鐵板十三 (Moved) New Location

yummy....yummy....!! Honestly, the quality of food you get from this restaurant could not be better. I think this is one of the best Teppenyaki restaurant you can find in Hong Kong. One have to note that the goose liver is so good that it is difficult to resist another slice. The shrimp is another must try. I finished every single piece left at the plate.I strongly recommend the Kobe Beef Teppenyaki, the beef is vert fatty and cook to your order.Really worth the money for this typr of service i

今年生日前一日同屋企人去左鐵板十三食鐵板燒, 入到去得我地六個客人, 我地成為第一批客人, 我地四個大人兩個小朋友, 叫左d魚生,蠔, 車厘蜆, 新鮮北寄貝, 每人三款蠔, 熊本蠔, 愛爾蘭蠔, 紐西蘭蠔, 熊本蠔好細隻, 好得意, 食落仲好鮮甜, 另外兩款分唔出邊款打邊款, 只記得一款大d, 一款細d, 刺身魚生就叫左龍蝦, 三文魚, 馬糞海膽, 薄切鯛魚, 八爪魚,龍蝦除左做刺身,湯,仲叫師傅切少少肉做鐵板燒俾兩個小朋友食, 佢\地異口同聲都話好味, 馬糞海膽好細小但好鮮甜, 薄切鯛魚就配個酸酸地既汁, 都幾好, 每人一隻車厘蜆, 好大隻, 亦幾鮮。新鮮北寄貝既顏色同平時食開個d唔同, 係呈灰灰地色, 好爽口鮮甜。而鐵板燒就有羊架, 鵝肝, 大蝦, 銀鱈魚, 牛油焗什菇, 和牛肉, 鮑魚, 魷魚, 雞皮, 什菜。羊架係汁燒, 個汁甜甜地, 有d肥都幾好味第一次食鵝肝, 覺得好好味, 真係有入口即化既感覺, 外面少少焦, 加少少海鹽配上烘過既方包減少左d肥膩感, 正大蝦有d膏, 都幾爽口銀鱈魚, 魷魚都ok和牛肉大人要5-6成熟, 小朋友就8成熟, 食落都好軟, 多肉汁, 都幾好雞

今個星期頭有朋友生日,於是上來看看有咩好食,見一眾食家對此餐廳有不俗的評價,而且自己帶走酒又唔收開瓶費,所以就去食個晚飯.....我八點行入去,可能係閒日啦,只得三兩枱!入到去第一件事當然係開酒啦!02年既Sauvignon Blanc,果香中帶少少oak aging感覺.於是我哋劈頭就叫咗啲刺身同壽司食吓.未講食物先講配料,在我眼前有4碟醬,但食刺身壽司只用醬油.單論醬油味道已經不太好,鹹味不足,鮮味不夠.不可以帶出刺身的鮮味.壽司來了,只要了三文魚和生吞拿兩款大路(基本)壽司..件頭很小(大概一啖兩件)!魚生肉質一般(三文還不甘香),下面的飯只食出微弱醋味,其他就沒有了!刺身方面,半條半粒狀的赤貝,爽口鮮味,原條池魚點醋亦不錯,劍魚腩的滑溜甘香帶少許咬口成此碟之最.但是其他的油甘,甜蝦就很普通.一論清淡,轉開Pessac-Leognan的98Cab.based紅酒, 從一般黑加侖子中潛藏著咖啡,朱古力的香氣,可是body還是弱一點.於是我們開始正題的鐵板燒.我們並沒有選擇推介的鵝肝,因為壽星仔不願多吃.所以我們先淺嘗蒜片牛柳粒及炒雜菜.不知是師傅太輕手還是我們愛濃味,味道總是不太足

喜歡約同好朋友們來一個下午酒會, 一般下午時間餐廳比較清閒, 而且有充足的時間待至酒醒後才離去; 這次又約了三位朋友來聚一聚, 先開了一支法國白酒, 配上了三文魚, 油甘魚, 甜蝦和馬糞海膽, 前兩者肉質結實味道鮮香, 味道甜蝦鮮美, 最後的海膽亦比想像中鮮甜; 再來了三款不同的生蠔, 熊本生蠔, 愛爾蘭生蠔, 和雪梨石蠔, 似乎水準退步了半點, 除了熊本生蠔之外, 餘下兩款鮮味一般; 白酒喝完次後, 到一支法國紅酒, 先來了牛肉薄燒, 肉質偏但肉味不太特出; 再來一個鐵板燒羊肉, 這次要求了干燒的做法, 肉質軟滑可口而且羊羶味適中, 到最後還要追加多一客; 法國紅酒之後來了一支美國紅酒, 有點像意大利酒的味道感覺一般; 這時再加了一客蒜片牛柳粒, 肉味同樣不太突出但肉質軟滑多汁; 酒過三趁, 但主角澳洲紅酒還在呼吸之中. 再點了兩客鵝肝, 鵝肝味偏向優雅香濃適中; 待應小姐介紹了一客燒雞皮, 約十片寸半丁方的雞皮, 煎得平平薄薄香口脆身, 用來下酒最好不過.轉眼間坐了五個多小時, 帶來的一支白酒和三支紅酒竟亦已盡罄, 大家已感覺輕浮, 唯有來一點飯氣定一定神, 鰻魚炒飯飯粒鬆軟偏

