外灘拾號 (Closed)

在放連假果幾日，終於得閒同一眾三五知己中午gathering 下。畢竟中餐先可以最方便大家坐低一齊傾下計。難得係荔枝角工業區都有一間上海菜新貴，所以就決定一戰啦。睇個門口完全唔似開係工廠區既格局，完全係別樹一格。而e度內裡裝修都幾高雅氣氛不錯，非常適合一眾茶客打凳。兩三個人食，所以唔係叫左好多野食ja。前菜 : 煙薰魚子蛋 賣相好好，蛋黃無煮得過老已經好考功夫。而且蛋白蛋黃無分離！仲係水汪汪既feel~好有糖心蛋既感覺~而調味唔算重，所以d魚子味好出，當然如果有更多魚子就仲抵仲正la點心 ：小籠包 原來可以逐隻落單，都幾方便客人既。小籠包藥無因為過多既湯汁而蹋曬，証明d皮幾好。成粒份量十足，個人中意加辣醬，覺得仲正過點醋~不過相信未必係人手做，始終係差d鮮味既。主菜：蜜汁火方 E度餐廳主打之一。蒸熱的餅皮夾入火腿及素方，有d似片皮鴨既食法。唔同既係當然無片皮鴨既脆la，而且本身材料用左金華火腿，所以比較韌身同帶咸，好在有d蜜汁烤過會好入口d~沒有過份油膩，老人家也絕對適合！不過真係要趁熱食，如果唔係,,,==主菜 ：原條內蒙雪花牛肋骨 帶d辣，好鬼惹味。不過未必個個受得。而且無乜騷味，

最近食晏食到唔知食咩, 朋友介紹下認識左外灘拾號!等左唔係好耐就有得食.我地兩個人叫左花雕醉雞,本幫脆鱔仲嗌左碗外灘蒙牛刀削麵一向對花雕頭盤好有要求, 皆因我是FANS!花雕醉雞最緊要係入味, 而外灘又做到喎!(當然冇醉到番唔到工) 味道不多不少而且抵食, 呢碟我地由頭食到尾都仲食緊!再來本幫脆鱔, 為左就我同事, 唔食鱔0既我都試左試.個色深左少少但唔腥亦唔會好咸, 仲要脆脆唔覺唔覺食左好多!P.S.佢冷盤其實唔算平但真係多同其實好抵食! 比起其他連鎖真係冇得比喎.讚!!食左碗牛刀削麵(由於太趕食就無影相), 兩個女仔午餐食其實都幾夠,我地選刀削麵因為出面好少有得食, 個湯又係濃濃牛味. 真係飽到無朋友!最後食埋高力香蕉豆沙, Perfect Lunch!香蕉唔係好濃, 反而咁就食到香蕉同豆沙味道. 好喜歡, 堅持食左兩粒!大家去呢間食LUNCH應該星期一去食, Blue Monday食完包令你變成Happy Monday! 

星期五晚同兩個同事趕工趕到8點幾，搞掂晒當然嗱嗱聲一齊食飯啦！公司附近選擇唔多，見有間新開嘅中菜門面幾靚仔，就入去試下。用得外灘嚟做名，似乎係對自己嘅上海菜有返咁上下信心，咁我就叫咗d我心目中嘅考牌菜試下佢哋水準。第一個，馬蘭頭百葉卷。呢味菜，大部分上海菜館都有，但大部分都唔好食！通常衰兩範，一：馬蘭頭太乾，二：百葉粗糙冇味。呢度嘅馬蘭頭，你從相都睇得到，濕潤嘅。但係咪濕就一定好食？又唔一定係㗎喎，有時d人落其他調味汁醬，就會蓋過咗馬蘭頭嗰朕特別嘅草青味，又或者馬蘭頭根本唔新鮮唔香，就特登加d汁呀油呀遮住佢。外灘拾號呢個，keep到朕味，抵讚。百葉爽嘅，豆味ok啦，整體都係好食嘅，贏過唔少鋪頭。第二個，醉雞。喂，唔使我講都知呢味嘢幾難整得好食啦！其實佢有醉鴿添嘅，不過鴿呢比較容易整得好食，雞會見到真章多d。老實講七十幾蚊嘅雞就唔好expect有鮮雞味，不過佢算整得滑，d骨又唔會出晒血水咁。酒香唔差，酒味入到雞肉之餘冇咩苦味，似乎喺調校個花雕方面都有花過小心思。如果用d再靚d嘅酒，真係賣貴d都唔驚冇人叫。第三個，紅燒獅子頭。佢又係有個蟹粉version嘅，我又係冇叫，我估你知點解啦。佢個

