波士廳•101

Open Now

Now Closed

餐廳位置有點難找，入口在L3左轉才看見。到達101樓，有幾間餐廳。因為沒有訂位，所以坐唔到窗口位。餐廳位置寬躺，坐位很舒適，待應也非常有禮貌。唯一感覺美中不足，係碟子不太乾淨，這是唯一扣分位。食物價錢偏貴，可是物有所值，叫咗8樣點心。大部份都很美味，只有一碟手袋牛肉酥比較一般，太過乾身。XO醬非常好味，食咗好多。最好食係松露脆皮豬，松露味好香，外皮夠脆又乾身，必食。價錢差唔多，相比起幾個星期在IFC的”舍”飲茶，呢間無論係景色，食物質素以及待應服務，絕對贏好多條街。

由中環 到 ICC 已經7年了 ，🤣人變 餐牌變 ，但味道一樣咁好 💜果然係米芝蓮一星團隊。店員多數都好nice ,環境唔嘈，都幾享受吓。一間餐廳可以經營咁多年都係有佢嘅原因。鹹水角親戚脆皮松露豬好得意唔捨得食。唔係到到都有煲仔飯，呢度就有仲可以煲到飯焦！好神奇綠色嘅炒飯真係第一次見。香蔥瑤柱帶子粒炒飯喺香港都係第一次食，好特別好清新嘅䓤味，最緊要係冇炒飯嘅肥膩感，值得一試。泊車又方便，有代客泊車4小時免費，食完野去行街都冇問題。

打電話預訂服務質素差，有valet parking但車好似要曬，所以都係泊去elements算。叫咗鐵觀音，完全冇香味，又一城嘅八月花仲好味。野食非常非常超級麻麻，叫咗2隻蝦餃，叉燒腸粉，同魚翅灌湯餃。唯一好食嘅係xo醬。蝦餃啲味打電話預訂服務質素差，有valet parking但車好似要曬，所以都係泊去elements算。野食超級麻麻，叫咗2隻蝦餃，叉燒腸粉，同魚翅灌湯餃。唯一好食嘅係xo醬。蝦餃啲味霉霉地，個皮都ok，整體唔係好新鮮。叉燒腸粉啲肉有啲鹹，啲肉好細粒。魚翅灌湯餃個味道一般，個皮質感霉霉地，啲餡有陣怪味有九龍城市景睇，俾錢黎居高臨下。埋單 $380 有找。以後都唔會再黎。

波士廳 (The Sky Boss)2013年評為米芝蓮星級食府位於九龍站天際100 (Sky 100)，天際100 目前是全港最高的大樓，餐廳觀看香港美景一覧無遺。今天享用午市商務套餐，整個九龍半島在我腳下，居高臨下，香港 (東方之珠) 著名景色，盡收眼簾。波士點心拼盤🟠鮮萵筍蝦餃皇 - 餃皮厚薄適中，口感煙韌，萵筍味道清新，鮮蝦爽脆彈牙，鮮嫩多汁香氣十足🟡魚籽醬燒賣皇魚籽醬色澤光鮮，鮮香夠味，加上鮮蝦肉燒賣，嚼感十足，口齒留香🟣蒜香鮮蝦春卷春卷皮外脆內嫩，蝦肉爽口彈牙，而且散發香蒜鮮香，春卷幼條狀，容易入口生磨杏汁燉白肺湯🍛濃郁杏汁味道，白肺富有膠原蛋白，潤肺止咳，味道甘甜清香大灒凰沙大蝦球🦐金黃色澤的大蝦球，多汁的新鮮大蝦，包過著金黃色的鹹蛋，香氣撲鼻，增添一股幸福的喜氣原隻吉品釀豆腐🤍鮑魚味濃郁、鮮甜味明顯，而且厚肉爽身，無論口感、味道皆一流，釀入豆腐，和伴碟的菜苗，重點在於濃淡得宜波士炒飯🥘炒飯粒粒分明，加上鮮蝦及蔥粒，顏色悅目，而且散發香葱味道，香味撲鼻，令人食指大動冰糖雪梨雪耳杏仁糖水🍲雪梨切成粒狀，糖水甜度適中，清甜潤喉，加上雪耳杏仁，非常滋潤。推薦的菜式: 原隻吉品

