泰中意

Open Now

Now Closed

好嘢👏 #泰中意 搬咗返嚟大圍仲要系田心村裡面超近劉家呀～喜歡 #泰中意 嘅原因系份量十足😆大大碟又好味道而且職員服務好nice今次我哋order咗🍴 蒽油磯燒豬扒配白飯 $95一上枱就連細細都哇哇聲因為足足有2大塊豬扒！系超大塊！磯燒過嘅豬扒好香口而豬扒好𣺉 一啲都唔un 仲醃得好入味 🤤唔點蒽油汁都可以食哂成碗白飯🍴 泰式海南雞配香茅油飯 $78油飯加咗香茅原來系帶點清香海南雞又嫩又滑 好有雞味雞皮好爽 唔沾汁都好夠味細細👶🏻好鐘意食仲有三款醬汁 辛辣酸甜 各有特色🍴泰式炒金邊粉 $95超多肥美短芽菜同超多花生碎粒撈埋金邊粉一齊食啖啖爽脆又充滿多種口感劉媽👩🏻最鐘意就系金邊粉仲有少少汁 唔系炒到好乾身🍹蜜糖青檸梳打 $38🍹即磨咖啡（凍）+ $6雖然呢度系主打泰國菜但系都有西餐可以食下次食咩好呢？✔️有兒童餐具提供@thailikekitchen 泰中意 ( #大圍 )📍大圍田心村254號地鋪#大圍美食 #泰國菜 #泰國美食 #田心村 #lcty食志 #海南雞 #磯燒豬扒 #泰菜 #泰國 #UCreator #打卡美食 #美食推介 #Foodie

經過大圍見到新開一間泰式餐廳，價錢都好實惠，於是進去嘗下新味道！**碳燒豬扒牛角包拌薯條沙律** 好豐富，有肉有包有薯條和沙律，營養均衡好滿足！豬扒外層微焦，散發著炭燒的香氣，肉質鮮嫩多汁，配上淡淡的鹽香，一口咬下，滋味在舌尖綻放。牛角包的酥脆口感與豬扒的柔軟搭配完美！**碳燒豬頸肉** 碳燒豬頸肉外皮烤至金黃酥脆，咬下去發現內裡卻保持著豐富的油脂和肉汁，肉質細膩，釋放出濃郁的肉香。搭配特製的辣椒汁，令味道更加多層次美味！**芒果紫糯米** 紫糯米上邊是奶蓋，散發紫米的香氣和奶油香，口感黏糯而柔滑還有絲絲甜蜜。新鮮的芒果切成大片，有好多片，色澤金黃，片片都非常甜美！**香葉肉碎炒河粉** 好大一盤，河粉滑嫩，肉碎經過香煎後散發著濃郁的肉香氣，搭配新鮮的香葉，更添一絲清香，味道佳！**泰式炸春卷** 泰式炸春卷比較特別，外層炸得網狀，裡面包裹著新鮮的蔬菜和肉餡！**椰汁珍多冰** 裡面是五顏六色的粉條和圓碌碌的芋圓，好Q彈，椰汁的濃郁香味撲鼻！

今次我黎左大圍個紅梅谷路遊樂場踢波，附近田心村有間泰國餐廳岩岩開張，就係度食埋飯先番屋企⚽️餐廳個裝修都幾靚，門口綠色夠sharp，裡面好似cafe咁，算係open kitchen睇到佢煮野食個地方幾整潔，舖頭唔算好大，多數都係4人枱，人多時拼埋一齊都得🏡碳燒豬頸肉（$78）呢個豬頸肉超好味，真係食得出碳燒味，佢燒到少少濃邊，肉汁仍然保持到，d豬頸肉夠曬彈牙，認真出色🐷鹽燒烏頭（$178）條魚制作需時，餐牌都有寫要預30分鐘左右，條魚燒得好香，魚皮脆卜卜，魚肉嫩滑，另外有個泰式汁，酸酸辣辣咁點埋就更好食🐟冬陰功鮮蝦忌廉意粉（$138）佢除左裝修似cafe，呢碟意粉都幾有創意，有d cafe feel，但係大碟過一般cafe既，個冬陰功醬用黎煮意粉又幾夾，鮮蝦大大粒幾彈牙，我對個意粉感覺驚喜🍝呢間餐廳齋睇地址未必咁易搵到，佢大約係田心街有個巴士站，行入田心村少少就見到，可以話係隱世泰式餐廳，特別燒烤類好好食，見佢寫要燒得耐都覺得穩陣，會用心燒碟好野出黎，燒得正既絕對唔介意等，下次黎踢波介紹埋比d波友先😆

