Video
Exit L6, Tsim Sha Tsui / East Tsim Sha Tsui MTR Station
continue reading
Telephone
22687818
Introduction
The Haven offers breakfast, lunch, and dinner buffets. The environment is spacious and the decor is in a modern and simple style. There are many food choices. And you can enjoy delicious food with a beautiful view of Victoria Harbour.
continue reading
Opening Hours
Today
07:00 - 14:30
18:15 - 21:30
Mon - Sun
07:00 - 14:30
18:15 - 21:30
Public Holiday
07:00 - 14:30
18:15 - 21:30
Public Holiday Eve
07:00 - 14:30
18:15 - 21:30
Above information is for reference only. Please check details with the restaurant.
About Reward Scheme
近來北上搵食成風，加上又到暑假，見到好多酒店嘅自助餐都推出好多優惠吸客。今晚嚟到尖沙咀「港青」嘅「再臨閣」餐廳食自助晚餐，又可以大擦一場。因為之前都嚟過，佢哋嘅剎食位喺環境，餐廳嘅座位絕大部份都喺挨窗，而落地大玻璃窗外嘅景正正喺對住文化中心或1881，景觀極之開揚，今次早嚟到，仲睇到少少黃昏景緻。整個場地嘅佈局都算幾歸一，一入門口右邊就喺食物區，順路直入，左右兩邊擺放晒各款食物，唔會東一忽，西一忽。而呢期自助餐嘅主題喺「仲夏情迷法越夜」，顧名思義，主打喺啲法國同越南菜式，相信好多人都鍾意。價錢方面，平日成人嘅原價要$668，不過，實際喺有6折，折實咗收$468。沙律、生果、冷盤小食自助沙律吧有兩款沙律菜、10多款配料、5款醬汁，唔算好大陣容，亦喺常見嘅款式。反而，亮點晌幾款預製好嘅沙律：越式燒豬頸肉沙律、越式扎肉涼伴檬粉、越式豬肉碎沙律伴七彩蝦片。此外，仲有好多款的的骰骰嘅冷盤小食，賣相吸引；而近門口嘅甜品區放有4款新鮮生果，正好為小弟嘅頭盤DIY加多幾分健康。先登場喺砌咗一大碟「頭盤」，將上述嘅沙律、生果、冷盤小食樣樣執啲。啲沙律菜、生果確喺新鮮，預製好嘅沙律都亦有特色，試咗3款冷盤小食，當中嘅法式牛脷凍同越式大蝦薯仔沙律有意外驚喜。食罷大有開開胃之效，等陣就可以食多啲嘢。凍海鮮盤、凍肉盤雖然無生蠔供應（熱盤有焗蠔），但所提供嘅凍海鮮有松葉蟹腳、龍蝦鉗、麵包蟹、波士頓龍蝦、大蜆、龍蝦仔、熟蝦及青口，再佐以幾款汁醬，如辣椒豉油、咯嗲汁、泰式沙律汁及檸檬角。凍肉盤嗰邊，就有莎樂美腸、煙三文魚同無骨黑椒豬柳。帶住回本心態，食凍海鮮喺走唔甩嘅選項，又喺砌咗一大碟凍海鮮加冷切肉返嚟，質素算唔錯，波士頓龍蝦啲蝦肉好爽彈，仲要有咁多膏添，啲龍蝦鉗最討人心，因為拆咗半殼，一拉出嚟就有得食，熟蝦亦非常之鮮甜。另外，搭單夾咗件南京鹽水鴨，嫩滑鹹鮮喎，好食。餐湯、麵包籃、芝士拼盤跟住落嚟介紹下餐湯，一般自助餐都會供應一款中湯，一款西湯，呢度就有木瓜排骨湯同甘筍忌廉湯，而麵包籃內有多款軟包、硬包。此外，仲有法式蒜茸多士同法式肝醬配法包。芝士方面，都提供有成4款，包括藍芝士、高達芝士、金文畢芝士及車打芝士，呢幾款芝士我都好鍾意食。食完兩輪都喺凍嘢，喺時候飲少少熱湯暖番個胃，小弟今次無飲西湯，改試啲中湯，再配金文畢芝士拉蒜蓉多士、法式肝醬拼法包。