鍋心粥底火鍋 (和富道) (Closed)

粥底火鍋係先用粥水打邊爐，冇米，食哂先至加飯落去煲粥，所以打邊爐過程中唔會痴實啲粥。每位$200，冇加一，以下圖片係三人份量。粥底已包每人半隻蟹同沙白蜆，蟹好鮮甜，蜆都算肥。自選五樣款海鮮,新鮮，大隻，鮮甜。自選8款火鍋食材，牛肉，豚肉，花膠都質素高。最後會加飯，南瓜，芋頭煲粥，老實講，未食粥都飽哂，之前有栗米，金菇茶等等都食唔落，堅飽，男人都夠食。酒水另計冇加一，但唔貴，大枝青島$25一枝咋。總結，食得過，可以encore.

前幾日book定檯，5:30到即刻可入座，呢個時段可以食到8:30，坐底一陣餐廳好快就滿座。每人$200免加一可以揀5款海鮮，8款配料打邊爐，最後就用煮過海鮮同配料既湯底黎煲粥，同蒸氣火鍋唔同。除左5款海鮮外，會按人頭每人有半隻蟹同一碟沙白蜆。個蟹一到我地已急不及待放了入去煮15分鐘，蟹味超濃，肉質好滑好鮮甜，加埋少少蟹膏，食完半隻完全唔夠喉。沙白蜆又係好新鮮，全部都好快開口，冇沙，細細粒蘸少少汁好味d。鮑魚都幾大隻厚肉，有鮮味。呢個皇貝第一次食，少少似北寄貝，好有咬口，鮮味十足，好鍾意呢個！帶子都算大粒，個殼同我地平時食果d唔同，唔知係咩品種，但食落都幾鮮。仲有個大尾魷，好快熟，每人再有2隻蝦，一倒落水蝦仲郁，彈到濕晒，證明好新鮮。其他配料推介梅頭肉，好食過牛好蟹，另外有芝士豆腐都正。每人叫左支野飲，最後埋單$216，抵到笑。

今日試咗呢間成日都好多人排隊嘅鍋心粥底火鍋🍲我諗咁多人食嘅最大原因，係因為佢真係好平🤑，$200一位唔洗加一，可以揀七款海鮮，同七款非海鮮，粥底已經包埋，真係超平😮海鮮就揀咗鮑魚，海蝦🦐，帶子，貴妃蚌，沙白，蟹🦀同埋花甲因為食到太忙碌嘅關係，非海鮮已經唔記得影相lu，我哋就揀咗娃娃菜🥬，響鈴，魚片頭，蟹籽丸，魚蛋，肥牛🐂，豚肉片🐖啲海鮮唔係話超甜嗰啲，不過咁嘅價錢，都算超值啦😌不過發生左段小插曲，就係食食吓停電，停左成25分鐘先有返電😒，仲要冇俾返discount喎😞

朋友極力推介鍋心火煱，竟然差不多每星期都要食一餐，初時覺得十分誇張，亦好難理解，真係咁好食咩！？所以與家人一於試下，探究虚實。由於十分爆滿尤其是週末，於一星期前已經預定。五時半到左門口己經擠滿人，侍應安排左上層入坐，整體上感覺唔錯。食物: 十分有驚喜，好新鲜，份量好足。尤其是魷魚，好鮮味，手打豬肉丸必食。最後粥一流，好美味，點飽都一定要食呀。基本上每種食物，無論係指定或自選，都好有質素，誠意之作。環境: 空氣流通，地方整潔，唔覺嘈雜好寧靜。服務: 侍應有禮貌，主動跟進食物及飲品，亦幫每枱煮粥。價錢: 兩人連飲品，另加手打蝦丸，共約 $49O， 絕對物有所值，令人回味，一試難忘。終於明白這位友人，為何食過如此番尋味！

話說朋友係網上睇到5知邊個推介呢間鍋心粥底，腥左條link係群組度，睇完覺得可以一戰，就即刻打算book定位，呢間野都幾爆，朋友話其實佢一早想試，但幾次都要訂兩三日後既，佢就無訂到，果日打去訂其實都抱住過兩日食既心態先去，點知當晚竟然仲有位！呢間野出名既係食材新鮮！未去之前都係諗住，最多都係啲新鮮啲既，去到食先發現有驚喜！當晚我地早左到，諗住入去提早拎位，原來佢係分時段食，無得早，我地食830果個時段。只好門口等叫位。一入去到環境就正常，張台都算闊（其實我好憎香港啲位成日窄到放幾碟野都無位擺。）坐落舒服，呢個好重要。至於佢地既服務.. 坦白講我都5知叫好定差，啲侍應都幾串，但又會教你點整，又會幫你點做，見你食哂又會問你幾時上粥幫你煮。有種街坊街里既感覺，呢啲係咪香港啲茶記就快失傳既「人情味」？講返佢地啲野食！真係新鮮，好新鮮！重頭戲一開始就黎，隻蟹一睇就知新鮮貨，拎出黎斬好哂，好清楚入面有膏！順帶一提，蟹之所以係重頭戲，係因為佢可以話係粥底既靈魂，佢拎蟹膏係核心黎...講真，我5肯定，但我信佢斬件之前呢隻蟹仲生勾勾未死！啲蜆都算大粒，入面蜆肉都5細，食落超級鮮甜！份量都5算少呀！睇落去

