牧羊少年咖啡館 (香港單車館) (Closed)

第一次嚟食晚餐，可惜就已經係呢間餐廳嘅最後一晚。呢度環境唔錯，二人平排位對𥦬坐，夜晚望出去大水池，有對著個湖食嘢嘅feel。食完飯喺出面行，感覺都好舒服、好寧靜。整體食物質素唔錯、服務態度良好。餐廳職員表示將會响德福開另一間。一期一會，期望再聚。

當日同小朋友放完電，見單車館入邊有一間餐廳，所以就入咗去食。侍應帶我哋入座時，經過隔籬枱明明見到有墨汁意粉，諗住order一份俾小朋友食。結果發現餐牌並沒有墨汁意粉。舉手問咗個侍應，侍應都答我唔到點解。埋單時，我哋再問其他侍應，侍應聲稱係電腦落單系統錯誤，所以廚房照單出咗意粉俾嗰枱客。唔理佢真定假，姐係簡單啲講其實係可以整到喇唔明點解咁大間餐廳（好似仲話有分店）都會系統錯誤😑

此餐廳之前已食過, 今次再來一試 食物 : 日式大阪燒風味煙三文魚薄餅 $148 ~ 薄餅好大個, 兩個人食好飽, 口味跟大阪燒好似, 幾特別, 好味 龍蝦汁鳳尾蝦意大利粉 $118 ~ 味道不錯, 意粉不會過淋, 好味 環境 : 餐廳座位舒適, 枱與枱之間有距離, 可以安靜地用餐 地點 : 此店在將軍澳單車館內, 在MTR行過來約13分鐘, 會有點遠 服務 : 職員有禮貌 價錢 : HK$293 (包加一服務費)

平日下午時間光顧 落雨店內幾乎沒有客人 有成幾十個空位 超過105分鐘用餐時間 就算未食完都即刻多番催促埋單 … 一陣又話收餐具又剩 建議非繁忙時間取消限時用餐時間 想坐多陣都唔得…

牧羊少年咖啡館將軍澳運動場館環境好大好舒適望到外邊嘅水池, 風景很好大蝦意大利粉~大蝦煎得好香😍一口小食拼盤~非常香口🔥千島香芒牛油果雞肉pizza~好清新嘅pizza🥳英式waffle配haagen dazs雪糕~窩夫香脆配上雪糕😍

因為雅蘭果間分店不錯，所以才去試吓將軍澳分店。怎知遇上態度差、不負責任的侍應妹，一聲不發，突然從我身後粗暴地一手拿走個Menu, Menu擦過我臉旁, 差些給毀容，Menu上的食物殘渣飛起如雪花，連頭髮都給弄污了，侍應生竟然若無其事，比大x樂、大快x 姐姐還不如。

星期日朝早，同小朋友去公園玩完，大家全身濕哂，因為天氣好熱，諗住近近地，一行5人連埋小朋友，就選擇左牧羊少年咖啡館，都未入到去，咁岩見到有班人向度慶祝生日，不過佢地坐向中間長檯，咁推住bb車，同帶眼鏡長頭髮既待應小姐講: “5位“佢望一望入面，同我地講：“冇位“，(入面咁多位，點解話冇位？)我地指住入面，好有禮貌地問佢：“part埋側邊個两張,得唔得？“佢即刻拒絕：“唔得“我先生就行入去餐廳，望下仲有冇其他位，的確，得返側邊有吉檯，好，再三問多次女待應，今次佢問埋阿經理，佢回覆係：“ok, 但只此一次“食餐飯，明明大把位，要問足三次先俾入，仲要俾說話我地聽，其實我唔知係咪，因為我地有bb車，佢擺明唔想做小朋友生意定係其他原因，(bb車大不了放向門口)一行5人，全身濕哂，向門口搞左勁耐，換黎一句“只此一次“，好似求佢地咁，我地最後決定走，去其他地方。之前星期六都試過佢地食物，cp值唔高，set lunch $98-150都有，但質素只屬茶餐廳水平，白咖哩豬扒飯$108，肉醬意粉$98, 服務更加唔洗講，接近零。如果唔喺因為近公園，都唔會選擇佢。