泰中意地址: 大圍田心村254號地舖今日和朋友在大圍晚飯，佢介紹這間新開的［ 泰中意 ］唔錯 ，於是去試試，果然冇令我們失望，以後想食泰國菜，又有一個好地方了❤️泰式海南雞飯配香茅油飯半隻 海南雞已經去了骨，份量十足，雞皮金黃爽口，雞肉嫩滑有雞味，一啲都唔鞋，配上醬汁及香味撲鼻的香茅雞油飯，更增添風味，我非常喜愛吃海南雞，當然不會錯過啦！❤️碳燒豬頸肉上枱新鮮熱辣，有炭燒香味，燒得剛好，醃得好入味，肉質爽口，蘸酸辣汁更加惹味，送啤酒一流，現在新張期間，生啤更買二送一，值得推介。❤️泰式炸蝦餅每次必點，蝦餅外脆內嫩，新鮮彈牙，每一口都充滿了蝦的鮮味，非常惹味。餐廳環境乾淨企理，價錢公道，食物質素佳，值得再次回訪。#@thailikekitchen #泰中意 #大圍美食 #泰國菜 #泰國美食

第一次到大圍田心村食嘢，村內有一間泰中意餐廳，外面佈置左植物，田園生活風。生蝦刺身生蝦有成8隻放上蒜同辣椒，蝦肉鮮味彈牙之外，老闆將蝦頭炸到脆卜卜，咬落非常香口。牛油果大蝦沙律芝士碎、番茄仔、牛油果肉唔會太生，蝦肉爽口，新鮮沙律菜口感清新。泰式炒金邊粉芽菜同花生碎食起上嚟令金邊粉更爽口，金邊粉味道微甜炒得乾身，內裡還有豆乾、雞肉、蛋絲同彈牙蝦肉，令口感更豐富。碳燒豬頸肉有碳香嘅豬頸肉，外面微帶焦香，肉質柔軟亦唔柴，沾埋酸汁更醒胃。蜜糖咸檸梳打酸味嘅咸檸帶有蜜糖嘅微甜，清新又舒爽，唔係只得咸檸味，好正。椰汁珍多冰色彩鮮艷嘅珍多冰，椰汁椰漿帶出清香亦不過甜，珍多滑嘟嘟又爽口。

要數勾起食慾的菜式好多時同好朋友來個catch up就會食泰國野🇹🇭曾經住過在大圍知道附近新開左間口碑好嘅小店原來以前一直在其他區好多熟客黎支持「泰中意」即叫即炒有獲氣！🍛 菠蘿海鮮炒飯 $115真心大贊份量超多，炒飯塞滿了成個菠蘿，裏面還有好多海鮮、菠蘿，炒得非常香，肉鬆亦毫不吝嗇放滿成個菠蘿飯上面，絕對落足料！🥓 碳燒豬頸肉 $78必食招牌菜之一！烤得好到位，帶點焦香的豬頸肉，肉肉獸表示食唔停口，回味無窮！🥬 馬拉盞炒通菜 $78略帶少少辣，炒起仲好嫩綠，夠惹味！本來想試椰菜苗可惜賣哂～ 🥘 泰式炒金邊粉 $95金邊粉又係勁大份🤣 面頭鋪滿芽菜、花生碎、食落好爽脆好有咬感！其實食到咁上下，我地兩個都好飽仲有好多，埋單$400黎講絕對夠三個大人食，性價比好高！下次要試甜品！

今日俾朋友晨早叫醒，繼續行山紅梅谷，行完佢話附近開咗簡泰國餐館，不如去食泰國菜。我哋1:30去到差啲冇位爆滿，餐館唔係好大，但係俾人感覺好舒服。行完山真係好鬼肚餓，我哋先叫個炭燒雞扒飯，上台一見分量好多，雞扒醃裝得好入味之餘，仲燒得好靚，雞扒好大塊，入口雞皮香脆，雞肉非常嫩滑多汁。煙燻三文魚蛋沙律配牛角包伴薯條沙律，份量一樣超大份，牛角包沙律唔差出面西餐廳質素，薯條一樣炸得非常靚，唔過火，下次一定再食。泰式拼盤非常豐富，有香葉包雞，蝦餅，魚餅，春卷，雞翼，拼盤炸得非常鬆脆，香口好味，蝦餅點上特製嘅酸甜辣醬汁非常惹味，蝦餅爽口彈牙，春卷配上甜醬汁一樣好味。芒果紫糯米飯，甜度啱啱好，紫糯米同芒果一齊食，入口好有口感。飲品分別嗌咗一杯熱檸茶，一杯即磨咖啡，咖啡味道幾香。

唔講唔知原來喺大圍站附近有間地舖舖位泰式餐廳，叫做泰中意。個名好得意哈哈，入到黎環境好企理同大間，座位寬落。附近仲好近停車場，夠曬方便。餐牌有好多款式，左揀右揀最後選擇左以下----💛泰式拼盤💛泰式炒通菜💛菠蘿海鮮炒飯💛椰青我地見其他食客都有個大椰青好吸引, 未揀主食前已經落左一人一個椰青先!好甜好解渴!!!! 新鮮嘅菠蘿海鮮炒飯，裝滿整個菠蘿，而且有青口，蝦等等, 飯粒金黃, 真心要大堆呀~泰式拼盤非常大盤，超抵食~~~拼盤有香葉包雞，蝦餅，素菜春卷，魚餅，單骨雞翼, 全部都大大件又香又惹味, 好想下次再黎嗌同款呀嗌個菜食下, 揀左泰式炒通菜,通菜嫩嫩綠綠，炒得好乾爽開胃惹味~呢間泰菜真心好驚喜，食物好高質，另外見到佢地都有意粉，夠多選擇，下次再食過先 😆😆😆

