海灣餐廳

Open Now

Now Closed

屯門隱世高級西餐廳the bay 位於屯門御海灣，米芝蓮廚師烹製，加上高級食材，平民化價錢,令你畢生難忘，最窩心的就是沒有加10%服務。地點方便，就在輕鐵站側，有室內和室外的座位，可舒適地享餐。星期一至五，午歺價格在$100-130.00,有湯，有沙律，有熱辣辣的主菜，雞牛，意粉，十分美味，再加上甜品或餐後飲品，令你滿心歡喜，因為他的質量是可比美中環的高級餐廳，不試，你們就走寶了輕盈健康的漢堡餐，附送一杯飲品，不加10%的服務，深圳價也吃不到，更何況此餐廳提及你的高級食材。但真係價格一點也不貴即叫即做的甜品，世間難尋，價格還比Starbucks 的cheesecake平.

今次自己黎左發現轉左menu，經過店員主動介紹先知依家做緊優惠，大menu嗌野食送野飲，嗌左個牛油果和牛漢堡🍔好好食😋，自己一個食唔曬，薯條都比左好多，試飲左杯熱latte，啡味啱啱好竟然飲到有茉莉花味，問左咖啡師先知係用緊精品果香咖啡豆，坐係窗邊有少少太陽照入黎，好放鬆好舒服，會keep住返轉頭的餐廳！不過如果可以開埋室外座位就更加好了，呢個天氣好適宜坐係出邊曬太陽飲野，又可以帶埋屋企隻狗狗過黎

路過屯門泳池試下,2個人食,叫咗個蟹肉大蝦龍蝦汁闊條麵同午餐嘅帶子茄汁意粉,野性味道唔錯,午餐有湯有飲品都算幾抵食,不過只可以飲品或甜品選一,有幾會下次再嚟試反.

間野都幾搞笑，Lunch time入到餐廳冇人介紹menu。幾個侍應企埋一二邊，到order食物既時候先同客人講每位最低消費係HK$150。咁即係要焗啲客一定要叫夠咁多錢先得，下次呢啲咁重要既message貼係個門口到先啦唔該。

難得放假就同女朋友一齊探索下屯門，晏就時間就想搵一間餐廳悠閒咁渡過下午。行到屯門中央廣場附近時，見到有間餐廳門面寫住「一間好吃的餐廳」，所以就決定走入去試下。餐廳位於輕鐵站旁，位置方便。內部環境舒適光亮，比人一個舒適既感覺。員工頗熱情，送餐速度亦不錯。我地點左兩道主菜。首先係豬鞍，新鮮的車里茄同茄汁豆配塔非常開胃，配菜的露筍都處理得唔錯，同成道主菜好夾，而主角豬鞍就正常，中規中矩。第二道菜是明太子帶子扁意粉，意粉口感煙韌，煮得唔錯，不過帶子與明太子都係好正常，並未帶比人驚喜。

媽咪生日黎左呢間輕鐵站隔離嘅餐廳，入到去環境好舒服，坐係窗邊可以望到街景，又聽住好chill嘅英文歌，啲server都滿面笑容，好有朝氣。飲左杯ice long black，果香味好濃，媽咪飲嗰杯係熱抹茶朱古力，鍾意飲朱古力又唔想太甜嘅可以試下拉花拉得好靚！嗌左個安格斯西冷同安格斯肉眼七成，成數把握得啱啱好，表面煎得好脆，入面啲肉又好軟嫩，之後嗌左個牛角包窩夫，擺盤好靚！可惜唔記得影相，我地第一次食豆腐味嘅雪糕，出乎意料地好食！聽server介紹主廚係米芝蓮三星廚咁啱聽到嗰主廚同老闆夾緊menu，會有自家製tiramisu，下次一定會過黎試下！！！見到間鋪嘅員工氛圍都好好，老闆同大家坐埋一齊食飯講笑，好有親和力！一路食飯一路注意緊招待我地，真係辛苦曬🙏🙏埋單嘅時候發現竟然唔收加一，下次會再返黎食！

