打邊爐

Open Now

Now Closed

同朋友慶祝生日，食豪啲整左隻龍蝦蝦刺身，超鮮甜。 叫咗個椰子海鮮鍋，又係超鮮甜。小食黃金炸魚皮都好好味，送酒一流。上生日蛋糕嗰陣仲比咗個驚喜我哋，有星星煙花一齊出個蛋糕，氹到壽星女鬼咁開心。 會再Encore

之前唔好彩中咗COVID，呢一餐係好返之後約朋友出來食，好耐都冇喺佐敦依一條街食打邊爐了，所以試吓啦，叫咗個冬瓜盅湯底，另外叫咗大蜆，一個例牌象拔蚌刺身，其他都係啲丸類餃類，另外一碟大牛肉，老實講如果連冬瓜盅湯底唔掂，咁間嘢都廢，但係依個都幾OK中上😂👍， 牛肉唔錯都算新鮮，其他海鮮類都唔差，但係去到個水餃真係壞咗，咁店員都好好同我哋取消單和講對唔住.依家都算OK啊⋯⋯呢排香港食肆生意麻麻，但今晚都全場full…

上午經Open Rice 訂位並即時收到確認，下午5:30餐廳打電話來取消訂位，我一個愕然！既然一早已確認，點可以單方取消？如果早知道就訂另一家啦。餐廳與Open Rice之間既協調好大問題。Open Rice 都要負一半責任，既然餐廳悔約就要去追究賠償。

同一大朋友gathering最岩就係打邊爐(˶‾᷄ ⁻̫ ‾᷅˵)大家都未試過就去試下裝修都好用心，我地9個人都坐得舒服👍🏽不過有一邊唔知點解偏熱少少🩵自家製黃金炸魚皮 $88打邊爐前叫左個小食大推呀🤤🤤超多咸蛋流沙係表面😍又炸得好脆！真係好食到停唔到👍🏽👍🏽🩵椰子沙白蜆蟹鍋 $288見到都流哂口水🤤煲入面超足料超級多蜆(⁎⁍̴̛ᴗ⁍̴̛⁎)重要都新鮮有肉大家都先飲碗湯😋好正🥹之後就開始打邊爐啦～叫左太多野食所以盤點幾款覺得特別深刻🩵花鵰滑牛 $98超香花鵰味！牛肉又滑又香！必食👍🏽🩵蟹子墨魚蓮藕夾 $88依款好特別，係用兩塊蓮藕夾住墨魚滑有D外脆內彈牙既口感，第一次食(⁎⁍̴̛ᴗ⁍̴̛⁎)🩵爆漿牛丸依到好多滑同埋丸都好好食😋大家可以試唔同款依款牛丸入面有好多芝士，食個陣要小心辣親😂🩵自家製響鈴大推！佢依款響鈴可以就咁食同浸湯食🤩佢地炸得好鬆脆，入面重有塊紫菜點埋個甜酸醬不得了🤤（好似點炸雲吞個款）好好味呀！直頭可以係屋企當零食食🤪🩵象拔蚌刺生 $7xx又爽口又甜，超好味！厚薄適中👍🏽👍🏽有d無價錢係因為我忘記左影低張單😀😛

剛坐底仲‘不’緊醬料配料，呀姐就黎收走。前菜炸蝦餅，雞軟骨正正常常叫了胡椒豬肚及蕃茄湯，呀姐叫飲左胡椒豬肚湯先，但飲落火鍋湯底淡而無味。雞肉算滑，但食落又係完全冇味。一路打，呀姐過份勤力，不斷過黎“不”鍋內面層油，頻率密到我想淥野食都淥唔到。又係咁陏D餸既擺位，催促我地夾埋佢，令人好唔自在。肥牛，手打蝦丸等配料算正常，黑松露墨魚丸偏咸。唯一幾好係配料個xo醬，不過人均消費600蚊，附近可以有更多更好選擇。

