Video
Opening Hours
Today
07:00 - 21:00
Mon - Sun
07:00 - 21:00
Above information is for reference only. Please check details with the restaurant.
About Reward Scheme
Offers
聖誕假期想同老公一齊去食酒店buffet🍽️，想搵間近屋企嘅酒店同要食物唔錯嘅buffet，即刻就諗起荃灣嘅悅品酒店，而且仲有免費泊車🚙，真係好方便呀！呢期嘅主打係鵝肝添，係老公至愛😍！Buffet非常多野食，仲有多款海鮮，最正係有即開生蠔🦪！生蠔非常新鮮，有海水味同好creamy，老公食左唔止一打！鱈場蟹腳size唔細，而且好鮮甜🦀，啲肉係一梳梳仲彈牙。白蝦都係必食，新鮮彈牙仲要有膏！食完凍海鮮就見到廚師煎緊鵝肝，緊係即刻去排隊啦🤩！廚師每次煎10件到，排3-4分鐘就拎到。鵝肝仲煎到個面非常香脆，而且好juicy，一啲都唔乾，配上甜醋醬同脆口嘅多士真係一流！老公一個人就食左3件😆！最估唔到係有焗芝士波士頓龍蝦🦞！波士頓龍蝦焗完仲好juicy，同非常彈牙，配上香濃嘅芝士🧀，又係必食返本之選👍🏻！肉類方面，燒紐西蘭西冷牛扒🐮同燒羊鞍🐑又係非常唔錯，好juicy同有肉味！熱盤仲有好多，必食返本雲腿花膠鵝掌扒翡翠同星洲黑椒龍蝦鉗！其他熱盤都好唔錯，仲要有天婦羅同爐端燒，款式真係非常多！之後又係時間食啲刺身，刺身有7款咁多！最正係阿根廷赤蝦🦐同三文魚🐟！阿根廷赤蝦超大隻，個頭超多膏，非常甘香！而蝦身大大隻同好彈牙，超級新鮮！而三文魚大大塊有油份，好鮮甜肥美！再食返個蝦仁荷葉飯🍚同燉蟲草花鲍魚螺片湯🥣暖返個胃就開始食甜品🍧！呢到甜品仲好好玩，有得自己整窩夫🧇！仲有個教學係到，包無失手。老公整嘅果份窩夫夠脆同有蛋香，整完之後仲可以自己加醬，我地仲加左個Häagen Dazs雪糕🍨去窩夫到。📍The Platter葵涌青山公路 - 葵涌段443號悦品酒店‧荃灣LG樓
continue reading
趁住聖誕前🎄🎅🏻同朋友去「The Platter」食海之誘惑全自助午餐(2位)🍽️.刺身🌊有吞拿魚、鯛魚、三文魚🐠馬刀貝、墨魚🦑刺身新鮮😋旁邊仲有漬物同中華沙律🫚.凍海鮮❄️有麵包蟹🦀蝦🦐青口、翡翠螺🐚麵包蟹同翡翠螺非常大隻😍蝦肉爽彈😆加上海鮮汁或檸檬汁更加提鮮🍋.冷盤🥢有鮮紅菜頭蘋果沙律🍏蜜瓜柚子魷魚沙律🍈泰式鳳爪沙律🇹🇭🐓粟米火腿雜椒沙律🫑香草扒雜菜🌿🍆雜錦凍肉🥓🍖煙鴨胸🦆芝士拼盤🧀🥕🥒健怡沙律吧🥗🫒🍅🫘蕎麥冷麵🍜款式新穎又開胃😛.湯品🥣有花生黑豆煲豬骨湯🥜🦴西蘭花忌廉湯🥦旁邊有多款餐包提供🍞🥯🧈花生黑豆煲豬骨湯入口清甜滋潤而且唔油膩😌.熱盤🥘燒原條肉眼🥩酥皮焗三文魚🐟辣酒煮花螺🌶️金銀蒜蒸扇貝🧄海鮮炒長通粉🔥紅酒燴牛肉🍷🐄避風塘炒賴尿蝦🍤美式芝士焗魚柳🫕咕嚕雞🐔🧅福建炒飯🍚清炒時蔬🥬炸雞寶🍗薯寶🥔BBQ Station🍢咕嚕雞醬汁調得酸甜適中👍🏻但肉眼燒得太乾🥺花螺同賴尿蝦亦比較細隻🥲.甜品🍮有朱古力噴泉🍫棉花糖☁️自製窩夫🧇Haagen Dazs雪糕🍨雲呢拿忌廉泡芙🍩明月冰卷、薑餅、芒果布甸🥭歌劇院蛋糕🍰蛋花大菜糕、京都綠茶卷🇯🇵草莓慕斯杯🍓CocoBerrry雪糕🍦水果🍎🍉.飲品🥤有汽水、啤酒🍺橙汁🍊紅茶🍵中國茶🫖Detox Water🍋咖啡☕️雜果賓治等🍹紅茶可自行加檸檬或鮮奶整檸檬茶或奶茶☺️
continue reading