開業多年 睇住呢間餐廳成長，多年來一直進步，我個仔以前嚟既時候好細個，跑來跑去，而家都長大了，呢度環境好靚，我不時同姊妹來下午茶，好多個餐我都食過，百食不厭，晚餐嚟過2-3次，三五知己來聚會都好不錯。我個人最愛一定是雞翼薯條，非常邪惡，食完最後過對面做1小時運動，另外橙茶都好好飲，一定推薦給朋友。整體來講，每間分店各有特色，每間都好用心經營，呢點我好佩服店主，尖沙咀分店我都去過，感覺同樣舒服，所以我一定會繼續支持

約左阿女同朋友仔一齊去單車館公園玩講好左去牧羊餐廳到食lunch🍴Staff安排左我地坐窗邊梳化位 有好寫意嘅風景睇🏞️Menu已經好多選擇 仲有lunch set好食又抵食蕃茄夜香雞球 配 藜麥飯評分：👍🏻👍🏻👍🏻👍🏻👍🏻好香椰香嘅蕃茄味 好濃郁嘅蕃茄汁雞球份量都算多 仲好嫩滑 配埋藜麥飯食好健康又好味配菜係有小椰菜同蘆薈 好fresh 點汁食仲好夾蝦頭油鳳尾蝦香辣肉碎意大利粉評分：👍🏻👍🏻👍🏻👍🏻👍🏻呢個真係好出色 蝦好爽口彈牙 好鮮甜有肉碎嘅意粉味道口感都好豐富少少辣咁吊一吊味好正 味道亦唔會太咸蕃薯條 配 蜜糖芥末醬評分：👍🏻👍🏻👍🏻👍🏻👍🏻即炸薯條加分 仲要係蕃薯條🍠🍟甜甜地好香脆 點埋蜜糖芥末醬仲好食八爪魚丸評分：👍🏻👍🏻👍🏻👍🏻👍🏻我地以為係日式嘅八爪魚丸😂原來係台式嘅花枝丸 但皮脆肉嫩入面仲有啲花枝碎肉粒食 好咬口跟餐仲可以嗌水果茶 清清淡淡好fresh

去過幾間牧羊都感覺唔錯，第一次黎到單車館分店，呢間都算世界級服務。規矩多多，唔講以為自己米芝蓮。叫店員落單都唔俾，一定要自QR code落單，唔緊要，但唔該態度可以好少少，攞杯水都好似得罪佢咁。去個廁所都問我係咪叫埋單。叫咗兩個意粉都重手咗少少，好油膩同重口味，食到一半都不了，呢方面都有待改善。latte拉花好靚，俾人影相打卡一流。與其整咁多規矩又限時，不如做好自己先。牧羊每況越下可以byebye👎🏻

帶仔仔去兒童遊樂場玩前，好想試下呢間餐廳，岩岩tea時間，不過我地未食晏，食飽飽先去玩。唔洗等好耐，地方寬敞，舒適。叫左午餐 ： BBQ醬手撕豬肉菠蘿漢堡包 配蜜糖芥末蕃薯條 ＋橙汁；一份TEA SET : BBQ醬雜椒手撕豬薄餅 ＋冰水果茶。午餐真係足料，味道好，漢堡包烘得脆脆地，但又唔會好硬，豬肉少少偏甜，但岩哂仔仔口味，唔鍾意食肉嘅佢都食左2/3 ；蕃薯條份量多，配唔辣嘅芥末醬好夾，又香又脆，飲杯橙汁，正我份薄餅有兩塊，鋪滿豬肉，水果茶有一塊橙，一塊西柚，味道都唔錯嘅。

