小巴黎法國餐廳 (Closed)

平時午餐都是去開山林道醫肚，行到街尾見到間酒店落幾級樓梯有間西餐廳，我同位同事都想去試下，餐廳裡面裝修得好華麗有好多掛畫，而畫風都是中國風加少少西洋味。中午午餐可以加$食埋自助沙律吧，但我哋得一個鐘食飯都是下次放假嚟慢慢享受。餐湯 - “忌廉南瓜湯”餐湯跟“蒜蓉多士”我點了“紐西蘭肉眼扒配燒汁” $118肉眼都大份可跟飯、意大利粉同薯蓉肉質唔嚡鮮嫰有牛味餐飲我點了熱即磨咖啡，估唔到這裡是比熱奶，因為而家出面好小識得用熱奶或怕麻煩要加熱掛，所以覺得抵讚同坐得舒服下次都會再嚟。

想搵一間餐廳靜靜地，舒舒服服食飯，昨日就去左位於佐敦華麗酒店小巴黎法國餐廳食法國餐。小巴黎法國餐廳環境清靜、優雅，最岩同三五知己一邊傾計，一邊品嘗美食。餐廳經理Ricky 就推介左燒焗紐西蘭羊架 及 德國咸豬手伴木瓜沙律。紐西蘭羊架，肉質幼嫩多汁，肉味濃郁，有少少羶味，但不太羶。德國咸豬手，表皮炸到脆卜卜，肉質幼滑，雖然咸豬手比人有肥膩感覺，不過配上清新的木瓜沙律完全感覺唔到肥膩，係一流配搭。 其他推介:特色沙律吧,煙三文魚,甜品

 拍拖紀念日: 女朋友話想食法國菜, 咁咪問下朋友有乜好介紹又唔好過千蚊落樓. 朋友就一句"好難喎Openrice la".仲話老友,唉, 自己搵.哈,又俾我係Openrice搵到一間,D comment 寫Lunch又唔算貴,咁我估Dinner 都唔會好貴,咪訂枱試下.間餐廳環境唔錯, 燈光悠和,有Music,牆上仲掛左D藝術畫, 都幾靚.好喇,坐底睇下餐牌先. Salad Bar+餐湯+前菜+主菜 (4道菜法國晚餐) OK抵wor. 計一計兩個人都唔使$600蚊, 咁咪豪D, 加埋甜品都係加$20, 見到枱上有寫wine promotion $180 一枝, 女朋友鍾意飲白酒,即刻點埋, 刑左(自己覺得,哈哈)我地就點左,Salad Bar煙三文OK,鴨胸好嫩.好好食,酸木瓜絲,酸酸地幾醒胃,沙拉菜OK新鮮,仲有三種汁,千島汁正常無特別,法式汁唔太濃幾好,油醋汁唔太酸OK餐湯: 忌廉蘑菇湯忌廉蘑菇湯一D都唔稀, 唔錯,如果蘑菇味濃D更好. 蒜蓉多士真係好脆好香,一定係即焗,仲熱烘烘.仲可以加添前菜:香煎鵝鴨肝燴焦糖蘋果,香煎北海道帶子鴨肝無落粉去煎,好香,鴨味好濃,鴨肝又夠厚, 超

午餐時間經過柯士甸路華麗酒店，見到個lunch Menu幾吸引咁（黑松露帶子天使麵）又好似幾抵咁，咪一個人上去試下。唔駛日日茶記＄５０，＄６０又要等位又要搭枱。一入門口，個ｗａｉｔｅｒ問＂先生請問幾多位？一位，我答＂我自己都覺得有Ｄ奇怪，佢一Ｄ差異都無。即刻有位又唔駛等仲可以揀位，又隨即送上餐牌同暖水。真係有ｓｅｒｖｉｃｅ。睇落個場都幾大，分兩邊，Ｄ位好闊落，可以坐到４，５０人。點菜喇，我當然叫我想食嗰個ｓｅｔ　ｌｕｎｃｈ　ｌａ黑松露帶子天使麵。Ｗａｉｔｅｒ就問我需唔需要加ｓａｌａｄ　ｂａｒ食住先做頭盤，只需要加＄４０，我話唔駛。５分鐘左右，西湯同蒜容多士送到上枱。飲完湯後唔駛１０分鐘，碟天使麵都到埋，咁咪叫埋餐飲先。Ｗａｉｔｅｒ跟住問要唔要加法式焦糖燉蛋只加＄２０。好飽無要。前後都係４５分鐘左右，ｆｉｔ唒ｌｕｎｃｈ時間。埋單連加一，＄８０妏有找，抵，值得推介。埋單時位經理仲同我吹水，其實係ｓｅｌｌ我母親節Ｄｉｎｎｅｒ，仲俾埋個Ｍｅｎｕ我睇，話早一日訂有９折。睇過，個Ｍｅｎｕ又唔錯，價錢係法國餐廳來講真係超值，仲要係酒店同母親節正日，加上紅白酒一枝都係＄１８０，平過好多西餐廳，攪到我諗