上次試過九龍果間，今次試北角果間啦一早訂好位，confirm 埋booking, gogogo !去到，門口全都是人，好似等抽獎咁等入門口，10分鐘內入到去坐低快手點好食物同飲品，再看看周圍，呢間比起九龍果間裝修光猛同整齊d海鮮未上，waiter走嚟問要唔要北寄貝，30蚊2個，好啦，我哋4個人，要兩份。。點知嚟咗一份後就無再嚟，好啦，向a員工追咗2次，話廚房慢慢開緊，幫我哋追最後受不了，問B員工，B員工話我哋檯上果份係最後一份。。。我哋: 吓?你另一位同事同我講話跟緊，你而家話無?即係點呀？員工B: 係呀，無晒喇，我而家咪話你知無晒囉？!。。。首先，我無可能預知到你廚房仲有幾多份北寄貝，你問得我要唔要，我當然係expect你廚房係有足夠份量情況下，先問客人要唔要的第二，整體情況實在混亂，員工A話幫我跟緊，員工B話賣晒，咁到底即係點?應該統一說法，令顧客不感到困惑。。。仲要唔追，都無人打算同我哋講返之後，有個員工C嚟解釋情況，道歉並說願意多送2份配料。。很感謝，但其實送唔送返配料都係其次，重要的是，你要主動同客人溝通返情況，咁客人會覺得舒服d，而唔係死追爛追都無人理。。好，入正題! 海鮮

冬天凍凍地最岩打邊爐但打得多又冇咩新意粥底火鍋聽左好耐未試過上次諗住walk in 試下啦點知full 到咩咁😑😑😑今次book定檯 醒目左呀如果想去試既朋友仔溫馨提示 記得book 檯粥水邊爐開始🎉啲海鮮份糧岩岩好兩個人夠食有鮮味 仲教埋你要煮幾耐細心又貼心🥰跟住黎煮 一定唔會over cook 😀其他野食都唔錯架有好多款揀兩個人黎講 每位200$ 真係物超所值雖然唔包野飲酒水要另外加錢叫 但咁既質素😀😀😀 真係 抵到爛呀啲waiter 服務幾好上菜個陣講爛gag😂😂好好笑😂😂

兩個半小時其實好趕。第一次試鍋心總店時我是十分推薦朋友的，價錢合理海鮮也新鮮。但北角分店就只有一個字：趕。腸胃不好怕肚痛但又時間緊迫，吃海鮮火鍋卻想急也急不了，安全起見還是淥多兩分鐘。吃到最後要麻煩店員幫忙倒進配料煮那精華粥底，一直舉手但店員像厲鬼飄過。終於找來店經理幫忙，剛滔了兩口就有店員大嚷：「可能你哋聽唔清楚，其實已經夠鐘！」再趕緊把熱粥倒進肚子，不夠一分鐘那女的又來了：「門口成百人喺度等緊！」嚇到眾人馬上離座。其實你早點主動幫我弄個粥底我可以早十分鐘離開的...不過應該沒有下次了，我比較適合吉野家那節奏。海鮮及其他配料份量不算多，想點聖子但當天沒有。選了鮑魚代替，份量剛好一人一隻，不算新鮮但頗大隻。其他海鮮如北寄貝、黃金蚌及花甲都只是一般般，花甲幾乎每隻都有沙。反而整晚重點就是壓軸那鍋粥。

今日收到約埋三五知己一齊去食近期大熱既粥底火鍋，我地之前係大圍食過一次一直都念念不忘🥰今日我地預約左北角分店。大家要留意預定時間只係有1800-2000，2030-2230。如果唔係係附近放工，就要捱肚餓到8點半先有飯食😂同埋而家無酒牌，想飲酒可以自行買去（餐廳比）睇睇個Menu先，肉蟹同沙白係鐵腳黎，另外可以自選5款海鮮。我地今日簡左鮑魚，油貝，花甲，海蝦同大尾魷。所有海鮮🦞都好新鮮，分量絕對充夠❗️❗️❗️而另外仲可以簡8款火鍋配料😂我地食完飽到上心口。特別推介萵荀，響鈴🔔萵荀通常係台式火鍋店先會提供，估唔到有🥰🥰食到最後，職員將食剩既野撈起先。再落粥底，南瓜🎃，芋頭，豬油渣⋯煮成粥分比大家。食飽飽，連埋汽水，每位$214（唔洗加一）❗️❗️一定會Encore🥳