約了幾位網友飲酒食飯,去這店其一原意是貪其不收開瓶費,當夜開了3枝香檳及1枝白酒,如收足條數都幾”容”下!!有美酒當然有美食,這也是光顧這店的第二個原因.先來有生蠔3款,日本蠔身形嬌小,味道較淡,澳洲蠔身形適中,有濃濃的海水味,第3款好似是愛爾蘭?忘記了.身形較大亦較鮮味.全屬爽口的.再來的是刺身,侍應生說是當天的新鮮飛機貨,試了幾種,有劍魚腩,三文魚,甜蝦和油甘魚.我覺得甜蝦是最出色,鮮紅的色澤,甘香鮮甜!開始試熱食,叫了鐵板套餐,有刺身,沙律,麵豉湯,墨魚,大蝦,雞軟骨扒,炒松菌,牛肉厚燒,炒飯同芝麻奶凍.其中雞軟骨扒,炒松菌及墨魚是我之前未試過的.雞軟骨扒,故名思意是將雞軟骨加入免治雞肉中煎熟,很有咬口,幾特別.墨魚比想像中甜,炒松菌也有想不到的味道.酒一杯杯的飲,已到第4瓶,醉意己濃還想加一點伴酒小吃,牛舌,羊扒,牛肉薄燒,清酒煮蜆亦随即送上,很少食到有汁的羊扒,酥味夠,肉質嫰.總結食物是高水準.找數$1,400不到.

二人週五晚九點食少客,坐得舒適,無坐爐邊侍應服務幾好二人餐數唔清幾多味食物,樣樣都頗美味,燒物用料靚惜略略唔夠熱氣加支熱酒五百二蚊埋單舒舒服服唔停口食左兩個鐘。

尋日係o係呢度見何倒D 評語錯, 於是同女朋友去食既, 我地約7點半左右入到去, 基本上係冇客, 感覺幾好幾舒服, 我地叫左一個$198 既餐, 一客海膽壽司, 少少三文魚, 清酒煮蜆, 一支熱清酒, 後尾再加單叫左一個雞亦, 同埋叫左一隻帆立貝, 首先講下個餐:麵豉湯- OK 啦, 冇乜特別, 屬中品.沙律- 比想像中好食, 但單調左D, 屬中品.大花竹蝦- 一個字正!! 蝦頭二個字超正!!屬上上品銀雪魚西京燒- 幾好, 屬中品.牛肉薄燒- 好食, 屬中上品.炒雜菜- 我唔多鐘意食雜菜, 但覺得好正, 屬上品.炒飯- 我一向唔食日式炒飯, 第一次覺得食日式炒飯覺得好食.屬上品.甜品- 布甸幾好, 屬中品.散叫既菜:熱清酒- 有熱水浸住, 味道幾好, 屬中上品.海膽壽司- 海膽味重, 一流!! 屬上上品.三文魚- 幾好, 幾新鮮, 屬中品.清酒煮蜆- 好食, 但酒味淡左D, 屬中上品.帆立貝- 好鮮味, 屬上品.雞亦- 三個字好難食!!差!!太甜, 仲有其中一隻係未熟既, 屬下品.(不過全晚都好happy, 算啦, 唔投訴你, 其實係唔知點解中途換左師父, 感覺上第一位師父Pro D)

好味:炒什菜炒烏冬牛油什菇清酒蜆蒜粒雞腎蟹子沙律壽司新鮮不過雞亦就甜d, 我喜歡鹽燒.

朋友小病初愈, 提議來一個鐵板燒午餐作為身體和味覺的補償, 午餐時間餐廳有點冷清, 整個午餐像包了整間餐廳似的. 先點了一支李白特別本釀造, 酒色有點混濁而味度偏濃, 還是清甜的純米吟釀比較對自己脾胃; 生蠔賣相不錯, 點了兩客法國珍珠蠔, 肉質爽口鮮味, 還帶有點海水的氣味.朋友還沒有什麼提議, 只好簡單的點兩個不同的午餐分享, 先來了麵豉湯, 味道一般; 法式雜菜沙律, 蔬菜新鮮爽口; 花竹蝦配黑芝痳雞扒, 兩者肉質和味道都十分討好; 薄燒牛肉卷, 肉質和味度似乎失了水準; 日式炒飯, 炒飯鬆軟討好, 味道輕清; 日式炒烏冬汁料味道偏酸, 而且多油感覺一般; 炒雜菜, 已芽菜為主, 賣相和味道不錯, 但份量比想像中小. 最後甜品還是白芝麻布甸, 香滑可口. 食完了整個午餐, 我的肚子都已滿了大半, 但朋友仍覺得半空, 難道小病初愈真的會胃口大開?