真係要介紹你地去一間中菜餐廳😌叫做"波士廳"，响101的。其實我自己食過兩次，但兩次我都覺得質素好，因為除咗食環境之外，佢地嘅食物水準及菜式都好特別。佢地嘅杏汁豬肺湯係好好飲，我妹夫唔食唔飲內臟的，但只有波士廳個豬肺湯佢係無say no. 😁佢地有道甜點，係荔枝桂花糕，我覺得好好好好味! 仲有佢地有個波菜蕃茄金菇蟹肉又係好好味，😍仲有個炸鱔又係D魚骨都鬆化到脆卜卜。❤️我係好鍾意食奶皇包的，但我好怕D流沙會好甜，佢地有個黑金流沙奶皇包，個流沙係唔會好甜剛好。仲有個綠餃裡面係辣的，但辣得嚟好味又唔會冚過餃子裡面嘅食材味道。。。佢地有好多道菜都好味的😌

一行七人被安排到海景偏廳，望著無敵大海景，未進餐已心情舒暢，而且坐得舒適，空間寬敞。點心做得非常精緻，黑松露脆皮豬尤其可愛，其實是咸水角，咬開聞到一陣陣的黑松露香，有樣有內涵！雪山叉燒包也很美味，碟邊畫上花朵，很賞心悅目。整體來講，點心非常足料，蝦餃內的蝦肉甚多，也彈牙；燒賣大大粒，配上黑松露，非常地搭配。不過房內冷氣不足，有點侷促，和店員反映後，很快就將冷氣調低，服務良好迅速。用餐環境，食物質素，店員服務皆不錯，值得再次光顧。

位于環球貿易廣場101樓嘅食店，其實都唔使多介绍，地點高級、環境優雅、招呼有水準，所以都係一個字～靚！波士廳看似西厨，實在是非常中餐！中午來個商務會議都特別順利。點心精緻，試傳統叉燒包蝦餃春卷，點心實是有心思！ 要推介下這杏汁白肺湯，味濃杏香！必試選擇！

今日有個朋友生日而佢喺美國返嚟好耐冇食中菜於是我哋就去咗skyboss 101一入到去就比佢個景觀深深吸引着超靚超壯觀呀！我哋一人叫咗一個小籠包好精緻好靚而且入邊好多肉汁充滿肉味炸子雞熱辣辣 皮脆肉軟因為朋友生日 所以佢就幫我地整咗個壽桃包仲寫埋字食完飯當甜品一流

外父80大壽，想搵個特別嘅地方枱慶祝一下，最後揀咗喺九龍最高嘅大廈食飯，人多要包房，最低消費$12,600。呢度係代客泊車，但泊車嘅地方冇傷殘電梯上到8樓轉101樓電梯，個設計有啲奇怪？最後要先放低外父係8樓再返去一樓泊車，行動唔方便的老人家，有D麻煩。上到去101樓，原來都有幾間餐廳，間間都好似幾高級下，由餐廳門口行入去影相，睇晒成個西九龍嘅全景，大地在我腳下嘅feel，景觀真係唔錯，但最好梗係望中環嘅海景啦，下次可能要去其他望中環的餐廳試下。先訂了午市商務套餐B，因為未過最低消費，最後加點每人一隻帶子同埋炸雞。前菜的XO醬內乾瑤柱份量好多，好香但又唔算辣，有水準，所以幾個人空口都清佐3碟，立即叫侍應再上多幾碟，最後比錢時發現每碟要收$23，都唔算平。先來點心拼盤，黑松露素菜餃嘅黑松露好突出，個皮亦都好煙靭好薄；蝦餃亦到好似超過兩隻蝦，好新鮮好爽脆；春卷就普通啦，個皮炸得唔係好脆或者烤完放耐左少少。生磨杏汁嫩白肺湯係成個套餐最好食嘅菜式，感覺真係老火湯，啲豬肺好淋好入味，杏汁味唔算重，反而都應該落咗唔少椰汁，好滋潤好清甜。大漠風沙蝦球其實係鹹蛋黃蝦球，唔見到風沙，蝦及炸的水準還可以。

