一品雞煲火鍋

Open Now

Now Closed

近排成日都打邊爐,有d悶,試下食雞煲都先,雖然都同打邊邊差唔多聽聞一品幾好食就黎試下, 同朋友兩個人食, 朋友先黎拎台, 因為好似要6人以上先可以訂位, 拎左飛仔要齊人先可以入座, 門口有位超大聲叫台o既大嬸, 佢把聲真係好響, 我諗全條眾安街都聽到佢把聲...我同朋友"齊人"等左一陣就有位...但入到去又企係度等左兩個字先真係有台比我地,係比另一舖位我地, 紫色裝修, 有水晶燈...裝修有少少西化,真係特別...明明黎食雞煲...入正題, 叫左半隻雞煲先,要微辣, 朋友唔係好食得辣, 但我地都叫個微辣黎試下, 要少少辣先野味o既~ 雞煲好快黎到, 唔可以教超過1000w呀..我地都驚痴底呀..仲有叫左碟細手切牛, 蝦滑拼墨魚滑, 鱔片, 魚皮餃拼雲吞同稻庭烏冬食...佢有一壺湯比我地加入個煲度,咁個湯就唔會太濃太杰,可以食緊d雞之後滾其他野食...先講個雞, 個汁味道濃郁又唔算好咸,少少辣夠野味,雞都好肉,就唔會係新鮮雞架喇,但唔差呀....個汁真係味道唔錯...讚!其他野呢~ 個牛肉都好滑, 牛味就唔算太濃,可能都比雞汁味蓋過了...蝦滑墨魚滑都好新鮮彈牙, 鱔都新鮮不過我唔食o既

雞煲- 非常好，入味，正！打邊爐食品- 新鮮，好味，份量也足夠！飲品- $10一支細汽水比較貴，兩下就無，其他飲品就唔太夠凍！基本上食物值得去食既！但本人最想講係那個收錢的大叔（相信他是老闆，如果唔係佢D咁既態度早就炒得），你咁樣既態度，野食有幾好，D客黎一次就夠了，係你度消費仲要受你氣，真係要檢討下啦。。。

中午來這裡食lunch, 味道幾好份量頗多, 環境不錯, 不像其他茶餐廳般很擠迫, 尤其是檸檬茶, 甜味同澀度都適中。見到店舖出面玻璃貼滿雜誌廣告同相片有雞煲食，好似好似吸引好好味，之前聽同事講晚上等位閒閒地都要等1至2小時, 聽聞近期擴充左，一於Happy Friday晚上同女朋友試試。 8點幾去到,呢到有盞好豪華既水晶燈，加上枱同卡位都好闊落，感覺舒適。因見呢到sell場雞好似好出名,叫左個小辣半隻雞, 味道不錯, 雞既份量都幾多又大件（雖然只點了半隻雞），仲幾滑好上色, 證明係生炒過ｄ雞, 唔係烚完放落汁到就算。一直以為雞煲係小菜，　仲諗住叫個白飯，原來食完加湯係可以打埋邊爐，效果真係超正。可能大家鍾意食濃味野,，我個人覺得食完雞之後加湯既湯底，比起平時食開既沙嗲湯底更惹味，加上有少許辣辣麻麻，愈滾愈好味！唔會好似麻辣火煱得個辣字，食完因為油膩得滯最後肚痾，最正既係涼涼的天氣飲埋啤酒真係一流。 食物方面： 手切牛真係好嫩，好好食 炸魚皮好薄好“趣” 日本烏冬真係超讚，唔係出面既貨色，叫埋米粉，吸了雞汁好好味 其他食物都幾新鮮, 但個雞汁實在太惹味，所有野食都變得好好食。V。 值得

