王牌·圍一叉燒

Open Now

Now Closed

做左成日野，好攰咁搵間餐廳食飯休息下。同朋友入到e間餐廳，由坐低之後落單去到食野 ，全程20分鐘都唔夠就趕人走！天氣咁熱想飲番杯凍野抖抖姐，唯有去第二間再飲。 食物方面，如果冇乜要求，想食個快餐既話……我都唔建議試。d叉燒係就係好多舊，但係得2，3舊食得落。其他都勁乾勁柴。 叫左杯凍檸樂，侍應拎左罐熱可樂同檸底黎，倒落檸底到d冰都已經溶哂，變左室溫咁。 食左咁多年飯，第一次咁有衝動為一間餐廳寫一個食評。總結，冇下次。

燒鵝五寶飯…你睇個名以為點都有啲燒鵝食下啦，$78 蚊 都唔預佢係啲乜嘢靚部位，但都唔洗成盒飯得一舊，其他全部都係皮連骨。 既然覺得燒鵝成本貴不如轉其他燒味，或者買貴D Lo，你當啲食客唔識睇架？新開張已經咁樣？？？ 之前都食過一次燒味雙拼飯，發現叫燒鵝就一定係皮連骨多…..好啦，諗住今次比$78食個燒鵝五寶飯啦，點知仲衰….其實食物唔差嘅，中規中矩，但就孤寒左小小囉個人建議如果想食燒鵝飯直接叫$100燒鵝髀飯嗰個餐食算乜嘢雙拼呀，單併呀，唔使諗啦

👧🏻Wodafoodie in Tai Wai叉燒愛好者表示想試曬全港既叉燒☺️大圍呢間擺埋叉燒係自己個招牌到就知一定唔惹少！✨❤️‍🔥五寶飯 $78食叉燒一定要有燶邊先好食！佢既叉燒厚切 揀左瘦叉 但肉質唔鞋🤤佢有燶邊！一啖咬落 香口無比 好正🥰五寶飯仲有燒腩仔 雞 燒鵝 咸蛋燒腩仔皮脆重油香 切雞夠滑 燒鵝皮勁香口Overall 呢間既燒味真係幾好食！必食叉燒😋✨ 🍳XO醬滑蛋蝦仁併叉燒飯 $60嘩個飯超！大！份！飯量應該有兩碗飯上面既滑蛋一樣咁大份 遮蓋住成個飯蝦仁同叉燒唔係好多 滑蛋好滑 配埋XO醬撈飯好好食😆不過如果真係想食叉燒 建議淨叫叉燒飯🤓📍 王牌·圍一叉燒 (大圍)大圍大圍道100號天寶樓地下8號舖

以前成日幫襯，一開始啲豉油雞同沙薑雞好出色，啲雞肉質好好，唔梅唔鞋，實淨有咬口，又有雞味。真係感覺係新鮮同高質嘅雞，係大圍少有做得好嘅餐廳，對得住價錢。點知近幾次買發覺越嚟越差，唔知係咪換左個平啲嘅供應商，定保鮮做得唔好 ，啲肉又梅又鞋，食落去一pat野咁，完全唔想食。無論係沙薑雞定豉油雞都差左，應該係啲雞本身嘅問題，好失望應該會停返一排唔再買住，暫時對佢冇乜信心，希望之後再買果陣可以做返以前嘅水準。

星期日出去大圍， 近大圍站A出口， 見新開又試試。 以為9點已有燒味賣， 咁早上應該有燒味飯食掛， 想試試叉燒飯。可惜早上得早餐， 沒有燒味飯。＜食物普通， 早餐叉燒又薄又瘦。 ＞1）咁見有叉燒湯意粉， 雙蛋早餐， 便試下吧。點知中伏。 。。5分成間餐廳賣點是叉燒， 點知叉燒湯意粉之叉燒， 普通過普通， 瘦叉燒， 又薄片， 完全唔掂。2）炸魚柳炒蛋腸仔早餐， 配咖啡炸魚柳都即炸，ok, 夠大塊。 😗有7分炒蛋唔軟滑， 好實。腸仔居然好韌， 奇。食物好油， 碟滿佈油。咖啡好普通， 唔好飲。<缺點＞1＞坐樓上， 見侍應不停上上落落搬食物， 原來廚房在樓下， d姐姐每次要行十幾級樓梯把食物由樓下托上來， 一日仲要行咁多轉， 都幾辛苦及牙煙， 滑倒就大件事。2＞落單唔用code, 要叫侍應下單， d姐姐已經咁忙， 用code下單已經好平常， 失敗。3＞叉燒是賣點主食， 居然唔好食。4＞早上已經有燒味賣， 理應有燒味飯， 有d食客早上要食飯。

