咖啡廳

Open Now

Now Closed

九月十七日朋友生日，約左去呢間喜來登酒店cafe 自助餐，係尖沙咀彌敦道20號香港喜來登酒店2樓，食物海鮮嘅品種好多，有任食生蠔非常鮮甜，這是我的最愛，每人食左一打，另外有凍松葉蟹腳及波士頓龍蝦，龍蝦啲肉冰得來肉質又彈牙又鮮甜，好好味，另外有一個燉湯超好飲，有花膠螺片椰子燉豬肉，飲左兩大盅，大家必飲呢個湯，湯真系好濃郁。另外還有最愛香煎鵝肝點上啲莓醬汁加塊即烘多士，去除膩既感覺，味道特別，又香脆。我們食完都感覺好味。甜品係好多選擇嘅，拎左一個即整的窩夫，熱辣辣配上綠茶& 士多啤梨，撒上脆脆，一流的配搭揀左泡芙&咖啡同朱古力慕絲，最後一定係生果盤，朋友生日，並送上一個芒果芝士蛋糕，超好味，又唔太甜。其他野食都好好食架，例如中式點心、日本魚生刺身、壽司，香蒸帶子及蝦，烤羊架.......數之不盡！總結來說款式種類多、質數超正。

諗住依家可以 4  人一枱, 所以帶囡囡去食 buffet. 我係 openrice 揾, 見到喜來登酒店以為應該唔差, 睇相啲食物亦很豐富, 以為唔錯, 可惜超失望, 好多食物相有但現場無, 牛西冷扒又短缺, 7 點幾已經無晒, 又無再補上, 我未試過食 buffet 無晒牛西冷扒, 另外食物又唔新鮮, 啲煎蝦蝦肉林晒, 真係唔敢食, 總之, 又貴又唔好食,  唔會再去第二次. 

月頭開始訂位，發現很多地方也滿座了。喜來登酒店的自助餐可能因為價錢較高，所以未滿座。幸好，這裡價錢高，質素也高。一個自助餐的質素，當然是由食物質素，食物種類，座位安排以及refill的速度來評價。食物質素：4/5 要好吃的很好吃，生蠔有鮮味。但是殼類水產有沙，有些人食到沙會很易肚瀉。食物選擇：5/5 非常多，起碼有齊生蠔，長腳蟹，煎鴨肝同鵝肝醬。當然也有蒸魚同甜品，都是很高質素的，所以上面我打了4/5的分數。座位安排：5/5很疏，有空間。座位有軟墊，很好坐。Refill: 5/5 很多時候也不用等，但人多時當然要排隊等食物煮好。

第一次吃自助式的下午茶，選擇算多，先介紹最令人滿意的薄餅。法式薄餅即叫即做，所以需耐心等一會兒，內有一隻半熟蛋、芝士和火腿，材料簡單，已經很美味🥰雖然是下午茶，但都設有日本刺身，不過款式不多。還有兩款海鮮，蟹腳和蝦。蝦十分有驚喜🤩肉質彈牙，而且鮮甜，吃了很多隻🦐🦐🦐鹹點最喜歡竹蓆蝦，竹蓆咬下去還是甜甜的！羅宋湯亦非常濃味和足料。甜點有很多款式，馬卡龍和餅乾都挺好味的。環境舒服，無需訂位亦有位置，款式都算合口味🌟而自助形式來計算，價錢算適中。

