王牌·圍一叉燒

Open Now

Now Closed

大圍道王牌圍一叉燒,係大圍一出地鐵站就係勁易搵。雞燒肉同燒味都掛晒係窗櫥,餐廳佈置到金逼輝皇, 餐廳任何時候都好受歡迎,建議4個人以上黎食飯會比較好, 唔洗忍受同檯會有陌生人。-C4餐豬扒公仔麵常餐大大塊豬扒, 成塊面gam 大塊, 好比心機去醃肉, 炸到好金黃, 食落好鬆化好鬆化, 差不多唔洗用牙去食即食麵質地就係一般茶餐廳用的即食麵,跟餐配火腿香腸多士同牛乳炒滑蛋。-下午茶有輕量腩仔飯可以揀,五花腩肉質靚, 皮脆得黎肥瘦相間,仲配兩條菜心。下午茶黎講都OK 夠飽。

大圍多了不少餐廳和美食，來吃個午飯價錢都相約HKD60左右，每一間餐廳門前等候的人都眾多，要下決擇去吃那一間都有點選擇困難。每次經過王牌圍一叉燒都想試滑蛋蝦仁拼叉燒飯，但每次經過都沒時間吃，今天終於決定前來吃。王牌圍一叉燒主打燒味，所以很多人前來吃燒味飯，周末假日更沒下午茶供應，所以便點選粉飯類。部份餐食還送例湯，但餐飲要另加收費，凍飲需要HKD5，確實有點貴，不過，食物賣相真的不錯，味道也不差，才會能有著不少人前來吃飯。例湯味道都不過不失，只是鹽份多了一點點，還有湯中食材，我所喜愛的粉葛，帶點豬肉。XO 醬滑蛋蝦仁拼叉燒飯，配凍檸檬茶 HKD65，所有飯都被滑蛋包著，滑蛋表面就有著叉燒和蝦仁。滑蛋有點過火喉，不過甜鼓油味道，不錯。個人喜歡葱粒多一點，會更好味。叉燒全部都是瘦肉，肉質不會韌。蝦仁一點都不細，口感不錯，還配上XO醬，帶點微辣，夠醒胃。飲品凍檸檬茶都不過不失。唯一就是吃完飯，還沒喝完檸檬茶，就把枱清理好，讓等位的人入座，但人數是多於可坐下的座位，像是要你起來離開的一樣，這樣的安排，確實讓人不會再想前來。

去開大圍做野，下午茶時間同同事經過大圍道見到有間燒臘店超多人排隊！睇上去超吸引！！一於坐底試吓先～圍一蜂蜜叉燒脆脆豬叉燒口感軟嫩，肥而不膩，淋上蜂蜜特別香甜～香脆豬仔包烤至外脆內軟，兩者好夾～生炸雞中翼伴沙律即叫即烤既雞中翼入口熱辣辣，外層脆卜卜，咬開嫩滑多汁，勁juicy～伴碟既沙律好新鮮，淋上醬汁特別開胃。薑蜜奶茶奶茶味道香醇，入口充滿生薑香味，帶點點微辣，加入蜂蜜剛剛好中和。凍奶茶口感香滑奶味濃郁～