是日dinner過左去大圍搵食，皆因有朋友仔強烈推介左間泰國餐廳話啲野食話正宗同最重要係抵食！呢間餐廳叫"泰中意", 英文係"Thai Like Kitchen", 門面幾易搵，有種悠閒feel！仲以為佢地係新餐廳，點知原來開左好多年，見到有好多熟客支持，以前唔係大圍區，依家搬返大圍喇，食完堅高質，要推介👍我地嘅dinner list~-泰式拼盤（香葉包雞，蝦餅，素菜春卷，魚餅，單骨雞翼）$128-泰式青咖喱牛腩 $118， 配薄餅 $32 （2件）-泰式椰子雞湯 $88話就話小食拼盤，但一個人肯定食唔晒，我地仲要3個女仔分🤣啫係每人都唔洗$40試各款美味精選泰式小食！5款之中，香葉包雞係我最愛青咖喱牛腩好香好郁椰汁味，牛腩好多舊好夠分，軟腍入味，一定唔可以浪費左個咖哩，識食一定要加埋個薄餅用黎餸咖哩！必點： 一定係呢個椰子雞湯我本身驚辣，但原來唔會噃，反而好多椰子味，真材實料有種用心老火湯味咁，我地超級鍾意！入面啲雞砌左條，都係好軟腍架👍真心極高質，但胃部容量有限，款式太多試唔曬，下次再食過 😆

今次去左大圍區食午餐🥣泰國菜都有幾多選擇，除左泰式仲有啲fusion款揀，味道都有驚喜，CP值高泰式海南雞配香茅油飯 店員好推介佢地既海南雞，雞肉嫩滑，幾鐘意佢個醬汁，加入雞飯老抽、自家製薑蓉及自家製泰式青醬製成，食落酸酸辣辣好開胃巴馬火腿雜菜沙律沙律菜好新鮮，巴馬火腿大大塊帶鹹香，配上湯律醬汁甜甜鹹鹹好惹味優質即磨咖啡見D Staff 都大力推介佢地既咖啡，所以決定試下，咖啡味濃郁，入口順滑，估唔到咁有驚喜估唔到香港有間咁隱世高質嘅泰國菜，見到晚餐都有好多唔同嘅選擇，下次一於過嚟再食晚餐先

大圍有不少泰式餐廳，但啱啱見到有間新開試業，約咗朋友喺大圍又揀唔到食咩就諗住試吓。十二點幾去到仲未有人，店員仲準備緊，lunch menu都有不同選擇，但唔太啱個人口味，所以朋友揀咗個冬陰公意粉午餐，我就叫咗個炒金邊粉再加一碟馬拉盞炒通菜。點知我叫嗰兩樣野都冇，就轉左海鮮濕炒河+蒜茸炒時菜。雖然唔係自己本身想叫既嘢食，但好有驚喜。超大碟，味道都好好👍🏻 而且唔算多人，我哋坐咗好耐都冇被趕走😆之前出沙田食飯間間都限時趕客🫣然後發現原來係舊店重開，難怪其他客人都好似同店主店員好熟咁。值得再去食。

最近同啲同事搞掂咗單大project，決定要慶祝下！佢地狂推介我，大圍最近開左間正野，menu勁多選擇。食物同氛圍都正到爆，好難忘！泰式海南雞配香茅油飯菠蘿海鮮炒飯泰式炒通菜椰青海南雞雞皮薄而爽滑，雞肉嫩滑入味。油飯真係有啲香茅香味，我好鍾意喎！因為係半份，有成十幾舊，一個人食份量真係好多！菠蘿海鮮炒飯，啲飯塞滿半個菠蘿，內裏有數款海鮮，食材新鮮，飯粒粒粒分明。通菜炒完都係嫩綠，個汁好好味。椰青大大粒，非常鮮甜，我好努力食埋啲椰肉！超正 呢間餐廳裝修各等都好好，新張期內又有野送，生啤買二送一呀，岩曬Chur 完一輪好好慰勞自己。高質餐廳，必推👍

呢間餐廳不嬲都有支持開，因為食物質素太高質，又夠抵，性價比堅高。勁開心既係佢地以前係下徑口村架，依家搬返大圍區喇，咁近我，梗係要去支持啦！泰式燒雞扒飯配蔥油汁燒雞扒真係幾好食🤤外皮燒得香脆雞肉嫩滑，配埋蔥油汁好惹味，唔想食飯仲可以將白飯轉沙律，冇咁heavy 再追加埋泰式炸魚餅(3件）小食叫左個炸魚餅，炸得剛剛好，魚餅夠彈牙，配上泰式香料幾惹味👍🏻野飲方面梗係要飲佢地主打既優質即磨咖啡見倒好多人話佢啲咖啡好正，今次叫左杯果然幾正☺️最抵係呢間餐廳泊車好方便，勁近田心村咪錶停車場👍 最重要係佢地依家係試業同新張期間，生啤買二送一丫！勁抵！下次再約埋屋企人擦返餐勁先😆😆😆