同班姊妹們食一年一度嘅團年飯，今年約係喜來登酒店入面間咖啡廳。星期五原價$668加一  匯豐白金卡有85折第一時間當然係食海鮮啦有生蠔一款 (冇限制咁拎)但每次refill都好少凍海鮮區龍蝦/長腳蟹/琵琶蝦刺身好大雪味，唔好食嘅第一輪生蠔細細隻我覺得ok，之後第二輪我拎左d大隻少少嘅，點知中伏。因為d生蠔係唔凍嘅，室溫狀態，而且味道唔鮮味，冇海水，淨係食到苦澀味，之後唔敢再拎第三轉。龍蝦同琵琶蝦唔得因為解凍不足，所以一大陣雪味。反而長腳蟹都ok，因為唔痴蟹殼，但朋友們嫌鹽左ｄHam區，算多選擇，不過唔算香扒類羊扒同斧頭扒唔錯熟食區冇乜點食到鴨肝，都多人排隊，都等師傅煎，所以等都要等３分鐘左右。鴨肝厚身，脆口好味。燉湯海底椰花膠湯真係有片薄花膠，依個湯唔錯。麵區（冇食到）和牛壽司，我食左４件～麵包區生果區甜品區，唔多選擇雪糕區，係haagen daz 味我平時食buffet可以食好多野，但今次真係有點失望，因為海鮮唔新鮮，熟食又唔多野揀，所以食得唔算多。飲品只包一杯，折左加一都要$634.6 ，依個價錢貴得黎唔多值，我覺得其他酒店buffet 更著數囉。

喜來登自助餐聖誕節食返餐好啲d。熱盤：我先食燒賣蝦餃，因為.....太仲意食。但皮薄，yummy。食到最後只得小籠包，好受歡迎。煎鴨干，食小小無咁肥，脆、香。燉湯，好快就無晒，清清地，減去肥膩。墨汁飯好入味，一定要食。pizza 也是即製。燒帶子，羊架也是好選擇。冷盤：生蠔不錯，但有些細左小小。有不同的蝦、蟹、螺、刺身，款式多樣，甜品：最好味就係雪糕/雪芭+窩夫。熱辣辣的窩夫，配上朱古力、綠茶，超正！朱古力味好濃，好鐘意。綠茶味都好好。全家人都仲意。總括來說，款式、質數超班！

同屋企人做節但係又唔想食中菜咁悶，所以嚟咗依間喜來登酒店2樓食自助餐下午茶，因為搵到匯豐卡有折，我哋四個大人都係1100蚊有找。雖然話係下午茶但係都幾多嘢食，我唔知道午餐或者晚餐係咪仲多啲嘢食但係依家都好夠。熟食都好多選擇，冬菇蒸雞蒸得好滑，除了Galette 太鹹了有少少嚇人，其他嘢食嘅質素都正正常常咁囉。佢嘅海鮮都不錯，蟹鉗啖啖肉，青口同蝦鮮甜，選擇唔算多，但係以下午茶呢個價錢來講都唔錯㗎。刺身只有三種，玉子其實不算是刺身，咁樣擺落嚟扮係刺身真係好搞笑。三文魚因為驚多蟲所以我唔會食㗎，主打就係呢隻鯛魚啦，好好好好味！食咗三碟，飽！生果都好多選擇，比較特別係有個木瓜，蟠桃，其他正路野譬如菠蘿同埋西瓜真係甜到爆，懷疑佢係咪浸左糖水。甜品都係好多選擇啊，真係花多眼亂，不過不失啦質素就，我鍾意佢好有聖誕氣氛，festive 既甜品好靚！總括來講，呢個價錢抵到爛啦，no complain!

在cafe 的tea buffet 用餐,食物種類不多,魚生只有兩款也不新鮮,進食時間三点至五点半,但在三点三十五分蟹鉗己經沒有了,經理說不會再有,叫我們吃其他,感覺被騙的,不會再幫襯！

自己在此間酒店，這10多年來食了不下10次，今日自己才寫這食評，因為近幾個月他們因地理位置尖沙咀，－個飽受政治暴亂事件影響地方，10月尾走來這裡食lunch buffet,價錢用同樣－張白金卡，八折後295.20,這價錢我忘記回到多少年前，今年3月自己食dinner buffet,—位也要628.00,太抵！有生蠔仲任拿，好值得食，生蠔size不大也適合自己，這天吃了23隻，其他朱古力，刺身，中，西湯，雪糕也是我最愛，希望今日動盪時刻，人們可以走出來支持這些有實力的酒店。

