打邊爐

Open Now

Now Closed

呢啲天氣真係好想食火鍋，老友話不如出佐敦打邊爐，舉腳贊成😽。店鋪裝修得幾有特式，坐位都舒適寬闊。店員服務夠晒貼心，會幫手用滾水清洗餐具，令人食得安心。見有需要會過來幫忙，如加湯、清走鍋內浮起的雜質、換碟等等。雲耳酸酸辣辣的，食得很開胃，係一個很好的前菜。鮮椰青雞鍋，店員將雞肉入鍋內炒香，再倒上原個椰青以及雞湯，靜待慢慢滾起後，首先各盛起一碗品嘗，嘩😻，超級清甜雞肉又滑嘟嘟，感覺十分之滋補🥳。再來一客椒鹽黃金磚，香脆的很好吃，豆腐淋淋地又幾好味😋。手切霜降安格斯肥牛, 望落去就知肉質靚，油脂分佈均勻，輕滾滾便可以食用，牛味濃肉質很淋滑👍。自家製西洋菜帶子餃子🥟，皮薄餡靚，餡料滿滿的，西洋菜中間包了帶子，食到爽口感☺️。自家制皇帝瑤柱墨魚丸，咬開有瑤柱絲，口感幾特別，肉質新鮮彈牙，好yummy 😊。雜菜盤，蔬菜新鮮份量十足😊。自家製香茅檸檬薏米水同竹蔗茅根水，飲落清甜真材實料，最緊要唔會好甜。

老友想食火鍋，我就想起同事剛提起過佐敦，有間名叫#打邊爐，就提議去食囉。店鋪舒適寬闊，店員好細心，唔錯。湯底點左鮮椰青雞鍋，店員把雞肉倒進鍋內炒香，再用原個椰青以及雞湯，滾起後首先各盛起一碗，飲落清甜雞肉又滑嘟嘟，感覺冇味精，滋陰養生，好有在家煲湯嘅味道。椒鹽黃金磚，椒鹽香脆的很好吃，真的是外脆內軟😊。前菜點左雲耳，酸酸辣辣的令人很開胃，相當唔錯。手切霜降安格斯肥牛, 小碟的份量都都足夠2人食用，雪花紋靚油脂分佈平均，只係輕輕卓下，食落鮮味又牛味重，肉質淋滑很捧啊😊。店舖自家制的食物相當唔錯，一定要食佢地的餃子🥟同肉丸，款款均有特色，配合得味道很好👍。餃子皮薄餡靚，滿滿的餡料，肉質新鮮又彈牙，令人食完一粒又一粒，雜菜盤，鮮綠蔬菜🥬，一盤有齊西洋菜、生菜同紹菜，新鮮份量足。自家製香茅檸檬薏米水&自家製竹蔗茅根水, 清爽甜度剛好。同事果然冇介紹錯啊，好食😋我哋都過足口癮。

見天氣涼涼地想打邊爐，即刻search下邊度好食咁啱佐敦呢間舖頭個名就叫打邊爐一定好正宗於是就試下。入到嚟服務態度好好，仲有一大盤熱水幫埋我哋清洗餐具。見佢有好多款湯底，但係醉雞鍋好似最吸引， 於是就叫咗呢個。一上菜好大陣酒味，雞肉都非常嫩滑。聞到都流曬口水 一開始梗係嗌d餃同丸食下先啦嗌左呢度招牌 帶子蝦餃；一食就知係新鮮帶子同蝦就知係新鮮帶子同蝦。芫茜皮蛋餃；食完浸芫茜味留喺個口度散唔到，超正! 梅菜豬肉丸好似食緊梅菜蒸肉餅咁，細細粒啱啱好。 仲有墨魚丸都非常鮮美又彈牙除此之外呢度個阿姐仲推介我哋食個風沙粟米，類似避風塘特色嘅粟米第一次食估唔到效果咁好。安格斯牛肉： 一食即係本地新鮮手切，肉味濃又夠嫩滑。 最後唔係好夠飽再嗌咗芝士腸同埋廣島蠔。隻蠔有我一半手掌咁大。啱曬男士食夠補! 再加埋個雜菜拼盤為今晚晚餐劃上完美句號如果大家想打邊爐我強烈建議大家黎打邊爐!

