鍋心粥底火鍋 (和富道) (Closed)

呢間餐廳晚市有三個session，第一個session係17:45，第二個session就係20:30，仲有一個係成23:00宵夜時間。其實我覺得第二個session晏咗d，不過第一個session又真係早咗d都未放工。記住要提早打電話去book位，因為都真係好full，基本上唔使考慮walk-in嫁啦。價錢方面真係好抵，每人$200，野飲就另計。雖然唔係任食，但飽既程度同任食係差唔多。首先湯底會有蟹同蜆，然後海鮮就7選5，仲有火鍋配料再揀8款。餐廳會按人數按排份量，以$200黎講真係物超所值，加上食材都相當新鮮。當你食曬所有野，員工會過黎幫你加粥同配料，慢慢煮到做精華海鮮粥。

簡介今個月呢partner帶着我去食鍋心，係一間我聽佢講呢：雖然唔係任食啦，但係都食得好飽。我諗就一定係因為最後嘅粥呢，其實一定會整到你飽喇。留意番佢係分三個時段呢去食嘢嘅，記得book位啦，咁就唔使等。我哋就揀咗第一個時段8:30pm之前要交枱。咁呢度呢就可以自己揀唔同嘅海鮮啦，同埋揀8種配料嘅。一個2人set 就$400, 試諗吓兩個人食到咁多種海鮮，都仲係咁嘅價錢就非常之抵啦，自己去街市買邊食到咁多種啊，仲有人幫你預備好，洗埋喎！食物選擇海鮮方面呢，最推介呢就係蝦，肉蟹，鮑魚同埋象拔蚌啦。 因為呢性價比好高。蝦呢就非常之新鮮，係要用夾將佢擺落去煲入面浸熟佢滾熟佢，如果唔係呢佢真係會跳走咗㗎。🦀肉蟹呢有陣時呢都會比較大隻。今次partner就話佢細隻咗啲啦。但係呢都非常新鮮，肉殼分離。象拔蚌同埋鮑魚呢都好好味，只要用個時間計跟住佢嘅時間表，每個海鮮都用唔同時間咁滾熟呢，就會啱啱好，唔會太生太熟啦。呢個設計真係好「窩心」啊。刀貝得2隻，肉少，所以性價比就比較低。所有野都好，唯獨是個蜆呢系有一啲沙。但係鮑魚呢，佢刷得非常之乾淨。之後就到配菜啦，我哋嗌左雞肉滑，竹笙，海鮮菇，等等。全部呢

特別推薦大家 (5 steps)1.✅肉蟹+沙白蜆 (揀1個combination)2.✅鮑魚+海蝦+蟶子+大尾魷 (揀5款海鮮)3.✅海鮮粥配料〰️南瓜粒、芋頭粒、粟米 (必有)4.✅自家製手打雞骨丸+自家製手打馬蹄雞滑+小籠包+西班牙豬梅頭片(揀8款配料)5.✅精華海鮮粥《肉蟹+沙白蜆》肉蟹，好多蟹膏🦀🤤，肉質鮮甜，蟹殼係脆可以用牙咬開，好方便😂沙白蜆，唔會韌，又冇沙《鮑魚+海蝦+蟶子+大尾魷》全部海鮮都好新鮮❗️鮑魚，有咬口得嚟又唔會韌海蝦🦐，夠彈口蟶子，好有鮮味，有甜味大尾魷🦑，好爽《海鮮粥配料〰️南瓜粒、芋頭粒、粟米》南瓜粒、芋頭粒夠粉🎃，粟米好甜🌽記住唔好咁遲落，粟米要時間出味，南瓜粒、芋頭粒要溶哂落湯之後加粥🥣《自家製手打雞骨丸+自家製手打馬蹄雞滑+小籠包+西班牙豬梅頭片》所有丸都好彈牙，是但揀都唔會伏👅一定要叫🌟自家製手打雞骨丸🌟自家製手打馬蹄雞滑，見到自家製手打都知係必叫😌兩個丸都好有口感🍡小籠包，打binlo食好有趣，皮唔會話好厚，仲有湯係入面，入面舊肉都唔錯🥟西班牙豬梅頭片，肉質好嫩，好食🐽《精華海鮮粥》Before加粥，記住飲啖湯，好清甜🤗，粥底唔會話好濃

