泰式東王

Open Now

Now Closed

專程揸車入黎回味一番....要食泰菜...九龍城一定係首選...呢間也是首選為了好食物,有時係需要紆尊降貴才能配合既!!!泰式鳳爪-------本身鳳爪係無味...係靠香料同配菜及溫度(凍)才可發揮出來,它做到這效果... 配菜(西芹...青蔥...洋蔥...大蔥...)...香料(魚露..香茅,,,酸汁...辣椒)...好難不好食 (係推介)泰式豬頸肉------送酒小食....不過不失...咖哩聖子加薄餅-----呢度咖哩係偏甜,因為佢汁獻主要係雞旦,牛油,花奶,椰奶)所以好香.. 同埋開胃...聖子也很新鮮....整體合格! 薄餅-----這裡的薄餅....要一讚....好鬆化同香口...送埋咖哩係一絕(怕肥..怕滯...怕不 健康就小食)....燒尤魚-----------------眾所周知尤魚係飽肚食物......所以食燒尤魚最好配合酸辣醬汁後天補救..

話說, 香港人不嬲都鐘意去排隊, 因為咁樣代表著呢間餐廳係好味既! 今日我終於都明白呢個道理係岩既!今日7pm去到九龍城. 以為早, 所以冇一間餐廳要等位 (即冇indication provided!). 好啦, 咁就去呢間thai bbq. 一半full. 首先我認為個環境頗污糟. 店好細間! 我唔多like呢個envrionment. 不過如果好味就唔緊要啦~點菜先:蝦刺身味=ok既~ 有好多冰serve住, 所以好鬼凍! 唔腥, 再加上佢俾泰式激辣汁, 幾match, 幾得意. 不過我而家諗落, 總覺得好唔衛生, 所以有d驚會食物中毒... 我忽然覺得自己有好大勇氣... 都係唔好recommend呢個dish...酸辣鳳爪呢個好味! 夠辣, 夠酸, 又入味! 正! 同埋幾凍, 正! 不過都幾細碟. 鳳爪唔多, 但d菜就多! 不過都ok既.鹹魚炒芥蘭呢個芥蘭好味! 平時既芥蘭係苦苦地架嘛, 但呢個係甜架! 同埋好爽口, 又夠鹹, 所以係咁食. 不過又係好細碟, 得個幾條菜... 唔得喎...燒烏頭嘩! 呢個好味! 不過都幾油下. 佢係乾燒 (條魚入面俾人塞左d "菜" 係入面架

是日恰逢泰國人的國慶（潑水節？），九龍城好不熱鬧，我同滯滯說：應該是食神呼喚我們去吃泰菜了吧。不由分說，對燒魚有點興趣，就去了泰式燒王。結果，竟釀成近期最恐怖的一餐飯。兩杯凍飲堪稱“炸彈冰”，我的烏梅冰算得發澀，一入口不禁打個寒顫；滯滯猴的龍眼冰又甜得發嗲…泰式串燒一碟6串，豬牛雞各二。其中雞肉最正常，肉質嫩滑，而牛與豬就乾巴巴缺少肉香。最恐怖的是個汁，太甜又不辣，濃稠稠的，沙嗲咖喱皆非，真可怕…幸好來了救兵泰式炒飯，平凡的炒飯，沒有什么可圈可點的用料，卻炒出住家菜的風味，滯滯說她爺爺的炒飯就是這個味道，叫人好生羨慕呢，我屋企人就不識煮的…可惜短暫的祥和很快又被燒烏頭魚打破，第一次吃未除去魚鱗的燒魚，表面又鋪滿了海鹽，入口實在是腥得難忍。魚肉尙算嫩滑，可也藏不住一陣一陣的海腥味。最恐怖的是魚身里竟然裹了巨多香茅，從前吃越南菜對香茅有了心理陰影，今次吃這條燒魚…陰影變成烏云密布，很難重見天日了…好久都沒有吃過這么恐怖的一餐了，本來是想應應節嘗試點新事物，沒想到卻被虐如此，恐怕泰菜的燒物并非我杯茶吧。