佐敦附近，食肆林立，見有間打邊爐嘅餐廳，出邊有唔同海鮮，好新鮮。即刻吸引咗我哋入去。入邊啲枱好大張，好有空間感。冷氣都好大，waiter好好用熱水清洗，同埋介紹咗我哋飲佢自家製嘅薏米水，同埋竹蔗茅根。兩個都好好飲！嗌咗個風沙粟米，佢用避風塘炒法，變咗粟米，個煮法好特別，配啤酒一流！叫咗個醉雞湯底，仲有安格斯牛肉，梅菜豬肉丸，帶子蝦餃，芫荽皮蛋餃，芝士腸同生蠔。個湯底好入味，好有酒味，唔需要點醬汁，都令到舊雞同埋牛肉好好味。自己就prefer 用湯底一齊食埋啲食物，咁就Perfect！安格斯牛肉，好入味，分量恰到好處。梅菜豬肉丸亦都好特別，梅菜味好足，豬肉丸入邊真係有一粒一粒嘅梅菜，必叫！鍾意食芫荽嘅朋友，有福了。好足料，仲有真係皮蛋係入邊！蠔都好大隻，好新鮮，amazing ！

秋風起，打邊爐最適合不過。店舖有自家製的檸檬薏米水和竹蔗茅根，清潤又下火，感覺養生。先點了熟食墨魚滑油炸鬼，新鮮炸起香口非常，口感外脆內軟，還加了一點點蟹籽作點綴。麻辣雞煲點了少少辣，辣度剛好，芹菜和蒜頭令味道更香口。雞件啖啖肉，肉質軟嫩，最惹味當然是雞皮，融化了的油脂令雞件入口更滑。手切安格斯肥牛賣相非常吸引，肥瘦適中，色澤鮮紅，雪花均勻。輕輕灼一灼便可食用，肉質軟嫩，牛肉味濃，品質絕對值回票價。日本黑豚肉肥瘦均勻，肉味上乘，肉質鬆化，肥肉肥而不漏，本身不太愛吃豬肉的我也感到好滿足。點了較特別的西洋菜帶子餃，近來開始入秋，西洋菜變得當造，獨特的香氣配上粒粒帶子，果然皮薄餡靚又有新意。蟹籽墨魚蓮藕夾，蓮藕口感較粉，正合我的口味。灼熟後的蓮藕夾吸收了湯底精華，很入味，配搭墨魚滑令口感很有層次。雜菜盆有驚喜，份量超大而且蔬菜種類豐富，各款蔬菜都很新鮮爽脆。

天氣涼了，當然要去打邊爐到打邊爐啦！店員幾細心，首先會幫手洗了碗筷，感覺乾淨，之後又會捧一大盤調味料自行選調味醬料。我們當然又是一次過滿足兩個願望，首先點了個滋味辣雞煲先，由於不太吃得辣，就點了少少辣，一上菜，哇香噴噴，炒到炸炸聲，令人胃口大開，雞件啖啖肉，很惹味，少少辣都夠哂辣，辣得過癮。前菜點了個小食墨魚滑油炸鬼，炸得十分香口，不會過油，墨魚滑配油炸鬼口感又幾特別，不錯的配搭。食完就開始火鍋，食打邊爐當然要點手切安格斯肥牛，肉味香濃，感覺到牛肉是很新鮮。餃子就試特別的，自家製西洋菜帶子餃，西洋菜味很濃，配上帶子的口感，又幾好食喎。見到有樣幾特別，不只單單墨魚滑，是蟹籽墨魚蓮藕夾，爽爽地質感的蓮藕夾住舊十分彈牙墨魚滑，加上蓮藕索了湯底，熱辣辣食好好味。日本黑豚肉就是要食些少肥肥地的肉，這樣才有肉香味。雜菜盤嚇死人，咁大盆先$58，還有幾樣菜，十分適合不多人時食又食到幾種菜。最後食到飽上頂的離開餐廳，十分滿足。

佐敦食肆林立，喺地鐵站出口近九龍公園旁邊有間打邊爐。餐廳入面有十幾張枱，如果weekend冇book枱都好快爆滿。見到有個外賣二人套餐，有皮蛋芫荽湯底，四款海鮮，牛小排，韭菜餃，墨魚玩，響鈴，麵同菜都幾抵。坐低叫咗椰子沙白蟹鍋，好香蟹膏味，放入娃娃菜一流。沙巴蜆有椰子清香味。好喜愛皮蛋芫荽餃，大大隻好足料，我個人平時唔會放芫荽入口，但呢款餃5秒食晒。手切安格斯肥牛細份都夠二至三人分享，牛肉味都重。墨魚滑油炸鬼可以即食，我就選擇放入蟹鍋，吸入蟹膏湯底好正。自家製香茅檸檬薏米水有淡淡的香茅清香好解渴。