近日經過見到E間餐廳新開,好奇的我決定晚上和同事慶祝 birthday, 晚餐3 course$280 唔算貴,重要係酒店餐廳, 首先前菜我地叫左帶子同田螺,之後每個湯各一,一個係洋蔥湯,一個係龍蝦湯,主菜好似每個都唔錯咁,之後whiter見到我諗得咁辛苦,就推薦我食法式脆鴨腿,同法式香草牛扒配自家制薯條等左一陣前菜就上啦!第一道菜是來自日本的帶子,配什菜沙律,鮮甜美味之中帶點清新，但帶子就略為細左D,田螺雖然有d沙,但十分鮮味.之後到洋蔥湯,洋蔥湯好特別有一塊芝士係上面,重要焗完之後好香,真係好香又夠濃.龍蝦湯很濃郁，味道恰到好處，龍蝦殼的味道好出,原來龍蝦湯係用龍蝦肉同埋蝦肉烹調,所以特別香濃.到主菜啦,法式脆鴨腿成隻腿上,鴨味香濃, 雖然唔算好肥, 但配上橙肉和青菜, 吃起來更加不油不膩牛扒叫左8成熟,熟度啱啱好,薯條亦好大塊.d份量都唔算好多,但都食到好飽,再加上環境淸靜,十分舒適,下次一定再試過.

前陣子和朋友,特登坐車過來試試看這間法國餐廳,不過此酒店比較偏僻了一點,第一次黎呢間野食飯,環境幾特別,有好多晝,一入到去服務不錯,好有禮貌依家好少有餐廳咁好服務,環境十分安靜不過可能新開張,比較少人食,入到去我點左個龍利柳,而我朋友就點左個fish and chips,我點果個餐有埋吞拿魚沙律同大蒜薯蓉湯,個沙律好新鮮,好健康用左幾款菜,好特別!而果fish and chips炸得很鬆化 配埋的沙拉醬真係好食,另外薯條有少少鹽,比較岩晒d不喜歡點茄汁既人,龍利魚的"香"和 "滑",再配略微咸的薯條 , "無得彈" 好滿足的口感,不過可能因樓底太低,再加上有好大既水晶燈,有點點焗促感, ,幸好坐位空間較寬敞.在尖咀區，$90一個set lunch唔算平亦唔算特別貴.再加上員工服務好細心!!實在值得一試!!

尋晚男朋友黎接放工 行行下見到呢間新開既法國餐廳個名好別緻 叫小巴黎法國餐廳 望到價錢合理 就入黎1試1入去佢就好熱情咁招呼我地 去果時冇乜客 所以我地想坐入面都冇問題入去環境好靚 我地個位仲對正好大棧水晶燈兩邊又有好多畫同石像 感覺好高級 好華麗而且當時waiter淨係serve我地1枱客 我地好似變左貴賓咁 超好超開心嗌野食 唔太肚餓 嗌左海南雞飯同印尼炒飯2個人share雖然係法國餐廳 但好多唔同種類既野食都有 食物一出黎 超有驚喜海南雞賣相同出面既相同 唯獨係個湯好明顯有落足料煲雞肉好滑 唔似冰鮮雞 真係超值而印尼炒飯仲驚喜 本身以為係成碟炒飯咁 但仲有2串串燒 太陽蛋 菜同印尼蝦片 雖然影唔出 但其實份量好多 我男朋友都食唔晒佢一拎出黎已經好香好香 好有食慾食落個飯真係超好味 微辣 好濃味 啱晒我地串燒都好好味 蝦片卜卜脆 依個炒飯真係必食推介總之兩個飯都係落足料 同出面既好大分別咁既價錢有咁高級既服務 連d waiter都好professional 同我地介紹周圍既名畫仲有咁足料既野食 咁靚既環境 真係好難搵我一定會再去試 希望到時少啲客人 waiter又可以專心serve