龍尾軒

Open Now

Now Closed

素聞位於大埔大尾篤嘅龍尾軒由前福臨門廚師主理所以新年我特登book位同家人黎聚餐即使未有機會試福臨門都可以試下廚師手勢🤭菜式可以同餐廳商量或者有套餐可以揀價錢可以接受菜式份量都因應人數調配先上位份前菜清酒冰鎮南非鮮鮑 - 鮑魚大隻鮮甜😍酒香味不太濃，老少皆宜香煎蓮藕餅 - 蓮藕餅香酥爽脆涼拌酸辣土豆絲 - 酸辣開胃桑葚靈芝石斛燉雞湯冬天最愛熱湯😍一上枱就有陣淡淡藥材香湯料足飲落清甜仲有靈芝陣陣甘香芝士牛油海中蝦（煎米粉底）蝦夠大隻肉質爽彈重點係個芝士牛油醬濃郁但唔膩仲帶少少鹹香底下嘅煎米粉香脆吸晒醬汁比傳統伊麵感覺無咁油膩呢個一定要試！重慶麻辣雞煲雞肉甚多而且已盡量避骨麻麻辣辣相當惹味雜糧蕃茄盅呢道菜相當有心思蕃茄先去皮然後內饀藏滿各式豆類口感豐富感覺清淡健康最愛呢道菜！福建炒飯呢道炒飯有點與眾不同直頭係富貴版福建炒飯醬汁勁多瑤柱同帶子好豪呀！最後嘅甜品都好特別竹蔗茅根燉菊花豆腐平時多作涼茶嘅竹蔗茅根水竟然化身中式甜品味道清淡同一般甜膩嘅西式甜品或中式糖水好唔同菊花豆腐華美精緻估唔到甜品都令人賞心悅目今次私房菜俾我地試到入門版嘅富豪晚餐下次再黎試下更矜貴嘅菜式先！

放假入大尾篤真係好chill，去完龍尾灘睇海睇日落，就行過去對面食私房菜😌😌呢間house式係由福臨門廚師🧑‍🍳主理既私房菜餐廳門面已經感受到氣派，未食已經先期待😆一入門左邊已經有個中國古代宮廷風格既室外包廂，好特別！如果天氣暖翻少少我下次會坐呢度😆-被安排上2樓，果然係私房菜，極高私隱度，坐得好寬敞舒適-望一望今日餐牌，前菜有三款泰式涼拌蟶子王肉嫩肥厚，相當鮮甜，配上微微酸辣既調味好開胃九肚魚唔會過鹹，咬落去脆口鬆化，魚肉乾身，嫩滑中帶口感，想過口癮但又唔怕過量會熱氣！😈燒椒黃金皮蛋，蛋黃流心，蛋白Q彈，醬汁酸辣惹味，呢三款前菜刺激味蕾令我食指大動😌-羊肚菌栗子燉鮮鮑魚湯湯味濃郁，鮑魚燉到好腍既不失咬口，湯頭飲得出紅蘿蔔同粟米既鮮甜，因為燉湯嘅關係，湯料仍然保持原味，所以全部都唔覺意食晒，栗子🌰養胃健脾，飲完暖入心。-砂薑蔥油雞肉質嫩滑，配上大量薑蔥，傳成個油香昇華，整體口感層次增加-沙嗲安格斯牛肉粉絲煲加入菠蘿，甜酸味中和本身沙嗲鹹香味，令人不停食完一啖又一啖，拌飯一流，鍾意重口味既朋友會對呢煲愛不釋手-櫻花蝦魚腐浸農場菜既魚腐將湯汁吸飽吸滿，農場菜鮮甜，「菜有菜味」就係農場菜既特