秋高氣爽去打邊爐就最正，今晚同老婆兩個去左邊叫打邊爐的火鍋店打邊爐😆。裝修簡潔，落單可以用ipad睇，圖文並茂👍🏻。先要個椰子沙白蜆蟹鍋底，聞到有好香蟹膏味，而且好足料，忍唔住要飲返碗湯先😋係得👍🏻，再來要碟打邊爐不可缺少的手切安格斯肥牛，雪花紋幾靚，牛味濃，再混醬啱晒我這個牛魔王的口味🤣。再來是芫荽皮蛋餃，平時好少見有這種餃，第一次試，又幾得wo衰鬼，而且隻餃好大隻，非常足料👍🏻。還有墨魚滑油炸鬼，這個就咁食都已經好好食，賣相又得睇。再來有四寶丸，全部手打，所以食落口好彈牙。而家食到尾聲，再飲返碗湯，依然咁正。之後點了竹蔗茅根及香茅檸檬薏米水清清熱先，大滿足😋

上星期去「打邊爐」打邊爐湯底叫咗杏汁菜乾豬肺湯及四川麻辣湯！兩款湯都好足料，其中菜乾豬肺湯係第一次叫嚟打邊爐，味道鮮甜，都幾特別！ 日式櫻花牛肉 — 侍應介紹呢款牛肉可以生食或者煮熟嚟食，我自己就更喜歡生食，薄薄一片而且脂肪分佈均勻，口感相當軟淋，再配合埋特別調製嘅醬汁，充分帶出到濃濃嘅牛肉味！ 自家製皮蛋芫茜餃 — 好足料，皮蛋芫茜個味真係好出，入面粒皮蛋又幾大粒！ 自家制梅菜豬肉丸+流沙蝦丸 — 呢間餐廳都好有創意，兩款肉丸都好特別，又係好足料，而且彈牙！ 墨魚滑油炸鬼 — 呢個真係第一次食，喺其他餐廳未見過！佢係即時炸起，上枱時仲係好熱好脆！ 鴨血 — 食親麻辣火鍋都一定要叫返碟鴨血嚟配搭！ 魚肚 — 淥淋咗之後，吸收晒湯嘅精華，特別好食！ 皇帝菜 — 每餐都要食啲菜，呢次就叫咗皇帝菜，翠綠又鮮嫩！ 自家製竹庶茅根水及檸檬薏米水，都很足料，而且不會太甜，清熱解渴！

今日想打邊爐，行街見到打邊爐就入去打邊爐。日式櫻花牛肉 $238店員介紹牛肉可以好似刺身咁嘅食法會有另一番味道，食落感覺有啲彈牙，牛肉味濃厚。嚟得打邊爐當然要滾滾下，因為本身都可以刺身，滾嘅時候唔洗理幾成熟🤣。食落有另一個味道，但牛味都一樣濃厚。墨魚滑油炸鬼$78打邊爐小食之選，雖然係油炸但係唔會太油，加埋少少魚子增加彈牙感覺。四川麻辣鍋中辣$68辣度適中，配合鴨血同棉花魚肚互相提升。杏汁菜乾豬肺湯［鴛鴦鍋底]$108豬肺量多，杏汁味濃。自家手釀流沙蝦丸 $58蝦味重，彈牙感十足。自家製西洋菜帶子餃子$58菜多，皮薄。棉花魚肚$68麻辣火鍋絕配，滾到入晒味。皇帝菜$48每餐必有嘅菜類。自家製香茅檸檬薏米水$20自家製竹蔗茅根水$20打邊爐最配飲品。

應該係第3次嚟打邊爐，貪坐得舒服XO醬又好味杏汁菜乾豬肺湯+ 四川麻辣鍋揀兩款湯底唔洗煩。杏汁勁香濃，又多豬肺，未打邊爐前已經飲咗好多碗風沙椒鹽粟米 雖然好香口，但依然保持到粟米嘅鮮甜味，食到停唔到口自製皮蛋芫荽餃皮薄餡多，皮蛋非常大隻，仲塞滿芫荽。鍾意食芫荽嘅一定啱晒自家製黃金炸魚皮 超級熱辣辣，好多鹹蛋黃，甚至係一塊塊咁大件，又係食到停唔到口花雕滑牛 好香花雕味，而且牛肉非常滑溜冇筋自家製芹菜帶子餃 帶子大粒，芹菜又好多，粒粒都好飽滿西班牙黑毛豬肉質鮮嫩，就算煮耐咗都唔會好鞋

