牧羊少年咖啡館 (Closed)

上星期同兩位同事相約在荃灣大會堂呢間牧羊少年食晚飯，呢間餐廳係我朋友介紹的，我比他們早一點到，於是四周圍參觀一下……呢間餐廳感覺好有書卷味，驟眼睇裏面嘅不同書籍超過幾百本， 而且店主都好有心思， 只要你捐出兩本書籍，店主會送你25蚊咖啡券自己睇完嘅書籍又可以讓其他人吸收靈感及能量仲有咖啡券送真係一舉多得！夏日特飲 真係好醒神， 不算太甜 ，很有香茅及橙味！ 夾雜著菠蘿及芒果香濃味道！我們先點了兩個小食:蜜糖雞翼，雞翼好大隻，外皮嘅蜜糖味道剛好。黑椒蜜糖牛柳粒，想不到牛柳粒肉汁豐富，很有牛味還以為是安格斯牛肉嘅口感外面添上蜜糖所以燒起來有些少黑，但絕不是燒燶，入口好有咬口！白汁雞扒飯，雞扒煎得甘香，顏色賣相十分吸引，忌廉汁好creamy！而我個人就最欣賞呢個千島海鮮pizza，pizza係薄身批，入口鬆脆，而海鮮種類及分量相當豐富！有大蝦，吊桶仔，螺肉都好大粒，基本上呢個pizza喺出面一定食唔到有咁多配菜！喺呢度輕輕鬆鬆，唔似得荃灣一般嘅茶餐廳人頭湧湧，呢度嘅客人講嘢都比較斯文細聲，可能配合番呢個環境！我個人就好滿意我朋友介紹呢間餐廳，下次下午茶都可以嚟呢度afternoon te

是日放假 約左男朋友放工之後岀番荃灣食晚餐 專登揀左間悠閒小店獎勵佢辛勞工作其實2人餐好抵食 3百幾蚊包2個主菜 頭盤 小食飲品仲有甜品 但係我地好想食pizza 而pizza又唔計主菜 所以我地最後決定散叫羅勒青醬鮮蝦意大利粉 ($70)睇個menu以為係輕食 點知份量咁多 配料都好足 幾乎啖啖意粉都有菇或者大大隻蝦咁滯不過個意粉就稍嫌乾身 d汁少左d一口小食拼盤 ($50)有薯條腸仔墨魚丸同春卷 每款都有4舊 幾個人一齊share就最岩千島海鮮 ($108)呢個Pizza果然值得我地期待 上枱係熱辣辣同香噴噴 望落去已經好豐富 有蝦 螺肉 蟹柳仲有小墨魚 千島醬同芝士造岀香軟既表層混入滿滿既海鮮之中 再加上薄脆既餅底真係好好味抹茶拿鐵 ($40)抹茶味好香濃郁 咖啡味反而唔明顯棉花糖朱古力 ($38)濃濃既朱古力 岩晒本身極愛飲朱古力既人環境真係唔錯 感覺好悠閒 好放鬆呢間分店仲係用漂書做主題 店入面仲有幾個大書架 有好多唔同種類嘅書可以俾客人隨便拎黎睇 不過最多既都應該係愛情小說 我都要再搵個悠閒嘅下午黎睇下書嘆杯咖啡先得

地下鐵碰著她這歌詞來自陳百強的幾分鐘的約會，估不到竟然發生在我身上！放心車媽媽並非遇上心儀的人(最好的我巳找到了！)，而是某天在地下鐵車廂碰上認識三十載的中學同學兼死黨！匆匆交換聯絡後到上星期五終於相約出來見面聚舊！ 選了一點鐘到荃灣的牧羊少年漂書館內午餐，未夠一時到埗同學仔已經到達，舊派人確是守時的一族，餐廳以自助形式經營看好食物到櫃檯付款便可，取了號碼牌便有職員為客人送上食物，每份午餐也附有一份胡麻沙律，吃下也挺新鮮爽脆不錯呢！ 我們選了兩款意粉大家開心分享！先有香辣意式蕃茄青口意大利粉＄72，吃下辣度不算高，蕃茄味可以香濃些更好，意粉咬口算不俗，青口亦夠大隻軟淋整體表現不俗！ 鮮忌廉白菌三文魚意大利粉＄70質感挺Creamy，三文魚份量很足而且很香甜質素不錯。 午餐包＄40以下的飲品，我選了雙莓薄荷梳打(單點＄38)，用上大量新鮮的士多啤梨和藍莓打成，配爽口梳打不太甜很解渴呢！而好友則很乖選了健康的熱檸檬水。 一傾便是三個半小時還有點意猶未盡，不打緊下次再約出來重溫少年時的瘋狂歲月吧！！