今天是爸爸生日，爸爸一直都好喜歡吃上海菜，再親友的推薦下，便帶他來，希望可以給他一個驚喜。第一道菜是片皮鴨，口感又薄又脆,再配以鬆化的薄餅，簡直是最佳配搭第二道菜是雲吞雞，我爸爸味精敏感，而這雞湯就正正是沒有味精的，雞肉也是非常滑第三道菜是小籠包，小籠包的肉質非常新鮮，而且很多汁，簡直是我的最愛第四道菜是蜜汁火方，甜甜的但也不太膩。這家餐廳食物美味，環境也很優雅別緻，值得再去。

Happy Friday約左朋友仔一齊食個晚飯，就諗住試下新野，估唔到喜出望外喎!先黎個花雕醉雞同蒜泥白肉做前菜。花雕醉雞份量比我想像中多，加上好有酒味，yum! 而蒜泥白肉不嬲都係我至愛，呢度都整得幾好食，值得一提。跟住黎個陽澄湖海鮮湯。見到隻陽澄湖蟹已經流曬口水食指大動！湯味濃、好鮮味呀！主菜有原條內蒙雪花牛肋骨，d汁又香又濃，牛肋骨煮得好lam，送飯一流。之後想同朋友坐多陣，所以叫埋酒釀丸子同薏米水。。丸子清清地又甜，好飽足！飲埋個薏米水即刻清新返喉嚨添～整體而言，都坐得幾舒服，環境又唔錯。。係一個可encore既good choice!

本人好少係荔枝角食野同埋印象似工業區以為無乜好野食la不過今日發現唔係wor~"外灘拾號"原來都幾骨子個酒櫃非常吸引~不過我唔太飲酒ge所以叫番傳統野食la~陽澄湖海鮮湯幾正wor足料之餘又熱辣辣上d蟹味真係嘴角流香a~我見中式都係油膩所以叫多d 菜食~清淡d~上湯菠菜都唔錯馬蘭頭百葉卷就比我想像中好a~包住d 菜都無索淋曬最正都係蜜汁火方個style 其實有d 似片皮鴨不過個皮厚d 唔會咁油感覺健康d 添~最尾食埋個酒釀丸子e 個堅正wor~因為唔會好似坊間果d無曬酒味得番d 桂花係度而且丸子幾煙Un, 又無一 pat pat 添~真係值得推介~!

一向都大愛上海菜, 又有間新滬菜開左邊可以置之不理?工廠區食上海野其實都幾unusual. 先講講餐廳裝修不錯喎.感覺真係好似去左上海, old old地懷舊色, 無論係枱定櫈還是個門口, 同平時連鎖店都大有不同, 有style!同朋友兩個人食得唔多但就點左推薦菜來試試先講講menu推介0既原條內蒙雪花牛肋骨!價錢唔平架, $280得幾件, 但口感好好喎, 夠「林」身 仲要味道濃, 愛牛之一must choose!然後叫左蜜汁火方, 我就最愛食薄餅, 質感唔錯, 唔會太厚火腿又唔會太咸, 加埋青瓜, 無得彈! 仲有塊炸左0既腐皮,層次感夠足, 兩個人其實可以叫一客但我地都叫左兩客四件, 食咁多塊又唔覺得好辛苦同齋喎!由於太愛吃餅類0野(咁先係食上海野嘛), 我地都order左家常餅。份量夠, 芝蔴味同葱味都好香!本人就好少食八寶飯, 但拾號個桂花八寶飯令到飽飽0既我同朋友起勢繼續食!桂花多得0黎唔會苦, 食完清清地仲嗌埋酒釀丸子, 小丸子做得唔錯, 有咬感, 配埋桂花香味我諗下次會叫多0的人0黎再encore!

