The Joomak (Closed)

最低消費$300一個人，窗口位仲要$450一個人，其實$450我可以食buffet。叫咗混醬炸雞、韓式牛肉拌嚟麥飯、嚟麥松子仁吞拿魚卷。個炸雞ok；韓式牛肉嚟麥拌飯真係唔掂，啲飯仲一pat野咁，啲牛肉鞋過吉野家嗰啲，但係收我$140，吉野家40仲要包野飲；個松子仁吞拿魚卷我以為自己食緊七仔嗰啲吞拿魚飯團，size 我諗大過日式青瓜卷少少囉，我真係未見過韓色嘅飯團咁幼，但係$130。兩個人食埋單要$600，早知食第二間。

服務態度差，要杯水都要講4次先俾，個個侍應都聽完話轉頭就算。食物份量細。混醬炸雞好普通，KFC 都好食過佢 ，絕對唔推介呢間餐廳，呢個價錢去食sodam chicken 好過。

環境好，能夠望著維港夜景食韓式火鍋的確夠特別又有氣氛，但食物質素與價錢不成正比，勝價比唔高，火鍋湯底麻辣湯唔錯，另外泡菜湯太咸，其他配料只係以蔬菜為主，5個人埋單食左$2000，感覺有$1500係用來俾舖租一心想試弓羽衣甘藍煎餅，晚市居然係唔提供服務員態度同經驗亦未去到海港城這類商場層次標準，晚市期間d waitress 企喺度玩電話，叫極冇人應，浪費左間舖嘅地理位置，咁嘅食物同服務水準放喺旺角太子地段做劈場更合襯

草根姐妹👩🏻👧🏻一年前曾經食過Joomak嘅人蔘春雞湯火鍋🐥🍲，食完覺得深深被滋潤🥰，感覺係養生之選❤️！今次同妹妹一於再去食另一個湯底！去到先知原來現時星期2轉左做放題形式火鍋，所以好多人，要食的話星期2去會抵食d濟州蝦汁泡菜蜆湯底($268) + 龍蝦豐盛拼盤 ($528)Jeju Clam Pot In Spicy Kimchi Prawn Soup Base Lobster Platter 🍲新鮮龍蝦Lobster🍲日本生蠔Japanese Oysters🍲美國肥牛U.S. Beef🍲豬腩片Pork Belly Slices🍲脆皮芝士腸Crispy Cheese Sausages🍲自家製泡菜墨魚滑Homemade Kimchi Cuttle Fish Paste🍲泡菜鯪魚滑Kimchi Dace Fish Paste🍲冰菜Iceplant🍲羽衣甘藍Kale 🍲南瓜Pumpkin🍲紫薯Purple Potato🍲豆結Soya Knots🍲栗米片Corn湯底由一開始已經有濃濃蝦膏味🦐！真心超驚喜😍！鍋內仲有海量卜卜蜆，好似食極都食唔完咁😆，泡菜味反而唔濃郁，不過淨係個蝦膏味已經贏晒！

卜卜蜆鍋好好食😍 原先以為會好辣 點知勁惹味 ！ 😋 蝦汁味道好出好豐富泡菜味唔太出 反而有啲似喇沙味 卜卜蜆既份量好多 食到我好攰🤣 每一粒蜆都索晒湯底既精華🤩 用埋呢個湯底打邊爐好好正!!! 今次叫左個素併盤🥦 有雪耳、冰菜、豆結、粟米、餃子、豆腐、芝士丸等～第一次食芝士丸係有wasabi(〃∀〃)雪耳好大份，索晒Ｄ汁好好食！ . #羽衣甘藍煎餅 好特別 成塊煎餅都係綠色，但唔會有草腥味🙂 其實就冇咩味嘅😚 煎餅嘅口感較淋身 煙煙靭靭 仲有個#魚糕湯，有三大條魚糕 口感十分好，湯底幾清香😆The Joomak地址：尖沙咀廣東道3-27號海港城海運大廈3樓LCX 34號舖

