泰式食

Open Now

Now Closed

前幾日同朋友喺銅鑼灣行完街，就決定去試一試朋友推介嘅呢間泰國菜啦，點知果然係冇令我地失望泰式生蝦食親泰國嘢我都一定會叫泰式生蝦，而呢度嘅生蝦真係算好高質，味道超級鮮甜，真係令人食極唔停口生菜包呢度嘅生菜包同樣做得好好，肉碎嘅香料落得好足，而且份量都好大，食極都仲有👍🏻👍🏻椰子雞湯通常食泰國嘢我都會飲冬陰公湯，但係今次就決定試吓椰子湯，結果果然令我有驚喜，椰子雞湯味道好香濃，有時飲得多冬陰公湯都可以選擇下椰子湯芒果汁菠蘿汁呢度嘅果汁係超級高質，飲得出全部都系用新鮮嘅水果整出黎，芒果汁比較厚身，飲得出落咗超多芒果，而菠蘿汁仲飲得出有好多纖維，酸酸甜甜超開胃椰汁糕呢度嘅椰汁糕同樣甜到剛好，可以為晚餐做一個完美嘅結束

泰式食銅鑼灣好嘢食唔小，呢間都已經唔係第一次食，水準keep到，值得推薦黎試下。由於係宵夜咁食所以同朋友叫左唔算多嘢食，只係叫左個飛天通菜，生菜包同埋椰汁雞湯。侍應服務抵讚，雖然無乜人，但主動帶我地去四人枱坐，坐得舒服又方便食嘢。之後講下食物，飛天通菜每次黎都叫，佢有別於平時泰國食店既馬拉盞通菜，佢係用面豉去炒，味道差好遠，如果接受唔到面豉既話就要諗諗。之後椰汁雞湯係我最愛，飲落好甜椰汁味，一飲就飲唔停，如果中意椰汁味就一定要試下佢。之後生菜包份量足味道好，唔需要多講又係一個必叫既菜。

今日約咗朋友睇戲 睇之前就嚟呢幢大廈裏面揀餐廳食 見到呢間餐廳都裝修幾靚 我哋被安排咗卡位位置叫咗一個2人套餐(可以揀一個小食,湯,主菜同埋炒菜 仲有兩個飯同埋甜品)之後仲加咗個皇帝蝦炒貴刁其實佢個2人餐都幾飽 所以我哋三個人食仲加埋個貴刁真係飽到不得了 食物都好味要左沙嗲串 青咖喱牛肉 冬蔭公湯 炒通菜 特別鍾意嗰個青咖哩牛肉 青咖哩好香濃配飯食真係一流 雖然已經好飽 但個炒貴刁都覺得味道好唔錯 佢好特別咁用一個煎到薄薄蛋 包住貴刁 蝦都好彈牙好好味留意到呢間餐廳有幾個位置類似房仔可以容納8 9個人 呢到價錢唔貴又有獨立位 一大班人都唔怕嘈到人 我諗我聖誕都有著落

泰式食既餐廳裝潢偏向泰式風格，一入門口就已經有個打卡位- 有架相當吸晴既tuk tuk 🚌 而且座位同座位之間既私隱度頗高，餐廳亦有大大小小既卡位提供，如果一大班朋友想自成一角或者想有私人空間，不妨可以係訂座個陣向店員查詢下😆花多眼亂👀下見到個自選二人餐👫都唔錯喎，有齊哂小食、主菜、湯、蔬菜同客飯，再加個Pad Thai 就夠哂啦👍🏻馳名冬蔭公湯😋📍真係食到Lam Lam 脷呀，辣度十足但唔會太嗆喉，仲有大大隻既鮮蝦添❤️份量亦足夠兩個人每人飲到兩碗👍🏻飛天炒通菜🥬📍份量十足，如果再加多少少蒜蓉同辣椒🌶️會更好味青咖哩- 牛🥘📍小妹最愛哩個高水準既青咖哩💯用料絕不欺場，個咖哩汁椰香味香濃但唔會好膩，送飯一流😋牛肉片同其他蔬菜配料沾滿哂咖哩汁🏆沙嗲串燒 （豬/雞）- 相對青咖哩黎講，串燒就略為遜色Pad Thai - 個蛋網靚到嘩一聲，Pad Thai 唔會炒得太乾身，仍能保持應有既濕度！個大蝦燒得啱啱好，脆口彈牙🍤