前曰同朋友去咗荃灣大會堂買完飛後，想搵個舒服地方同朋友吹下水，朋友提議去位於荃灣大會堂，環境很舒適嘅牧羊少年漂書館食晚餐。Cafe 環境很寫意，非常舒適，食物款式方面也很多，而且水準很高，很適合同三五知己傾計吹水嘅地方。蜜糖雞翼雞肉很滑，焗得很香脆同很香蜜糖味。香蒜黑松露野菌意大利粉我同朋友都覺得呢個意粉很好食。首先意粉軟硬度啱啱好，而且配料很足，食落很香黑松露同香蒜味，很惹味。千島海鮮薄餅配料很豐富，有大大隻又爽口嘅𧎚🦐、尤魚、蟹柳。配理千島醬同芝士，囗感很豐富。另外熱香蕉朱古力非常有驚喜，朱古力裏面係有新鮮的香蕉肉，很好飲。

位處係荃灣大會堂入面好有文青feel既餐廳，餐廳內放有不少文學小說供顧客可邊食野邊看書，好不寫意，食物味道亦有水準價錢亦非常合理，要keep住有寧靜寫意既感覺最好選擇大型表演開場後會較少人羅勒青醬鮮蝦意大利粉，羅勒帶出好清新既味道同青醬好配合菠蘿辣肉腸薄餅，估唔到水準唔錯喎，面頭既芝士非常豐富有拉絲效果👍🏼煙三文魚凱撒沙律，大大份及十足份量，好喜歡佢加埋杏仁片好好食柚子抺茶沙冰，好新鮮既配搭，綠茶係另上的，可以自由調配綠茶濃度。整體所有食物都唔錯，環境亦舒適，一定會再來。

平日無咩書卷味嘅我，上網見到個餐廳名就想去試，'牧羊少年'又似書名又似戲名令人多一種思考，去到門口見到好多書本包圍住間餐廳，令平日唔睇書嘅我都忍唔住攞上手睇睇坐底後有一種令人relax嘅感覺，唔會好似平日D餐廳咁趕住落單趕住做第2枱客慢活嘅感覺。2個人叫咗個卡邦尼長通粉，味道唔錯夠香但汁又唔會傑撻撻通粉個硬度剛剛好，一個黑椒蜜糖牛柳粒，就算個牛熟灑都唔會韌，加埋面淋咗蜜糖甜甜地都幾好味，再叫咗個蜜糖雞翼，依個蜜糖係同埋雞翼係個鍋到兜嘅，因為咬個雞翼個陣個蜜糖係脆脆地，配碟嘅沙律菜都好新鮮。再每人叫咗杯嘢飲，一杯普通嘅凍檸茶嚟度佢哋把檸檬擺到好似花咁好靚呀，再揀咗杯熱摩卡，面嘅cream係凍嘅，第一啖飲落去面就凍凍地但個咖啡又熱有一種驚喜，朱古力味夠濃又飲到咖啡味。

假期既午餐通常都會選擇去荃灣廣場內嘅食肆，今日放大假去大會堂行個圈，發覺開咗一間牧羊少年，啱啱太子店開既時候間中都有同朋友去幫襯，開始多咗自由行排隊就冇再去，見到荃灣店門口擺滿密密麻麻嘅書本同柔和的燈光，就令我聯想起返學既時候！餐廳所有書籍都係客人捐出，捐出兩本書籍仲可以有25蚊咖啡券！裡面嘅書本任睇，如果想拎返屋企只要捐獻出五蚊，亦可以嚟做善事！唔似得荃灣區一般既餐廳人頭湧湧，呢度嘅食客相對斯文、安靜，我拎起一兩本書籍翻看，增加我的書卷味！我們點了一個素食早餐， 包括有薯餅、炒蛋、茄汁豆、沙律菜、野蘑菇、牛角包，賣相都好吸引，薯餅金黃香脆，只係牛角包真係一個包既感覺，唔同牛角酥咁有牛油酥鬆口感！特飲點了香茅及橙，飲落去好有泰國feel！老公選擇既三文魚意大利粉，意大利粉爽口，材料豐富，而且唔會太咸烤杏仁咖啡，杏仁味豐富，又唔會蓋過咖啡味