聽朋友講話好好食, 已經想去好耐, 但每次都見好多人等, 打去book位又話得4個人無得book 卒之叫多幾個fd一齊去, 咁就可以book位喇!!去到個環境一般, 因為要經過條後巷再去另一個鋪度食 , 服務態度亦唔多好, d呀姐叫極都無乜反應, 又慢!!!雞煲係必叫的, 個湯底的確唔錯, 比起旺角同元朗好食好多墨魚滑,蝦滑,烏冬,炸腐皮又係必叫, 因為好好味!鱔同魚片都唔差, 都係好新鮮桶蠔亦唔錯, 果度收$98都唔貴, 因街市買都要$70啦鮮牛肉,雞子,豬潤,貢丸都好正常, 依家出面d貢丸已經好難食!豬皮,豬紅,魚皮餃,四寶丸都係正常野雲吞就唔係咁好食喇, 太實又唔多蝦貴花蚌都新鮮, 可能果度近街市, 買野都會好新鮮! 炸魚皮就差d, 因太細塊, 又碎叫一隻雞蛋要$8, 好似貴左d囉!!! 總括來說, 食物質數係唔差, 價錢都算有d貴, 因為好細碟, 地方就唔華麗架喇, 服務更加唔得, 但我覺得可以一試既!

見大家咁讚呢間野,而門口又大排長龍,所以特登去試下係咪真係咁好味第一樣要試既,當然係雞煲...半隻就98,食完再加湯底...雞煲就變身火鍋湯底...d汁就幾好味,但雞就mama地, 應該唔係新鮮雞, 而且有d唔多入味本人唔食辣的, 叫左個微辣, 都可以接受到一黎夾起晒d辣椒，因為會愈煲愈辣叫左炸腐皮,墨魚滑,蝦滑, 肥牛....仲有其他以上係見大家推介既食物肥牛,好厚, 而且顏色偏深, 味道一般炸腐皮, mama地, 比起食開某間差很遠墨魚滑,蝦滑, 都ok......埋單兩個人420, 偏貴, 且貴得黎水準只是一般, 可以一試,但冇下次

這間新店...從媽媽口中得知...它的門口晚晚都由6:30pm-12:xxam(((大排長龍)))...所以beeYU決定要試試它有何吸引之處...******************************當天2:xxpm打電話去定座晚上吃飯...得到回覆: 訂座已經滿了...要親自到店鋪才知有沒有座位...為了雞煲火鍋...beeYU早早的5:40pm已經坐在門口...5:50pm可以上到樓上座位...(但要8:00pm交枱)...好有一種摧迫感...(請注意: 這不是任食火鍋...)座位有點迫...而且沒想到位置放置手袋...所以環境感覺不太良好...*n*"這火鍋店是A La Carte的...種類不算多...招牌煲...雞煲...四款free sauce...乾蒜...生蒜...芫茜...蔥...還有豉油...差不多枱枱都有一煲的(((雞煲)))...我們選擇了小辣...有專人幫我們攪拌雞煲...吃完雞煲...再加湯底...雞煲變身火鍋湯底...一煲兩用...厲害厲害!!!...*o*"有了湯底...當然要點一些火鍋食物...手打蝦滑...沒有驚喜...沒有與眾不同...普通

雞煲(微辣)真係好惹味.不過d醬汁既麻味好似酸辣粉個種味道原來雞煲真係愈滾愈辣,搞到我地要夾哂d乾辣椒出黎=]另外再叫多一個清湯坑腩煲,同雞煲相比下,味道普普通通啦!食完就加湯打邊爐,叫左本地手切肥牛,桶蠔,墨魚滑拼蝦滑,炸腐皮,炸魚皮,豆卜,豆腐,魚皮餃,雲吞,芝士丸,皇帝菜,油麥菜,烏冬,芋絲.....墨魚滑拼蝦滑:好爽好好味桶蠔:好鮮甜*好多人話手切肥牛好味,但我就唔太鍾意,覺得肉質好韌除此之外,烏冬同炸腐皮都好值得一試!特別係烏冬,涮完之後雖然個外表好似淋哂軟哂咁,但食落好彈牙!同出面d舖頭真係好唔同,個個都讚不絕口!而店員服務唔錯,幾親切幾好笑容,希望佢地會keep住依種服務態度!

