鐵板十三 (Moved) New Location

某食友推崇備至的鐵板燒店，足足想了兩年，也找不到半點理由要來。是日，約了Sally交收，順便HH，她就建議來這裡，原因是正餐大家都唔會來，HH試兩味當見識下聞名已久的鐵板燒。甫坐下，坐在渾身唔舒服的「頂背」木倚，港式鐵板燒價錢，自然是港式環境，入鄉隨族吧。看看餐牌，刺身、壽司、燒物一應俱全，日本和牛六百八十．三百五十克，平均一個九毫半壹克，帳面數字較大型超市平廿五個巴仙，質素未知，亦不打算在這裡試～多款材料中，最想試的是鐵板鰻魚，又隨手叫了鐵板牛舌、鐵板焗牛油野菌，又試埋燒的日本大蔥。期間，她見到冷櫃的冰鎮生蠔，雙眼又開始發光，老樣子屢勸不果，吃得一客腥的南非蠔，唉．．．說過吃鐵板燒最最最討厭聽到師傅舞鐵鏟發出的鏗鏘聲，客人又或師傅自己都會覺得有趣，自己卻堅持吃鐵板燒，寧靜踏實功架來得順眼．稱心。是日，傳來煩厭的鏗鏘聲，什麼食慾都給掉去了，幸好二人談起早前的趣聞，勉強將注意力抽離鐵板。鐵板鰻魚，幾「蝦人」吃的，無大半小時的話最好不要叫，看小師傅邊煮牛舌邊用鐵鏟壓著鰻魚，迫出油脂加快烹調時間，廿分鐘後，加入鰻魚汁而成。是日吃到鰻魚皮乾了一點,可幸肉仍鬆腍，靠著鐵板作用將水分抽走，吃起來不

　　如果一見如故是存在的話，相信Bernard已經遇上了。他認識的朋友不少，跨國藉、跨層次的亦然，但能夠給他有共鳴、投契、互通的感覺，這種美妙的化學作用只有在她身上發現，正因如此，更令到他珍惜這段友誼，猶如採摘下來的鮮花，亦不及自己悉心栽培的盆栽茁壯、亮麗。　　是夜相約了Winson出外用膳，地點是Winson指定的鐵板十三，當然以晚餐為題，事實上關心Bernard為實。此情此景下，把酒言歡自然少不了，故放棄了座駕，各自來到此地。　　以鐵板燒來說，這個價錢是實惠，水準還不致於差勁，坊間的某些高級鐵板燒店，每人的預算動輒上千元。Winson並沒有電話留座，步入店中的他示意店員安排鐵板燒的座位。對他來說，兩位男子來到吃鐵板燒，一邊喝下杯中物，一邊望著師傅把玩手中的廚具，一邊聽到鐵板上的食物發出霹靂的聲響，無疑是把酒言歡的意境。他喝下兩杯後，遠處望見Bernard趕著來到，喘氣地說：「兄弟，不好意思，剛剛急著撰稿，為了趕及交回報館。隨意點菜，不用替我客氣吧！」Winson笑嘻嘻地說：「先謝過啦！」侍應旋即替兩位添酒，並詢問兩位點甚麼菜餚。　　點菜過後，Winson先吐出苦水，大概是關於工作上

我因為工作關係日夜都會出街食..個人都唔鍾意太多油, 味道唔需要太咸太濃的晚餐....鐵板十三d野食我覺得好食,全部都新鮮. 感覺ok!好老實講份量真係少左d, 我試過3個人去食左千蚊鬆d都食得唔飽.爭少少囉...一係你比多d野食個價高少少, 可以比人預o下...食左差唔多$700 o既餐食埋甜品都仲食唔夠呢..真係唔知叫唔叫多樣野好...我都係去過一次都唔再去lu. 咁食法有少少貴...

我都去過e間野2,3次,完全睇你個post唔過眼.....我直情有d懷疑你係咪有心唱黑人地~~~~首先,我唔知你做乜冇啦啦串人地個名,你咁岩食左65分鐘又要串人地十三個字,真係好無品wor1.大蝦,鵝肝我唔知你有咩好投訴2.魚柳,咁平,你唔鐘意人地一開2你咪order多一份3.炒飯,唔好昆我,無可能每人得半碗,我果次食同一樣野,每人都唔止咁少4.甜品,我覺得你成篇野得e個有point.份量不見得不足,你食量大ja wa?質素很好,請問點先滿足到你?定係你叫埋d野咁岩又唔岩你食?濃味果個point仲好笑,竟然話唔知係咪人地d野唔夠味,相信大家一試就知佢講d野有幾"堅",只是你鐘意食鹽and黑椒粉吧?E位同學提到""再光顧的可能性是零，真有些懷疑之前的食評是否中肯？""我都好懷疑你個食評係咪中肯.