朋友想食韓國菜，而我就想坐得舒服啲，我哋就嚟咗位於海港城既the joomak🙂🙂好開心今次坐到窗口嘅位置，可以望住海景食晚餐～我哋想食啲熱辣辣嘅嘢，就叫左一個卜卜蜆火鍋！我哋以為嗰鍋好細，蜆嘅份量一定更加少，點知食到底都仲有好多蜆，味道鮮甜，加埋啲湯汁辣辣地，而且好重蝦味，幾開胃！我哋仲叫咗魚糕湯，相對之下魚糕湯就比較清，魚糕彈口，非常好味！素併盤岩晒素食嘅人士，入邊有好多款嘅蔬菜，感覺非常健康，食埋個素拼盤，我哋都已經好飽喇！煎羽衣金藍煎餅，就有少少油，口感一般都係，所以唔太推介啦！

今晚約左幾個好朋友食飯我地知道有限時間但個服員不停催我地落單咁有一位朋友未到 諗住等多陣先叫我地又唔會超時離開 應該係冇機會超時離開其實環境都唔錯 有海景但得兩 三張枱係可以望住個海不過係為左食物就冇所謂了食物都有好多種類叫左卡邦尼年糕出奇地又唔會好漏 韓式松子吞拿魚飯卷份量又幾多 飯唔會一夾就散 幾好水果覆盆子紅醋酸酸甜甜 幾開胃跟住仲有15分鐘個店員就直接拎張單叫我地俾錢事前都冇提及過一聲 說話態度又唔多友善好彩我地都食完 食物是不錯但感覺不太愉快

在尖沙咀海運很難找得到中高檔的食肆而且又有位是不容易的，幸而在6:30 左右去機會也大很多。這間主打韓食的餐廳價格定位合理，而且做出來的食物與open rice 的相片完全一樣，証明外表品質與以往差別不大，紫菜包飯包得夠實，飯團內的用料不易掉落👍🏻，青蘋果炸雞，一試入口青蘋果醬（好像是用乳酪做的）把炸雞的味道提升，去除了油膩感👍🏻，連我家要求極高的家人也讚好，菠菜餅也做得好好，菜及粉也十分均勻…其他大家可以自己去試試。食物上菜快而且可以及時並保持了温度，賣相別緻而且足料，服務態度也好，希望這家食肆可以繼續保持這樣好的食物水準及服務態度。值得推介給大家！

睇到網上推薦所以去試個任食火鍋 先講食物質素 朋友食人參雞 我食素麻辣雞煲 湯底夠香夠辣 但都幾油 素雞係炸左嘅百頁豆腐 口感唔錯 素嘅材料都比坊間特別 例如有雪菜 素芝士頭腐 紫薯年糕 新豬肉等等... 但係問題係全部比嘅份量都好少 而且再落單佢地係遲遲都唔會出新餸 最後仲要漏單 加上個爐冇晒石油氣距地係遲遲未過尼換 根本就落唔到野食 所謂任食個半鐘 早半個鐘就會截單 加上唔出餸同個爐問題 實際只係食得好少野 一d都唔抵最重要係侍應態度真係好差！好似趕你走咁！我地叫矩換石油氣好似求距咁 我都明做飲食係幾忙幾辛苦 特別多人時 驚煩到距所以好有耐性咁停口等 真係太耐之後先好有禮貌地再問 最後差唔多十分鐘先換到最嬲係個短頭髮肥肥地嘅女侍應 我食麻辣咬到條辣椒真係勁需要水 矩明明企係到我叫左幾次唔該距都唔望過尼 叫多幾次先望 個樣仲要西到爆！矩話轉頭先俾水我 其實水就喺距格離 距係特登唔俾囉！ 我最後就走出去買野飲算 矩見我地出去就即刻有時間走尼執耶抹枱囉 好過分！我唔明點解要加一！總括尼講 成餐飯我係受氣同求人咁食 我真係好後悔俾個廣告呃左大家如果想要唔差ge服務同埋性價比高嘅火鍋就千其唔