系咁繁忙GE 香港生活,一放假就會好想去D靜靜地GE地方,但要去荃灣買野GE關係,唔可以去郊外吸新鮮空氣,都想搵個靜靜地GE 地方食個LUNCH,放鬆一下心情。黎到呢間牧羊少年,有書睇之餘,仲好少人,好靜,好舒服。簡單咁點完餐先入座,野食一D都唔貴。加左杯野飲,跟餐加22蚊,我係俾佢個名吸引左,清涼之吻,熱到死GE天氣正需要一杯!有薄荷,薑,香茅同橙汁,呢個配搭真係好正!一定要試下,真係好清涼!跟餐已經有個沙律牛肉炒烏冬,整到成個意粉咁靚,味道岩岩好,唔會太濃,岩哂冇胃口GE夏天。蕃茄三文魚意粉,呢個我麻麻地,因為芝士都幾多,有D膩GE感覺,留返冬天再食LA。食完唔會趕你走,侍應唔會打擾你,可以慢慢HEA,慢慢睇書,不過留意返,如果同朋友一齊黎,就自制下唔好講野咁大聲LA。

繁華都市，日日都為工作忙忙忙，忘記人生不只是工作，還需要為自己叉叉電，有人喜歡做運動減壓，有人喜歡瑜珈，今次我想輕鬆d.嘆下咖啡，睇睇書，嘆下美食，呢個減壓方法對我黎講，無得輸主食我點左燒汁牛肉炒烏冬，烏冬好有嚼頭，距吸左燒汁和菇嘅味道好正，好野味，肥牛唔算太肥，厚薄適中，好有牛味，另外有青紅椒絲，蘑菇，豐富口感，價錢可以講係好抵，味道價錢性價比係非常號，而且份量都好大份。小食我喜歡蜜糖雞翅，雞翅烤到外皮好脆，裡面好滑，而且好多汁，配蜜糖，不太甜，正👍另一款小食係秋葵胡麻餃子🥟，呢個必食，餃子煎到好脆，加上蜜汁嘅沙拉醬，胡麻味，好香，好味，秋葵係無添加味道，就本身的味道，好有營養價值。最後主角係摩卡咖啡，朱古力味和咖啡和奶的比例啱啱好，好正，上面加左Cream，每飲一啖都好滑，朱古力迷必點，真係正🌈😍☕️唔會太甜，嘆杯咖啡，然後睇下書，為自己叉叉電😍👍

星期五晚收工後因為太太唔想煮飯，於是直接去我公司接我收工，然後就一齊過嚟位於荃灣大會堂嘅牧羊少年食晚飯。老實講如果唔係我太太大力推薦，喺荃灣返工嘅我一直都唔知有呢一間餐廳。但係嚟到都比佢嘅環境吸引左，係呢種人流較少嘅地方食飯，的確有種慢活嘅感覺，而且餐廳裏面亦有提供大量書比客人隨便睇。本人叫咗個卡邦尼長通粉，味道非常濃郁，配菜蘑菇亦有好清新嘅菇味，係呢種類似cafe嘅地方食到呢種質素嘅pasta, 相當有驚喜。我太太就叫左一份all day breakfast, 我亦都偷食咗幾啖，蘑菇同樣非常重菇味，係非常新鮮嘅材料，另外炒蛋亦都好嫩滑，配埋煙三文魚嘅味道，all day breakfast係晚飯時間食到相當完美同太太都叫咗兩款小食，牛柳粒同一口小食拼盤，牛柳粒口感非常嫩，而且味道都相當好，另外一口小食拼盤薯條同其他配料都係新鮮炸起，非常香脆，而且份量都非常多，結果我同太太要打包返屋企估唔到荃灣都會有呢一類型比客人一路睇書一路食飯嘅餐廳，我諗都幾啱時下嘅文青

適逢家姐要去荃灣大會堂購票，看見一間藏書豐富，名字頗特色餐廳，立即要試一試。餐廳另一特色 ，是以書易啡， 以舊書兩本換一張咖啡券 ，用以兌換價值25元，外賣意式 淡咖啡乙杯。看看餐牌款式 ，選了雙雙對對套餐， 前菜點選八爪魚水果藜麥沙律配黑醋汁， 只是半份 ，但分量也不少 ，沙律菜配上自家調配黑醋汁 ，帶少少甜 ，唔酸 ，但好醒胃！小食黑椒蜜糖牛柳粒 ，牛柳粒醃得好入味 ，非常好食 ，入口即溶 ，有牛味 ，一啖一粒 啱啱好！主食點了意式蕃茄三文魚意大利粉， 這配合得很清新 不會太油膩 ; 車打芝士汁鮮蝦意大利粉 ，濃濃車打芝士醬每條意粉包住， 很惹味 ，鮮蝦很彈牙 ，芝士控不能錯過！甜品選了紐約芝士餅 ，芝士忌廉綿綿軟滑的質感， 令人回味無窮！同時點左 熱mocha咖啡 ，冰mocha咖啡 好飲！