早在三年前已經成日黎食, 初初無咁多人, 淨係得泰國人幫襯, 貪佢價錢公道, 無乜商業味. 泊車方便.差不多都試過晒 ;蝦餅 - 彈牙, 新鮮生菜包 - 夠辣, 入味生蝦 - 同樣新鮮生蟹 - 無乜人敢試, 我都係見到啲泰國人食先試, 開頭都會懷疑生食得唔得架? 一試之下真係好鮮味, 感覺有啲似食生蝦, 口感好得意! 但留意, 呢個餸要一黎就叫, 因為要等大約一粒鐘, 事關要等啲醃料醃一段時間, 啲蟹肉先會離觳. 本人多數會打定電話叫佢落左單, 咁就唔駛等咁耐. 泰式炒河 - 可揀豬,牛,羊, 雞. 有獲氣咖喱大蜆 - 咖喱味少辣, 甜甜地, 大人細路都啱食, 蜆夠大隻, 無乜沙咖喱蟹 - 咖喱味同上, 佢用肉蟹所以啖啖肉, 正!以上咖喱類都會送薄餅一碟, 真係不得不試. 厚薄適中, 有牛油味, 每次我都要加多一碟先夠皮.燒豬頸肉 - 腍, 有肥膏. 送酒必選串燒豬, 牛, 羊, 雞 - 一般, 一試無妨冬陰公海鮮湯 - 一般, 唔太辣, 海鮮唔多, 得蝦, 青口, 幾粒尢魚泰式明爐魚 - 好全統, 正宗泰式鳳瓜 - 夠辣, 夠酸菜類 - 一般芒果冰 - 芒果味重, 足料西瓜冰 - 西

星期六晚去完九展睇show之後, 就落左去九龍城諗住食餐好既~行左好耐….揀極都揀唔到…攪左好耐~最終晌泰式燒王門口停低, 因為我睇過食評話呢一個幾正宗, 而且好好味~成間舖頭既隔局都好正宗, 就好似香港既小炒店咁, 而佢就係泰式既…所以衞生方面就麻麻, 佰係個感覺就幾正宗……一坐低無睇餐牌~我朋友就即刻order左一碟生蝦刺身~睇過餐牌見到好多野都好好味~結果我地三個人叫左一set冬蔭公火鍋加配料…辣椒膏炒蜆…半打雞牛豬~生蝦刺身好快就上檯…我已經好耐無食過, 所以就急不及待咁食左一隻…好鮮味而且都幾大隻, 但係配果個汁都幾辣….但係唔點汁食又唔得喎….所以要不斷飲野~食晒碟蝦之後條脷仲有少少麻麻地添~都幾刺激……跟住辣椒膏炒蜆~非常之大隻….其實我都係因為見到隔離檯咁大隻先叫….無沙好甜…雖然係用辣椒膏去炒, 但係一0的都唔辣~仲甜甜地~我個朋友索性連0的汁都飲埋….辣椒膏同蜆真係幾夾~可以互相帶出大家既味道~我認為係必叫既菜式丫…半打雞牛豬…雞最好味…燒完都仲好嫰滑~豬同牛就差唔多~….果個沙嗲汁同其他地方唔同, 因為我多數食都係另上既, 但係佢就淋埋上0的串燒度…..平時成日都

明明是想追債的，結果變了接放工，債幾乎收不了，或許是整定欠你的…激死。生蝦一般，那個辣汁卻相當不俗。木瓜沙律相當醒胃，酸酸甜甜爽爽的很好吃，是最好吃的一款。串燒也是一般了，也有那種吃了也分不出是牛還是豬還是雞的問題。椰苗是近來的泰「菜」的首選，平平淡淡才是最好，炒得很爽脆很翠綠。一大班人不好坐，但兩個人卻剛剛好。服務和環境也過得去，中規中距的九龍城泰國菜，算是比小曼谷好了。

朋友仔 + 我想食 thai 菜~~ 一定要黎九龍城啦有人 recommend 我去呢間 thai bbq~點左:半隻燒雞 好食~~ 雞肉好滑 .... 少少"火農"~ 不過香口冬陰公 : 酸辣濃 .... 正~ d 炒椰菜苗: 爽口~~ 唔會好咸菠蘿炒飯: 普普通通 la~ 無咩想講咖哩炒蟹: 甜的咖哩 ..... 唔會太辣, 而且好多蟹膏~ 甘香3 個椰青食左個幾鐘意都無人趕我地走 ........ 唔錯

無疑係幾好味嘅！啲泰國姐姐好好人，咪咪笑，唔會好似對面"小X谷"啲阿姐烘燶面包- 黑口黑面。又平，食得開心。推介：辣椒膏炒蜆- 好香椰汁味，靈魂在於乾葱起鑊加埋金不換嗰陣獨特香味，啲汁勁正，大蜆反而變咗綠葉。辣度可以接受，蜆不多。醃粉絲沙律- 勁多辣椒、乾葱、西芹等香菜，撈埋啲海鮮、肉碎，而粉絲索哂啲酸辣汁，非常惹味。都幾辣，嗜辣嘅我都辣到聲。酸酸辣辣好醒胃。燒雞全翼- 燒得夠乾身，但啲肉仍然juicy，不要點泰式雞醬，點泰式海鮮汁就哂香！以上三寶我次次都點，2人用，食完啲粉絲都夠哂飽。唯一欠佳就係味精多，有時要飲多兩杯冰飲。呢招係咪佢哋嘅策略呢？咁就不得而知嘞！*同意之前食客之批評- 燒牛肉太嚡，太硬。

