茶木‧台式休閒餐廳 (創紀之城五期(apm))

Open Now

Now Closed

等到女朋友放工去食晚餐已經好夜，去到APM好多餐廳都閂咗，得返間茶木仲開～咁就入咗去食喇其實講真，係香港好食過茶木嘅台灣食物真係好多，而且茶木又唔特別平，真係冇咩特別原因都唔太想食茶木。酥炸雞扒台灣麵：塊雞扒太薄，雖然炸粉唔多但係食落去都冇個種好多汁好滑嘅感覺。台灣麵湯底不錯，夠味。但啲麵好似未煮散咁，碗麵上到台都仲係痴埋一舊舊。古早味三杯雞飯本人幾鐘意食三杯雞，因為個汁幾好食，撈飯一流！但雞塊骨比較多，肉唔算太多，都係靠汁去撈飯，唔算抵食。總括黎講，好食過荼木嘅有好多台式餐廳，如果可以都唔洗揀佢。

下午去apm揾野食，見茶木竟然無乜人，所以入左去食。店員好nice，我帶bb去，見到佢再抹乾淨先比我bb坐我叫左個午餐，價錢都好抵食$69有前菜+主菜+飯/麵+飲品前菜係無得選擇主菜我揀左西紅柿炖牛腹腩牛腹腩都好入味同好林不過就有d唔知係咪牛筋黎呢...就有小小難咬而飯我就揀左古早肉燥飯呢個好味嘅，不過如果可以多d肉燥就仲好食品都算ok。不過不失呢一間茶木好多店員都好nice有親切感

店舖環境寬敞，衛生情況也不錯。我和朋友二人本想坐到卡位去，後來被一名店員阻止，並請我們坐到另一位置。店員向我們解釋，希望把卡位留給人數為四的客人。本來我和朋友都欣然接受，可惜，不到5分鐘，看見剛剛剩下的幾張卡位都坐上了各兩位客人。下單叫食物時，等了很久才有店員過來。埋單時居然也要站在櫃檯位置等了一會兒才有店員過來，實在令人失望。（旁邊製作飲品的店員有看到我們，卻沒有請其他店員過來收銀）很好，食物質素相當不錯。手工伴麵彈牙，有回點蔥香味和麻味，微辣。絕對值得一試。Apm茶木食物質素是我欣賞的，不過在服務態度上需要再改善。

我地一家都喜歡向茶木食嘢，尤其我呢個甜品控.而呢度嘅草莓香草蜜糖磚塊同檸檬愛玉係我必點嘅，因為我地一家都好鐘意食！草莓香草蜜糖磚塊賣相真係非常吸引，重點係口感一流！雪糕配以綿花糖再加cream及草莓醬，加埋新鮮草莓配以蜜糖磚塊，有層次嘅口感，又唔會太甜唔會好漏，真心正！值得推薦。檸檬愛玉又係大愛，酸酸地檸檬味沙冰，而沙冰比較幼細，飲起黎唔會舊舊冰粒噤，酸度我覺得適中！但又未至於好酸而且配以啫喱！正！環境亦十分舒適，總括一家大小坐低下午茶係舒服，好食嘅！

今日約左表妹去牛頭角影bb相,影完都4點幾，又落大雨，推住bb車，又肚餓好狼狽，好彩都截到的士，決定去APM醫一醫肚首要餐廳係要有bb櫈，同要坐得舒服，最後簡左好耐都無去既茶木平時我都只會食茶木既牛肉面，但今日見到有新menu (我唔知係我太耐無去覺得係新，定真係新)2個人，點左2個主菜，1個小食，2杯飲品主菜1-麻醬撈麵餐，拌碟有麻辣肥牛牛筋，半隻糖芯蛋，一舊麻辣鴨血伴豆腐，我地仲加30蚊轉餐，有迷你蛋糕加一杯飲品撈麵好香麻醬味均帶少少辣，而且醬汁好均衡，好惹味，拌碟都入味好食主菜2-沙朗肉肉燥飯，肉既份量好少，得3塊，肉燥出色，唔會死咸小食-茶木三小碟，有麻醬秋葵，咕嚕肉，糖芯蛋，秋葵加上麻醬清新特別，咕嚕肉份量算多但好細粒，糖芯蛋入味但欠缺流心效果總括是次用餐感覺不錯，職員很貼心，特別安排一個角落給我們同2個bb用餐