朋友聚餐話有人介紹呢間，即管試吓Book 左8:15，早少少到有位，一坐低，就叫我地快d 加醬，急住要拎走。ok 算，我地配合。咁我地先叫左幾碟小食，味道普通，但個咸蛋魚皮無乜咸蛋。叫左個胡椒豬肚湯底，甘啱有一個朋友後到，跟住叫佢比醬料我朋友加，個阿姐勁唔耐煩問加完未，話阻住佢剪豬肚入面隻雞，結果我朋友一路加醬，佢味照剪到。我地一路食，就一直過黎騷擾，又勁快收晒d 野，直頭我枝野飲未飲晒都想收埋。最後食左兩個鐘就要我地交枱，我哋每人均食左$500 ，如咁佢係d cheap cheap 任食我唔介意，但每人食5舊水打邊爐都咁樣比人崔，駛鬼食你？如果大家想搵人間有質素又唔駛趕頭趕命既打邊爐，要認真考慮下呢間係咪適合。一面倒既好評未必等於你會好評。

襯住仲係稱得上好清涼嘅天氣😆唔約打多幾轉邊爐點得住同樣熱愛火鍋嘅親朋好友😆今晚又book咗位✌🏻(大家記得訂定位！因為見好多客人入嚟walk-in都冇枱🤭可想而知呢度幾受歡迎)坐低叫定佢哋自家製嘅清熱飲品先🥤支裝乾淨衞生！要咗🌟竹蔗茅根水🌟香茅檸檬薏米水！好養生解渴嘅感覺飲落舒服☺️☺️湯滾前食住餐前小食🌟風沙椒鹽粟米 先🌽甜度高嘅粟米加上惹味嘅風沙椒鹽開胃啱哂👍🏻(每枱仲有酸酸哋嘅陳醋雲耳作前菜) 好啦我哋個🌟濃湯花膠翅群燉雞鍋 滾起啦！咁足料唔執輸飲番碗湯先😍😍翅群真係一排排無欺場🙌🏻仲有膠質十足嘅小花膠筒！當然唔少得鮮滑雞件, 紅棗等等材料！成個湯底鮮甜入味👍🏻👍🏻打邊爐點少得叫牛肉呢！我哋叫咗🌟手切霜降安格斯肥牛🐂擺盤又靚！肉質係睇得出嘅靚紋質素😃牛味濃且油脂分佈平均！仲有叫咗🌟廣島蠔！都幾大隻又唔腥！🌟鱈魚蟹棒 小朋友至愛！🌟自家製西洋菜帶子餃子 咬落食得出西洋菜獨有香氣口感幾特別！🌟自家手打蝦丸墨魚丸 兩款都勁彈牙又鮮味！！😁朋友都食得滿意！話要下次再嚟試埋其他正嘢喎！！

呢幾日天氣又突然間凍返，梗係約朋友一齊打番個邊爐暖一暖身。咁朋友就介紹左呢一間打邊爐顧名思義梗係就打返個靚邊爐啦🥳.✨ 濃湯花膠翅裙燉雞鍋 $268冬天甘乾燥就梗係揀返一個滋潤嘅花膠雞鍋滋補一下💕鍋底超足料，翅裙好多花膠好大塊，仲有女士恩物既紅棗❤️ 所以成個湯底都好濃郁，飲番一碗暖暖胃先🥰.✨手切霜降安格斯肥牛 $198打邊爐必食嘅肥牛當然唔少得，安格斯肥牛紋理非常清晰，見到雪花分布均勻，淥完既肉質夠嫩且牛肉味濃😋.✨打邊爐我地嗌左以下配料✨自家手打墨魚丸 $48 (爽口彈牙)✨自家製西洋菜帶子餃子 🥟 $58 (餃子脹卜卜好大粒，內裏餡料十分足料，份量飽滿，西洋菜餃子就食得多，呢隻仲要加咗帶子❤️鮮味十足) ✨ 鱈魚蟹棒 $48(淥兩淥就食得) ✨ 廣島蠔 $98 (廣島蠔都幾大隻且肉質肥美，味道鮮甜 ).✨ 風沙椒鹽粟米 $68以椒鹽炸過嘅鮮甜粟米🌽，香脆可口.✨香茅檸檬薏米水, 竹蔗茅根水 $20@支都係十分清新開胃，竹蔗水內仲有馬蹄岩哂打邊爐咁熱氣可以下下火，最重要兩款都唔會太甜😆