✨ 大圍高質茶餐廳 必食滑蛋飯大圍開業不久的茶餐廳，長期人客爆滿，決定晚上外賣回家試試，實測小店人氣美食。🍤 自家XO醬滑蛋蝦仁飯 $56滑蛋飯是餐廳中的皇牌之一，份量十足的飯盒外賣回家後，滑蛋仍然呈半流心狀態，香滑美味，大大隻的蝦仁肉質彈牙，蝦味濃郁，配上秘製自家製王牌XO醬，口感更惹味出眾。🐷 蜂蜜叉燒飯拼油雞飯 $56燒味飯是店中主打食品，叉燒及油雞份量名吸引吧! 蜜味叉燒即使在，入口鬆軟，卻不失咬口，帶有蜜汁的芳香和甜味。太幸運了… 師傅斬了豉油雞髀給小編呢! (開心!) 豉油雞髀色澤鮮亮，肉嫩香滑，入口帶甜，配上一點蔥油，不禁吃了一口又一口。✨ 老火例湯 蟲草花蜜棗煲豬骨湯例湯亦充滿驚喜，例湯有大量蟲草花，由於湯內加了蜜棗，入口清甜潤喉，湯中更加入黃豆，令湯味更濃郁出味。🔸小總結：餐廳出餐快，食物份量十足。味道方面，以茶餐廳來說屬高質之作，整體性價比高，難怪長期門庭若市。👅 味道：4.7/5💰CP值：4.9/5🕴🏻服務：4.8/5🔰餐廳環境：4.7/5👀回頭率：4.8/5🍽 餐廳 ：王牌•圍一叉燒🌐地址 ：大圍大圍道100號天寶樓地下8號舖🐮 #cowing吃在大圍#hkbl

王牌·圍一叉燒 📍大圍大圍道100號天寶樓地下8號舖大圍人氣大熱茶餐廳 ～ 行過都見到大排長龍主打燒味肥叉燒、港式奶茶來左呢到食個經典常餐☕️～一坐低店員～每位都送上碗老火湯黃豆排骨湯～飲落好清甜。圍一叉燒忌廉雞湯意粉 🍝$53 一試招牌圍一 叉燒～ 烤得外脆肉嫩～食落有蜜汁香味跟～香腸、火腿、炒滑蛋及牛油吐司🍞。奶油脆豬 $28 即叫即烘～香脆好味。凍奶茶 跟餐 ～ 茶味夠濃～ 非常好飲而且店內裝修光猛～座位闊落～唔錯👍🏻

有時想偷懶嗌下外賣，難得嚟大圍買Bb用品，一於順道試埋大圍站附近嘅王牌·圍一叉燒啦！未到晚市時間已經好多人喺出面等緊外賣啦！落完唔洗十幾分鐘已經出到餐，非常快手！.➜腩叉飯連招牌都寫埋叉燒上去，又點可以唔試下佢哋嘅叉燒呢！一啖咬落去，多汁又大件！油香軟冧嘅五花腩，面頭微微焦香，口感十足。.➜沙薑雞飯份量十足嘅沙薑醬，大件嫩滑嘅雞肉配飯一流！兩盒飯嘅份量都唔少，就算喺男士都夠飽！.跟餐嘅例湯都好足料，下次唔想煮飯，出去斬料就最方便啦！.📍王牌·圍一叉燒大圍大圍道100號天寶樓地下8號舖

乳豬及燒鹅比一些出名的飯店還要好，常常見到很多人排隊，例湯也很好味，住在大圍的街坊真有口福。我大大話話吃過早餐，午餐及晚餐，外賣也試過，不過只收現金。若能用八達通收費就更理想了。

喺大圍唔知食乜好，咁啱見到好多人排呢間，把心一橫決定試下佢，等左10分鐘就入座了。😗由於晚餐時間相當多人，我地只能同其他人搭檯，被安排左坐喺最角落嘅卡位，兩個人坐一邊都頗為擠迫，如果唔係太親密嘅朋友，個座位可能會有啲尷尬😳🍚燒鵝五寶飯 $78🍜燒鵝五寶瀨粉 $78 🌕🌕🌕🌕🌑同朋友嗌左同一個餐，唔同麵底。佢個瀨粉係古法濃湯瀨粉，有啲胡椒味，但未到一試難忘。燒鵝皮好脆，肉質鮮嫩多汁，但唔係太多肉，主要都係燒鵝皮😯油雞幾香😋都好嫩滑；燒腩仔皮好脆，肉唔會好鞋好老，肥瘦啱啱好👍🏼叉燒最有驚喜😋淋得黎有口感，同埋食到淡淡蜜汁甜味。外圍都燒到好香，但有兩舊窿左🤣鹹蛋就正常發揮～整體份量好大份，質素都中上，對得起價錢👍🏼🫕例湯（附送）🌕🌕🌕🌗🌑唔似味精湯，幾清甜😋仲有黃豆、粉葛、瘦肉等等，都幾足料，係有誠意嘅例湯👍🏼