#回本之選 #慕尼黑親子滋味遊#大人有得食小朋友又有得整🍕常被問邊度lunch buffet最抵食個人就會推介 Sheraton入面有間專食蠔嘅酒吧 所以呢度lunch buffet 生蠔無限量供應出面冇乜邊幾間lunch buffet會有生蠔供應蠔迷食多幾隻都回本 其他海鮮翡翠螺🐚蟹腳🦀蝦🦐應有盡有唔少得燒牛肉 羊扒自助餐基本嘢海南雞飯同其他熱葷亦相當唔錯 嗜甜如我又點會錯過佢嘅甜品德國甜點多以水果為主 酸甜開胃甜品枱好長好多款 樣樣都想試一定要試個葡撻 出奇地好好食重頭戲當然係小廚神烘焙班👨‍🍳由主廚親自搞授製作火焰薄餅 🍕有得食又有得玩 好適合一家人共享天倫又或三五知己帶埋小朋友出嚟Play date↘️↘️↘️↘️↘️↘️↘️↘️↘️↘️↘️↘️↘️↘️價錢：Lunch Buffet星期一至六 (另收加一)大人$328 小朋友$164星期日 (另收加一)大人$398 小朋友$199

出面好多餐廳都唔敢提供生蠔buffet呢間竟然係價錢平靚正仲有靚生蠔食嘅lunch buffet員工服務態度ok雖然中午飲果汁要加錢但佢真係有好多嘢食特別推介 生蠔 曲奇糯米糍係一個好好leisure嘅地方

今日可以望住彌敦道嘅街景食飯，因為一早book咗request window seat, 今日對蟹腳充滿遐想需求非常殷切，早左15分鐘過嚟，先繞場一圈鎖定目標⋯⋯進攻地點一：蟹腳 進攻地點二：生蠔進攻地點三：蟹腳進攻地點四：生蠔進攻地點五：沙律蟹腳進攻地點六：中湯及點心進攻地點七：深海龍躉及菜進攻地點八：蟹腳及深海龍躉進攻地點九：翡翠螺進攻地點十：橙啫喱今日作戰成功，完成海上作戰，敵人全部成為俘虜，送往胃部監禁，報告完畢。

好想食生蠔，男朋友就提議去食buffet，咁樣去邊間會好啲呢？相處多年之後，各大酒店嘅buffet佢都已經同我食勻，佢而家已經變到好識食，基本上記得晒所有酒店buffet有邊啲專長，所以今日佢揀咗呢度食生蠔，生蠔來原地我從來唔會介意/注意，重點在生蠔肥美與否，今日隻隻肥嘟嘟有晒大肚腩非常sexy，另外龍蝦同蟹腳表現都非常之好，特別一提鮮帶子同甜蝦簡直食到唔停得口，熱食方面：蘆筍非常之清新爽脆，我平時唔食牛嘅，今日亦都吸引左我囉，中湯我飲咗兩碗，最後食多少少生果今晚就完結。

又係尖沙咀出沒，今日晏左起身， buffet精又想食buffet，諗起好耐冇去Sheraton，今日一於去食buffet啦，晏左起身午餐食唔到唯有食下午茶，一路搭車出去一路諗緊要食啲咩，不過我諗嚟諗去都係海鮮，應該前世同海洋生物有仇，務求要食晒佢哋為止，去到第一時間攞咗龍蝦鉗，海蝦青口，再嚟攞個蟹子沙律，沙律菜入面有我最愛嘅紅腰豆，之後行入去熟食區嘅時候，一剎那之間見到一粒一粒紅色嘅士多啤梨同我招手，見到就唔放過，我應該食咗12粒，好少何buffet有士多啤梨，好正啊！

今晚一心諗住食琶琶蝦先來食，點知去到冇。刺身甜蝦係梅 的 ，八爪魚不新鮮，由其三文魚&帶子完全冇味的。凍诲鮮得旋蝦好食，蜆及翡翠螺有沙及梅的，熱盤冇野叫厨好食，煎鵝肝個師煎鵝肝每各次前....3個要10~15mins,排隊拎一舊鵝肝要你等起碼20mins,款甜品極甜(好似食砂蠔永遠空空的(我們6人冇人拎到生蠔)，就連熱盆食物都經常空空的，樓面服務ok,但企食物檔厨師服務&態度就非常差，好過分!我們一行6人都覺差，非常失望。