外賣自取「龍蝦海鮮粥底火鍋」龍蝦鮮甜味美，值回票價鮑魚大隻爽口蝦不過不失，是一般的游水基圍蝦多寶魚夠滑刀貝鮮甜、算大隻花甲份量多花膠、竹笙吸收海鮮粥嘅鮮味，好好味啲丸多到2個人都食唔哂粟米鮮甜，加埋海鮮粥淆製，正到呢......壓軸登場「海鮮精華粥」粥膽加上芋頭、南瓜、芫荽、菜脯粒、大頭菜、冬菜、豬油渣，一試難忘，可以煑到5-6碗粥，飽到無朋友2個人份量只係$440，出街賣海鮮都唔止，粥底、海鮮、同埋所有材料、味料齊備，份量又多，真係算好抵，一定會Encore

呢間有幾個朋友推薦過，話平價好食，但次次經過都見好多人排隊。依家疫情關係，人唔算多，每個卡位都有野隔住，枱都夠大，坐得都算舒服。食佢地既海鮮火鍋，每位$200，員工話已經好耐冇加過價。價錢包固定數量既海鮮，種類同數量都好多，叫左之後會見佢一碟碟海鮮送上黎，真係好開心，仲要每碟都好新鮮，好有誠意。海鮮就放入佢既粥水入面煮熟，唔同海鮮可以按佢建議時間煮，枱旁邊有個計時器比你方便預時間。由於蟹既最佳時間長，所以我地都有用計時器，但現場聽唔到有其他人用🙊。不過跟佢個時間，真係煮得剛剛好，試過煮耐左口感差好遠。食完海鮮可以加d肉落去。本身以為佢d肉會係平時酒樓打邊爐個種平價肉，但係見佢脂肪唔多，比例剛剛好。豬肉比較薄，可以好快煮熟，口感唔錯。下一步係煮蔬菜煲，有南瓜粒同芋頭粒比你，可以早d落會熟d。我地仲揀左小籠包，細細粒幾得意，入面仲有好多湯汁。食到呢度都開始飽飽地。煲粥水亦都開始會好易痴底，所以要攪拌多d。就黎食粥既關係，職員唔會再加水，如果唔係d粥會好淡，同會濺出。最後，所有海鮮既精華就響哂呢煲粥入面。入面會加芫茜同豬油渣，芫茜香同油渣既爽脆都好正。可惜食到有d飽，都係食到一碗。整體黎講，

一年一度母親節，今年因「限聚令」關係，要和屋企人分開食，昨晚哥哥一家陪父母食，今晚由我陪父母食；因為只得3個人食晚飯，所以我揀咗「鍋心粥底火鍋」，這間餐廳食過幾次，品質算有保證餐廳分3個時段，因父母習慣早食晚飯，所以我訂左最早嘅時段 A (17:45 - 20:30pm)1️⃣ 肉蟹 + 沙白蜆2️⃣ 自選5款海鮮 (鮑魚、海蝦、花甲、元貝、多寶魚)3️⃣ 海鮮粥蔬菜 (南瓜粒、芋頭粒、栗米件)4️⃣ 白選8款火鍋配料 (自家制手打雞骨丸、自家制手打馬蹄雞滑、西班牙豬梅頭片、花枝丸、竹笙、蝦餃仔、蟹粉包、爽口豬肚)5️⃣ 海鮮粥配料 (芫茜、冬菜、菜甫粒、大頭菜粒、豬油渣粒)整體來說，肉蟹及海鮮都算新鮮、火鍋配料自己揀8款，滿足不同人需要，最後個海鮮粥一定要食埋佢先走價格💰：$602 ($200 x 3 + 外賣盒2個)味道😋： OK

鍋心！窩心！好喜歡去鍋心食粥底火鍋！每位$200可以食到蝦、蟹、鮑魚、象拔蚌，仲有蟶子。真係覺得好抵，海鮮生猛、新鮮！另外可以叫其他蔬菜類，例如：粟米，蘿蔔，䈑筍又可以叫下各類丸：蟹子丸，牛丸⋯⋯除咗飲品要另外加錢外，真係飽到頂到喉嚨。

