲又好軟, 但係overall都可以接受除左食麪外, 大食妹亦加左九蚊upgrade杯野飲係飲品方面, 大食妹揀左杯珍珠奶茶珍珠好好嚼, 軟硬適中, 但奶茶就真係唔好飲啦本來已經無茶味, 嗌左少冰都係有好多冰, 飲到一半啲冰熔左少少就咩味都無

12月24日下午1530係世貿茶木，見到水牌有麵線餐所以入咗去（因為我好鐘意食台灣麵線）。叫餐時服務員有同我講無麵線係米粉，有啲失望都照嗌咗。個餐黎到發現連個湯都唔同，又無同我講！而家只係黎咗個蠔仔清湯米！跟本同水牌餐牌上嘅台灣麵線無關！！😠要食個清湯米我係茶記食咪得囉！好過份！整唔到就直情話比人知無啦！

老實講，喺世貿望住個海景，坐地玻璃，平時一餐飯都講緊$300一個人頭啦。而家新開左一間茶木，幾十蚊一個套餐已經可以俾你望海景坐沙發。咁樣嘅價錢邊度搵呢？認真推介😆茶木嘅食品就唔使特別介紹啦，台灣野。不過佢嘅餐牌多咗幾款新嘅食物可以嘗試吓。錯位嘅位置好寬敞，唔似平時其他台灣餐廳咁逼逼夾夾。呢間野真係一個新蒲點👍🏻👍🏻😊我當下午茶時間過嚟同個朋友飲杯嘢都係$40坐兩粒鐘。晚飯講緊包埋杯嘢飲$100有找。真係冇得彈

Who ever is the chef for this branch must get a raise cause of all the branches I feel this one cooksI’ve compared with the same dish and find this branch does it right. The dish I use to compare is the passion fruit shrimp spaghetti which if don’t bad isn’t good the balance between salty and sweet needs to be correct for this dish to shine.

獨個兒在銅鑼灣逛街，看到這家茶木，就被下午茶吸了進去了🤣🤣🤣進店後，發現原來是落地大玻璃，幾乎是全海景，真的還沒點菜，已覺得物超所值了😈😈😈我點了雞肶沙律的下午茶餐，來到桌上時，我真的傻眼了，三十多元的一個茶餐，居然是這麼巨大的一隻雞肶，足以比平常看到瘦弱的大隻一倍🙈🙈🙈而炸漿還要是超級脆，熱點很高的拿到桌上，正~而餐飲的選了玫瑰紅茶，淡淡清香的玫瑰味，真的很寫意😎😎😎而三小碟的，也是非常好吃🤩🤩吃完這個巨型的下午茶，晚餐又可省錢了🤣🤣🤣