同幾個朋友去大埔踩咗一日單車，還車之後大家都好肚餓，見到周邊大部份都係燒烤檔，但係我呢排熱氣想食啲清淡啲嘅嘢，突然發現呢間裝修好有庭院feel嘅私房菜，二話不說就同朋友入咗去食！聽店員講佢哋呢一度嘅大廚係前福臨門嘅大廚，相信質素都有保證，食完之後真覺得師傅好有經驗，無論係刀工同埋食物嘅味道都好出色！我哋揀咗呢一個$660一位嘅套餐，每人有大概七道菜，感覺都幾抵！佢個前菜係一個大碟裏面有三個小碟，分別裝住三種唔同嘅前菜：泰式凉拌蟶子王，香煎蓮藕餅，黑松露翡翠豆腐！呢個黑松露豆腐真係好impression，黑松露好香，下便嘅豆腐豆味好濃，兩者夾得好好！豆腐質地滑捋捋軟腍腍，好好味！套餐包括兩款燉湯：鮮肉蓯蓉首烏燉豬腱湯同埋桑黃靈芝石斛燉雞湯，作為女士我就揀咗比較滋補嘅靈芝湯，裏便啲料都擺得好足，除咗有靈芝之外，仲有好多桂圓，石斛，枸杞，紅棗，雞肉等等！飲落個湯甘甘地，個桂圓又好甜！整體來說都好舒服！潮式酸菜煎煮鷹倉魚以往食開酸菜魚都係用切好嘅魚片，但係呢一度就係一整條䱽魚落去煮，個酸菜醃到剛剛好，酸鹹味足夠，但係個酸菜唔會腍啤啤，而係爽口嘅，好評！雜橿蕃茄盅個蕃茄中一上到嚟都覺得好驚喜，好

放假到了大尾篤慢遊，就預先定了這間龍尾軒，品嘗一下私房菜美食。到店見裝修細緻舒適，佈置有特式，環境優雅舒服。三式前菜精緻開胃，酸辣土豆絲-酸辣爽口好開胃。黑松露翡翠豆腐-黑松露味香，豆腐幼滑可口。椒鹽九肚魚-入口香脆鬆化，外脆內軟，好有口感。五指毛桃玉竹燉雞湯，材料充足，有雞肉、五指毛桃、玉竹同紅蘿蔔等，飲落有陣椰香味，夠晒火喉又養生。羊肚菌栗子燉鮮鮑魚湯，足料有原隻鮑魚、粟子、粟米、羊肚菌同紅蘿蔔等，鮮甜夠滋補。魚村小炒王，韭菜、魷魚、鮮蝦同蝦乾炒埋一碟，香氣滿溢，再加上脆脆腰果，口感層次豐富。果蓉生汁脆蝦球，買相精緻，炸漿輕薄，炸得外輕脆蝦肉🍤爽彈，好捧啊！沙薑蔥油雞，鋪了大量蔥油，雞肉滑榴，夠晒惹味。魚腐浸農場菜，魚腐師傅自制，比起坊間的有質感更結實，豆苗翠綠新鮮。鮑汁章魚雞粒炒飯，食材的章魚、雞粒連鮑汁一併炒，味道香濃入晒味，飯粒分明有咬口。最後的甜點是竹蔗茅根燉菊花豆腐，師傅刀功幼細，將豆腐切到成朵菊花🌼咁好靚，竹蔗茅根清甜且清潤。食得開心又滿足，又過了愉快的一個晚上🌃。

🌟 昨晚的美食之旅真是令人驚喜！香港音響界的「少林寺」是金鉉，而粤菜界的「少林寺」非福臨門莫屬。這裡的美食讓我陶醉，甚至忘記拍酒瓶！🍷品嚐了波爾多09 Talbot，搭配精緻佳餚，令人愉悅。特別推薦的魚肉羹無與倫比，新鮮雞肉配上黑松茸和花螺，口感極佳。🌊🍗藤椒蒸東星班魚的豉油非常出色，完美體現了食材的價值。石榴球的水準也不容小覷，能在荒山之夜品味米芝蓮水準的佳餚，實在難得！👏龍哥的粤菜技藝名不虛傳，令人印象深刻。可惜的是，香港的粤菜傳統正逐漸滑落，這讓我想起了音響行業的現狀。希望未來能重拾這些珍貴的傳統！

Private Kitchen by the Chef from infamous Fook Lam Moon🧑🏻‍🍳This time, I was taken to try some Chinese cuisine 😀The entrance was so beautiful 😍, and when I walked in, I found out it was actually a private roomThe staff lady's service was so good that I had to give her a special shoutout 👍Fresh ingredients every day, and the chef can decide the menu 🙈, so I didn't have to think at allEverything was delicious 😋, even the pot of tea was great 🫖Special mention goes to the Fish Maw Corn Tofu Soup and