朋友推介荃灣有間雞煲好正，今晚去到荃灣順便一試，在門口等位已經聞到好香，不遇等了一個半鐘先有位，但是雞煲真是好好味。其他材料都好新鮮，叫了鮑鱼同雞煲一齊滾，好味。蝦丸同墨鱼丸好爽，烏冬配雞煲真正。下次約多幾個朋友一齊來可以試多喲款式。

星期日無街去 , 之前看飲食雜誌話住處附近這間店的雞煲好食到不得了,近期經過看到門前都大排長龍,心想吾通真係咁好食, 不如去試下,點知一試之下,發現衹不過是一編廣告以之為名的深圳雞煲 : 是用普通的 " 雪雞" 而不是鮮雞 ( 雪雞與鮮雞一食就知啦 )處理方法是 : 用柱侯醬 + 花椒 + 鹵水料 + 乾蔥炆雞 (所為秘制醬汁) 最令人失望的是 : 雞不是生炆,是飛水後加入醬料炆 ( 與正確做法用乾葱起鑊,炒香雞件再加醬汁炆 ) 簡直是兩回事,可能真是太多客所以粗制濫做 味道有如白烚雞 , 完全吾入味另外食完雞燙後加上燙打邊爐 , 點知加的衹是清水 火煱料好一般 , 衹是以較平 !!!!!下次請我都唔去

一直想食呢間雞煲好耐,國慶日收工去左食喇21:30去到~成個門口都係人~又冇哂車位,渣車去兜兜風先啦23:00返泥,老闆話過左lu~下一個叫返我真係好快,因為我未泊好車佢已經再叫我喇~~~~~叫左個雞煲半隻(因為得兩條友)小辣,好快泥到侍應見到我個雞煲出煙就幫我開蓋仲攪攪佢,嘩~~~~~好香呀!正小辣剛剛好,唔會辣到食唔到~會有一壺湯擺係台俾我地自己加,呢樣我覺得幾好叫左d打邊爐料~炸付皮、烏冬、生菜、墨魚滑、可樂x2烏冬‥入哂味,正,不過要攪攪佢,會痴底。炸付皮‥即炸,呢個不得了,索哂d汁。墨魚滑‥真係好滑其實2枝可樂唔夠飲,但$10/1枝太貴喇,自備左枝水賣單連加一$269

這是小妹第一篇的食評，多多指教!=]見到荃灣新開的雞煲，好吸引，第一次去walk-in, 坐地下果層的"car"位，同爸媽三個人坐六人位的car 位實在舒服。一開始order左半隻雞煲，叫左微辣，一滾媽咪就夾起d辣椒，佢話會愈煲愈辣，好好味!!!好濃味!!爸爸鍾意食牛腩，叫多左個牛坑腩煲，都幾好食!!推介大家用呢個煲的湯加落雞煲打邊爐，會比加佢提供既"清"湯正好多!!!因為第二次去因為細枱無叫到呢個煲，加佢的"清"湯，整到好淡!!另外非常推介的係烏冬&炸腐皮烏冬連爸爸果關都過到!!!爸爸每次去都必要叫呢個!!因為佢唔同普通既烏冬架!!不過有點點貴, $20....不過真係好食!!而相的前方既墨魚滑我見食評好多人讚，但我本人就覺得好"實",,唔知係唔係我碌得太耐!!!呢個炸腐皮超好食!!!!又係唔同出面買果d架!!!可能係自家製，比較薄身!!最後見左兩隻鮑魚仔$18 eachum...........覺得唔值，好一般!不推介!推介呢間係因為食完返到屋企唔會好口渴=沒有太多味精了吧!!!!^^"不過老實講，我第二次去個煲的料已經少左，咁快就縮水!!????