不時經過銅鑼灣金百利廣場，知道樓上有好多餐廳，但親身去食都係第一次，朋友想食泰國菜，於是去左泰式食。餐廳好大間，一入到去就見到成架篤篤放左係度，即刻以為自己去左泰國。每張餐枱之間都有充足距離，唔會密密麻麻，除非你用大聲公啦，唔係ge話同朋友傾計都唔驚比隔離枱聽到，好適合又食又傾。小食、串燒、海鮮、粉麵飯、特飲等泰國菜常見菜式都有，我同朋友做完運動又餓又攰，於是叫兩碟粉麵飯同生菜包，快手食完返歸訓覺，留返下次先慢慢飲埋野傾計。帶子應該係刺身級，煎到半熟，一d都唔韌，如果表面再煎香少少就仲正。辣椒膏同飯炒埋一碟，但唔會濕，飯依然乾身，粒粒分明，我同朋友都嗜辣，我地食左第一啖飯之後，異口同聲都話夠晒辣，正！牛肉厚薄適中，唔似落左鬆肉粉，食落無潺無渣，值得一讚ge係用左粗河粉，炒河用粗，湯河用幼，坊間好多餐廳不論炒定湯都一律用幼河，手勢無咁好就會炒到斷晒。醃肉碎用左一種好特別ge香草，同平時食開有分別，可惜我食唔出到底係咩香草。生菜新鮮爽口，肉碎份量多，唔會菜多過肉無野包咁尷尬。

銅鑼灣呢棟大廈好多嘢食，想同朋友食泰國菜就揀咗呢間。午飯時間嚟到呢度，有些位置唔太光猛，唔少窗都落咗窗簾布，鍾意較浪漫氣氛的情侶啱晒。午餐有set lunch叫，喺銅鑼灣呢個地段價錢絕對唔貴。我哋兩個人分別叫咗海南雞飯同椰漿焗飯，各自加咗8元配咗龍眼冰和椰汁紅豆冰兩款特飲。然後朋友話太耐冇食菜，就加多咗碟泰式蝦醬炒通菜。海南雞雖然有骨，但入味，配油飯美味。椰漿焗飯有雞肉、肉乾，同埋已刮出來的椰子肉，非常驚喜，朋友好鍾意食。蝦醬通菜夠惹味，送飯一流。椰汁紅豆冰有粒粒紅豆，龍眼冰的龍眼足料。加8元係物超所值。如果想飲番普通的凍飲，唔使加錢亦不俗。最後附送西米露糖水，為呢頓午餐劃上完美句號。此店周六lunch值得再試😊

銅鑼灣金百利有一間幾出名嘅泰國菜，好多朋友都有講過呢間餐廳，一於搵日同朋友去試一試。上到去個裝修環境都好有泰式風味，仲有泰國嗰啲篤篤車，啲擺設都好特別。因為今次冇預到好多錢食海鮮，所以就食啲澱粉質類別嘅食物，順便試吓佢啲口味。803 菠蘿炒飯$95你會見到有成個菠蘿，裏面仲有啲海鮮包括鮮蝦同埋魷魚等等，菠蘿味融入喺飯裏面，香味十足。份量都好多，所以好飽肚。812 泰式乾炒牛河$90乾炒牛河裏面有好多牛肉，都好鬆化，乾身得來大大塊嘅河粉口感都幾彈牙，夠入味，所以比較好吃。63 椰汁西米露$42最後竟然有多款甜品選擇，我哋就試吓個椰汁西米露，都好大碗，味道未有什麼太大特別，不過甜味適中已經很不錯。自己煮西米都有啲麻煩。

