Video
Above information is for reference only. Please check details with the restaurant.
作為海南雞飯的愛好者，真係要周圍搵先搵到好野食，新北江好多食店都藏在每個角落，要搵好野食，真係要自己行均成個商場先得，之前一直未試過呢間，但聽朋友講讚呢到啲雞好滑，所以今日去試吓。呢間小店之前食過，其他野都唔算太突出，炸雞就一般，但今日一試就真係覺得海南雞飯真係超乎想象！而且佢價錢咁平，真係無乜好挑剔，外賣拎返屋企食就比較好。雞肉無骨，食落啖啖肉，雞皮唔會太厚，脂肪亦都唔會過多，入口充滿啖啖脂香，雞髀肉非常嫩滑，富雞味，皮爽甘香，厚肉富彈性，皮下有啫喱膏。 至於好吃的雞油飯，要香軟油潤，帶香茅南薑味，這個米飯圓潤，粒粒分明，油潤入味，帶薑葱香，偏軟腍但不失咬口。辣醬辣得刺激，有新鮮辣椒的味道和層次，個辣醬好加分呀！
continue reading
叫左個冬陰公花甲粉絲，碗野黎到得湯見到，粉絲同花甲小得可憐，都算，個泰式鳳爪碗就大 得一隻…這唔知以為叫左個食剩套餐 仲要收成72蚊 食完都唔知食左d乜….唔會再去呢間野，諗住行過見其他餐廳爆晒佢呢間小人又新開，打算試一試 點知無人係有原因，一係就唔好比人叫 明顯幾一隻鳳爪斬到爛晒就當份量多？食到好似乞食咁既感覺，真係黎到見到我當堂想問 呢個係上一手食剩？ 衰過我叫米絲加料既份量 ，都算碗米粉先過份 黎到我以為叫左冬陰公湯 我搵唔到粉絲同花甲！食到一肚氣 ！
continue reading
尋日突然好想食海南鷄飯，就去左新北江掽運氣，一上到樓上就見這家，而菜牌上第一樣嘢就係海南鷄飯，咁應該唔會錯得去邊 ~就佢喇! 点左海南鷄飯，收銀員提議我追加小食，咁我就叫左炸蝦餅。10分鐘左右就有得拎，唔錯。返到屋企打開盒飯，賣相唔錯，点左一下個酸汁，較其他店為辣，但可接受。再睇埋個蝦餅，好似少左啲喎，得三塊，每件得半塊麥樂鷄咁大。。。試吓先喇，可能好好味呢。。鷄是無骨的，外表睇落都嫩，但咬落去有渣囉，好似煲完海啲鷄咁，食完好攰，啲飯尚欠軟熟。個蝦餅，咪就蝦餅，我食唔出佢彈牙，啲調味蓋過晒一切。更唔明追加价錢嘅定義。
continue reading
呢幾日突然好想食海南雞，行過新北江見到呢間泰識野新開未試過就一於試下啦，今日買外賣返去食，睇下餐牌就買左海南雞飯加2串沙嗲食。無骨海南雞飯，飯係用黃薑飯唔係雞油飯，但我又幾鍾意食黃薑飯所以加分，飯都算粒粒分明幾靚仔，少少黃薑味唔會好重，雞都幾滑仲有啫喱，48蚊都食得過。泰式炸春卷，跟餐加12蚊2條既炸春卷仔，呢個好老實講有d搵笨，非常唔值，所謂泰式春卷根本同超市公仔點心d春卷一樣，毫無特色，又無乜餡，唔建議加。沙嗲串燒，我揀左雞同豬，店員話係生燒的所以等耐d，確實燒得唔錯，就算外賣返去凍左食都仲好香口，我揀左唔辣所以跟沙嗲醬，沙嗲醬好香有少少花生醬味，同沙嗲串食非常夾，但如果佢d醬係另外裝俾我就好啦。整體上食物質素算唔錯，價錢都算合理，係個春卷覺得超唔抵食。
continue reading