秋風起，係時候打邊爐食麻辣火鍋! 打邊爐枱分佈有距離，冷氣夠。自家製XO醬超足料 $128 超級足料，懇求店員賣兩罐俾我哋 ，用嚟撈麵或者炒菜都好正，因為係自家製所以數量有限。自家製香茅檸檬薏米水 $20, 自家製竹蔗茅根水 $20甜度適中，食麻辣火鍋咁辣最啱解辣，好過飲汽水。前菜開胃小食 黑醋雲耳 $18清爽嘅雲耳、微酸嘅醋味好開胃。風沙椒鹽粟米 $68鮮甜嘅粟米以椒鹽炸過，十分惹味。自家製黃金炸魚皮 $88簡直係鎮店之寶級嘅小食，好多鹹蛋黃，魚皮勁鬆脆。鴛鴦湯底: 四川麻辣鍋辣杏汁豬肺菜乾湯底 $108+$68麻辣湯底小辣剛好，裏面有豬皮腐竹，好入味。杏汁豬肺湯湯頭奶白色，裏面有好多豬肺，未打邊爐先飲碗靚湯。花雕滑牛 $98肉質靚，花雕醃過充滿酒香。西班牙黑毛豬 $138肥瘦適中啱啱好，入口爽滑。自家製手釀芝士蝦丸 $58爆汁芝士丸，蝦肉彈牙新鮮。自家製芹菜帶子餃 $58芹菜好香裏面有完粒小帶子，好鮮甜。皮蛋芫荽餃子 $58餃子好大粒芫荽皮蛋好足料。雜菜盤$58份量足，蔬菜新鮮。沙包豬皮$48食麻辣火鍋最好就用豬皮同支竹吸湯汁精華。食物高質，服務周到，十分滿意。

朋友食過覺得好有特色的一間火鍋小店，都是做街坊生意，亦有慕名而來的客人，預約了的我們到埗入座後就先來個特別飲料潤潤喉～自家製香茅檸檬薏米水，自家製竹蔗茅根水，夠凍而且微甜，剛剛好。炸物～風沙椒鹽粟米，香脆可口，像吃薯片一樣，挺過癮。之後我們點了個鴛鴦鍋去打邊爐，醬料有特別的xo醬，不過其實都不太用沾醬料，因為大致味道都很鮮很濃。意大利蕃茄薯仔牛坑腩湯加杏汁菜乾豬肺湯，蕃茄湯鮮味濃，又多牛坑腩軟林好味，豬肺湯就非常鮮甜味美，白菜好食。點了些特別的菜款，有手切霜降安格斯肥牛，手打梅菜豬肉丸，手打墨魚丸，雜菜盆，鮮炸厚切午餐肉，炸嚮呤，自家製芹菜帶子餃。整個火鍋味道都很濃郁，香氣揚溢，非常特別的一餐。另外見到隔離枱點了椰子雞，非常香氣撲鼻，下次要試一試。

朋友住佐敦附近，知道附近出名多食肆，就揀了間火鍋店，邊食邊聊天。這間店的款式挺特別，有別於一般火鍋店，我和朋友入座後，侍應都很熱情介紹，有雞煲有火鍋，最後還是決定暫不試雞煲，先試打邊爐。用i pad落單，有哂圖片，鮮明易選。湯底選了鴛鴦～蕃茄牛腩湯拼白菜杏汁菜乾豬肺湯，超足料，齋飲湯都夠，哈哈。叫了前菜～熱氣的椒鹽粟米，鮮炸厚切脆午餐肉，又脆又濃味，再飲湯中和一下。火鍋配料點了自家製手打梅菜豬肉丸和墨魚丸(非常彈牙鮮味)，炸脆嚮鈴，手切安格斯肥牛肉(配兩款湯都很襯，肉味超濃易咬口)，自家製西芹帶子餃(原粒小帶子在內加上西芹非常清新又鮮味)，韮菜餃，蔬菜拼盤(跟蕃茄湯令菜更新鮮)。下次有機會再試其他款式。

雖然天氣好熱，但間唔中都會想去打邊爐，今次就去咗呢間打邊爐度打邊爐。-聽聞呢間嘅嘢飲都係自家製，我地就嗌咗檸檬薏米水同竹蔗茅根，飲落都幾冰凍解渴。-跟住熟食就嗌咗啲風沙椒鹽粟米同涼拌木耳，佢哋嘅風沙椒鹽粟米都好入味而且唔會太咸，加上天氣熱嘅時候食返個涼拌木耳都幾涼爽-而打邊爐嘅湯底我地就嗌咗杏仁豬肺湯湯底十分足料，我地食之前都飲咗幾碗，而且豬肺都洗得好乾淨，食返幾舊以形保形-跟住就有兩款餃，雖然湯底唔係皮蛋芫茜味，但都可以食呢個皮蛋芫茜餃，芫茜味好重-跟住丸就嗌咗流沙蝦丸，而特別想講嘅係梅菜豬肉丸，佢個梅茶烚完之後都好入味，好似食緊梅菜扣肉丸咁-而其他配菜就嗌咗芝士丸同廣島蠔，雖然係急凍廣島蠔，但烚熟咗之後，都食到佢嘅鮮味，鍾意食蠔嘅都可以嗌-而蔬菜盤就咩菜都有，白菜仔、油麥菜、唐生菜咩都有。