沙田一至尊燒鵝·生滾粥品專門店 (Closed)

好耐沒有來石門這個地方 , 記得早幾個月 , 我差不多每兩星期就來一次 , 而且次次也會來這裡食燒味飯. 這裡的燒味飯 , 好似落了藥一樣 , 食完好想再食 , 而且價廉物美 . 1個月沒有到訪 , 今日再次光顧 , 門口還是有很多人排隊等位 , 始終好的食物 , 無論在任何時候也會吸引一班識食之士 .今晚, 我點選了他們的皇牌叉燒飯一碗. 叫飯會另送一碗例湯 . 先講講叉燒 , 現在可以說家中也可以做到 , 只要你有光波爐 , 烤箱 , 氣炸鍋 , 什至只有一個煎 Pan , 只要用上叉燒醬 , 就可以做出一份叉燒 . 但說到叉燒的質數 , 無論點做出來 , 始終和燒味店有分別 , 在家中無論點做也做不到用炭火燒出來的味道.這家店的叉燒 ,  下知道是否用炭火燒出來 , 但應該是在店鋪內每日新鮮燒出來的. 今次的叉燒 , 和之前一樣 , 肉質鮮嫩 , 味道有一種酒香 , 鮮豔的顏色 , 再加上有一點點燒焦的味道 , 可以說是沙田區 No 1, 也不為過.由於今次我忘記了同 staff 說要半肥瘦 , 所以師傅只俾了一份正常的叉燒我 , 雖然不是我的至愛 , 但食落去 , 味道如一 ,

又來到石門了，隨意走進試試。看看餐牌，價錢正常，便試試這裏的燒鵝吧！先來試試燒鵝和叉燒，賣相看來可以，分量正常。瘦叉燒看來不錯，入囗不柴，味道正常。燒鵝是上裝翼位，心想這部位會有點柴，但入口卻有驚喜。燒鵝皮脆脆的，有點甘香味，而肉質亦不會柴實，不錯的選擇。生滾牛肉粥，粥底綿綿，牛肉嫩滑，大大碗。炸兩是香港獨有的美食，但不是每間店舖都造得好吃。這店舖就弄得不錯，腸粉皮入口質感滑滑的，而油炸鬼亦鬆脆可口，兩者配合非常好。晚市還包湯一碗，沒有味精。下次再戰燒鵝全體。

呢間燒味舖，可以話係我的飯堂之一，每次也不會失望。如果要評分，至少有 80 分，佢的叉燒帶少少甜味，肉質軟軟地，有少少酒香。今日有少少飽，唔係我一定會叫多碟鵝，佢的鵝也一樣不錯。

沙田一，睇個名即係話沙田第一名，呢間野睇落好似好出名，門口掛起啲燒味睇落都唔錯，又多人幫襯，咪諗住去買半隻燒鵝外賣返屋企加餸，點知返到屋企打開個盒，發現起碼冇咗最少五六舊，我都明師傅有時會攞你一舊半舊，但係攞成五六舊真係好過份，半隻燒鵝，我食咗兩舊胸，其他嗰啲都唔知去咗邊，仲有隻鵝脾，隻上髀又係唔見咗嘅，半隻鵝都要成$248 㗎，隻鵝味道係唔錯嘅，但係啲師傅手腳咁唔乾淨，影衰晒成間店。味道係唔係第一名就唔知，但係偷工減料來講我買咗咁多年外賣燒味呢間真係第一名啊

燒鵝好食，肉實皮薄冇肥膏。其餘小菜一般，偏咸，食一啖菜，食一舊魷魚就要爬一大啖飯。同埋，上菜速度可以改善。環境少少日式拉面店感覺，個人推介燒鵝，其他未食過既應該唔會試到。

呢家野燒味係唔錯 但係員工質素奇差落少單找少咗錢（佢自己都記得找少）啲外賣擺喺度又唔叫（員工企喺度發吽豆）出邊落緊雨等到嬲問吓先知原來擺喺度果盒就係三盒飯三碗湯用同一個袋都算盒湯又Cup唔實 返到去得返半碗都冇食到一肚氣

邊個話深井先有靚燒鵝？沙田一樣有😆今次推介位於石門這間「沙田一燒鵝·生滾粥店」比大家❤️招牌「古井燒鵝」相當有驚喜👍🏻 個皮燒到脆卜卜🤤 肉質相當鮮嫩。金牌「蜜汁叉燒皇」厚薄剛好，半肥瘦冇得輸！平時唔食肥我都食晒🙈 少少濃又唔會太過火😋「燒味三拼」有油雞、燒鵝、燒豬，一次過滿足三個願望😁 油雞好滑～ 燒豬做到皮脆肉韌👍🏻我試左兩款生滾粥，煲到軟綿綿🤤「荔灣艇仔粥」相當足料🈵 係我至愛既粥款🙈「及第粥」加猪心、豬潤和猪粉肠，聽見都覺得滋補😹有粥當然唔少得要叫腸粉啦！身為腸粉愛好者嘅我，第一次試呢間店嘅齋腸，又幾滑，加埋甜醬、麻醬，好有兒時的味道🤣👍🏻

今日到沙田石門開會 午飯時間要周圍搵野食 上一次我已經食過呢一間餐廳 一直對佢既膿邊叉燒念念不忘😍 今日我又再次食我最鍾意食叉燒 亦都試過好多唔同叉燒 酒店、茶餐廳都有試過 今日經過又俾掛出來的叉燒吸引住於是今日我又試試不過今日我無堂食 因為枱與枱之間坐得好近 所以我就叫外賣拎走 我叫了一個雙拼飯 係我猶豫左好耐究竟叫什麼 我最終決定要一個叉燒和燒腩仔燒味飯 雖然我叫外賣 但是質素跟堂食是一樣的 先有一個湯叉燒有少少窿邊食起來很香 最重要是濃邊 不得了❤️