天氣轉冷即刻約個朋友去一間叫打邊爐嘅火鍋店打邊爐打邊爐當然唔少得醬料，依度醬料好齊，連麻油辣椒油同陳醋都有小食我地叫咗風沙椒鹽粟米，好有風味另外當然要叫返d飲料下一下火，兩支自家制飲品都好好飲自家製香茅檸檬薏米水自家製竹蔗茅根水湯底我地揀咗椰孑沙白蜆蟹鍋，好足料，好多蜆，好大隻蟹，好多膏，個湯起級鮮甜，好想飲哂個湯手切霜降安格斯肥牛（小），入口即溶化自家製西洋菜帶子餃子自制鮮四寶丸廣芋絲雜菜盆半份炸午餐肉

天氣開始轉凍，趁呢個機會梗係要打返個靚邊爐，我同男朋友今日就去位於佐敦嘅「打邊爐」 開餐😋呢度嘅湯底好有特色，我哋揀咗從未食過嘅「椰子沙白蜆蟹鍋」嚟試吓，一上鍋已經聞到好香嘅椰子味，而且真係有成隻蟹係個鍋入面！蜆嘅數量亦都好多，絕對真材實料！配料方面，因為男朋友鍾意食牛，我哋叫咗「手切霜降安格斯肥牛」，非常有牛味，同個湯底都好夾：另外仲叫咗：自家製西洋菜帶子餃子、自製鮮四寶丸：芋絲：雜菜盆：炸午餐肉：涼拌木耳：風沙椒鹽粟米：嘢飲方面就叫咗自家製嘅香茅檸檬薏米水同竹蔗茅根水：

今日去佐敦一帶搵嘢食，經過廟街見到間叫「打邊爐」嘅餐廳，加上天氣涼涼哋，就決定入去打邊爐。我哋6:30pm入到去，當時只有一枱客，但半個鐘後已經座無虛席，下次再去一定要訂位。墨魚滑油炸鬼油炸鬼夠鬆脆，再加埋彈牙、足料嘅墨魚滑，真係冇得輸。鮮椰青雞鍋服務員突然放低一個大椰青，心諗我哋冇叫飲品，原來係用來做湯底。服務員先把酒倒入雞鍋，然後點火，即是火光熊熊，十分震撼，然後再倒入椰青水和椰汁，再把椰青起出來的椰肉放入湯底。喺食客面前烹調湯底，我都係第一次見，用料十足，可以話係我飲過最濃烈椰汁味嘅湯底。而且鮮雞份量頗多，肉質鮮嫩幼滑，品嚐咗個湯底，已經超滿足。手切霜降安格斯肥牛肥牛油脂分布平均，肉質有光澤，放落湯底滾兩滾已經食得，肉質夠滑，而且牛肉味濃郁。自製鮮四寶丸分別有梅菜豬肉丸、鮮牛肉丸、手打蝦滑丸和墨魚滑丸。第一次食梅菜豬肉丸，感覺好似食咗一口嘅梅菜蒸肉餅。蝦丸和墨魚丸好彈牙，用料夠晒新鮮。自家製西洋菜帶子餃子：一口咬落去，已經食到厚切嘅帶子粒，鮮味十足，跟西洋菜嘅味道好夾。自家製芫荽皮蛋餃子：芫荽皮蛋湯就飲過，原來將佢變成餃子之後，味道豐富、濃郁，必食推介。自家製香茅、檸檬、薏米水和