今晚一家5口出街食晚飯試新野，接完媽咪放工係長沙灣廣場行過去。店內裝修好靚又好舒服。叫左上湯菠菜，脆鱔，小籠包，內蒙雪花牛肋骨同賽螃蟹上湯菠菜，除左上湯仲加左D金蒜和金華火腿，好夠味，一D都唔單調。本幫脆鱔，以前未試過食，食落去好鬆脆，乾身,醬味濃，每條脆鱔外表都包圍著D醬好平均, 味道甜中帶酸, 沒有泥味, 送酒一流。小籠包 : 熱辣辣，皮薄餡正，勁多肉汁，不錯。內蒙雪花牛肋骨 : 成條牛肋骨甘上檯，好靚。未食以為好肥好膩，食落D肉出奇地腍，又好入味，冇咩肥既感覺，點埋D醬黎食冇得頂，送飯一流。最後一味 - 賽螃蟹，蛋白炒得好滑溜，蛋白亦好香，好好味。

近年荔枝角的食店無間斷地注入新血，而且質素越來越高，當中除了大家頗為熟悉的樓上咖啡店 Bondi Cafe 和西班牙菜餐廳 Rustico 之外，新店外灘十號同樣口碑不俗。外灘十號位於億京廣場的地下，門面一身落地玻璃，感覺十分搶眼。餐廳的佈局大走簡約時尚和高雅大方的路線，效果相當得體。唯一的美中不足是枱椅放得較迫，幸好訂位時預先訂了卡位，才得以找到比較寬敞的空間。餐廳的名字用得上「外灘」兩個字，便知這裡主打的是滬菜。聽說總廚之前效力過夜上海，做得一手出色的新派上海菜，加上京川湘菜的元素，準備給大家一個耳目一新的味覺享受。 醋香爽菜肚絲 ($52), 3/5先來一道醋香爽菜肚絲醒醒胃。豬肚絲入口爽滑，跟底層的椰菜絲 (餐牌説是椰菜絲，但味道較似蔥絲) 配搭出不錯的口感。但陳醋的醬汁調校得略為酸了一點，否則效果更佳。 陽澄湖海鮮湯 ($88), 4/5招牌菜之一的陽澄湖海鮮湯當然是這裡的必試之選。未喝美味的海鮮湯之前，單看豐富的材料已知不會欺場。海鮮湯的味道鮮甜，配以半隻小蟹、大蝦和魚塊等的食材一起吃，口感更突出。廚師為了令海鮮湯更濃更香，特別在湯內放入少許蟹膏和咸蛋黃，加上在加熱效果

近年長沙灣有不少新式商業大廈落成，亦有高質素餐廳陸續進駐，是日就來試試剛開張不久的外灘拾號。在遠處已被雅緻特色的門面吸引，心中有點期待。進去餐廳就有種舊上海的華麗感覺，地磚、復古桌椅加上型格吊燈，裝潢頗有心思，但不會覺得太拘謹。花雕鴿。鴿肉肉質細緻，入口有陣陣花雕清香，因為經過一段時間的浸泡，就連鴿子的骨頭也充滿酒香。黑魚子燻蛋。半流心狀的黑魚子燻蛋賣相吸引，加上黑魚子感覺更矜貴。煙燻味不算太嗆，入口平易近人，加上蛋香混合黑魚子的鹹香，菜式頗有水準。陽澄湖海鮮湯。第一次見識用大閘蟹做湯料的海鮮湯，而除了大閘蟹，配料還有爽口的蝦肉與嫰滑的魚片。湯頭呈淡黃色，可見豐腴甘香的蟹膏已經滲進湯中，每口都鮮味十足。原條內蒙雪花牛肋骨。賣相非常有霸氣的巨型牛肋骨，牛肉入口鬆化軟腍，醬汁濃郁帶點甜味，而相比起正宗的滬菜，感覺是沒那麼重口味，這樣的話入口也沒那麼漏，多吃幾件也沒問題，另外這個菜的醬汁跟白飯也很搭，愛飯的人應該一試。原條水煮魚。看見浮著的辣椒會否擔心太辣？其實菜式的辣度很溫和，平常吃小辣的應該都接受到。桂花魚的魚片滑溜，不過愛吃辣的自己，最喜歡的還是墊在下面的薯粉、芽菜和萵筍，因為它們已吸