幾年前開張時食過外賣，燒味都唔錯。今日好想食粥所以去堂食試吓。至尊燒鵝you kidding me ?都幾失望，一味肥，冇肉，塊片又燶又乾，都食唔到。另外叫咗個奄仔蟹砂鍋粥，$88，一人份量，蟹麻麻地，冇蟹羔，第一次食蟹粥係咁嘅色，竟然可以冇乜蟹味！成碗粥最多係薑絲同蟹殼碎，隻蟹求其切開幾件個粥真係唔合格另外叫咗個腸粉，$20得幾條腸粉，唔熱嘅，得碟豉油，乜醬佢都話冇呢段時間，其他餐飲地方都好緊張衛生，但呢度就超求其，有人唔戴口罩，枱亂抹，冇任何衛生用品，冇嘢俾人消毒同清潔。張枱好污糟，餐牌餐具都好油。

每星期平均幫襯一次堂食，最近抗疫期間經常買外賣，已經第三次發現以上情況，外賣叉燒燒鵝瀨粉剩係得骨頭（見圖），上兩次啲燒鵝已經係燒濃。外賣同堂食一樣價錢，為何外賣嘅質素爭咁遠？唔好因為外賣冇得check而俾一啲咁差啲嘅食物俾顧客。希望餐廳能夠注意。

食過幾次，叉燒堅好味，粥方面亦好足料又夠"眠"剛剛再幫襯，員工的衛生意識令人咋舌😳 雖然出得街食野就預左，頂多眼不見為乾淨。先唔講粥裡面有條長長的頭髮；員工用布抹檯櫈，以為佢地做得咁足，點知個阿姐抹完櫈整跌塊布落地，執返上黎繼續抹櫈都算，仲繼續抹埋檯，睇到我地O 晒咀。另一個阿姐仲堅，帶住黑色膠手套，倒完垃圾再帶住對手套送碗粥黎😵😵唔知佢地不嬲都係咁定點，但喺武肺呢個非常時期，可唔可以乾淨d，我地短時間內都真係唔敢再幫襯

午市時間入去買飯，見佢入面無乜客都覺得伏伏地，56幾蚊個燒味飯無嘢飲都唔係平，好食就得，點知d叉燒好似樹皮咁，標榜出名嘅燒鵝又瘦又乾，係街市30蚊果d燒味飯好食果佢，我覺得25蚊都多佢

傳統廣東燒味店的印象意符都是圓枱、例湯、磁磚、油膩、粗魯麻甩。如何打破傳統，走向新潮，邁向劃時代燒味店，是很好的思考元素。自十多年前太興老闆陳生，用『舒適＋茶餐廳』營運模式成功之後。許多坊間燒味店都以此模式經營，未再有新改變了。此間沙田一都是走這路線，但比太興做得出色。市場營銷方面以日本和風裝修、燈箱白底黑字、簡約化餐單，最重要還肯在制服上花心思。想必老闆是一有品味之人。出品方面太興始終由中央工場備料，質素難控制，經常參差不一。這裡明顯味道較好。下午茶時段光顧，點了燒鵝燒腩飯。賣相實際，用上圓碗，底淺面深，將主角燒味部分托高，影入眼簾已胃口大增。下午茶例牌斬五件，燒腩五件，皮脆肉嫰，味道合適，橫看皮肉膏層層分明。燒鵝五件，明顯是左搭右搭，色水不齊，明白下午茶都是用下欄料饗客，師傅盡力了。鵝皮難得仍脆，肉味濃，爐火根基掌握凖確。

話說我個仔比卡豬係叉燒控，所以做爸爸嘅我經常四圍搵靚叉燒俾佢食，街坊推介沙田一，我唯有以身試食，叉燒油雞飯 ，叉燒夠腍有小小燶，係我個仔鍾意嘅口感，ok!油雞都好嫩滑，夠入味，出色；個例湯上枱仲熱辣辣，又唔會溝到淡哂；侍應服務態度良好，加分!

在京瑞廣場開了一間叫《沙田一》的燒臘茶餐廳飯店。新開時，吸引了不少區內人士一窩峰的來試。而我是等待到熱潮冷卻少少之後才來的。這《沙田一》掛了一隻鵝頭在招牌上，果真是一間掛鵝頭賣鵝肉的燒臘店。而且，好多人都知道這兒賣古井燒鵝，這兒的鵝出色，就好自然地，排晒隊都要試一試。既然《沙田一》的招牌是古井燒鵝，所以我一坐低，二話不說就點了一個叉燒燒鵝飯。叉燒也是以瘦肉為主，不過這兒用的是近似梅頭肉的部位，很腍的。燒鵝，皮脆絕對是吸引的，再加上鵝肉同飯都有鵝油的香口味道，附上的酸梅醬也夠濃，而且夠好肉，大大啖飯，大大啖鵝肉，大大啖叉燒，喜歡食燒臘的一，會很開心。奶茶很濃，但奶的份量明顯地落得不夠。影響了整個味道。這一杯茶，我俾唔落分。《沙田一》，燒臘的確是出色，坐位也算是舒適的。這也是到今時今日，仍然要排隧等位的原因。