真係估唔到大美督都竟然有隱世嘅私房菜，呢間餐廳11月先開張，我同朋友去大美督玩完之後諗住搵嘢食，突然見到呢間餐廳個裝修好有田園feel，所以就一於入去試吓！呢個套餐六百幾蚊就每人七道餸，等我哋介紹一下啦！前菜係三小碟，包括泰式凉拌蟶子王，香煎蓮藕餅，同黑松露翡翠豆腐！三個小菜都各有特色，個人認為個涼拌聖子最好食，因為好新鮮同埋咬落去好爽脆！而且同三色椒搭配得好好！鮮肉蓯蓉首烏燉豬腱湯每位都可以揀一盅燉湯，我揀咗呢個鮮肉何首烏燉豬腱湯，豬肉燉到好腍，睇得出係經過長時間炮製！個湯底因為落咗好多杞子，所以好甜！潮式酸菜煎煮鷹倉魚呢個酸菜魚特別之處係佢用嘅係一整條鷹倉魚，魚肉好滑，除咗酸菜之外，還有蕃茄，等多種蔬菜，湯底酸酸辣辣好惹味！辣子雞丁呢個栗子雞丁落咗爆多辣椒去炒，所以麻辣好夠！另外佢個雞丁外皮很酥脆！雜橿蕃茄盅賣相好靚，裡面有眉豆，粟米，薏米，旁邊一圈南瓜汁，好健康鮑汁鱆魚雞粒炒飯炒飯好香，飯粒軟糯，因為有鮑魚汁所以是比較濕潤的，但係個人都幾鍾意佢個味道！竹蔗茅根燉菊花豆腐呢個甜品打開蓋超驚喜！豆腐切到成朵菊花咁，可見廚師刀工好了得！果然係福臨門嘅大廚！味道方面不會太甜，係竹蔗的清甜

前福臨主廚主理👨🏻‍🍳同男朋友想趁新年前食餐好上網睇咗一輪決定試下二人私房賽價錢$550/位 餐廳安排好啲菜式地點係大尾篤附近 揸車會比較方便🚗💨環境門面設計得好有心思 望落幾舒服🔺三款前菜陳醋藤椒紅蜇頭香煎素藕餅酸辣土豆絲三款前菜好精緻 一人一份 土豆絲切得啱啱好酸酸辣辣食到好開胃 紅蜇頭爽口入味 酸中帶啲椒麻素藕餅煎得好香 🔺五指毛桃玉竹燉雞湯好足料 有齊烏雞肉 玉竹 五指毛桃飲落好暖胃 又夠哂養生🔺羊肚菌栗子燉鮮鮑魚湯好鮮味同足料既燉湯 夠哂火喉啲用料豐富 又夠哂營養 好飲🔺燒汁野菌炒牛柳粒燒汁好香 牛柳粒切到好易入口牛柳粒有牛味 炒完都鎖住肉汁野菌份量幾多 有口感又有營養🔺烤菠蘿咕噜肉好好食！大推薦烤完既菠蘿🍍好甜好多汁咕嚕肉唔會太厚身 啖啖肉外脆內軟又夠哂熱 🔺砂薑蔥油雞雞件配合蔥油同薑 味道好足好鬼惹味 雞肉肉身嫩滑🔺鮑汁鱆魚雞粒炒飯一人一份鱆魚雞粒炒飯鮑汁有畫龍點睛既作用越食越開胃鱆魚同雞粒炒埋 好惹味 一啲都唔油膩同有飽滯感🔺糖水 木瓜燉雪耳木瓜清甜大舊 雪耳夠哂爽口食完夠滋潤 完全唔怕乾燥天氣︎ (˘͈ᵕ ˘͈❀)⸝