王牌圍一叉燒王牌燒味係幾出名既燒味店，成日經過都大排長龍，所以好多時都係唯有外賣拎走，都冇估到燒味物都會咁受歡迎!———————————————————𝐎𝐫𝐝𝐞𝐫:⧐燒鵝油雞雙併飯 | $63⧐例湯☻ 燒鵝油雞雙併飯燒鵝皮簿又脆皮，充滿油脂感，油雞都不過不失，味道唔錯。☻例湯係合手瓜黃豆，味道小甜，唔會太鹹。下次有機會都有試下燒肉叉燒飯，望落都幾吸引。———————————————————📝評分味道 ⁴/ ⁵環境 ⁴/ ⁵服務 ⁴/ ⁵衛生 ⁴/ ⁵抵食 ⁴/ ⁵———————————————————📍王牌圍一叉燒大圍大圍道100號天寶樓地下8號舖

一向都知道大圍好多小店好多野食。近排多咗去大圍，於是就周圍搵下野食試新野。之前嚟過呢間餐廳食燒味，今次下午茶時間過嚟，心思思想食下其他食物。睇完menu之後決定點炸魚柳漢堡包伴沙律，飲品就叫咗蘋果肉紅茶。以下午茶餐嚟講，個人認為魚柳漢堡份量都唔少。塊面包本身口感煙韌，加上烘過所以咬落再脆d。魚柳份量都頗大方，加埋醬汁食，味道唔錯。另外佢既沙律落咗唔少醬，啱我口味～蘋果肉紅茶飲落滋潤又養生，夠哂健康。

放工唔想煮飯就買外賣返屋企😂之前就試過斬燒味返屋企 再自己煮飯👉🏼👈🏼但返完工真係攰到飯都唔想煮 於是同男朋友買外賣返屋企食王牌叉燒炒蛋飯 $54之前食過佢既燒味唔錯同埋佢既叉燒係出名既👏🏼的確係好好食 雖然小編唔係食呢個餐但係有偷食幾啖🤫佢既叉燒唔係乾爭爭同全瘦 而係半肥瘦同埋係淋叉👍🏼叉燒嘅份量都幾多同幾大舊 另外佢既蛋食落好有蛋香🥚秘製XO醬/蔥油雞扒撈公仔麵 $55因為中午食得太飽😂所以小編只係叫個撈麵食就算 點知原來個份量都好多下🫣 雞扒最令小編感到驚喜🤩因為應該係有用咖哩醃料醃過 所以食落去有少少🤏🏻咖喱味 同埋佢嘅雞肉煎得都幾嫩滑👍🏼成個撈麵最畫龍點睛之處莫過於個xo醬 撈勻哂佢黎食 又香又有少少辣 好惹味😋兩個餐都會送一個例湯 例湯都係小編覺得驚喜之一 因為平時飲親嘅例湯都係落味精多或者係溝左好多水 好淡～但呢度既例湯係飲得出冇加以味精或加好多水而煲出黎😌 如果想叫熱飲就加$3 凍飲就加$5 由於佢都幾多人買野 所以都等左一段時間先有 不過小編聽到佢話炒野既話會耐啲可以打電話早啲落單 黎到好快就會有