為左個香茅蝦沙律突登由屯門出黎食蝦雖然細左，但香料仍然足又香又開胃另外泰式sukiyaki都正撈埋白飯就perfectp.s.張相係上次食既香茅蝦沙律

因我同事食完話好正,故我跟二個朋友專程約埋一齊放工乘車去九龍城到這裡試食,我們共叫了三樣東西1.炸蝦餅->普通貨2.芋頭焗飯-> ok3.肉菜包->一般總括都是一般,沒特別

前二天去吃，看了網評，點了蝦沙律、東陰功、炒田雞、串燒、豆角內碎炒飯。蝦沙律果然名不虛傳，好味！東陰功比較正宗，就是太辣了，本人受不了，但又喜歡吃，晚上有點胃疼，估計是太辣了！炒田雞比較一乾。串燒有些老，還是新疆的串燒好吃。豆角內碎炒飯好味。總的說來味道還是不錯的，還會再去！

見食評好似ｏｋ．．．於是黎試下串燒：牛肉超嚡，豬＆雞比較好ｄ，都算入味。香茅蝦沙律：酸酸地幾開胃，可以接受。鴨肉生菜包：鴨肉本身已經炒得太老，加上切得太大粒，令口感變得好嚡，生菜亦非碗形的，食起黎有ｄ難度，不及格。蝦餅：比較正常的一碟，夠脆口但稍欠彈牙。燒盲鰽：最期待的一碟，可惜肉質偏削，亦無乜鮮甜與香茅味，失望。炒通菜：太老，亦唔夠香。炒飯：垃圾，唔夠香又冇味，比一般泰國菜館差好遠。雖然幾平，但我諗都唔會再黎。

星期二放學後同個朋友去呢度試試泰國菜, 廢話少講, 叫了豬,雞,牛串燒, 串燒都幾香幾有風味, 但那些沙爹汁真係唔多掂, 沒有應有的花生香味及辣味. 另外亦點了冬蔭功, 呢個湯是我飲過最正最正宗, d香茅好香, 香味及辣味剛剛好. 炸蝦餅如上幾個食客所講炸得又香又脆又爽口. 必點之菜色, 另亦點左鴨肉碎生菜包. 非常之香口亦沒有鴨的酥味, 拜特別香料所賜. 不過最失敗應該是招牌菜咖哩了, 點了紅咖哩牛肉(有青咖哩及紅咖哩)後來個侍應話紅咖哩辣d, 所以點了紅咖哩牛肉, 但最令人失望是牛肉是先用水熬熟再放入咖哩汁入面. 肉質完成沒有入到咖哩味. 但是總括來說都是食得過的泰國菜, 因為味道都幾泰國的. 還有就是這裡沒有其他泰國餐廳的裝潢, 但反而這樣食得暢快.

朋友突然由元朗出九龍城相約食飯,好彩冇約,唔係都唔知點推. 去九龍城當然最多選擇就係食泰菜啦. 我食泰菜,一係要好辣,一係就燒烤,朋友唔太食得辣,就只好選燒烤.呢間都係佢介紹,環境一般,唔係黃珍珍o既靚靚裝修,不過又比鴻福乾淨. 全店泰國侍應,如一般九龍城泰國食店一樣. 生蝦係必食. 唔算鮮甜,不過爽口,食得過.冬陰公朋友認為水準唔錯,我就覺得辣d重好.燒牛肉同雞腎都可以,不過個汁就太嚇人,沙嗲唔係沙嗲,咖哩又唔係咖哩,味道好怪,唔辣又太甜. 最後頂唔順叫佢俾豬頸肉o既汁我地,咁先叫正常d.燒盲鰽有好多香茅係魚身入面,皮外有大量粗鹽,燒得好香. 呢個燒魚值得推介.重有蝦醬炒通菜係朋友要叫,冇法啦! 比我一定叫多個酸辣鳳爪或者木瓜沙律重好啦!!加埋兩支青島成為好滿足o既一餐.

見open rice的網友強烈推介, 就同傻寶去完中山之後一試...由於小寶不好辣(直情唔食得), 以為去到無野好食, 點知有一次意外驚喜!以燒王為名, 必試串燒, 雞牛豬全試...全都十分入味, 豬雞更特別juicy...好食~再試炸蝦餅, 總結:彈牙, 有蝦味, 熱辣辣, 唔油...生菜包(牛), 泰北菜...傻寶話好麻辣, 好食...仲有一個泰式炒飯: 頗濕, 肉片入味, 但就鹹左少少, 因為食完要叫椰青(又凍又清甜)先解渴...傻寶就另外叫左杯龍眼冰...佢話甜左少少喎...好抵食, 因為我地兩個好肚餓咁去食, 都仲要打包...