尖沙咀有一間出名食新式韓食嘅餐廳，每期都有新點子，前嗰排小妹同朋友一齊去食，為嘅係佢最新推出嘅韓式「素食」。講明係素食，當然係將傳統嘅韓食以素菜入饡。前菜叫咗一道「柚子蜜炸韓蔘」($78)，將韓國水蔘生炸，配上酸酸甜甜嘅柚子醬，酸甜中帶點人蔘微甘，味道幾得意！韓式海鮮煎餅同綠豆煎餅就食得多，但以Super Food羽衣甘藍整成韓式煎餅就真係未試過，呢個「羽衣甘藍煎餅」($88)鹹香味十足，羽衣甘藍煎完後嘅口感仍然爽脆，蛋餅亦唔會煎得過老。板燒芝士菜盤($98)係模仿韓燒嘅迷你版，材料全以蔬菜瓜果為主，不過個人認為啲料有啲少，得幾嚿唔夠喉。由於食物份量唔夠，小妹另外嗌咗個非素食「韓式燒牛肉拌飯」($98)，味道不過不失。飲品方面，「韓．仙人掌果酒」($158)嘅味道好特別，小妹我未食過仙人掌，唔知仙人掌係咩味，所以真係話唔到畀大家聽，呢杯酸酸甜甜嘅果酒係咪真係仙人掌味，不過店員喺杯邊鋪上爆炸糖，產生「爆炸」口感，加上乾冰製造仙氣意景，令小妹好驚喜。

其實一大班人食飯，最唔鐘意就係限時，間間都限時90分鐘，真係食得嚟都冇時間吹吹水…不過TST地段真係冇計‼ 餐廳好貼心，起馬限時得嚟都留個窗口位比我哋，韓食算係普普通通，價錢唔算太貴，但d煎薄餅完全食唔出有任何味道，可以唔洗試。個人喜歡韓國飯、年糕、三文魚紫菜飯，牛扒都係唔太得。最好嘅就係服務，職員有禮貌

Joomak位於海港城商埸內，以韓式做買點。兩年前曾幫襯過覺得這裏的食物質數好，而餐廳能望維多利亞港；一面享用美食之餘又可以欣賞詠彩 幻香江，確實唔錯的選擇。人參春雞濃湯餐廳是用了無激素西班牙走地雞， 配上韓國人參紅棗杞子；養顏又滋補，最宜今天漸涼的天氣。人蔘甘甘甜甜，雞肉嫩滑；湯底味道濃郁。韓牛拼盤韓國牛肉比夠小吃，但食落亦很鲜甜牛肉味濃。大大株雪耳成個椰菜花咁好有睇頭，放落濃湯處完全吸收哂人蔘和雞的味道；爽甜又滋味。百頁豆腐豆味香濃的百頁豆腐在湯內烚了一陣把所有的精華鎖上，食得滋味和健康。黃金粟米餃子因韓式關係固餃子除了有粟米和豬肉外，泡菜必是指定材料；咬落甚有口感和惹味。韓國午餐肉Sabu Sabu 午餐肉亦是我喜愛的食物，貪佢烚完後去了些油脂更覺惹味。各類蔬菜如南瓜、羽衣甘藍和冰菜皆很新鮮。泡菜煎餅泡菜混入煎餅中以 fusion 形式 一大片上檯，附上剪刀可隨意剪成心儀份量；吃時蘸一蘸以紅菜頭和醋製成的醬料，開胃之餘亦不覺油膩。韓仙人掌果酒酒內很多果肉，酸酸甜甜；清涼開胃，加埋乾冰效果令整個佈局卽時提升不少。👍