今日同朋友聚會，於是黎到之前食過嘅牧羊少年咖啡館，呢間餐廳係單車館裡面，地點無咁就腳，所以少啲人黎食，唔需要等位👍👍👍但係食物質素都幾好，係一間值得一黎再黎嘅餐廳。我地今次叫左1:千島海鮮薄餅$138呢個薄餅係薄批底，上檯就聞到好香，雖然係千島醬，但食完唔會好膩，酸酸甜甜好開胃，裡面有多種海鮮🦞，例如章魚🐙、蝦🦐同埋蟹柳，蝦好新鮮彈牙，食落似新鮮蝦，大大隻，好滿足🫣🫣四個人食都好夠👍2:黑椒香蒜煙鴨胸意大利粉🍝$88上菜已經聞到好大陣黑椒味，好香。意粉炒得啱啱好，夠乾身，配埋惹味黑椒、蒜蓉、青椒🫑、菇🍄片同埋鴨胸，呢個意粉好受朋友歡迎😋3:小食拼盤$138呢個之前都食過，最啱一大班人食叫，因為份量好多，種類又多，啱曬唔同人口味。雞翼炸到好香脆，食落唔會乾身，多汁。蕃薯🍠條好香甜，配埋沙律醬好惹味。香腸有兩款口味，一款辣，一款唔辣，我地覺得辣嘅更好食🫣。墨魚丸有粒粒墨魚粒，食落好有口感，鮮味十足。春卷炸得啱啱好，唔會好油，食落口好香脆👍4:卡魯哇咖啡酒提拉米蘇$68甜品用杯裝著，份量都好足夠，兩個人食都覺得好飽。我好鍾意呢個甜品，佢有濃濃嘅咖啡酒味，又有打到好幼滑嘅cream，手指餅係做

假日行過單車公園，見到有間牧羊少年，見唔係好多人等位，一於入去食個lunch, 我們選了窗邊位坐，可以望住啲人玩遙控艇😃流心蛋卡邦尼長通粉 | $98有煙肉、蘑菇、流心蛋等；長通粉口感唔錯，鍾意夠硬身，好有咬口，個忌廉汁都好creamy, 味道剛好，不過不失Guinness黑啤燴牛肋條配藜麥飯 | $122雖然我唔飲酒，但用了黑啤燴牛肋條又接受到，牛肋條入味，整體都燜得好軟腍，仲有啲雜菜伴碟，配藜麥飯夠健康跟餐加了$14 Cappuccino

牧羊少年咖啡館英式早午餐🥣意大利黑松露醬炒滑蛋，granola 希臘乳酪，法國核桃杏脯包，法邊豆，雜菌，蕃茄，挪威煙三文魚，黑松露豬肉腸雲呢拿雪糕香蕉窩夫🧇窩夫鬆脆好食千島香芒牛油果雞肉薄餅🥑足料！大份！抵食！📍 牧羊少年咖啡館 （香港單車館) 將軍澳寶康路105-107號香港單車館地下G53號舖❤️‍🔥價錢：7/10❤️‍🔥味道：8/10❤️‍🔥服務：8/10

呢間牧羊少年咖啡館係單車館附近，環境自成一格。呢度嘅裝修好有文青feel,好悠閒自在。真係好啱過嚟扮下文青打下卡🤭🤭。今次過嚟食咗我最喜歡嘅係佢哋嘅卡邦尼意粉，意粉質地係彈牙有咬口，唔太稔，又好掛汁，真係好正😋😋。小食拼盤都係大路腸仔，正常水平。仲有食返件蛋糕配埋咖啡，真係一絕！不得不提佢哋嘅服務，好親切有禮，令人感覺好舒服。個人覺得呢間牧羊少年咖啡館係一間好舒服唔嘈吵嘅咖啡館，三五知己過嚟chill下都係唔錯👍🏻。