係apm行完街又未到時間食晚飯，記起apm有茶木就黎食下甜品小食頂下肚先。好耐之前就已經食過茶木既蜜糖磚塊，今次特登再叫黎回憶下。餐牌上面推薦士多啤梨味，但始終驚會酸所以最後都係叫左最安全既朱古力。應該係即叫即整所以都等左大概15分鐘，同印象中相比磚塊好似比以前細舊，不過雪糕分量就差唔多。雪糕軟硬度啱啱好，不過一度食一度好驚成個野會跌落黎，每用匙羹食一淡都要好小心。食完雪糕開始對磚塊下手，最中意食既始終係入眠一粒粒既麵包塊，吸左朱古力雪糕同醬再加蜜糖好感真係好好食，出面外層既麵包就比較硬d同埋少d沾到醬，不過都好食既。至於士多啤梨我就好慶幸最後叫左朱古力味，因爲個四粒士多啤梨我已經覺得好酸，不過呢d都係因人而異。最後仲叫左個炸雞塊，足足有兩大塊，外脆内軟都唔錯，食完都已經好飽，晚餐應該都可以慳埋。

2019年6月26日 同女朋友在觀塘附近行街， 所以就上APM上面食下午茶， 見呢間有幾多空枱， 就直接入去食。 點知係就係好多空枱， 但就唔知點解無人服務我地， 眼見就好多侍應， 但就係做到好似唔夠人咁。 等左差不多15分鐘先有人應到我地點餐， 之後上餐具又唔齊， 叫人補返D餐具又要10分鐘， 真係無野好講。點了幾樣： 香辣牛肉面 蚵仔肉碎粥 仙草奶茶 黑糖薑母拿鐵 最後加左個甜品-海鹽奶蓋戚風蛋糕 香辣牛肉面 牛肉面係好好食既 牛肉所選取的部位好有咬口， 而且燘到入晒味， 蘿蔔同樣入到味而且帶出左牛肉湯的鮮甜， 配上闊面條每啖都帶上湯， 必食之選。 蚵仔肉碎粥 蚵仔很多， 啖啖都可以食到蚵仔， 滋味十足。 仙草奶茶 調配得宜， 香滑奶茶配上爽滑仙草， 不錯 黑糖薑母拿鐵 這個薑母既味道唔夠重， 不算好飲。 海鹽奶蓋戚風蛋糕 個雪糕無就溶就溶既感覺， 無咩驚喜。 呢餐食左312， 本來性價比已經唔高， 呢間既服務更加令到印象更差。

茶木啊！出名啊~~雖然有入坐限時，但甜品很出色 (正餐是偏貴的)，我對茶木本來的印象還不錯。但這間分店真心令我大掉眼鏡！不吐不快！收我咁貴還好意思有這種服務！！現在是平日星期三，下午三點，吉枱很多，服務員很多，但舉極手都沒有人見到，直到我大叫才回我，服務差到一個點。餐具又是叫才有，我們兩個人，竟然只拿來一雙筷子，唔怪得個個都咁忙，無效率。紅燒牛肉麵， 蘿蔔比較軟身，牛肉都入味，但個麵唔得，個麵好硬...嗯，這個紅燒牛肉麵鼓勵大家叫個不辣的就好。食物可以，泡飯推介，蠔仔夠多，而且味道不錯。最後叫了新推出的奶蓋蛋糕， 好可惜做得到一切開就流出奶蓋的效果~ 有點失望。不便宜，二人去食，每位都要HKD，165所以性價比不高😣。單單服務都扣晒分！要是有其他選擇，請不要選擇這分店！！

茶木都算係台灣菜的香港代表。今次嚟食飯先知道原來已經開咗七年。平時有食開嘅鹽酥雞同芋圓都包括喺七周年嘅優惠，咁當然要叫兩個飯去 take advantage la。先上枱嘅係雞排肉燥飯。雞排應該係即叫即炸，入口時仍然燙口。肉燥同配菜撈飯一流。另外一款主食叫咗蠔仔肉碎泡飯，蠔仔新鮮易洗得乾淨，冇任可殼碎。泡飯仲加咗蝦米及土魷，令湯底海鮮味更濃。憑優惠只需要加$7 的鹽酥雞都係即叫即炸，用來送泡粉非常好。加$17的士多啤梨芋圓裏面有很多不同的配料，帶來不同的口感。完結美滿的一餐。