轉手前同位置既餐廳以前偶爾會去幫襯一下,變左依間後一直都無去過, 終於中午走去試下, 我地叫左一個all day breakfast同一個pasta, 佢地個all day應該係我近年食過最差既一餐, 除左菜同肉腸係正常之外, 其他都唔掂, 基本上成碟都係油淋淋...包同炒蛋簡直係重災區, 非常難食, 另外個pasta都係油淋淋, 帶子又梅又無鮮味, 咖啡就算正常水準啡底偏溫和。食完見隔離檯叫個d無咁油淋淋...見另一張同一款pasta都係油淋淋...依個係廚房兩個廚師水準既分別?不過食物質素差亦都係不能改變既事實...而服務員態度亦都麻麻...唔係黑晒口面就無反應...整體成餐感覺都好差居住屯門多年...區內一直唔多出色既cafe小店...現在經濟市況不好下...希望還在的店舖都可以做好一點

為太太慶祝生日，找到海灣餐廳! 環境十分舒適,員工有禮貌helpful and friendly 😃推薦牛扒及法式油酥鴨，肉質嫩滑員工見我們慶祝生日，特意為我們送上雪糕🍧很窩心☺️

我同老公與兩友人共4人晚上到餐廳晚飯，由於本人當晚行了超市入貨比較多野，所以詢問店員有否多張椅子/其他地方給我好好放置又重又大袋的東西，沒想過一間眼見頗優雅高質的西餐廳，店員回覆是：「無」😳😳😳眼見客人很狼狽提着大包小包，這樣用膳會舒服輕鬆嗎？？？店員完全沒有同理心，當晚全程都坐得極不舒服只想早點離開，如果不是老公點了食物，我一定會選擇離場幫襯第二間囉！奉勸各私樓朋友街坊，當你掃完貨去食飯，千萬別入呢間，你一定會坐得好唔舒服，根本無心情去品嘗美食！完😩⋯⋯

位於屯門泳池輕鐵站旁,環境優雅典雅,給人一種置身異國他鄉的感覺。餐廳主打義大利菜系,適合各種聚會場合。走進餐廳,服務人員以熱情友善的態度迎接我們,引領我們入座。整個用餐空間營造出浪漫溫馨的氛圍,配以柔和的燈光和舒緩的音樂,讓人流連忘返。點餐過程也井然有序,服務生耐心解答我們的問題。

終於等到星期六啦 又係放假嘅開心日子 📆 所以今日就去咗屯門嘅The Bay Cafe 🍽️ 我哋兩個人點咗一個主食兩個小食一份甜品 🍧 先介紹吓最令我surprise嘅就係佢哋既澳洲150天穀飼黑安格斯肉眼牛扒五成熟🤤🤤 牛扒嘅份量唔細 真係夠晒兩個人share 上菜之後先發覺原來仲有薯條係牛扒嘅下面 今次真係變咗薯條腦袋 ～ 因為我自己另外都單點咗一份薯條 🍟💕 佢哋嘅牛扒做到外脆內軟 一切開就係嫩嫩嘅粉紅色 而出面就係有種牛扒嘅焦香 肉質好軟腍 亦都有好濃嘅牛味 如果點芥末醬食嘅話真係一流‼️‼️ 我覺得佢哋嘅牛扒🥩好出色 😙😙 我哋仲點咗一份水牛城雞翼 佢係嗰啲好方便嘅單骨雞翼 岩哂我哋呢啲懶人😂 但係佢哋嘅辣做得幾出色 最後我地仲點咗佢哋嘅Waffle 😃 佢哋嘅Waffle已經寫到明係夠兩人食 所以我哋就可以share 🥹 佢哋係會配一個雪糕球 可以揀豆腐或者朱古力或者海鹽味 最尾揀咗豆腐 因為出面都比較少地方可以食到豆腐味嘅雪糕🌱 佢哋嘅窩夫好好食 係真係剛剛整好就即刻上枱 絕對唔會係又凍又硬 反而你食落去嘅時候仲覺得又熱又軟 好好食🤤有時星期六日去出面cafe 都幾開心