2023年3月20日 星期一今日收工之後唔係太想煮飯，於是諗住買外賣返屋企同老婆兩個人食返到大圍見到呢間餐廳由幾個月前新開張以黎一直都有幾多人幫襯，無論係堂食或者外賣都有滿晒人，但自己從來未試過，因為每次去都有好多人排隊，怕要等太耐，咁啱今次去到嘅時候人流唔算太多，可能未到放工時間，所以一於買外賣返屋企試吓門口已經擺滿左餐牌，咁啱呢個時段有下午茶，價錢仲幾抵添，又多選擇，不過怕份量唔夠，所以都係叫咗兩個飯，一個單拼一個雙拼，另外再加一個例湯，店員都話一定足夠兩個人食兩個飯連例湯，加埋大約$120左右，晚餐嚟講都算抵返到屋企我哋打開飯盒將d食物擺埋一碟，方便share嚟食，食物仲係暖暖哋，首先有呢一個農場雞，有好多肉，唔會有好多脂肪，而且雞皮唔算太厚，啱晒我，食落去雞味幾濃郁，仲帶有鹹香添，唔使點薑蓉都已經好夠味之後當然不得不試餐廳既招牌菜叉燒，果然係推介菜式，叉燒肥瘦適中，咬落去好腍，完全唔韌，叉燒邊有少少燶燶地，味道更加香，叉燒既醬汁仲可以用黎撈飯食至於燒肉既外皮就燒到好脆口，脂肪同肉嘅比例差唔多，唔會太過鹹最後要提一提呢個例湯，因為通常一般燒味店嘅例湯都有味精，飲完之後會覺得口渴，

大圍站外面近年開咗呢間金漆招牌嘅餐廳無論早．午．晚都好多人無何時段都企滿人喺門外等位 / 外賣嘅食客見下午茶好抵食，我又嚟品嚐下先✨迷你叉燒飯份量比預期中多，唔係想像中咁迷你叉燒肉質好腍，肥瘦適中，唔會太乾太鞋加上有少少燶邊好香口果然係必食嘅招牌菜✨意式香草茄茸豬扒拼火腿意粉加咗香草嘅鮮茄茸醬汁好惹味，豬扒煎得金黃，厚厚啖啖肉仲有切位，容易入口配埋沙律菜同火腿，份量充足✨餐湯清清地唔油膩，仲有好多豆豆同豬肉✨柚子蜜食叉燒配杯柚子蜜中和一下，甜度適中夠冰凍下午茶都有呢個質數，真係超抵食，唔怪得咁多人啦下次唔想煮飯，可以斬料返屋企加餸喇

做野經開大圍 見呢間餐廳門口勁多人等外賣好似係主打叉燒 燒味嘅茶餐廳應該唔會中伏 就入咗去🤓佢分左2層叫完野食好快就到左下午茶叫左2個餐 加2杯凍檸茶都係$88又幾抵玩炸魚柳漢堡包配沙律🥗漢堡包塊魚柳都幾大塊喎炸魚柳漢堡包是一個經典的快餐食品，裡面包裹著炸魚柳、生菜、番茄和醬料，口感香脆多汁。麻醬沙律🥗份量都多 裝滿晒成隻碟生炸雞髀🍗伴薯角真係好邪惡啊 兩樣都係炸物減肥好耐冇食過了🥲🥲雞脾炸到金黃色 上枱熱辣辣 薯角香脆

喺大圍收工，見呢間門口都幾多人幫襯，就買咗兩盒外賣，自家XO醬豬扒滑蛋飯（跟例湯） - $58先說份量，很大盒，豬扒很大塊，豬扒滑嫰有肉汁，味道惹味，肉質稔滑，板煎冬菇馬蹄肉餅煎蛋飯（跟例湯） - $58肉餅煎得很香，餡料多，馬蹄爽口，口感豐富，餸飯一流，而且肉餅厚身，好抵食，附送的例湯，合掌瓜湯，味道清甜鮮美，不會過咸，也有很多合掌瓜，總結：餐廳出餐快，外賣不用等太久，店員招呼親切，餐點份量足，味道不錯，勝在不會過咸，可以做飯堂。