之前聽同事講過大圍有間餐廳嘅燒鵝瀨粉好鬼正，佢知我今日有野做會經過大圍，再三叮囑我一定要嚟試下。講到甘正，我當然要試下啦，唔洗諗，直接叫咗個迷你燒鵝瀨粉配凍奶茶。燒鵝瀨粉上枱非常吸引，燒鵝大大件，份量十足，鵝皮很有光澤，皮脆肉嫩得嚟人帶點炭香味，咬開鵝皮，鵝油滲出令整個湯底嘅鮮味提升，好正。凍奶茶夠凍，茶同奶嘅一比例剛好，好醒神。見到好多人買叉燒外賣返屋企加餸，叉燒應該都系呢到嘅王牌。🔍王牌·圍一叉燒 (大圍)📍大圍大圍道100號天寶樓地下8號鋪

大圍好多餐廳，今日比呢間餐廳嘅招牌吸引，入咗去食左個燒鵝瀨粉，燒鵝皮脆肉嫩，算唔錯，瀨粉就冧左d，夾起瀨粉斷既，有d難夾。環境一般，坐位有點迫，要同人搭枱。食物質量ok，但唔坐得耐。🔎王牌·圍一叉燒 (大圍)📌大圍大圍道100號天寶樓地下8號舖

我就係鍾意到處去逛逛、買買及試試新餐廳，今天和朋友到大圍火車站對面買靚水果，順便去附近的王牌•圍一叉燒茶餐廳試了梳乎下午茶及經典常餐🤗下午茶挑選了抵食燒鵝米粉配蘋果肉紅茶，$43都有很多件熱辣辣的燒鵝，米粉煮的時間剛剛好，爽口兼有適當的調味👍經典常餐點了香煎豬扒公仔麵配夠薑奶茶，$58有大大件的豬扒，肉質鮮嫩，煎得恰到好處，食到我地舔舔嘴😋公仔麫湯底濃郁，好過很多普通的茶餐廳！這個常餐還包括了香腸、火腿、牛乳炒滑蛋及厚多士，性價比相當唔錯👍另外，夠姜奶茶及蘋果肉紅茶亦都在水準以上，如我下次路經大圍的話也會再來光顧，已經睇定下次吃叉燒滑蛋飯了🤣

陪朋友入嚟大圍買嘢，順便食個下午茶😜。雖然知佢最出名係滑蛋叉燒飯，😅不過冇理由晏晝四點食飯㗎……所以叫咗兩個粉麵🍜估唔到有啲驚喜🥰👍🏻💕燒鵝米粉唔記得講走胸（不嬲唔like食胸…怕嚡🫣😜）但係好彩啲胸肉一啲都唔嚡👍🏻最衰掛住傾計，畀佢索咗啲湯…😜😜😅不過都唔會發到爆曬。個滑蛋真係精彩～💕非常香滑！豬扒公仔麵用嘅係忌廉湯，所以特別香濃。我最like塊豬扒🐷🥩又大件又juicy又香口！最緊要唔鹹～🥰試咗佢個薑奶茶，估唔到又幾好飲～行開呢頭真係會嚟試下～奶茶底好香濃！朋友個蘋果紅茶都唔錯，有幾粒果肉咬吓🍎～😚最重要係……啲店面姐姐個個都😚😜服務唔錯！