有朋友成日都話荃灣間雞煲好味，尋日終於有機會一試，一品雞窩汁味道香濃帶甜，少少棘同麻，雞肉香滑有雞味，168一隻可算合理，美中不足係之後打邊爐啲安格司牛太唔新鮮，之後換咗碟本地肥牛就比較似樣，其他的值得一提係記得用生麵或公仔麵撈雞汁食，超正，仲有係個炸腐皮，好香豆味，要食！

由於資料不宜刊登,於是今日再約朋友去試食同影過啲靚相,上次6點半以為應該有位,點知全滿今次6點就行入舖,又係上次位四眼姐姐侍應招呼,姐姐好好人俾咗閣樓一張檯我地食住先,不過條件一樣要8點交檯,上次坐低即刻開飯先來一隻雞煲,中辣,嘩!好好味呀!!連雞胸都滑滑嘟嘟呢食晒啲雞後加湯打邊爐,手切肥牛,肉紋脂肪分佈均衡蟹子蝦膠好彈牙呢再要了大花甲,一煮彈開殼即食,超正食到這裡個湯已經充滿辣味和鮮味了,各位朋友記住---不容忽視--冰凍烏冬我們上次一行四人每要了一碟,好味滿足!!美中不足是油多了點,食菜時幾肥.今日兩個人要了半隻雞,中辣,雞依然咁滑,鮑魚非常新鮮朋友喜好莞茜,但單叫要$20.-好貴侍應主動俾了火鍋調味醬盒嗰啲頂住檔,經過上次淥菜太肥,今次點了不太索油的粟米和九菜花,高纖無咁肥嘛!!食物和環境真係唔錯,唯一要彈就是閣樓個廁所,衛生情況可接受,不過對著所有排氣位,一出一入好似玩高溫瑜伽咁,哈哈

這是一封遲來的食評.因為這間一品雞煲我已經食過三次了.....我本人很喜歡食雞煲,大圍,深水埗,佐敦,元朗,遠至深圳我也食過好幾次...一品算是最平均嘅一間...那天order了雞煲,一個豬骨鍋,先把牛肉,墨魚滑,烏冬用豬骨湯煮熟,再點些雞煲汁.....不得了...停不了....烏冬,再來呀!!第二次食小菜,咕嚕肉,薑荵魚雲煲(好香,夠乾身),牡丹蝦(連頭計起,足足有7.8吋長)...好鮮甜..p.s.這店的雞煲當然出色,但直得一讚是那些火鍋配料,夠平均,算是不錯的...墨魚滑(其他舖會有好多肥豬肉混合在內)但這間很少...好彈彈彈

琴晚本身同埋D朋友諗住去食潮州棧，但係有個話評語好似麻麻地，臨時話想轉場。上OPENRICE睇，見到呢間未試過，決定去試下。好彩早到，7點鬆D仲有吉枱，等左一陣間亞姐俾張大枱我地三個人坐，但係就話最好可以8點半交到枱啦，個半鐘頭，真係儘人事啦三個人叫左半隻雞要中辣。先食D雞先，辣辣地D雞又滑滑地幾好味，但係唔夠麻就扣左小小分。食到咁上下就ORDER打火鍋配料，本身諗住點一個本地手切肥牛，可惜售罄，於是改左要手切肥牛，一個雙拼滑，即係墨魚滑拼蝦滑，游水鮑魚一人一隻，大花甲一人兩隻，金菇，娃娃菜，豬紅，再加多個大魚頭，冬菇，係咁多~肥牛：好好味，夠滑夠淋，又有牛味，一個大既三個人食都有D唔夠喉雙拼滑：幾好味，夠彈牙鮑魚：好新鮮，上到枱仲識郁，D湯夠滾一放落去好快就食得，所以真係好好味，夠哂鮮甜花甲：夠大隻又厚肉，索埋D汁，好味~!食到半路，朋友話嫌唔夠辣，加10蚊要左一碗雞汁再送多一碗辣椒，今勻真係刺激，由開頭多左小小辣到後來勁辣，味道保持到夠香，真係正~!每人二百蚊，價錢算合理囉，下次再約埋一班朋友再去食過