今日同兩三個朋友嚟呢度餐食私房菜😋😋環境清幽，非常之適合朋友聚會，所以想分享俾大家環境 ⭐️⭐️⭐️⭐️⭐️(5)賣相 ⭐️⭐️⭐️⭐️(4)味道 ⭐️⭐️⭐️⭐️(4)服務 ⭐️⭐️⭐️⭐️⭐️(5)三前菜🥢🍽香煎蓮藕餅外脆內軟兩面金黃好香脆 少少油出餐前再吸油會更好味👅🍽泰式涼拌蟶子王蟶子彈牙配搭三色椒爽口新鮮加上蒜香酸酸清爽開胃🍽黑松露翡翠豆腐雞蛋同豆漿充分攪拌造成咗好滑嫩嘅豆腐再加上菠菜點綴兩件事相輔相成好有口感 黑松露香味濃郁有點睛之筆嘅作用加埋個醬汁好順滑🍽鮮肉蓯蓉首烏燉豬腱湯每個食材嘅香味都突出 湯係偏濃味但同時黎亦都好清澈 杞子味好香甜豬肉入口即化 但同時又唔會太柴👍🏻👍🏻成個湯感覺都好暖胃🍽桑黃靈芝石斛燉雞湯呢款湯有靈芝好養生 啱曬我呢啲都老人家👵🏼對熬夜人士好個湯好清甜但做到清而不淡 雞鮮味融合雞肉亦都非常之滑 雞皮都係有彈性嘅總括而言鮮美可口🍽潮式酸菜煎煮鷹倉魚酸爽可口魚肉很容易脫骨啦軟爛對小朋友都很友好嘅魚肉略微唔夠入味~可再改進 擺盤都可以再做靚啲酸菜同蕃茄口感非常之爽口番茄有去皮亦都好細心去左皮(細節位加分!)🍽️辣子雞丁雞丁外脆內嫩，和香辣調味配搭，口感豐富，喜歡吃辣的人一定無法抗拒，另外菜品

今日有朋友生日，約左佢入大尾篤玩之餘仲卜左間私房菜 俾啲驚喜佢餐廳有房 私人空間好足，仲有大電視，真係岩晒一班朋友聚會。前菜泰式涼拌蟶子皇、芋頭餅、椒鹽九肚魚蟶子皇超新鮮，酸酸辣辣，非常開胃。芋頭餅，中間太多餡料，外皮炸到酥脆。椒鹽九肚魚，炸到非常酥脆外脆內軟仲食到魷魚嘅鮮味。五指毛桃玉竹燉雞湯茶色嘅湯本身都會令到人食指大動雞湯味道非常鮮美，係呢啲凍凍地嘅日子飲返碗真係一流甜豆百合炒安格斯牛肉甜豆爽脆，牛肉亦都非常之有牛味肉味濃郁一絕順德煎釀鯪魚外脆內嫩佢地張鯪魚肉釀入去，酥脆嘅外皮同鮮嫩嘅魚肉肉餡亦都好香，非常惹味金湯石榴球呢味菜淨係睇賣相已經贏咗，餡料豐富加埋用南瓜蓉調製而成嘅汁，相映成趣。鮑汁章魚雞粒炒飯炒得夠乾身，粒粒分明鮑魚粒同章魚粒非常之有咬口，口感配搭非常好！

今日適逢細佬生日有老友叫我入大尾篤踩單車，仲好有心思咁book咗一間私房菜泰式涼拌蟶子皇、芋頭餅、椒鹽九肚呢個前菜一上枱就嚟料啦！泰式涼拌蟶子皇，酸酸辣辣，夠晒醒胃，隻蟶子彈牙到不得了。芋頭餅，外脆內軟，入口即溶。椒鹽九肚，卜卜脆，食到停唔落口！三個一齊嚟，簡直係絕配羊肚菌栗子燉鮮鮑魚湯呢個湯，羊肚菌嘅鮮香，栗子嘅甜糯，鮑魚嘅鮮味，三種味道喺個舌頭度打交，最後竟然完美融合，簡直係味覺嘅「交響曲」！飲完覺得自己都升呢咗！甜豆百合炒安格斯牛肉呢個安格斯牛肉，嫩到好似豆腐咁！配埋爽脆嘅甜豆同埋軟糯嘅百合，口感豐富，清爽唔油膩，食完仲想encore添！順德煎釀鯪魚外脆內嫩佢地張鯪魚肉釀入去，酥脆嘅外皮同鮮嫩嘅魚肉，仲有嗰陣香噴噴嘅內餡，正宗嘅鮮味呀！金湯石榴球金光閃閃嘅蟹子，睇落就已經開心晒啦！一口咬落去，外皮軟薄，內餡鮮香，甜而不膩。鮑汁章魚雞粒炒飯呢個炒飯，粒粒分明，香到扑鼻！鮑汁嘅鮮香，章魚嘅鮮味，雞粒嘅嫩滑，完美融合紅豆湯圓最後嘅紅豆湯圓，暖笠笠又甜蜜蜜！紅豆綿綿密密，湯圓軟糯，簡直係完美嘅句號呢餐飯，由頭到尾，驚喜不斷！強烈推薦呀！