我嘅大食閨蜜成日都周圍發掘性價比高嘅自助餐😂 今次又俾佢搵到間喺荃灣（葵興交界）嘅酒店自助餐！悦品酒店喺荃灣同埋屯門都有，最近佢哋主題係「蟹逅之夜自助餐」😳一睇就知道可以狂食蟹！呢個自助餐真係非常多嘢食！凍盤海鮮有鱈場蟹腳、麵包蟹、白蝦、藍青口、翡翠螺，仲有生蠔任食！ 仲有各種刺身、芝士焗龍蝦、同埋好多款唔同口味嘅炒蟹😍而家大閘蟹季，入座仲每位送一隻大閘蟹！佢哋嘅甜品款式都好多，官網做緊75折優惠，計埋加一每人$500都唔使！非常抵食🥰============ヽ(○´∀`)ﾉ♪✰自助餐詳情：❥每位奉送大閘蟹一隻* (2024年9月14日起供應*)❥鱈場蟹肉蟹籽芒果沙律❥香脆炸蟹鉗❥軟殼蟹天婦羅❥新加坡胡椒蟹❥避風塘炒蟹❥芝士海鮮焗釀蟹蓋❥泰式紅咖喱蟹❥竹籠花雕蒸蟹糯米飯❥日式蟹肉味噌海鮮湯❥即開活生蠔❥冰鎮海鮮 (鱈場蟹腳、麵包蟹、白蝦、藍青口、翡翠螺等)❥雜錦刺身 (三文魚、鯛魚、阿根廷赤蝦、魷魚、北寄貝、赤貝、吞拿魚等)❥焗芝士波士頓龍蝦❥燒原條穀飼肉眼扒❥燒羊鞍❥蟹肉扒西蘭花❥蟹肉三文魚香芒蟹籽炒飯❥天婦羅❥爐端燒❥自製雞蛋仔❥桂花糕❥朱古力噴泉❥多款西餅蛋糕及新鮮生果❥Häagen Dazs雪糕等============ヽ(○´∀`)ﾉ♪✰75折優惠時段：♡星期五❥6:00PM - 9:30PM：▫️成人 - HK$538 （折後$403.5）▫️長者 - HK$468 （折後$351）▫️小童 - HK$358（折後$268.5）♡星期六、日及公眾假期❥5:45PM - 10PM：▫️成人 - HK$588（折後$441） ▫️長者 - HK$498 （折後$373.5）▫️小童 - HK$388（折後$291）
continue reading
鍾意食蟹🦀嘅朋友仔有福啦！依家The Platter (悦品酒店‧荃灣)做緊以蟹🦀做主題嘅自助餐 - 《蟹逅之夜》，仲可以食足3.5小時，多款不同蟹類食品酒店仲有個戶外地方 -UG/F, Grazzi Garden戶外花園 ，天氣好時可出去影相打個卡，飲杯嘢，relax 一下真驚喜！每位奉送一隻大閘蟹🦀，飽滿多膏😋，酒店還提供熱薑茶，十分貼心❤️🔹冷盤🔹🔸蟹腳🦀：新鮮鮮甜🔸麵包蟹🦀：勁多膏🥰🔸即開生蠔🦪：海水味濃、超鮮甜🔸青口、翡翠螺、凍蝦、冷麵🔹熱盤🔹多款海鮮食物：🔸胡椒炒蟹🦀🔸避風塘炒蟹🦀🔸海鮮焗釀蟹蓋🦀🔸天婦羅軟殼蟹🦀🔸芝士🧀焗龍蝦🦞：吾單字啖啖肉，龍蝦仲有橙紅色的膏😋🔸炸乳鴿、燒羊架、烤肉眼、豉椒炒蟶子、串燒🍢、天婦羅🔹沙律🥗🔹芝士拼盤、風乾火腿及凍肉、蕃茄、粟米、雪場蟹肉籽芒果沙律、薯仔沙律🔹刺身🐟🔹三文魚、吞拿魚、墨魚🦑、馬刀貝、紅蝦🦐等等🔹湯品🥣🔹🔸西湯：黑松露忌廉惹菌湯🔸中湯：蟲草花煲雞🔹甜品🧁及水果🔹朱古力噴泉、自製夾餅、綠茶卷、泡芙、士多啤梨mousse、雜果啫喱、朱古力蛋糕、Häagen-Dazs雪糕、西瓜🍉、蜜瓜🍈、菠蘿🍍🔹飲品🔹橙汁、茶飲、咖啡奶茶、罐裝飲品
continue reading
昨日，我和老公難得享受了一個半日的 ME TIME，來了一場約會。首先，我們去了荃灣的 COZI HOTEL悅品酒店- The Platter 餐廳品嚐海洋誘惑自助午餐。這個主題明顯是提供了各式各樣的海洋美食啦，興奮!一進入餐廳，我們首先被冰鎮海鮮拼盤吸引，裡面有黃金螺、凍蝦、麵包蟹和藍青口，色澤鮮豔，令人垂涎。每一口都彷彿能感受到海洋的鮮味，特別是凍蝦，肉質彈牙，配上檸檬汁，真是絕配。而金銀蒜蒸扇貝則是另一道令人驚豔的菜式，蒜香濃郁，扇貝鮮美，簡直是完美的組合。除了海鮮，餐廳還提供各式各樣的雜錦刺身和日式小食，甜品區，除了傳統的朱古力噴泉外，還可以自製格仔餅，這讓我興奮不已，簡直像個小孩！每一口都是幸福的味道。而且，我最喜歡的 Häagen-Dazs 雪糕無限任食，讓我驚喜不已。這個自助餐的性價比非常高，加上我們還鬥25% 的折扣，讓這次的 ME TIME 不僅讓我們吃得非常滿足，也讓我們的心靈得到了放鬆。餐廳上一層還有Grazzi Garden是狗狗友善區，很貼心啊!
continue reading