個中湯幾夠老火，味道清甜，啲蒜蓉多士本身就脆口好食，加埋啲芝士，就更加正啦。刺身、壽司、越南米紙卷食自助餐好就好在多嘢揀，但始終都試唔得晒所有嘢，總要有取捨。刺身、壽司、越南米紙卷今次雖然無試，但睇落啲質素唔錯，友人試咗就話幾好食，尤其啲米紙卷，捲住生菜、青瓜、甘筍,、粉絲、雞絲同扎肉，非常清爽有口感。越式牛湯麵檔既然主題有越南元素，粉麵檔當然主打變成供應越式牛河啦。我就黐人哋碗河粉嚟試試，確喺唔錯喎，個牛骨湯濃而不濁，除牛肉、牛腩、豬肉丸，仲有好多配料。河粉唔啱嘅話，亦可以揀檬粉或金邊粉。慢煮鮑魚、燒美國肋骨牛肉、扒大虎蝦、熱盤喺時候都介紹吓啲熱嘢啦，佔嘅區域亦都較大，鮑魚、燒牛肉、扒虎蝦自然喺亮點，而其他嘅熱盤都有好多款式，憑相記錄包括有炸越南豬肉春卷、香茅羊T骨、黑松露牛油焗蠔、越式燒雞、蒜茸魚露炒菜、芝士忌廉焗薯仔、巴黎牛油焗田螺、蜜糖法國芥茉焗豬排骨、法式鴨腿燴白豆、越式咸檸蒸魚、越式蕃茄燴牛面頰、椰香斑蘭飯……等等，睇名都知有唔少喺主題菜式。小弟就一口氣砌咗一碟熱食，胃納有限，都喺揀啲心水嘢。鮑魚果然好入味，口感柔韌有咬口；肋骨牛肉肉味濃，T骨羊亦比預期 好，燒得焦香，肉質軟腍；扒虎蝦亦都好正，蝦肉極之彈牙，充滿蝦鮮味！仲有，焗田螺同焗蠔都好食。食完都有八乘幾人飽，想再食多一轉熱盤嘢都有啲難，因為，留肚嘆甜品。甜品區所有甜品都擺晒喺近門口一處，款式多，又色彩繽紛，更有唔少喺主題甜品，細細一數，有歌劇院蛋糕、法式國皇餅、法式檸檬撻、法式杏仁甜餅、西米香芒、越式焦糖布丁、咖啡奶凍、香辣馬卡龍、柚子果凍、法式焦糖燉蛋……等等，賣相確喺吸引。都仲未完，另一邊仲有好幾款，包括法式蘋果批、越式水果撈、心太軟、香蕉煎餅。小弟就睇啱蘋果批同心太軟喇，一定要試試。最後衝刺，連埋心太軟就一口氣掃咗11款甜點，算喺試咗絕大部份款式。綜合而言，質素比預期好，歌劇院蛋糕同法式檸檬撻做得好有水準，辣味嘅馬卡龍幾有驚喜，而柚子果凍食起嚟好清爽，焦糖燉蛋就醇甜嫩滑富蛋香。心太軟亦都好唔錯，雖未至好流心，但內心軟滑濃郁。Häagen-Dazs雪糕結尾，個胃仲有虛位，加上見有啲口味未食過，就試番兩杯：柚子馬卡龍同抹茶口味。雪糕嘅質感軟滑富奶香，前者柚子味十足，又有啲馬卡龍碎碎混在其中，而後者嘅抹茶味非常突出。飲品自助區 雖然無乜點影到自己飲乜，其實，成晚用餐就不停飲果汁，到最後就咖啡配甜品，食完晒嘢，沖杯檸茶嚟舒緩吓！此外，仲有好多唔同口味嘅茶包，用上川寧，算有誠意啦。今晚算喺試咗唔少嘢，整體嚟講感覺唔錯，尤其一啲主題菜式，加上環境又幾舒服。
continue reading
今個聖誕節大家約好朋友慶祝未？每年聖誕節最受歡迎菜色一定係自助餐，今次就介紹一間個人覺得性價比幾高的餐廳，位於尖沙咀YMCA內的再臨閣，基本上所有位置都能欣賞尖沙咀一帶的景色，地理位置極佳，附近就地下鐵尖沙咀站，出入勁方便。原來酒店仲拎埋KKday 十大酒店自助餐。海鮮可以話係再臨閣強項。首選一定係任食龍蝦，好多都有膏。仲有啖啖肉既龍蝦鉗。加上長腳蟹爪、小龍蝦、海蜆、海蝦及青口，種類都多，而且都有質素。每次都要食返件慢煮鮑魚，口感Q彈又入味。即煎鐵板石班魚及海蝦，熱辣辣好香口。燒美國肋骨牛肉中間位帶血絲，鬆軟有嚼口，肉味濃，必食。喇沙湯麵配料好豐富有蝦仁、鮮魷、魚角、豆卜及雞蛋，湯中湯是家庭口味的木瓜排骨湯，而西湯是香甜滑溜的甘筍香橙湯。刺身有八爪魚、希靈魚、三文魚以及鯛魚，仲有雜錦壽司。熱葷番茄牛肋條炆得好腍及入味，尤其是個汁可以用來拌飯。蒸比目魚勁大條又厚肉，毫無碎骨，正。黃豆醬燒雞醃得好惹味，雞肉又不覺老。香辣焗蠔焗得好香口，食落仲有少少熱燙感覺。燒羊排骨臊味不重，骨膜位油香重，我鍾意。加上海鮮麵、黃咖哩海鮮、粟米條、燒生薯、德國豬手及脆炸蟹腳，熱葷都有好多啱食。