Video
5-min walk from Exit A1, North Point MTR Station
continue reading
Telephone
28666811
Opening Hours
Today
11:30 - 16:30
17:30 - 22:00
Mon - Sun
11:30 - 16:30
17:30 - 22:00
Above information is for reference only. Please check details with the restaurant.
About Reward Scheme
Very Bad Experience 👎🏻呢間餐廳每張枱低係有一盆蝦片 so call 前菜，本身都唔知道有呢一盤蝦片，點左菜等左超過20分鐘都冇上菜，四圍望睇吓其他枱上菜嘅情況，先發現原來每一台都有一盤蝦片，於是問服務員，先好唔情願咁俾我哋。十分明白平安夜外出食飯唔可以要求太高，先唔好講上菜慢（足足等咗超過45分鐘），個黃咖喱加拿大藍青口，一碟裏面冇20粒青口，但係有五粒係冇開口嘅，於是同服務員反映，佢哋完全唔覺得係咩一回事，聽完就算。肉鬆生菜包，一啲肉味都冇，啲肉鬆好似烚熟咁，坦白講真係未食過咁難食嘅生菜包。泰瀾鑊小食拼盆，餐牌寫到好似好大份咁，每款四件，絕對取巧，舉個例子，蝦餅兩件將佢一開二，咁咪四件，盛惠$198，極之唔抵食絕對冇下次，越嚟越明白點解香港人唔鍾意喺香港食嘢！本人外出食飯本着開開心心，冇咩特別嘢我都算，但係今次實在太過分，亦都係我第一次分享我對飲食嘅體驗，生菜包同埋小食拼盤我已經嬲到唔記得影相，但係所記錄的全部都係我第一身嘅經驗同事實🫶🏻
continue reading
第二次嚟，雖然今次客戶體驗好差，但我都想客觀地讚賞佢哋嘅食物質素先。一去到首先每台都會比一碟蝦片先，今晚最欣賞嘅就係佢嘅「鑊仔黃金咖喱炒大虎蝦」，佢個汁做得好好味，不枉我哋特登嗌咗「香烤薄餅」同埋「金磚蒜蓉多士」撈嚟食，大虎蝦真係大大隻又厚肉，連當中嘅配菜例如青椒，紅椒洋蔥都好入味，都好好食。燒豬頸肉我覺得可以再燒耐少少，應該會再香啲。至於服務方面，今晚真係強差人意。6:44pm落單，去到7:20pm仲未有得食，足足35分鐘，同服務員講，一個男人嘅就話明白，另外一個身材略為肥胖嘅女士，仲更加木無表情，冇回答我。起初淨係嗌咗烤餅撈咖喱食，由於果汁太好味，多士係後加嘅，亦都再等咗20分鐘先至嚟到，當時餐廳唔係full晒，大約一半枱係有人坐，唔明白點解上菜可以咁慢？
continue reading
前排經過見到北角開咗間泰菜 舖頭門口好靚，有室內同戶外，最鍾意食泰國菜嘅我決定要試吓！首先一坐低會送咗一兜蝦片 由於天氣好熱，二話不說叫咗一杯啤酒！見到附近有台叫咗蛋黃鮮蝦炒金邊粉 賣相不錯 所以都叫咗一個嚟試吓！ 蝦嘅份量大約有四隻爽口彈牙！不過飯嘅份量唔算多 馬拉盞炒通菜 味道正常發揮！清邁秘製串燒拼盤！ 本人認為雞比較好食！豬就較乾身！ 整體都不過不失！ 有機會去開北角可以一試
continue reading
外賣送過黎果陣仲係熱既, 個豬頸肉鮮嫩又有脆口, 肥而不膩. 個雞翼勁香, 皮脆肉嫩好惹味, 十分好評!!!堂食服務好好!食完職員會即刻過黎收碗, 又會勁細心問我地洗唔洗添水. 果個蝦餅勁脆, 咖哩勁香辣, 個串燒食完完全唔覺得膩, 之後仲叫多左幾條黎食.
continue reading
🍴 招牌泰式海南雞飯 $78 (7.3/10)好大份，仲有得叫多飯！雞肉嫩滑但冇乜味，冇雞味，靠個酸汁，個飯濕度剛好，微微薑黃味，下面有椰菜，好清爽，個湯係比較油嘅冬瓜湯，整體OK抵食。🍴秘制串燒雞（2串） $24 (7/10)雞好食啲，唔乾，個汁鹹鹹哋。🍴秘制串燒豬（2串） $24 (6/10)偏硬同乾，普通。🍴 香予雞翼（3隻） $24 (7/10)香脆唔乾，少少鹹味。🍴泰式凍奶茶$8 (6/10)正常，叫左走冰走甜，又做到👍🏻有少少茶味，偏淡，普通。推薦指數: 7.5/10朋友叫嘅豬手好嚡口肥膩，不建議，豬頸肉都ok。
continue reading