A small and cozy restaurant, with one long teppanyaki table that squeezed more seats than it should be, and left us with not much elbow rooms. The food qualities were ok. Rack of lamb were moist and tasty, the uni was very fresh and big that night. The abalone was tender as well. Ice-creams were smooth and flavorful.A bit pricy than expected for restaurant in this set up; tables and chairs were small and uncomfortable, however, service was prompt and the cordial.

昨晚去了光顧。約七時；入了店內是沒有顧客。約八點一、二已食完；果然如該店名一樣(鉄板十三)食足十三個字！點了一份$699的二人鉄板套餐，包括:1.(所謂嘅)大蝦兩隻；每隻約5-6吋長(由頭至尾計)2.澳洲和牛一客約200-220g3.法國鵝肝一客(還要分兩份)4.雪臧魚柳(九成是龍脷柳)一塊(還要分兩份)5.旦炒飯混入幾粒牛柳(每人半碗)6.炒雜菜一碟7.甜品(店員先說有布甸或雪糕可選；但之後又話時間尚早，布甸未製好?????????? 只有綠茶雪糕或曲奇雪糕任擇，真神奇，不知道布甸需要多少時間才可製成！)份量極之不足之餘；食物的質素又非常普通；加上不知是師傅太輕手還是我們愛濃味,味道總是不太足夠，還是要求店員給了我們一樽食鹽及黑椒粉自行調味！再光顧的可能性是零，真有些懷疑之前的食評是否中肯？

老公生日，我地兩個去試下新野．餐廳無裝修，環境有ｄ似下價日本食店．叫左個＄６８８（大約）二人餐，另加一支ｓａｋｉ．沙律同ｍｉｓｏ　ｓｏｕｐ普普通通，唔差咁啦．鵝肝肥美香口，鋪底多士好脆．鐵板燒魚同蝦都幾好，香得黎唔會乾．蒜片牛都唔錯，尤其蒜片，非常香脆．炒飯好食唔油膩．雪糕果ｄ例牌野唔使講．埋單＄８０６咁既價錢就即刻覺得ｄ食物變得中規中矩，因為呢個價錢可以有好多選擇．

It's really good. The service there is wonderful. The food tastes good! I enjoy the goose liver most! THe liver is amazing!I will really go back once more!

因為媽咪生日，所以諗住食日本菜（佢至愛），原本諗住去第二間，點知冇做生意，行行下見到呢間有位，咪入去囉。一打開餐牌，睇到啲價錢，媽咪嫌貴（一個蟹子沙律都要$50），但我覺得牛一大日子，冇所謂啦。種類唔係多，起碼冇海老天婦羅。剌身拼盤可以任拼，要幾多件都得，佢地照重量計，當然每種剌身嘅價錢都唔同啦。但係媽咪覺得啲三文魚有啲腥。牡丹蝦（$65一隻）就幾好。仲有佢地啲wasabi係新鮮磨，所以特別香同攻鼻。咁仲有要左兩隻燒大蝦，一客鵝肝，炒雜菜，燒牛舌，京都燒銀鱈魚。啲蝦就老火左，有啲硬。牛舌就大碟得滯，食唔晒，但幾好味。媽咪最欣賞就係鵝肝（$160四件）：「入口即溶，甘香可口，齒頰留香，令人回味。」但係我就覺得：「好滯，一入口成口油，頂唔順。」整體算唔錯，服務幾好，環境幾乾淨，又夠靜（星期日八點幾都得一兩枱客），仲唔收加一。

星期五一行七人吃生日飯，朋友想吃鐵板燒，在這裡找了一些資料，最後因為這店一定有位，所以來了這店。入了店，有些不自然. 因為已過七時半，店內仍沒有一客。(除了我們).朋友翻自餐牌，有些不好意思，因為覺得偏貴，而且沒有便宜的套餐。最後點了:鐵板燒- -牛肉粒(1.5 份)-燒魷魚-鵝肝-菜、姑炒飯-炒什菜刺身-加洲卷-三文魚-大絲(含)(貝殼類)-拖羅可能覺得鐵板燒應該較濃味，但師傅做得淡；燒牛肉粒，想吃6成，但師傅做到7-8成炒飯做到乾身、不油，但不是用珍珠米，材料不多；燒魷魚及鵝肝正常；刺身沒有好新鮮的感覺。結帳沒有想像般貴，共1,500-；但亦沒有吃飽和好味的感覺，有些失望。走的時候只是多了一客。(9:00PM)

