Video
Above information is for reference only. Please check details with the restaurant.
上星期去銅鑼灣希慎廣場地庫嘅 foodcourt，想食啲健康啲嘅選擇，最後揀咗「鍋點 The Pot Spot」作午餐。呢間主打自選湯鍋，可以自由揀配料同湯底，啱晒想食得清啲又有飽肚感嘅人。今次我揀咗菜肉餃子、雞翼腎、時菜，主食就揀咗蒟蒻麵，全部加埋一共$81。菜肉餃子餡料清香，雞翼腎夠腍，時菜新鮮，整體味道清爽。蒟蒻麵唔含澱粉質，食落煙韌又唔怕升糖，對於注重健康或者控制血糖嘅人嚟講係一個好選擇。湯底味道夠淡而不寡，飲落唔會覺得重口味。成餐食完有飽足感但又唔覺滯，適合工作日想養生或者減壓嘅時候嚟食。雖然價錢唔算平，不過質素值得，會想再試其他配搭。
continue reading
呢間「新派潮中菜」菜品種類簡直豐富到超乎你想象!!將唔同國家嘅美食巧妙融合一齊，每一道菜都凝聚住大廚滿滿嘅心思，真係超級用心❤️日本溫泉蛋鮑魚飯🍲溫泉蛋蛋嘅質感如絲般幼滑，輕輕一戳，蛋液好似金色嘅瀑布般傾瀉而出，將鮮嫩嘅鮑魚浸浴其中😋鮑魚嘅品質真係冇得彈，個頭碩大咬落去彈牙爽口!!裡面仲有蔥油培根脆脆拌飯，簡直係我每次嚟都必點嘅✨✨食嘅時候充分攪拌均勻，每一口都能同時感受到蔥油嘅香氣、培根嘅焦香同埋米飯嘅軟糯，真係一種極致嘅享受🤩酸菜鱸魚石鍋飯🐟魚肉嫩滑得嚟又冇骨，入口即化✨嚟上一口湯酸辣口味🌶️簡直太開胃啦!!再配上一碗香噴噴嘅白米飯🍚，食完真係好滿足😋
continue reading
想試好耐但係每次經過都已經食咗嘢，想像到會好飽所以一直都未食>< 今日終於偷到一餐嚟試！一路覺得餐廳成個感覺都好中式，點解會賣咁日式嘅甜品呢，今日等嗰陣先發現與其話中餐，佢更加似日本嗰啲中華料理店，即係煎餃啊麻婆豆腐飯嗰啲🤣講返個甜筒先，落單之後店員即刻逐層逐層砌入面嘅配料，跟住再喺客人面前壓面頭嘅抹茶栗蓉，份量唔少都幾壯觀，如果有食正餐真係要2個人先食得晒，都算對得住$78呢個價睇返介紹，雖然layer好多但係上半同下半基本上係重覆嘅嘢🤣分別係抹茶栗蓉、雪糕、檸檬果醬、紅豆蓉同埋有抹茶醬嘅海綿蛋糕如果係為咗抹茶嘅話我覺得就唔洗試喇，抹茶味真係欠奉🤣但係鍾意係栗蓉啊芋泥啊呢啲碳水甜品嘅話一試無妨，單純用栗子蒙布朗嘅角度嚟睇佢其實都幾好食😋栗蓉好滑身，雪糕同檸檬果醬都好解膩，仲有一絲絲檸檬皮感覺好天然唔會太人工糖漿咁，如果可以改進返抹茶嘅部份就好喇我估餐廳應該要跟返日本嗰邊嘅配方？不過如果雪糕可以換做抹茶味雪糕，同埋表面篩返抹茶粉會好好多🙂↕️仲有幫佢改返個中文名，我同我後面落單嘅客都係指住張相話「要呢個」😂
continue reading
希慎廣場有很多食店, 今次試下鍋點, 見到D蓋飯好吸引, 而且價錢唔算貴 食物 : 豬頸肉黃金撈飯 $78 ~ 個蓋飯上面舖滿豬頸肉, 飯面就舖滿黃金醬, 見到真係好吸引, 但係唔知點解D豬頸肉硬到咬唔開, 真心失望, 黃金醬有很多, 咸咸香香撈飯好好食, 飯底有很多, 食完好飽 飲品 : 樽裝綠茶 $10 環境 : Food Court 地方大, 容易揾位 服務 : 職員有禮貌 價錢 : HK$88 (無加一服務費)
continue reading
有套餐選擇，午餐盛惠108，有主菜、蔬菜和飲品。最重要是老闆娘十分nice。好食、健康，推薦。 小棠菜份量足，在銅鑼灣吃到高質素的工作餐，真的非常開心，下次會嘗試抹茶雪糕。
continue reading