唔講唔知荃灣大會堂開左牧羊少年，放工即刻去試下先。六點幾唔多人，有兩三個人睇緊書飲緊咖啡，個感覺真係好文青店員送上水及餐牌，而為自己出去落單，原來唔係的，店員會寫單同送餐，只係調味品、餐具等可以去自助區解決。落完單就乖乖等食，仲可以一邊睇下書添。鮮忌廉白菌三文魚意大利粉（$70）點了一客意粉，賣相對辦。意粉彈牙，醬汁夠多又杰身，濃濃的忌廉感，足夠黏滿每一條意粉。另外蘑菇同三文魚都不少，調味ok，食落一點都不寡菠蘿辣肉腸意粉（$98）用上半厚批底，size也不小，上枱時香噴噴。除了上面的大辣腸片外，芝士裏還埋藏左小香腸片，小片的辣勁更強，好惹味呀～勁厚芝士，芝士中有腸仔片同菠蘿粒，收埋好多野，哈哈熱Mocha（$36）朋友叫的熱朱古力咖啡，店員在落單時詢問要不要加cream，雖然邪惡，但有忌廉好飲啲嘛，更係要啦朱古力同咖啡味平衡，好飲。熱latte（$30）自己點了熱拿鐵，超香濃的咖啡仲有靚靚拉花，咖啡又香又濃，仲有厚厚奶泡，不加糖都不覺苦，正。要加一的，價錢也合理啦。

話說前幾日黎大會堂聽歌，發現原來呢度有個漂書cafe幾新款，好配合大會堂的藝術書卷氣息。肚仔餓，就黎試吓呢間啦，牧羊系列cafe都幾好食。順便睇下書，扮下文青我同朋友叫咗兩款食物、兩款甜品岩岩好千島海鮮Pizza Pizza熱辣辣上枱，有拉絲效果喎！皮薄且脆，邊邊位有芝士焦香味鮮蝦大大隻，幾爽口芝士薯條望見啲芝士就好興奮呀！！薯條比較粗身，但炸得好脆口。芝士味濃郁，份量都足夠最後點左兩款cake,New York cheese cake 芝士味香濃，質地滑身，好鐘意旁邊的cream, 微甜又滑好味焦糖朱古力芝士餅呢個焦糖味較重，中間係朱古力味，味道幾夾，偏甜另外我點左一款幾得意嘅特飲柚子抹茶沙冰柚子沙冰同抹茶汁係分開上，就咁飲柚子沙冰都幾解渴，酸甜味幾好飲。加埋抹茶係另一風味幾有特色

是日LUNCH去左牧羊Cafe食芝士蝦意粉，意粉同蝦份量都幾多，味道濃郁，但我唔鐘意太乾身既意粉所以扣少少分。但其實黎呢間餐廳除左食野仲可以睇書飲茶，好適合hea返一兩個鐘，而且價錢都唔係貴附近餐廳好多，所以都係一個午飯好選擇

起荃灣想搵地方比較大，類似呢種CAFÉ比較少有，樓底高空間感十足，地方寧靜舒服，地方亦相當易搵就係位於荃灣大會堂。 呢到食物種類有小食，沙津，ALL DAY BREAKFAST，意粉，甜品及多款飲品等等。 如果鍾意食芝士的朋友會喜歡呢個 <車打芝士汁鮮蝦意大利粉 $70> 車打芝士汁很濃厚，醬汁可以掛滿每條意粉，意粉入口爽口彈牙，比較驚喜蝦肉肉身彈牙富鮮味，值得一試。 另外，我地仲點左 <新加坡咖哩豬扒配香米飯 $64>，呢款新加坡咖哩，是香而不辣的，第一口是充滿椰香，送飯一流，豬扒厚厚地，有口感，呢個飯個咖哩汁係靈魂之一。 我地覺得呢到坐得好舒服，食物唔差價錢合理，下次會再黎食過。