難得兩個大男孩有心情的談談啡說說酒, 朋友專程帶來一套齊全的咖啡工具來泡製一壺咖啡分享, 咖啡喝起來甘香可口沒話可說, 唯有帶同喜愛的紅酒, 酒杯,醒酒瓶同往晚宴已作回禮.酒與朋友之間尚欠一個肉字, 來一個鐵板燒比較適, 我們一坐下來只顧著傾談, 還沒有看清楚餐\牌更隨手點了兩個不同的套餐\分享; 晚上餐\廳內比較多人, 上菜亦比平時慢, 正好讓我們多一點時間等待醒酒. 先來的沙律和麵豉湯, 味道不錯; 鵝肝有點過熟; 大花竹蝦肉質口感不錯, 而且鮮味; 牛肉薄燒不像從前的鬆軟, 幸好肉汁仍保留於卷內; 燒羊扒幾近全熟, 肉質柔軟細緻, 肉味氣而羶味輕; 炒雜菜仍是以芽菜為主, 味道爽甜.轉眼間酒已盡, 甜品白芝麻布甸亦送上, 奶味重而香滑. 晚餐\過後, 喝著清茶多談一會的等待酒氣散去, 兩個大男孩拿才肯拿著大包細包的酒啡玩具, 各自回府~

有時人很奇怪,喜歡追尋回憶(味道),找回了,好似如獲至寶,高興萬分.失去了,也會自我安慰,自己嘗經有過.今次再到此進餐,當然也是希望尋回究遣了的味道.兩個人叫了一位份量的鐵板餐,包括餐湯,沙律,大花竹蝦,銀雪魚,牛肉薄燒,炒烏冬,炒雜菜和甜品($198) 再加了一份刺身,忌廉生蠔.及清酒煮蜆!!刺身很新鮮,肉質爽口,忌廉生蠔也很特別,以為加了忌廉會很"溜",原有又不是.師父很細心主動將食物分開兩份,到牛肉薄燒,時又主動問生Ｄ還是熟Ｄ,好服務,值得加分!!味道當然一如回憶,牛肉薄燒,依然入口即溶,清酒煮蜆,依然大大隻很厚肉.好味!!最後送上的炸南瓜雪糕是自家制的,不太甜,加上少少的檸檬皮,刺激味覺.服務員亦不時加茶,轉碟. 找數$434

上個再上個再上再上上上個星期6，去左一次鐵板13。無咩特別，係特別少人咁，可能因為成下午2點，搞到有包場feel。又特別抵食，兩個人只叫一個餐\加酒煮蜆，都已經夠飽。咁，個牛肉卷入面，有D粒粒野，幾好食的。

2次都係一家人去最深刻係個鵝肝,←強烈推介.....另外舊面包令到個鵝肝唔\"漏\",好好第2推介係大蝦,我第1次感到蝦頭ge好味.其他如鰻魚,菜,蜆,炒飯,烏冬全部都可以一試刺身方面,3文魚真的切得好好,好有水準,味道唔錯,幾鮮就算1舊普普通通ge蟹子壽司,每粒蟹子ge feeling都同出面普通果d唔同!飲品呢~罕有的\"力水\"有咩\"O ME+FREE\",又好飲波子汽水和CC LEMON都唔錯飲酒ge當然飲清酒啦~~~~SERIVE SO GOOD,地方又正........悶悶地又可以睇廚師即場表演

見環境幾好又唔多人就入去試.叫左炒雜菜~$40,薄燒牛肉~$150,清酒煮蜆~$60.好"正"!!個薄燒牛肉入口即溶,好香肉味,肉汁又多,好滑呀!!炒雜菜,都唔錯唔會好多水.仲食到D菜本身的清甜味.個清酒煮蜆有D莞茜幾特別.會再去試下!

中午時舊女友出開九龍區, 所以約出來聚聚食個午餐, 本來想去已前食開既一兩間食店懷舊下, 可惜部份已經執左, 都覺得有d可惜. 最後佢決定食日本餐, 而我就決定去呢間餐廳.我地兩個似乎掛住傾計, 無咩心機點菜, 自己隨手打開menu, 點左兩個鐵板午餐. 其中已經包括左:麵豉湯, 法式雜菜沙律, 美國薄燒牛肉卷, 大花竹蝦, 黑芝麻雞扒, 日方式炒飯, 日方式炒烏冬, 炒雜菜, 白芝麻布甸等等, 大部份都好都唔錯, 只係薄燒牛肉卷表面比較煎燶左d. 無之前食o個d咁鬆軟. 另外食到一半時加左三文魚壽司同埋帶子壽司, 都唔錯, 帶子壽司仲好新鮮~ 最後埋單約$300, 幾抵食~ 服務幾好~間餐廳幾清靜, 難得可以同舊女朋友一齊食下午餐, 而且仲有講有笑, 再見亦是朋友~