今日經開銅鑼灣，想食泰國野。就黎左呢間食。入到去餐廳，成個裝修都好有泰國既味道。泰佛，成架duk duk擺係餐廳。真係好似去左泰國咁。個氣氛好令人舒服。檯夠大，坐得舒服。叫左個功夫炒飯。個名好得意。個炒飯都好大份。少少辣，好開胃。炒飯質感唔會太幹，仲有大鮮蝦可以一齊食。好惹味又好食。第一道菜已經令人開胃。之後叫左個冬蔭公湯。個湯一上菜熱辣辣。飲一啖覺得好開胃。香料真係好香。酸酸辣辣既湯，真係好泰國feel。冬蔭公入邊有三個大鮮蝦，落得重料。仲有草菇，真係泰國先比較多食到既草菇。鍾意辣既人一定好鍾意飲，有辣椒仔係湯入邊，好開胃又正宗既湯。叫埋個生菜包。食泰國野一定要叫。呢個生菜包既豬肉炒得特別香。同出邊食有少少唔同。呢個既香料比較重，但味道又唔會似出邊咁鹹。所以比較鍾意食呢個唔係好重口味但夠香既生菜包。真係好好味。生菜包住豬肉真係好fresh。今餐食得超飽，下次再黎！

女朋友今晚想食泰國野，咁緊係唔可以令佢失望啦呢間野又估佢唔到咁浪漫又funny一嚟就有架泰國tutu車，岩唒打卡坐低先發覺好像個山洞，少少中東feel揀左二人套餐，好多choices ，計落比單點平!前菜: 無骨鳳爪 ，爽爽的 叫左小辣。辣度有得揀幾好。冬陰公湯好足料，有蝦 幾新鮮主菜揀左泰式炆豬手好嫩滑,肥瘦均勻，啖啖肉唔小心食唒成碗飯 個飛天通菜都好大碟最後甜品有椰汁西米露女朋友話仲想食千層糕，我都好耐無食啦好in un 啊，超滿足，簡直飽到上心口

平日要大排長龍搭Lift嘅金百利廣場，近嚟無咁多人就唔使排好耐就上到去第一次嚟呢間都無咩expectation, 但原來呢間野咁得意!入到去ge裝修好有趣，好有feel座位非常闊落今日得我同男朋友，嗌左少少野泰式豬手，好大份用嚟送飯就岩唒，點少少酸甜汁仲正!食泰國野又點可以無冬陰公（可叫小辣）好濃椰香，唔會死辣　like!餐廳有好多款甜品，叫左椰汁千層糕 有6件咁多，抵食!!仲有超多特飲!今日簡簡單單整左個椰青下次再嚟試埋其他先!!

今日Day Off，所以同媽咪嚟咗呢間位於銅鑼灣旺區嘅泰國嘢食lunch!其實係我阿媽介紹我食嘅，佢話午餐好抵食，一於試吓。叫午餐menu,有得自助拎湯，蝦片同沙律，任食唔嬲啊！有我最愛冬蔭公湯。蝦片食得出新鮮炸起，沙律都好唔錯媽咪叫了帶子炒粉絲，都幾大份，即刻炒起，熱辣辣。帶子大大粒，勁好味。我叫了海鮮飯。都幾足料啊，有魚，有魷魚，勁抵食飲品方面，我叫了青檸梳打！佢整得幾好飲，唔太甜又夠氣！我阿媽叫個椰汁冰都唔錯，喺天氣炎熱飲返啖，真係透心涼！我哋仲叫咗甜品，仲可以雙拼添！椰汁糕甜而不漏，勁好味！ 啊媽果然介紹得無錯

今日快閃銅鑼灣，去左金百利嘅一間泰國菜。我覺得呢間舖頭環境舒適， 座位寬敞， 如果人多去食嘅話會有一格格嘅座位私隱度非常之高。另外，佢價錢合理。 難怪lunch都咁多人嚟食。好多人都食佢半自助嘅set lunch， 出去拎沙律、 蝦片或者湯。我哋二人行叫咗一個set lunch一個冬陰功河粉同埋一個芒果糯米飯。佢嘅青瓜沙律系辣嘅，青瓜嘅粗幼我覺得適中，好好咬口，好爽脆。粉皮薄身，索咗少少辣汁。 如果你唔怕辣嘅話，呢個沙律好好食。蝦片好脆身冬陰功湯河粉有四五隻蝦、好多菇菌、洋蔥、香料，夾埋酸辣湯非常開胃。佢嘅辣味唔會好重。 啱曬啲怕辣嘅人。河粉薄身，加埋啲湯食，一流!芒果糯米飯， 好大嚿芒果 雙色糯米飯 甜甜地煙煙靭靭好正荔枝特飲，清涼解渴，食完辣野飲一流。可能太多人order椰子焗飯 ，所以冇曬椰子😂😂啲飯就咁用碗上。啲飯重椰子味 ，少少甜甜地，同臘腸雞肉出奇地夾。好特別