沙律及前菜有野菌黑醋沙律、泰式去骨鳳爪沙律、煙三文魚、南京鹽水鴨、地中海發達芝士沙律、法式牛脷凍 、巴馬火腿配甜瓜、烤芝麻吞拿魚、黑松露蜜糖伴芝士、日式溫泉蛋、法式芥末籽薯仔沙律、黑魚子豆腐，其實種類都好多。個人最鍾意好健康既野菌黑醋沙律、好濃牛味既法式牛脷凍同煙三文魚。芝士有藍芝士、車打芝士、金銀畢芝士以及高達硬芝士。甜品哈根大師雪糕口味與平日見到的不同，尤其是有Pierre Herme版本，係咪好有趣呢？其他兩款是Mango and Cream以及Summer Berries and Cream。即焗心太軟，切開兩半呈流心，相信對辦。法式榛子泡芙好有聖誕氣氛，全個艷麗紅色，再放上一粒心心朱古力。又有我在甜品心目中佔一席位的Panna cotta。迷你版甜品仲有越式焦糖布甸、三色朱古力慕絲、聖誕啫哩及迷你檸檬撻。雜錦Macaroon帶來不同口味，外脆內裡煙韌口感真好。至於香梨杏仁撻、栗子卷、藍莓芝士餅以及粉紅朱古力餅中，個人較喜歡香梨杏仁撻，芳香甜美。另一邊有牛角包布甸及即製班戟。中式甜品有木瓜雪耳糖水，太太就最鍾意。飲品任飲凍檸檬茶、蘋果汁、維他命水、咖啡及奶茶。
continue reading
# 港青YMCA酒店再臨閣聖誕自助餐食評在這個聖誕節，我有幸到訪位於尖沙咀海旁的港青YMCA酒店再臨閣，享受了一頓豐富的自助餐。這次的用餐體驗真是令人難忘，以下是我對這次自助餐的詳細評價。## 環境再臨閣的環境非常優雅，餐廳面向海景，讓人一邊享受美食，一邊欣賞海旁的美麗風景。寬敞的空間和舒適的座位讓人倍感放鬆，真是一個理想的聚會地點。## 食物💥新鮮海鮮- **三文魚刺身**：鮮嫩多汁，口感滑順，非常適合搭配醬油和芥末。- **壽司**：種類繁多，每一口都帶來不同的驚喜，特別是搭配的醋飯，味道恰到好處。- **鮮蝦**：新鮮的鮮蝦肉質彈牙，搭配檸檬汁，味道清新。- **蜆和青口**：海味十足，鮮美可口，讓人一試成主顧。💥 熱盤自助餐中還有許多靚熱盤，包括：- **牛仔骨**：肉質鮮嫩，醃製得宜，口感香濃，十分滿足。- **其他熱盤**：各式各樣的熱菜，每一道都精緻可口，讓人食指大動。💥 甜品甜品區更是琳瑯滿目，從傳統的聖誕蛋糕到各式各樣的法式甜品，應有盡有。每一口都帶來不同的驚喜，尤其是巧克力慕斯和水果塔，讓人回味無窮。💥生果新鮮的水果拼盤也是一大亮點，色彩繽紛，清爽可口，為這頓豐盛的餐點增添了一絲清新感。## 總結總的來說，港青YMCA酒店再臨閣的聖誕自助餐無論是食物的質素、環境的舒適度，還是服務的周到程度，都讓我感到非常滿意。如果你正在尋找一個適合慶祝聖誕的地方，這裡絕對是個不錯的選擇！
continue reading
聖誕節就到了，大家都會花盡心思想想有什麼親子的慶祝活動，除了可以到西九或尖沙咀觀看燈飾之外，和小朋友去吃自助餐也是不錯的選擇。港青酒店交通不但方便，價格亦都非常合理。再臨閣的落地玻璃看到尖沙咀的美景，食物的種類也相當豐富。讓你和親愛的家人或友人一邊享受美味大餐，一邊飽覽美景。再臨閣餐廳呈獻節慶自助晚餐與大家共度聖誕及新年。餐廳提供豐富的海鮮及多款國際特色佳餚，包括：海鮮大召集（波士頓龍蝦、鱈場蟹腳、麵包蟹、龍蝦仔、龍蝦鉗）、即煎虎蝦、即煎鯛魚、即煮鮑魚、焗生蠔、烤有骨西冷、燒羊排骨、喇沙湯麵檔、即切魚生檔、班戟、窩夫、雞蛋仔等。聖誕期間更有多款聖誕甜品，如聖誕樹頭蛋糕、聖誕樹杏仁蛋糕、雪人薑餅蛋糕、火焰雪山、香甜熱紅酒等。
continue reading
聖誕甜品擺設吸引，燈光暖和襯托聖誕佈置充滿氣氛，可惜食物款式較少，味道亦只屬正常水平，不大驚喜。最高cp值為任取冰凍波士頓龍蝦，但將貨就價情況明顯，包括熱煮黃咖哩海鮮(冷凍食材番煮)，焗粟米條及薯仔已屬其中兩款熱葷，只有煎大蝦較有焯頭，但味道屬冰鮮。同區某酒店，價錢更相宜。
continue reading