值得回頭再品嚐的打邊爐，除左是獨突用心的湯底外，食材也有細份選擇，很適合兩，三知已或大夥兒去品嚐。入冬喇！ 我地揀了一個滋潤椰青雞鍋底，這裡的湯底製法大多獨一無二， 兩大壺椰汁湯底加原個椰青，夠哂足料。 店主先把預先切好的鮮雞件，和椰青肉條在鍋內兜到半熟再加酒去除雞嘅腥味，火光熊熊，名副其實叫-火-鍋呢！ 之後再倒入椰青湯，煮滾後即刻飲返兩大碗，温暖無比。除咗火鍋食材高評外，小食都很有質素。墨魚滑油炸鬼色香味俱全， 墨魚滑新鮮， 油炸唔油吃落不會油膩感 .手切霜降安格斯肥牛肥牛一定係火鍋餐嘅主角 ,沒有失望。油脂多，放到火鍋裡隨即散發出濃郁的牛香味。自家製四寶丸最令人忘懷是 梅菜豬肉丸和手打蝦丸梅菜豬肉丸很有家的味道， 梅菜香氣四溢， 豬肉汁濃郁，搭配起來非常有口感。手打蝦丸內的蝦非常多又新鮮啖啖肉。西洋菜帶子 /皮蛋芫茜餃子 兩款 自家製 餃子都係脹卜卜，份量飽滿，皮蛋芫茜好特別， 兩款菜餃子都很足料，一咬落已經散發著淡淡新鮮菜味。廣島蠔肉質飽滿肥美，彈性，鮮甜嫩滑溜，火鍋後濃味甘香香茅檸檬薏米水和竹蔗茅根兩樣都係自家製唔太甜 ,食火鍋啱曬。食飽後超滿足， 好快又會再嚟！

2022/12/16 第一次試打邊爐，職員服務態度幾好，食物幾好味，即炸厚切五餐肉及紫菜響鈴，熱辣辣非常好味，店鋪環境唔大，同朋友傾偈冇咁嘈吵，係一間有質素小店，會再來試。

最近香港的天氣忽然轉涼,最好不過就是打邊爐,感受冬天的氣氛.這間食店十分之方便,加上環境佈置十分之舒適,也是朋友們打邊爐之選.這間店舖有不少飲品,醬料也是自家製的，首先是飲料方便這個檸檬加上薏米水用料十足，有去濕的功效，至於這個竹蔗茅根，竹蔗原支上的，可見質量十足.這個混醬最值得推介就是這個XO醬，自家製的XO醬包括有瑤柱，蝦乾等用料上乘.這個雞煲鑊氣十足,一下單便看見廚師即炒,雞肉十分之細滑,作為湯底也是最佳的選擇了.這些手打丸子也是店舖自家製的，最值得介紹就是墨魚丸十分之爽口.這個安格斯牛肉，肉味十足.自家製的餃子用料十足.這個魚肚加上支竹也是打邊爐最佳的配合了.最後朋友還吃了這個即叫即炸的芝士蝦丸大家小心爆漿😆😆😆.大家記住訂好位先至嚟，否則可能要等位了.

天氣稍為轉涼，所以今晚繼續選擇打邊爐。店鋪在佐敦廟街，中式設計，環境舒服，服務誠懇。一開始店員幫手洗碗碟，之後選取了不同的醬料。可以電子下單，十分方便。除了不同的啤酒、紅酒、汽水，店鋪有兩款自家製飲料，選擇了竹庶茅根，清甜多汁。先點了半隻雞煲，選擇了少辣，辣度剛好，雞煲以洋蔥、薑、辣椒及秘製醬汁整成，雞肉嫩滑，香辣滋味。之後加湯轉為打邊爐，點了必點的安格斯牛肉，肥瘦適中，牛肉味香。配份抵食大份的雜菜，感覺健康點。自家製餃子也是必點項目之一，西洋菜餃十分爽口，皮薄餡靚。魚肚厚身爽口，枝竹香滑，兩者吸收完湯底的精華，變得更好味。