家人聚會，選了大尾篤的龍尾軒，房車可直泊門口，對有車一簇來說，很方便。古色的園林景緻，極討好！忍不住多拍幾張留倩影，打咭情懷滿滿 🥰🥰🥰來到用餐的廂房，環境寬敞舒適，感覺高檔。前菜是醬皇紅蜇頭、黑松露翡翠豆腐、酸辣土豆絲。開胃前菜，賣相精美，三款菜式三款口感及味道，夠心思。湯𡙡是順德拆魚雲羹，用上十多廿種的食材煮出來的湯𡙡，入口魚乾香味撲面而來，好食到暈，有驚喜！豉油皇乾煎海蝦，海蝦🦐煎得香脆，連殼都可以吃 😋😋。豉油汁入味，就是蝦肉都入到味，抵讚👍砵酒焗牛尾脷 ，牛尾及牛脷都超級軟腍入味，牛尾的肉可輕易拆出，牛脷軟棉腍滑，原來牛脷都可以這麼好食！😂👍👍川味口水雞，微辣但味香濃，雞肉嫩滑，不錯不錯。古法豬油炒時蔬，豬油炒的菜特別香，菜心吸了豬油，特別嫩滑。甜品是湯丸紅豆沙，湯丸口感跟超市的截然不同，完全吃得出是自家製的，有誠意。

🐉龍尾軒福臨門廚師🧑🏻‍🍳主理私房菜今次帶我去食中菜😀見到個😍門口好靚，行入去原來仲係包房個員工姐姐服務好到我要獨立讚佢👍每日新鮮材料 可以廚師發辦🙈完全唔使我諗全部嘢都好好食😋連壺茶都好飲🫖特別要讚 花膠粟米豆腐羹 同 鮑汁章魚炒飯粟米羹同埋炒飯，其實我食親中菜都好鍾意嗌🤣但係呢度係真係整得好好味💯推薦 做節 家庭聚會或者請客食飯都好岩⭐️

前幾日在大埔踏單車🚴‍♀️到大尾篤遊玩， 另外朋友好有心思訂了一間高級私房料理餐廳： 《 龍尾軒 》 ❤️這是新開由福臨門廚師主理的私房菜餐廳！裝潢設計古色古香，好有中式特色🥰三前菜：醬皇紅蜇頭昋煎素藕餅麻辣黃金皮蛋五指毛桃玉竹燉雞湯羊肚菌栗子燉鮑魚湯兩款足料燉湯，夠火喉又鮮甜養生🤤川味口水雞川辣辣味十足❤️雞肉嫩滑啖啖肉漁村小炒王韭菜炒蝦仁蝦干， 配上腰果魷魚等將鮮味更加提升，鑊氣十足🤩烤菠蘿咕嚕肉香噴噴烤鮮菠蘿🍍咕嚕肉，酸甜份外開胃鮑汁鱆魚雞粒炒飯最後還有鑊氣炒飯好飽滿合時雪耳木瓜糖水甜品好貼合乾燥季節，好滋潤喔

前菜3小碟清酒冰鎮南非鮮鮑，展現了鮮鮑的優雅和清新。鮮帶著清爽的口感，搭配冰鎮清酒更顯獨特風味。香煎蓮藕餅，香脆的外皮和柔軟的內餡，調味得宜。金沙南瓜片，咸蛋黃外皮又香又脆，令人一口接一口，南瓜軟糯，十分搭配。正宗順德拆魚雲羹，濃郁的湯汁和鮮嫩的魚肉，加入豆腐、木耳絲、口感豐富。拍蒜粉絲蒸扇貝，扇貝十分新鮮，為方便客人品嘗，扇貝已開邊，粉絲吸入鮮味，正！翡翠雲耳炒鴿甫，7分熟極鮮嫩的鴿甫，第一次食這樣處理的鴿肉，味道口感一流。川味口水雞則是辛辣開胃，令人胃口大開。最後，生炒臘味糯米飯帶來了濃郁的臘味風味和糯米的香糯口感，為整餐增添了豐富的層次。甜品木瓜燉雪耳為這頓美餐畫下完美句點，清新的木瓜和滋潤的雪耳相得益彰，給人留下了深刻的印象。