尖沙咀嘅聖誕燈飾已經亮咗燈，所以前兩日放工去欣賞下呢個聖誕燈飾，最靚莫過於1881同海港城嘅裝飾，睇完海港城嘅燈飾順便去咗佢LCX入面嘅The Joomark食飯。餐廳嘅位置非常好，坐近窗邊睇到曬中環嘅夜景，我哋七點半左右去到，順便可以睇埋八點鐘嘅幻彩匯香江，原來而家匯香江仲會有煙花放認真落本。呢間餐廳之前都食過幾次覺得幾正，佢哋主打食韓國食品，有炸雞、火鍋、冷麵、飯卷等等唔同嘅韓國美食。原來佢哋餐廳而家逢星期二係有火鍋放題，而星期三就係炸雞放題，不過我哋去嗰唔係依D日子，所以我哋只係甜咗套餐火鍋。我哋選擇咗人參雞鍋做湯底，淨係個湯底已經有一大隻人蔘雞，人蔘雞入面讓咗滿滿嘅糯米，加埋原條人參，食完呢個湯底都已經好暖同埋半飽；佢嘅雞肉非常嫩滑，唔會 諧剛剛好。另外地點咗個韓牛拼盤， 韓牛果然係高質素，將佢放入火鍋幾十秒已經食得，牛肉味好重，又嫩滑所以不停係咁食啲韓牛。配料仲有一大個雪耳球，要將佢剪成細份，放入火鍋索曬啲人參雞湯 非常好味。仲有自家製泡菜蝦滑同墨魚滑，佢同平時打邊爐食開嘅蝦話同墨魚滑最大嘅分別就係佢帶有輕微嘅泡菜辣味，有新鮮感得離又好味。配菜有羽衣甘藍、冰菜、紫薯、南瓜、芝

寒風颯颯，打邊爐最好。港式打邊爐去得多，今晚一於來一個韓式打邊爐。海運大廈LCX有一間人氣旺的韓國餐廳，有新穎時尚風格之外，食物方面時不時會有新出品，難怪吸引食客，末到七時己滿坐。人蔘雞湯是韓國菜中表表者，不知用來做火鍋湯底又如何呢？湯底味道滲透出人蔘的甘香，好清甜。春雞採用了西班牙無激素的，肉質雖然不太滑溜，但又不會粗嚡。和牛拼盤有韓牛，泡菜墨魚滑，泡菜鮻魚滑，雪耳，南瓜，紫薯，冰菜，羽衣甘藍，豆結，粟米和芝士腸，好豐富喔！韓國橫城1++韓牛切得薄薄，只烚兩三秒，入口軟熟，牛味香濃，正👍新鮮雪耳好好味，吸盡湯底精華，滋味無窮。兩款自家製的墨魚滑和鯪魚滑，彈牙爽爽，帶有泡菜的微微辛辣，醒胃。另外追加了一些配菜，如百頁豆腐，黃金粟米餃子，午餐肉....樣樣新鮮鮮美。火爐滾著始終都會覺得熱，點了一瓶仙人掌果酒來降溫。份量足夠三四人飲用。店員在杯邊沾滿了爆炸糖，好有噱頭。味道清甜有果香，話說是果酒，酒蒸成份非常低，最啱女士們。

見到FB介紹，就訂左六位（19:00），同朋友慶祝生日，上菜既時候（19:25），啲爐已經搞左成10幾分鐘，剛開始食就有服務生叫截單（19:50），之後同服務生解釋返：當時我地未齊人，門口服務生已經同我地講左可以入黎坐住等，等齊人先開始計時（19:17），但張單就計左（18:58），之後佢地延遲左我地last order時間，但之後再order食物時，服務生就視而不見我地張台，特別係啲女服務生，啲飲品放左係吧台都無人拎比我地（但明明見到有個服務生睇左吧台張單），食物同飲品等左好耐先黎，搞到我地食得好趕，所以以後不會再幫襯Joomak。