上星期要到屯門工作，立刻找找屯門美食，看到屯門新開的The bay，愛吃西餐的我就決定跟朋友去了！環境清幽好舒服，附近又有綠植，好像城市中的綠洲，好chill🥰食物質素高，而且不收加一，真的好驚喜，CP值好高，真的好抵食🤩🥩澳洲150天穀飼黑安格斯西冷牛排$198自認是牛魔王，最愛吃西冷牛排，點了medium rare，上枱時好香濃，吃一口好juicy充滿肉汁，牛味濃又有油脂香味，超滋味🤤🤤🤤🐷烤西班牙豬鞍扒 (配以蘋果醬）$178豬鞍扒超厚的，食肉獸最愛❤️ 肉質嫩滑多汁，配上蘋果醬，好夾好清新！伴碟的烤蔬果也好鮮甜多汁呢！☕️美式咖啡 $42🍫Mocha $60朱古力咖啡有濃濃朱古力味，好喝！下次要再來😍😍😍

^_^新年期間帶父母慶祝去的這家餐廳🍴，菜品方面令人驚喜。我們點的牛扒和豬鞍扒肉質鮮嫩多汁,烹飪手法一流。海鮮類的大蝦新鮮彈牙,味道鮮美可口。麻辣意粉酸香麻辣,令人回味無窮。最推薦的還是“麻辣帶子意粉”！酸香麻辣,帶子鮮嫩多汁,與意粉完美融合,令人回味無窮。最後的蘋果塔酥脆爽口,甜而不膩,為整頓大餐劃上圓滿句號。服務人員也十分親切周到,為我們詳細介紹菜單並耐心解答疑問。特別是長頭髮的小姊姊十分溫柔～推薦這家餐廳,值得一試！

今日又嚟屯門揾表姑媽食下玩下，決定去近輕鐵站旁邊嘅餐廳試下，聽聞係一個好鐘意煮嘢食嘅髮型師開嘅鋪，食飽去剪個靚髮有得諗喎😆椰菜花忌廉湯🍲第一次飲呢個湯好有新鮮感，椰菜花帶有少許堅果味同微甜，份量剛好香煎雞扒日式咖哩飯🐓一上枱已經聞到好香咖喱味，顏色比見慣嘅日式咖哩較為深色，有少少少少少少嘅辣，惹味香濃大煎雞扒肉汁豐富，皮脆嫰滑😋紅酒煮牛面肉全蛋寬條麵🐂肉質非常之腍，可以話係有入口即溶嘅感覺，呢個部位有好豐富嘅骨膠原，所以有少少黏嘅口感麵有較為硬身，有咬口而且彈牙，每條麵都沾滿醬汁廚師拿捏意粉煙韌程度幾好，非常適合比較唔喜歡港式意粉食客百香果蘋果梳打 🍹唔會太甜，好清新青檸湯力茶 🥃漸變色好靚，飲到湯力水中奎寧嘅甘苦味朱古力 🍫濃味唔甜，味道有啲似唂咕乃良窩夫🧇擺盤好靚，色彩繽紛牛角包窩夫即叫即整，口感好酥軟，可以配朱古力雪糕同酸酸甜甜嘅紅桑子碎粒一齊食

屯門泳池附近有間The Bay Cafe，簡約優雅嘅裝潢，份外有格調，餐廳主打西式菜款，加入創新元素，好吸引！打開餐牌，就揀咗🥩澳洲150天穀飼黑安格斯西冷牛扒，上枱時聞到香噴噴，香濃嘅牛肉，切開時色澤鮮紅，口感juicy。🥑🍤🍝牛油果蕃茄醬意粉配大虎蝦 ，2隻大虎蝦放喺意粉頂，口感爽彈，意粉掛滿蕃茄醬汁好入味。🐂🍔牛油果安格斯漢堡麵包有厚度，食落好鬆軟，搽上軟滑嘅牛油，配搭厚實有牛肉香味嘅安格斯牛肉，同埋creamy牛油果味道好夾，仲有煙肉、芝士、生菜，口感豐富。配埋餐湯及沙律，餐湯喺濃郁嘅忌廉南瓜湯，味道清甜；沙律加入黑醋，真喺好醒胃。The Bay by Cafe au Lait屯門海皇路23號御海灣地下14號舖