外灘拾號 (Closed)

由於生日關係，一月份飯局眾多，近期食過的好味推介是位於荔枝角億京廣場二期---外灘十號我地4個女仔食到encore再encore！先黎頭盤有：即使凍左都依然會脆嘅脆鱔、雞絲粉皮、黑魚子薰蛋同四喜烤麩，然後再黎小籠包、勁勁勁好味嘅蜜汁火方同蟹粉蟹腿炒露荀。至於湯呢有：雲吞雞湯同足料海鮮湯。不得不提餐廳細心的用了蠟燭持續地幫湯保溫，一盅海鮮湯內有半隻大閘蟹、三件魚塊同一隻大蝦，絕對有驚喜。仲未食完喎，主菜係片皮鴨同雪花牛肋條，牛肉的肥和瘦肉均勻分佈，加上煮得入味，好友們已經將澱粉質拋諸腦後加碗白飯撈埋d汁。好啦好啦，已經飽到上心囗都要試埋拔絲香蕉同蘋果，餐廳絕不馬虎的用了忌廉汽水過冷河！！滿足到呢⋯⋯

沒想到在工廠區一帶的這家上海菜館，裝修竟是如此堂皇，在該區絕無僅有。沒問題，先點些冷盤和點心，邊食邊等另一位事忙的朋友。首先出場的燻蛋，蛋黃不會過份的流，亦唔係死實實，火候控制唔錯，煙燻味足，而且放了些墨魚籽作點綴，有個好開始。之後的醉雞，皮爽，肉質嫩滑，只是鮮味欠奉，同埋酒香不足，仍有改善空間。又揀了幾款滬式點心，小籠包是必然之選。都算是皮薄，湯汁豐盈，唯嫌收口位做得不夠好。蘿蔔絲酥餅的賣相，就很靚仔。金黃的色澤，一絲絲層次十足，咬落鬆化，要挑剔的是蘿蔔未夠清甜。四年前，主角曾經一口吞下整隻生煎包，令我眼都凸埋。是晚，想不出理由不再來一客，讓他再度表演。雖然，這的出品外觀麻麻，我亦沒有品嚐，但一口鯨吞的秘技能重現眼前，絕對開懷。是時候要來些熱菜。大家都好想食片皮鴨，那就太好了。是鄒鴨，燒得皮脆，卻有點肥，不過連同京蔥、鴨醬和餅皮，包起來吃，也十分滋味。還有叉子燒餅，鬆化的外殼，配以味道不錯的肉末，最重要是有我喜歡的松子，大致滿意。在座有人說想試芥香蝦球，大家沒有異議。蝦球巨大，爽脆彈牙，可是，日本芥末實在太搶，吃得人人標眼水，這味的外號是感動蝦球嗎?吃得豐富，也該有碟菜，就上湯豆苗。

期待已久的上海菜終於來到荔枝角,店鋪裝修都好有格調，樓底高，環境好舒服、仲以為好貴，一打開本menu真係嚇左一跳，比起其他所謂新派既上海菜價錢平左差唔多20%，淨係食裝修都唔止啦（我心諗）。講返啲食物，我最欣賞個脆鱔、黑魚子燻蛋、蜜汁火方、牛肋條.....不得不提係佢個水煮，好少地方個水煮係好食既而呢度個水煮就夠香夠辣夠麻，唔錯！小龍包個皮夠薄，夠多湯👍總括來講，外滩拾号可以算是一間認真既菜館！