宅麵專門店 (Closed)

今日晚餐時間經過見到角落位置有一間唔大唔細既拉麵店，剛好在做折扣，就試一下啦。晚上9點至11點為宵夜時段~~~部份食物有折味道偏清淡，蔬菜都算比較多，如果唔想食咁多肉既朋友可以試一下^^不過食肉獸就應該唔太滿意啦。上枱之後等一下先攪拌會有少許“飯焦”超香口拉麵味道偏濃，配料份量都好足~不過反而麵底偏少，如果要加底店員會要求顧客食到咁上下先再加，因為唔希望拉麵浸係湯入面太耐影響麵質係拉麵店第一次食熱狗熱狗細細，餡料充足，食完正餐叫多份熱狗都唔會太過分

今晚同老婆在九龍灣睇完戲，在淘大商場搵野食，經過此店時見宵夜時段7折優惠咁抵，我地咪入去幫襯左2碗$79的拉面，食完感覺同味精拉麵差唔多，好似味精拉麵仲平d。結帳時收我們$126.4，但我俾完錢行左一陣，諗諗下$79 x 2 x 1.1(加一) x 0.7 (7折) = $121.66, 計落好似俾人昆左幾蚊。而家我仲俾老婆係咁話我死蠢 😦😦，下次食完野記得check 單

今晚同老婆在九龍灣睇完戲，在淘大商場搵野食，經過此店時，麵店伙計以宵夜時段7折優惠招徠，我地見咁抵，咪幫襯下啦。入到鋪頭各自叫了$79的拉面，食完感覺同味精拉麵差唔多，其實味精拉麵可能仲抵食。埋單應該係$79 x 2 x 1.1(加一) x 0.7 (7折) = $121.66，但結帳時張單收了我們$126.4，我計左好耐都計唔到$126.4，想返去問店又關左門，唉，都唔知係咪俾人昆左幾蚊，而家同俾老婆話死蠢 😦

新一年的晚上由睇戲開始睇完戲都8點幾咯，喺淘大覓食⋯⋯行過見到間迷你拉麵店！老公話試下喎成間鋪位唔多，得20個位，仲要痴住坐⋯好彩嗰個時間唔多人。望一望餐牌⋯ 有加一所以唔會叫7x嗰啲餐！我叫左個豚肉飯⋯比多3蚊加個粟米佢個飯好多菜！I LIKE IT！但豚肉就得3塊⋯⋯而且似瘦肉⋯⋯無嘜味好彩個汁都ok！成個飯攪勻後有啲似pepper lunch！都比想像中正常嘅⋯⋯ 跟餐小食叫左餃子⋯⋯好難食！林bat bat⋯⋯無肉味，醬也不好！ 老公叫左豚骨拉麵！湯底係拉麵嘅精髓所在，但偏偏佢個湯底得個咸字，加埋啲麻油味精咁，麻麻地囉⋯面底冇乜特別，不會過淋，ok 啦至於豚肉，質地似煲湯瘦肉，不過佢入味啲咁囉⋯⋯ 呢個餐就跟左胡麻豆腐⋯⋯ 哈哈！一睇就知係百福豆腐！可惜啲胡麻醬唔夠味⋯⋯唔知佢用咩牌子呢餐飲方面⋯⋯杯蜂蜜紅茶是無味的！凍檸樂得一片檸！完全唔想加一囉！！總括而言⋯⋯應該唔會再幫襯

小編今晚突發奇想，想嘗試泰國菜，距離上次吃泰國菜的時間已有2年，所以還很期待，於是便到泰國最出名的九龍城享受晚餐，在眾多泰國餐廳內選擇實是非常困難，每間都各具特色，有屬於自己的招牌菜。對我而言，吃泰國虎蝦是其中一樣最重要的菜式，所以便選了這間昭拍耶來嘗試一般，本人立即叫來試下，其蝦鮮味極甜，能感覺到是新鮮味道，這種面蝦在市面上真的難以找到了。接下來要吃主菜了，小編叫了一條明爐大爐魚，其魚配以酸咸的湯底，飲一口便胃口隨即大爭。魚的份量又大，配料又好足，非常抵食。小編極度推薦這間餐廳去試食，真的非常好吃及抵