今天是孩子的生日，我們一行三人婆婆孩子和我同孩子慶祝生日，藍色恤衫的同事非常幫忙，安排了一個生日牌給我們，當我們叫的甜品來到的時候，要求白衫的應該是經理為我們拍照一張，他拒絕了我，令頭還用手不停揮動説不，最後有一位女同事幫忙，其實，我已經多次來這裏吃飯，一向藍色恤衫的同事們都非常好，食物質素也不錯，但想不到連一張生日照也被拒絕，我們很有禮貌的要求他幫忙，但令我們非常失望，我不明白為何會被拒絕，從來去到任何餐廳也未試過俾人拒絕幫忙拍照的，令生日的孩子有點不開心！

約左同朋友傾計，原本起APM food court搵野食，不過真係太嘈又多人，所以搵到茶木就決定入去。環境幾好嘅，一貫台式餐廳風格，新潮唔太嘈。茶木嘅台灣料理都算幾in嘅，even滷肉飯都係新派台式風味，今次我地嗌左紅油抄手唔會太辣，皮ok薄，中意食餃類朋友一定要嗌嘅前菜芥末奶油雞肉手作麵少少辣辣地，配料充足，涼涼地好openstomach，岩曬熱辣辣嘅夏天涼一涼希臘式優格英國保濕豬扒燉藜麥飯跟鐵板上，飯會比較濕，豬扒啱啱好一口食到，岩曬女士水果茶飲到有無花果起入面，令成壺水果茶增添不少風味

大約6：30左右經過見唔多人就即刻入左去了，以前同朋友一齊黎就會一份主菜一份甜品就啱晒，依家一個人就叫左個甜品算了。叫左個朱古力吐司，仲叫店員特登幫我加多d蜜糖，不過就是甜品的製作時間較長。。。

同朋友逛了一圈，就想找地方坐下來休息跟食飯，年紀大了..茶木座位闊落，坐得舒服。點了酥炸雞排肉燥飯，還滿期待這菜色，每次到這裡都有朋友點，但我自己就未點過（因為酥炸好熱氣，小食為妙）。雞排份量不少，咬下去很脆，感覺外皮有淡淡的蒜香味！？配上肉燥飯，令我胃口大增。不過試過就好了，對酥炸的東西還是麻麻..

同friend睇完戲搵地方食yes，因為有啲想食甜品所以就同朋友一齊去茶木度等。下午茶時間人都幾多，大概等左30分鐘左右先入去到。因為睇戲之前已經食左lunch，所以我地兩個人冇嗌到好多野，只係叫左一份蝦餅同埋一份甜品。一心黎茶木就係要食佢個麵包甜品，本身糾結緊食朱古力味定莓味嘅時候，發現佢有竹炭流心味，所以決定試一試。因為係聖誕假期關係，伴碟都有聖誕element，一開始食覺得味道麻麻地，但食食下覺得味道不錯，配cookie and cream嘅雪糕一流

觀塘APM的茶木也維持着其他分店的不俗水準。鳳梨鮮果甜酸肉其實是菠蘿咕嚕肉，不過非常開胃，咕嚕肉帶着鮮甜的菠蘿味。酥炸排骨麵這一份酥炸雞好像炸大薯條一樣香口入味。芝心雞翼這種做法也很不錯，芝士在香滑的雞肉內慢慢滲出來。還有紅油抄手，不過有點一般，略嫌餃子的肉味被辣椒汁淹蓋。其實茶木到底是台式正餐食店還是台式甜品屋呢？茶木的甜品卻是非常出色。好立克曲奇蜜糖磚塊始終亮點離不開這一款磚塊甜品。一層一層金黃色的磚塊伴着雪糕非常香口。珍珠芋圓紅豆湯小小的一碗紅豆湯，有着很多彈牙的珍珠芋園。整個茶木餐牌，最賞心悅目的始終是甜品。Eaten by CalvinCanEat