前排去完泰國。而加仲掛住想食泰國野今日就去左間銅記既泰式食入到去即時見到架泰國特色既篤篤車即時諗起泰國啦椰汁冰大杯又冰涼，椰汁味又重😌起秋天熱辣辣飲杯凍飲真爽椒鹽軟殻蟹外層炸到脆卜卜唔駛講，蟹味都幾濃，加上軟殻蟹唔駛除殻即食真係好爽，咸香又好食炭燒豬頸肉豬頸肉燒到岩岩好，有小小肉汁，外層少少脆又爽口，加上有酸酸辣辣既醬汁配合好岩做前菜，好開胃甜酸蝦球都係酸酸地好開胃，蝦🦐好爽口，唔會有「梅」既口感，蔬菜都好好食菠蘿炒飯甜甜酸酸既菠蘿🍍加入炒飯好食炒得夠香口，蛋味又夠，

e晚去咗金百利揾食，因為諗唔到食咩，禁到邊層就去邊層啦😆 然後見到有最鐘意嘅泰國野，咁一於就去試下啦！一入到去，嘩，好靚呀，門口已經有架好靚嘅Tuk Tuk係度，去過泰國都知，Tuk Tuk係icon嚟嘅，好似去咗泰國咁。再行入d, 有個梳化位隔咗出嚟比一班人去食，好有私人度，自成一角，啱曬傾計，仲要靚到好似去咗resort咁，好relaxe度嘅裝修真係好特別呀我地分別叫咗個pad thai 同蟹肉炒飯，pad thai好有驚喜，因為係用蛋整嘅皮包住咗d面，成個presentation令件事加曬分，糖，花生碎，辣椒碎擺係一邊，隨喜好落。炒飯味道ok, 但蟹肉多d就好lu😚

M先生話朋友介紹左一間歷史悠久既泰菜餐廳，所以過黎試試佢，估唔到就係正Sogo隔離個商場，超級近。呢間泰式食有別其他泰菜餐廳，菜式多而且有好多唔同新式既選擇，感覺有D似crossover，唔係好似一般泰菜餐廳來來去去都係個幾種選擇，如果同未必超迷食泰菜既朋友都可以黎試試泰式燒豬頸肉超級香濃豬味，齒頰留香，即使齋食唔蘸醬汁都好好味，當然蘸上醬汁味道就更上一層樓，醬汁微酸微辣，好開胃，非常推薦！甜酸蝦球其實係咕嚕蝦球，酸酸甜甜好好味，甜會多過酸，而且蝦球係經炸過，又大隻多肉，仲有菠蘿、提子、紅椒等伴炒，有菜又有肉，都係一個唔錯既選擇。菠蘿炒飯係泰菜最具代表菜式之一，佢呢到幾特別既就係面頭會有各款酸甜醬海鮮同腰果，下面就係粒粒金黃既蛋絲炒飯，仲有好似臘腸肉既粒粒，菠蘿好甜好好味，鍾意食飯既可以一試！椒鹽軟殼蟹都好大份量，隻隻軟殼蟹都炸得好脆，而且有D都好多膏，鍾意食再香口D既可以用匙羹夾埋D椒鹽碎一齊食，味道更加惹味！因為唔飲得椰青同椰汁既關係，最後就緊係揀左個芒果汁，芒果汁真係好香甜好濃，一D都冇溝水，一直都唔明白點解泰國既芒果汁係一D都唔酸，真係好好味，加埋朵花，成個泰國Feel都出曬黎