疫情下，唔想出街食，叫一般外賣又食到悶。外賣打邊爐唔錯，唔使去街市買，又唔使又洗又整。一盒一盒整好晒，好方便，只係要自己拎比較重，如果可以外賣送上門就更加方便。海鮮新鮮又大隻，如果有多d 種類可供選擇就好喇。粥底份量足，拎嗰時仲熱熱地。雖然開黃昏，但早上打過電話冇人听，中午都會覆返。

此店平常長期常滿，但由於目前疫情下，變得凋零冷清，還有幾台捧場客，實屬不錯。何為粥底？完成火鍋後，湯底融匯了不同食物味道，添加現成白粥於湯底當中，熬數至10分鐘後，完成日美味鹹粥。預設的套餐包括多樣火鍋配料，應有盡有，主打各款鮮甜海鮮，魚、蝦、蟹、貝齊全，必能選取心儀食品。貴妃蚌、象拔蚌直接火鍋一流，鮮甜爽脆，2人光顧，點餐如下：粥底火鍋 x2沙白 x2南瓜、芋頭、粟米 x2蟹 x2鮑魚 x2海蝦 x2貴妃蚌 x2蠔 x2魚 x2豬梅頭肉 x2肥牛 x2炸魚皮 x2竹笙 x2蒿荀 x2油炸鬼 x2花膠仔 x2炸魚腐 x2檸檬汽水竹蔗水象拔蚌 2隻無加一，合共HK$464。

呢間野以前分三個時段每個時段都一定係爆曬，但係而家喺疫情之下，book位嗰陣時想問時段時，佢都直接覆我其實宜家所有時段都唔爆，可以直接walk in，每人$200唔加一，包五樣海鮮，加左20蚊換龍蝦，但見人食又好似肉蟹正啲，另外仲有鮑魚同魚揀，另外加八個火鍋配料，海鮮夠新鮮，同場仲做緊個優惠有$10象拔蚌，其實真係抵食到爆，最尾個粥加咗南瓜同埋芋頭，個服務員仲好好服務幫你去撈勻啲粥，味道一流。希望d好既餐廳可捱過疫情啦。

生日飯😁😁😁食物❤️❤️❤️❤️好新鮮！全部海鮮嚟嗰陣都仲識郁，唔怪之得咁多人介紹！今日都有7-8成滿🙊份量❤️❤️❤️❤️非常足夠，超級滿足！環境❤️❤️❤️正常，全部都係卡位，都幾好！服務❤️❤️❤️一開始服務唔錯，後期餐廳開始多人，疫症下餐廳人手減少，行嚟行去都係嗰兩個職員，見佢哋連枱都冇時間執，後期仲開始燥底，加上由頭到尾都冇提供過水，我比三粒星價錢❤️❤️❤️❤️❤️好抵食，每位$200 ，蟹肉轉半邊龍蝦每位+20 ，飲品另叫，三個人加埋都係$707，用份量同食物去計返，抵過大家樂同大快活嗰啲好多

提早同屋企人食嘅團年飯第一次黎鍋心之前聽朋友講佢性價比高就一於趁呢個機會黎帶屋企人食下因為朋友嘅溫馨提示所以有一早訂枱去到門口有勁多人等緊walk in同埋拎外賣包好適合唔想同人逼同俾人限時嘅人坐底之後會先上粥水交埋已填妥嘅選料紙就可以坐定定等食啦用餐時間2個鐘所以出菜速度都算快蟹、蝦、蜆、鮑魚等7種海鮮再另選八種配料唔知幾耐先食得都唔緊要因為好貼心有提示紙教埋你d海鮮幾耐就食得不論海鮮、肉類定配料都好新鮮連對海鮮一般嘅外婆都食唔少嘢飲就另外收費食到最後待應會幫你加飯煮粥加上菜甫豬油渣葱花作為一餐完美嘅ending 另外，服務態度好好，會主動講解食材，同幫你跟單。總括黎講，係一間可一也可再的餐廳！！！