當日中午訂位只有晚上8點半，3位入座。到步後都稍為等多10分鐘先入座。之前聽過性價比高，的確可以選擇好多鍋料，唯一覺得多寶魚比較多骨少肉，不太推薦。除左海鮮之外，可供多8款火鍋配料，其中覺得雞骨丸比較特別，口感不錯最後加粥時，已經有9分飽，但都食了一大碗，最鐘意係有芋頭嘅肉配海鮮的精華總括，呢個價錢食到海鮮火鍋又飽肚算平，係不錯嘅選擇

話說鍋心係香港都有好多分店，身邊唔少人食過覺得幾好，粥底火鍋我未食過，於是早一星期訂左今晚第一輪（6:00-8:30pm) 泥試試。有特選部分亦有自選部分沙白出色d，好鮮甜，但有少少沙，每人約10隻。兩款都新鮮大隻呢兩款一樣新鮮大隻，鮑魚更加係彈牙厚肉活蝦跳到唔停，倒晒4隻落鍋最好，用夾可能會彈走左。黃金蚌有明顯腥味，唔加好過響鈴吸晒海鮮湯精華，浸5-8秒最反正呢款唔係脆。油炸鬼一般。豬梅頭幾濃豬肉味，油脂剛剛好魚皮都脆，唔會太咸，浸3-5秒最好肥牛好鞋，少少牛味，又薄又乾雞骨丸係雞軟骨既丸版本，手打既，誠意有加分粟米好爽甜豬腩片比梅頭薄同鞋，豬味又冇甘濃，但都唔錯既。花膠仔好恐怖，我冇食到，下次唔點喇加配料，豬油渣炸得好香，燶燶地味加埋套餐已包既芋頭同南瓜，海鮮精華盡吸，侍應細心攪拌粥底，五分鐘就完成海鮮粥 你數下有幾多海鮮同配料落過係個鍋，個粥就有幾多隻味，十分豐富如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

食呢間火鍋就好似食葯咁間唔中就要黎食，近排天氣凍，所以我上星期去左食。我鐘意食呢間因為佢用料新鮮，有好多樣海鮮，每樣比少少你食。係屋企咁樣食法要洗死我，同埋會貴d囉。海鮮方面會每人有半隻蟹有蝦有貝殼類等等，佢有個指南教你每種海鮮要煮幾耐。跟住仲可以叫肉，菜同丸。我好鐘意食佢個豬梅頭肉同肥牛。佢個自製雞骨丸其實我覺得冇物特別。。因為食晒d海鮮同兩款肉後，通常已經飽，所以其他爺我會叫菜。。。講左咁耐，一人都係二百蚊。真係好鬼抵

天寒地凍就想去打邊爐， 初初新開時嚟食過一次已經覺得抵食又滿足，每人只係二百蚊，唔洗加一，野飲就十幾蚊一支，但就多甩漏。而今次帶鍾意食海鮮嘅爸媽黎食，食到佢地好滿意，而上食物速度同流暢黎講，明顯比初時好左好多，起碼無再有漏單情況出現即日打去訂六點個轉都仲有枱訂到。菜單好簡單，但有好多款揀，而且食到尾真係好飽。每枱指定有蟹同沙白兩款海鮮，之後，七揀五海鮮，再揀八款打邊爐配料。所以，我覺得如果少人黎食好好，樣樣都有少少，又可以食好多款，唔洗平時買一袋食唔哂塞爆個雪櫃。今次蟹無乜肉食，但水蟹鮮甜煲粥真係一流， 鮑魚仔好新鮮，上枱時仲係會識郁，其它都正正常常起碼無食到有沙。食曬海鮮就可以落南瓜，芋頭同粟米落去煲，等到打完邊爐之後，就可以叫人整個粥。

星期日，一家幾口去煱心試下海鮮粥底打邊爐，6pm(第一時段)準時開始。當我們下單選定食材，我們亦下單要飲品，豈料打邊爐最常飲的酸梅湯已經售罄，心想餐廳剛剛營業而且我們是食首時段，幹嗎飲品這樣快售罄？海鮮食材方面都算新鮮，但蜆有點沙，而蟹方面，廚房應該先為客人把蟹鉗拍碎才端上客人桌上。不過，因為配菜如肉類，肉丸之類上菜比較慢，在只定兩小時內用完餐是非常急趕。服務方面都不大理想，由於坐位及桌面空間不算寬闊，盛滿了蝦蟹殼的碟子不是經常有服務員清理，所以枱面都很髒，而且每次我們要求加添湯水，服務員都好像懶得理會一樣，直到我們煲內的湯差不多煎乾，我們再三催促下才給我們倒少少湯入煲內，總之感覺服務不佳。整體而言，食物和價錢還可以，餐廳有很多進步的空間。

之前有機會分別去過佐敦，深水埗及大圍的分店，今晚公司飯聚再提議同事去試，都覺得海鮮（蟹，鮑魚，貝殼類等）新鮮美味，粥底經過加入海鮮肉類蔬菜煮熟的過程，最後再加入較濃調的白粥及配料（芫荽，豬油渣，頭菜粒等），份外美味，為這一餐劃上完美的句號。