在香港識飲識食的朋友，在工廠區覓食已是新趨勢，避過一般商業旺區昂貴租金，付出的價錢有較多的比例從租金放回食物本身，食物質素自然普遍較高。| 位置方便，鄰近地鐵站 |雖說在工廠區，但從荔枝角地鐵站，步行約3分鐘，在工廠區的橫街一角，冒出了一間門面敞大的新派上海菜餐廳 — 外灘拾號 。| 環境舒適闊落，適合一家人品嘗。|這裡樓底高、闊落，不似一般酒樓又迫又嘈吵。餐廳很多玻璃窗，採光做得好，有很多大卡位，讓食客可以靜靜的享受美點。一入門已看到大酒櫃，加上空間感，不其然讓我想起在上海外灘的餐廳用膳的情景。| 新派上海菜，媲美酒店中菜部的質素。|地方大、價錢合理當然是賣點，但選餐廳當然要集中到食物質素。這裡每一道上海菜有其特式，用料新鮮，由於屬新派，做法比較少油，調味亦較適中，食物質素佳，能做到味濃厚而不油膩。「花雕鴿」花雕雞吃得多，這味則用上鴿子，酒味香，肉嫩。「馬蘭頭百葉卷」本來很怕吃菜餃、菠菜麵，綠油油的小菜之類的，（最愛上湯煮菜）怕其青草苦澀味。這道小菜卻沒有這個煩惱，是道清爽適合夏天的醒胃菜式。馬蘭頭是上海的一種野菜，在香港較少機會品嘗。「黑魚子燻蛋」由於喜歡吃「溏心蛋」，這道「黑魚子

今天朋友請吃飯，被帶左去一個工業區入邊既餐廳，完全估唔到呢個區會有咁樣既餐廳，本沒抱期望去吃，裝修都係豪豪地果隻。（利申：唔知點解openrice話我係店主....唔批我兩次....如果我係店主就好喇...） 一行5個人去到，十幾分鐘就來， 一計叫左7個菜式，我就寫晒出來！魚子薰蛋、小籠包、蔥油海誓頭、花雕蛋白蒸蟹、芝士海鮮煎飯糕、雪菜肉絲炒年糕同高力豆沙食左咁多，只想highligh 3個，黑魚子燻蛋 呢個係我叫的，所以一定係好食 ，煙燻味重，上面放左幾粒黑魚子當點綴，咸鮮加煙燻，老實，魚子D味就唔多覺，但蛋就真係煙得幾好。 小籠包 來上海菜館唔食小籠包不如唔好來！熱辣辣來到，肉汁豐盈，皮個人認為可以再薄等，特別是尖頭收鑽位，粗左少少，但因為夠晒熱，所以無吃唔到問題，但我肯定凍左就咬唔開。 高力豆沙 食左咁多，都幾飽，最後來個高力豆沙同豆沙鍋餅，個人係鍾意高力豆沙，雖則唔知高力呢個名邊度來，但呢個高力豆沙個面有點脆脆的，加上糖霜，好味花雕蛋白蒸蟹呢個唔記得影相，花雕味道不夠香濃，蛋白夠滑，但蟹肉都幾足。 總括來講，係幾有上海味道，但唔辣，個人推介個燻蛋同花雕蛋白蒸蟹。