2020新年，一家人選擇去打邊爐慶祝。早場5.45開始，門口人頭湧湧排晒大隊，好在親戚一早幫我地訂咗位，如果唔係實無位。每位$200包括頭盤海鮮+5款自選海鮮+8款食品，開頭都擔心唔夠食，但我親戚話次次都食唔晒，因為份量都幾多下，最後真係差少少食唔晒。頭盤蟹質素普通，但用來煮粥湯底還可以。沙白唔知乜嘢品種，明明一般3至5分鐘就會開口（熟），但有一半都住左10幾分鐘先至熟，好在味道還算鮮甜。龍蝦就有驚喜，雖然唔算大隻但好多肥膏，蝦肉鮮甜結實，早知全部叫龍蝦唔要蟹。鮑魚新鮮又大隻，滾完後仍然好嫩滑。生蝦就爭小小，親戚話平時所有蝦都好生猛會跳跳紮，但今日有一半都好似差少少。另一個有驚喜係多寶魚，本身我都好鍾意食多寶魚因為貪佢夠滑，估唔到滾完後後更加滑。西班牙豬梅頭片有啲失望，又鞋又韌。花膠仔亦係驚喜之一，雖然唔會係好高質素嘅花膠，但分量超多好抵食。肥牛亦有水準，唔會太肥，好淋好有牛味。其他食材（魚皮餃、金菇、花枝丸等）水準都合格。食完清晒所有食材後，侍應就會攞預備好嘅粥加入之前我們的湯底，海鮮味濃厚又滑嘅粥。

鍋心粥底火鍋北角和富道96-110號僑裕大廈地下1號舖鍋心粥底火鍋一早已經有聽過，係朋友圈子入面都好有名氣成日聽朋友黎食, 但自己一直都無黎試過，趁住31/12大除夕就黎試下啦呢到係分3個時段開餐，分別係A. 17:45 - 20:30B. 20:30 - 23:00C. 23:00 - 02:00我地係訂左20:30 個part, 大約早10分鐘去到，已經見到超過50+人係門口等安排入座，所以提提大家如果訂唔到位，應該都唔使唸walk in啦，因為真係好full到夠鐘職員就會逐個booking叫安排入座鍋心滋味5重奏跟住meun指示，首先揀左鍋底既靈魂材料肉蟹或者波士頓龍蝦先跟住再揀5款海鮮8款火鍋配料之後就等開餐啦等火鍋配料期間，可以先混好醬料主角黎啦海鮮我地揀左鮑魚，肉蟹，海蝦，花甲，蠔呢到既海鮮真係好新鮮，鮑魚海蝦送到黎既時候仲識郁架，淥熟咗肉質都好爽口彈牙，值得一讚食到接近尾聲，職員會比埋南瓜，芋頭我地放落鍋底， 煮淋咗之後再加埋米飯煮成粥最後就食到呢碗鮮甜美味既粥，係精華所在，真係第一次咁食法，原來係好正既，一定會再黎幫襯價錢方面都好公道。$200/位，唔使加一，飲品唔包

老豆生日話好耐無打過邊爐，本身係去稻x 食任食火鍋，但身邊個個都話好垃圾😂。有親戚推薦呢間話好抵食，本身其實試過蒸鍋質素都唔錯ge✨一行六大一小準時6點開波，都真係幾多人食，不過一入到黎勁熱，張枱又好鬼迫，d 袋都唔知放邊好。。真係有d 燥動✨海鮮有7 款+ 8款配料+ 海鮮粥。$200 唔使加一，都真係幾抵食。小朋友有個兒童餐都係$100, 都幾親民。✨鮑魚真係幾大隻，新鮮到仲識郁，跟佢時間淥真係啱啱好，勁彈牙唔會韌。 D 蝦都係新鮮到會跳出黎，所以會有個碟蓋蓋住，d 蝦鮮甜彈牙肉質夠結實。✨肉蟹都真係啖啖肉，同黃金蚌一樣都好鮮味，大尾魷我就覺得味道比較淡。✨沙白蜆細細粒但幾鮮味，不過我食左兩粒有少少沙。另外追加左$30 兩隻蟶子，大大隻好鮮甜。✨雞件唔錯幾滑溜，竹笙超大碟，呢個一定要嗌，索晒d 湯汁真係超正。✨阿媽最like 花膠，感覺回本d, 不過我都係鍾意淥到腍晒先食。✨豬梅頭片唔知係淥得太耐定點，勁嚡同硬柴柴咁，唔多掂。另外叫左墨丸都mama 地，係平價果種貨仔。 反而有個海鮮豆腐幾好食，但黎到係圓形扁身既一舊丸，咬落入邊有芝士軟綿綿。✨最後個海鮮粥真係超好味，雖然好毒😂但真