好少會黎淘大呢面, 黎到呢道真係好多餐廳, 花多眼亂, 行行下見到間拉面店無乜人排隊, 於是走入去醫肚午餐時間有set lunch,有齊拉面/飯加小食, 飲品 重有學生優惠 呢到都幾多選擇, 又有少見既沾面, 不過初黎報到, 加上係愛辣之人, 所以揀左辣味噌拉麵 加餃子同凍蜂蜜綠茶。 因為有學生優惠又忍唔住叫多個蕃茄沙律首先黎既係蕃茄沙律蕃茄非常鮮甜爽脆, 加上甜甜地又有濃郁芝麻味既芝麻醬, 連埋伴碟既少少蔥食, 真係好味到暈之後黎既俾熱辣辣既餃子餃子煎到脆卜卜, 咬落去d餡好多肉汁, 菜同肉既平例均勻, dip 埋少少餃子汁, 真係多多都食得哂主角拉面終於出場食拉麵前緊係飲啖湯先啦雖然未去到我預期中既辣度, 但係豬骨湯底非常濃, 配埋拉面好正。 鹵水蛋蛋黃好流心, 又夠鹵水味。 叉燒肥瘦均勻, 一d都唔老身。至於杯蜂蜜紅茶就有d遜色, 有d過甜, 不過其他食物已經彌補到杯紅茶既不足因為重有好多拉麵未試, 好似沾面同牛油拉麵, 所以一定會黎再試

閒逛九龍灣, 看完電影覓食, 見頭頂店名特別, 有座位就進去了. 地方淺窄, 三排單向座位, bra枱看廚房, 面壁和向街(有貨物檔風景)的方位. 假日下午茶精選包1主食1飲料1優惠價小食, 以價錢來說連飲品算是便宜合理.本場豚骨拉麵 ($49) : 叉燒入口即溶, 拉麵質地適中不過份軟不過硬, 唯湯底遍淡, 不像日本地道拉麵. 日式叉燒蛋炒飯 ($29) : 全menu最便宜的食品, 日本米飯的特色是圓渾飽滿, 製成炒飯特別有嚼勁, 味道不算突出, 不過不失.五花肉叉燒沾麵 ($49) : 「無配湯配專用醬汁」在menu特別作為提醒未吃過沾麵的客人吧! 沾麵在尖沙咀有一家專門售沾麵的, 有興趣可去找找(我的食評中也有寫過), 如果只是嘗鮮就以為這家吃了就等於吃過的話... 請移玉步去一下正式吃日本拉麵/沾麵的店試一下. 又或者客觀點說, 在這區食店密集, 客人多為附近住客和一家大小, 口味改成合乎大眾會比較好賣的話無可厚非. 這碗半湯不稠的「醬汁」, 味道像是日式咖哩(偏甜)加了胡椒粉. 麵身和拉麵比較粗硬, 而五花肉的確夠肥, 脂肪比例高, 入口後除感油膩還有罪惡! 進食途中赫然發

食下午茶，叫左個豚肉拉面，優惠價加左個凍麻醬青瓜小食，單叫左個味噌熱狗(本來以為可以用優惠價再加多一樣小食，點知佢話一個餐只可加一樣)豚肉拉面個湯底好怪，有陣雪味，但成碗野無咩味。啲肉少少硬。。啲拉面都算細碗。。凍麻醬青瓜就幾好味(因為麻醬好味)，啲青瓜切到細細條，幾好味噌熱狗好細個，16蚊，不過個醬甜甜地又幾好味下午茶都要加一，即係一個餐(拉面+小食)都要42+4=46,好貴呀

午餐在淘大的宅麵。點了牛肉拉麵連埋加一飲品$50。碗鬼咁大隻，豬骨湯底味道如出前一丁味精湯，牛肉是街市炒菜心那種，毫無誠意，最慘是拉麵少得可憐，三箸食完。咁貴租既地方開間咁既拉麵，老實講試一次便夠，燒錢乎？自己麵個丁麵無咁嬲。

之前大讚的，味道經已不再。今晚食set dinner F,肥牛拉麵+燒牛仔骨滿心歡喜到來，麵到，點知。。。湯底淡而無味，麵未走夠水，肥牛得3小片。幸好個牛仔骨都還可以。。。講實話，唔會再去。。。佢唔算平架，我去食“七”蘭都得啦，爭幾蚊之嘛