荔枝角長沙灣一帶，是KsMeow血拼之地！現在，還有不少餐廳進駐該工業區，尋寶後再尋吃，絕對是樂趣！那天中午，小妹品嚐了一頓具質素的上海菜！．．．每日即製的薏米水，喝來感覺滋潤！外灘拾號開設在大街上，從荔枝角港鐵站步行前來，路程約需5分鐘，頗便利的！裝潢以高雅大方為主調，配以高樓底及純白色的餐具，讓我感到舒適企理！．餐前先來杯熱飲，每日即製的薏米水，甜度不高，喝來感覺滋潤，天氣乍暖還寒，多喝清潤的飲品為佳！燻蛋煙燻味道濃厚酒香滿滿的花雕鴿花雕鴿脂肪少，皮亦薄，酒香更易的滲入，肉質結實，更是齒頰留香！煙燻味道濃厚的燻蛋，蛋白嫩，蛋黃幼滑香甜，面層放了點黑魚子，用來調味及增加口感，也是一絕！．．．原條內蒙雪花牛肋骨陽澄湖海鮮湯，湯鮮而不腥，更帶著濃重的蟹黃甘香味道！陽澄湖海鮮湯，絕對是當日其中一道亮眼點！海鮮湯以特製的器皿盛著，內里放了一個蠟燭，達到保溫之效！（讚！）湯鮮而不腥，更帶著濃重的蟹黃甘香味道，每口，也是幸福！．原條內蒙雪花牛肋骨，每塊牛牛都切得工整而份量相若，面層放滿辣椒，但以裝飾為主；醬汁濃惹帶甜，牛肉帶著筋膜，鬆化又充滿彈性，入味而具肉香，水準之作！．．高力豆沙高力豆沙打得

家附近開了一間新的上海菜館，每次經過都見它燈火通明的，因為有著落地大玻璃，可以見到店內的食客都食得很滋味似的，一直都很想試試呀～所以就乘著新年跟親友食飯的機會，去試一試外灘拾號啦～早幾天訂了位，但到達的時候，也稍稍等了十分鐘呢～有長輩在場，今日就不用有選擇困難症的小妹煩點餐，即管把厚厚的餐牌掉給長輩們，小妹只管低頭食吧～跟親友傾著傾著，餸菜就送上啦～前菜黑魚子薰蛋，用了一個白色小匙來盛著，流心的蛋黃，但蛋黃的邊位有點兒過熟，加添了一點點黑魚子，添加了鹹香的味道，也不錯吃呀！小籠包小小的一顆，皮有點兒過厚，肉汁也只有一點點，吸引力大減呀～水煮魚有著滿滿的辣椒，看似很辣很辣，但原來也沒有很辣，是可以接受的～魚肉嫩滑嫩滑的，帶著微微的辛辣感，最喜歡是湯底有不少紅薯粉及芽菜，香辛惹味～紅燒元腣看似油膩膩，但其實非常下飯~ 肉質嫩嫩的，入口甘香豐郁，脂味非常，豬皮有嚼勁，醬汁甜甜的，調得剛好，一口元腣就有著多重滋味，很精彩呀! 原條牛肋骨上枱時把我們嚇了一跳，因為真的很大份呀!! 可惜這牛肋骨是虛有其表呀... 肉質頗為粗嚡，肉味亦不濃，還好醬汁味道還可以...崧子雞米配叉子燒餅，這個小妹沒有試

香港的租金昂貴，不少食肆因此進駐了工業區。九龍灣工商業區，現已儼如一個新興的美食天堂。另一邊廂，在長沙灣、荔枝角一帶，亦愈來愈精彩。某個周末下午，來到長裕街的「外灘拾號」午聚。這間裝修瑰麗的上海菜館，在無華的工業區裡，份外明亮。長裕街一帶平日熱熱鬧，今天卻無比寧靜。其實我蠻喜歡周末的工業區，沒有嘈吵的聲音，也不用排隊等候入座，可以放鬆地享受午後時光。　外灘拾號的裝修頗精緻，傳統之中有摩登的味道。一進門便見到偌大一個酒櫃，充滿時尚感的金屬四葉草吊飾引人注目，亦有古典味濃的陶馬擺設。座位方面，有圓桌、卡位，以及私人廂房，椅子全都是皮造的。而今天我們幾個朋友，被安排在一張大圓桌就坐。　這次午聚，我們點了一些前菜，以及服務員推介的一些菜色。先說說前菜，最早上桌的是「花雕鴿」。淺淺的花雕酒香，濃淡得宜，不會喧賓奪主。搭配乳鴿，跟平日常吃的醉雞比較，味道各有千秋，但鴿肉就多了一分嫩滑。　一向很喜歡「馬蘭頭百葉卷」這道上海前菜。有朋友問，馬蘭頭是甚麼？其實它是上海的一種野菜。加入麻油等調味料後，甘涼之中滲透陣陣清香，十分爽口。雖然只是簡簡單單的小菜，卻很美味。　不少上海菜館都能吃到燻蛋。外灘十號在傳