當日原本打算兩個人慶祝，但最後竟然變成四個人一起食飯；都無所謂啦，多人開心嗎！我們叫了一個二人餐及另加了一些食物；而食物包括有三隻銅蠔、油金魚手卷、大池魚、活赤貝、石鯛、刺身、時令沙律、麵豉湯、鐵板燒羊扒、車海老、自家制雞骨扒、鮮墨魚牛油燒、鐵板日本草菇、日式炒飯和自家制甜品。銅蠔- 聽說味道鮮甜又滑，可惜都幾細隻，一隻真係唔多夠喉。油金魚手卷- 因我唔多喜歡食蠔，所以叫了這個，油金魚味道一般，唔算太好，可能好的都做了刺身吧。大池魚- 很新鮮，味道比較淡口，但很煙韌；如切得再薄一點，相信口感會更加好。活赤貝- 新鮮嫩滑又香甜，煙煙韌韌，但份量都幾少，每人只食得二粒。石鯛- 切得好薄，味道比較淡口，要點上醬汁，才能食出石鯛的鮮品。刺身- 內有三文魚、墨魚和劍魚，味道新鮮。鐵板燒羊扒- 帶有陣陣的酒香味，羊肉切都一粒粒，新鮮嫩滑唔韌，醬汁很好味，撈飯食都唔錯。車海老(大蝦) - 炸過的大蝦，外脆內嫩，一食就知道係新鮮的大蝦。自家制雞骨扒- 我想應該係雞軟骨，煎得好香又入味，但我返而喜歡伴旁邊的薯蓉，我認為更加好味。鐵板日本草菇- 很香牛油味，雖然都幾多油，但草菇味道又真係幾好。日式炒飯-

情人節和男朋友來試，果然非常不錯帶了一支sprinkler wine來，情人節也不收費..最好吃是鵝肝，$160一客有4份，好滑，和多士配真一絕熊本蠔和牛舌也不錯環境只一般，太擠﹔鐵板比較好，普通就太貼

闊別一輪, 最近又光顧了兩次. 可幸假期前夕顧客明顯較多, 否則太冷清的話, 有點擔心它做不下去.例牌先來一round生蠔, 熊本蠔仍然不俗, 另一款(好像是愛爾蘭的) 就似乎不夠新鮮. 生蠔配香檳實在是絕配, 忍不住追加了熊本蠔.蠔之後, 又是例牌的刺身. 今次只點了兩款, 大池魚及劍魚, 後者切得太大塊了, 影響口感, 也略嫌不夠肥美. 熱過身後, 點了一個套餐. 好像也有刺身, 質素雖不及散叫的, 但也可以. 燒墨魚及炒菇依然甜美得很, 當然還有燒大蝦, 最正是蝦頭呢. 接著有賣相麻麻但好味的雞骨扒, 下酒一流. 紅酒羊扒沒有乾燒那麼好吃, 但也不錯. 作為飽肚物的炒飯, 乾身短小又粒粒分明, 而且很香口, 是我不會錯過的一味.大家還有空間, 於是再散叫兩道菜. 燒牛舌切得很薄, 略嫌油膩了少許. 燒雞腎是極少數我們沒有吃過的菜式, 所以也點了來試, 不算突出. 以這個價錢來說, 燒物的水準依然好, 又不收開瓶費, 值得繼續捧場.

可能因為蕩失路攪到好晏而覺得特別肚餓o既關係，所以真係覺得特別好食...推介係最後o既炒菇- 有驚喜!o的魚生好似好新鮮，但好可惜食唔落價錢就好似貴o左o的分量就OK啦，但大食o既人就一定會覺得唔夠

結婚周年, 我同老公第一次黎這裡.Order 左個二人套餐, 另外叫左鵝奸.鵝奸- 佢先烘白麵包分四份, 然後將鵝奸再分四分, 放上麵包上面, 鵝奸外面香脆,裡面好滑, 好回味, 而且師傅會問我地需唔需要生d , 因為生d,裡面會滑d.個餐有:刺身有三款- 好新鮮, 好好味麵士湯x 2 - ok大蝦x 2 - 蝦肉好鮮味而且好爽口, 蝦頭又多膏墨魚- 混合了麵包糠同蒜粒一起, 好香好味, 又唔un紅酒羊扒- 羊肉好多汁炒飯- 好乾身, 不過食埋我地已經好full.甜品- 好好味, 食完師傅仲問我地要唔要, 可惜我地食唔落.