係淘大返左工咁耐好多餐廳都食過曬,今日行過見到呢一個細既鋪頭,比別府,海皇呢D連鎖店夾住,平時都好難留意到. 望下餐牌見到一碗拉面只係30幾蚊,於是就同朋友一齊入左去試. 30幾蚊就有一碗拉麵, 真係好拭平時食一碗都差唔多成100蚊, 宜家仲包埋野飲. 我同朋友叫了2碗拉麵, 一碗味噌湯底一碗豚肉嘩一試就即刻後悔, 味噌湯底同平時飲開既唔同味, 從未試過食一個又咸又辣既湯底. 好奇怪 D面又硬 真係唔知點樣食落去. 朋友試埋個豚肉拉面, 除左豚肉太肥之外佢話都叫做食得落口, 但係個味噌湯底真係試完一啖就要係甘飲水, 各位叫之前真係要想清楚自己接唔接受到我同個店員講個湯底好咸食唔到可唔可以加店熱水 點知換黎既係一句我地無熱水就走左. 唉曬左30幾蚊叫一碗食唔到既拉面, 下次真係唔好貪便啦

我份part time起九龍灣，而我一向都好中意食麵，所以每次一想食麵，都會黎呢間食！又方便又好味。但次次食完都吾記得寫食評。。。今次終於記得！點知一開，就見到差評多過好評！吓？！點解會咁嫁？！所以移加拿拿淋寫番篇好評支持下！我次次都係食豚肉拉麵，然後再跟餐配蜂蜜柚子水。落單後，過左大概三分鐘，就上飲品，杯蜂蜜柚子用左個晶瑩剔透既茶杯裝住，飲品調得一啲都吾求其，蜂蜜同柚子嘅味到調配得恰到好處，我中意好甜嘅野，所以我習慣會再落多一包半砂糖，真係超級好飲！然後再過多三分鐘，拉麵就到啦！yo！拉麵份量其實吾多，但我好細食，所以ok la。先講湯底，湯底係味道濃郁既豬骨湯底，飲得出係每日新鮮煲嘅！吾太鹹好鬼好飲。拉麵口感彈牙，充分吸取左豬骨湯底嘅鮮味。我覺得齋食麵飲湯已經足夠！麵上配有半熟蛋半隻，蛋白熟蛋黃生，好食到飛起。豚肉一啲都吾刃，好易入口，配埋拉麵食，簡直係一流！百食不厭！

下午茶時間，係淘大行開想試下新野，有好多野都已經食過了，見到宅麵有TEA SET幾多野食幾抵咁就入黎食下。 TEA SET包一個博多叉燒拉麵，跟餐再加多個日式熱狗！ 拉麵係味噌湯底，好濃郁的味噌湯，唔會太咸岩岩好。叉燒口感還不錯，算係有肉汁同有咬口的，唔會話太淋身，幾好食呀！食哂個麵都未夠仲有個熱狗！個包算做得幾香口 醬汁係熱狗的重點，好惹味呢！而且熱狗上面的紫菜都唔會話淋哂，仲係好脆口的！可以一試！成個餐埋單都係$40 左右，幾抵食又飽！

前幾日食晏的時候去到淘大搵野食，黎到宅麵試下。因為都係平日，好快就可以入座啦。我同朋友一人一個拉麵，我叫左一個博多五花肉叉燒拉麵。五花肉面層個層係再用火槍燒，所以有脆口的口感，不錯！湯底是豬骨湯底，很濃郁的豬骨湯味，而且拉麵份量亦好足夠！流心蛋亦尚算有流蛋黃的狀態，都算可以啦～ 而朋友叫的是櫻花蝦味味噌拉麵，這款湯底我試過有點辣（我不太吃辣的），不過食得辣的佢就覺得可以接受啦，仲幾惹味咁話！配菜和叉燒的份量也剛好，肉質也很好，幾有口感～ 下次想再食拉麵都會再黎試下其他款的！

門口的燈箱，夜晚著左燈就更加易搵到啦！好有日本的感覺～ 店內不算大，大約都可以坐20人 ，不過地方都好整齊乾淨 ^^店內Bar檯可以見到師傅係廚房煮野的情況，一路煮一路聞到香味傳緊出黎就愈黎愈肚餓呀 >_< 睇左陣menu, 選左大蝦溫泉蛋冷拉麵～夏日熱辣辣食返個冷麵就岩哂，有WASABI同冷麵汁可以調味，食落都幾清涼，配菜都有青瓜感覺就仲清新。不過如果大蝦份量可以多返啲咁就最好啦。Dinner set 可以配埋飲品，成個餐都係$50左右 , 食拉麵的價錢黎講算中等啦！整體黎講野食都幾好味，不過份量可以再啲就最好，可以一試呀。