相信好多人都會同我哋一樣，幾位朋友去屋企聚一聚。玩到咁上下，又唔想出街同人迫，但係又唔想煮。🟡🟣🟡🟣🟡🟣🟡🟣🟡🟣🟡🟣🟡🟣呢個時候去餐廳叫外賣就非常一流啦！聽聞呢一間嘅燒味好味道，所以我哋就叫咗幾個燒味同埋幾個客飯。🔺 燒鵝半隻🔺 燒腩肉🔺 海蜇燻蹄🔺 咖喱豬扒飯🔺 土魷煎肉餅🔺 清湯時菜呢幾樣嘢燒味都幾好味，另外我哋仲叫咗湯瀨粉，個胡椒湯真係好好好好好味。 呢個一定會再叫。

呢間餐廳主打燒味，收工時間㗎隔2分鐘就有一個客，睇嚟都好受歡迎👍👍今次試咗兩個餐都好抵食，自家XO醬滑蛋蝦仁飯($56)咖喱香滑牛肉飯($58)配餐湯，好大份同埋足料🤩湯都有唔少煲湯料咖喱香濃，仲有薯仔等蔬菜，撈飯一流👍牛肉唔係肥牛，係牛肉片，都好掛汁滑蛋好大份堂食嘅話環境都好舒適，服務好快手，下次可以試吓燒味，聽講燒鵝同埋叉燒都好受歡迎👍👍

買了半斤半肥瘦义燒外賣，收銀問要全瘦或是半肥瘦，我便要半肥瘦，返到屋企發現有4件又肥又食唔到的大肥糕（忘記影相），又唔係平過人，都要$78半斤。又只收現金，唔收八達通。以後都唔會幫襯

屋企人去曬旅行，一個人放左工後又懶得煮飯，梗係買外賣醫肚🤓一出大圍站，見好多街坊喺餐廳門口等外賣同入去堂食，就決定試下🤩🌟特濃粟米茸西冷牛扒拼腸仔飯一打開飯盒，就見到大大塊西冷牛扒，食肉獸啱曬牛扒肉味濃郁，唔會太肥膩🥩而且肉質鮮嫩，煎得恰到好處特濃粟米茸香甜🌽質感幼滑，最啱撈飯食仲附上胡麻醬沙律🍅🥬大食男士都一定夠飽🌟苦瓜黃豆排骨湯最近天氣咁熱，飲苦瓜湯可以清熱解暑🍲苦瓜味道甘香唔苦，加埋排骨🦴更加惹味飲完湯解膩又下火，絕對想飲多碗🤤餐廳就喺大圍Ａ出口對面，要斬料番去加餸都非常方便😎下次要試下堂食先！

平日星期三早上九點九在大圍站附近食早餐，經過見到門口廚窗內的燒味看落不錯，就入內食义燒意粉早餐。推門而入已被服務員安排樓上坐位，話樓下已滿坐，年紀大不喜上下樓梯食個早餐，坐位窄，差不多全滿座。價格合理，份量足，食物味道不錯，义燒瘦中帶少少脂肪。

今天約了好友往大圍踏單車🚲,踏了幾個鐘真的累透了!正值下午有點肚餓一於喺大圍找地方醫肚😋😋😋喺大圍火車站A出口行冇幾遠見有間"王牌"店舖,見門面幾吸引一於入去試試😋店舖地方不算很大,分上下層,坐位亦算舒適.食品方面主打燒味飯類,西式食品等都有多款選擇.見下午茶餐價錢💰優惠,於是就點了咖哩吉列魚柳意粉+凍檸茶$66,迷你切雞配米粉+凍檸茶$39.吉列魚柳炸得外脆內軟十分香口,意大利粉硬度適中唔會很稔,配搭濃香又唔太辣嘅咖哩汁非常可口,再配搭一啲沙律菜真的令胃口大增!切雞🐔米粉就米粉爽口彈牙,😋😋切雞肉質嫩滑肥美,雞肉味香濃😋😋,廚師弄這雞肉🐔真的有一手,真的要給多個讚👍👍👍最後再品嚐埋杯清甜嘅檸檬茶,肚皮真的舒服曬!埋完單後行出店舖,見櫥窗掛住件叉燒又燒得好靚,非常吸引😋😋😋,最後都忍唔住手買返半斤回家慢慢享受😋😋😂😂"王牌"食品美味,價錢優惠💰💰值得推薦畀大家來試試😋😋👍👍👍