母親節將至👸🏻，廢事同人迫所以提早慶祝！今次就帶屋企人去左位於ICC 101層既101·波士廳飲茶！之前同朋友黎過食晚餐，環境同服務都好好👍🏻可以望到九龍既夜景，可惜今日天氣唔好，望出去白濛濛一片🌧☁️🌦✔️咁多款點心最鐘意就係黑金流沙包，個包掃上金色既裝飾，賣相滿分💯 黑金其實就係竹炭流沙包🥯 流沙唔會好油好膩，配埋竹炭個口感好好味呀～ ✔️脆皮松露豬 🐷外型係隻豬仔，小朋友見到好開心😃 可以令佢地乖乖坐到一陣子👦🏼 餡其實似鹹水角，但我看得有少少偏鹹😛

朋友生日我們到這間餐廳慶祝。但這間餐廳的服務員實在面口太難看同我點餐到離開氣氛也十分不愉快。點餐的時候這裏的經理實在10分白鴿眼好像看不起客人。說真一點這一晚我是訂不了隔離的龍璽和天龍軒才在這裏定位食飯的.但試過今次之後我相信不會再有第二次。食物質素還可以但服務態度真的10分10分10分不知所謂😒如果你們一定要客人有一定的消費你可以訂枱錢通知一聲.不要白鴿眼和態度面口不好面對客人服務客人。我到餐廳點什麼菜式有我們的選擇權不要因為我們點的菜色價錢不貴就給我們黑口黑面。最後我們也點了其他貴的東西吃.就是為免不及這間餐廳的經理白鴿眼

今日一早起身接個女，本身諗住去圓方食pancake，點知關門大吉😑諗諗外唯有去食中菜，記得上次食過龍璽都唔錯，諗住去食多次啦，上到去見到呢間波士都有開，即上openrice睇下有咩好食，原來都係做點心，喺冇book台既情況下，都有位俾我，不過唔係窗口靚位，求其啦，目的食野，一睇餐廳，有好多野都想食，不過，依家唔同以前，明知自己食唔曬唔夠膽叫咁多，廢事浪費野😅同埋個女食，3個人都叫左唔少野，當然食唔曬，打包左啲返去俾屋企人食😁趁冇人時走左去影個靚景一下😂😂松露豬(咸水角)呢個好食，皮唔厚，入面係黑松露豬肉叉燒餐包(黑豚肉？)我本身以為係叫左雪影叉燒包，原來自己睇錯🤣🤣不過不失啦蒜蓉蝦春卷呢個夠脆，阿女鐘意食，揸住慢慢咬，入面啲蝦好彈牙😋螞蟻上樹餃呢個試得過，芹菜香，入面啲蝦好彈，又大隻，有少少四川口味(辣辣地)👍👍蝦餃，魚子燒賣呢2個我都冇食(本身都唔好)問先生，先生話不過不失啦。海鮮煎脆麵阿女好鐘意食麵，一定要叫個麵俾佢，啲侍應都好好，可能見我地2大1細，叫呢個麵果時都講聲話個麵都幾大份，有成8舊，怕太多，我哋話左冇問題，因要俾阿女食，冇辦法，唯有打包囉😝不過個麵都好食，我食左2舊😁芋

餐廳位於九龍站上蓋嘅ICC寫字樓101/F由九龍站行過去都要5-10分鐘寫字樓嘅另邊大堂寫明係101 Sky Dining上到去波士廳101 門口比我嘅感覺都幾modern又得體但入面嘅裝修其實唔算grand 反而有啲娘娘哋..當日嘅菜單係預先set好食物質素普遍唔錯前菜有驚喜  特别係個雙影成脆鹹蛋黃加蟹肉配上瑤柱絲同金箔 非常矜貴但後期有一兩款就好驚嚇餐廳出錯咗份黑松露炒幼麵 味道非常唔夾期後嘅芒果甜品亦有變壞情況 米芝蓮嚟講都真係令人失望.

呢度成100層樓咁高，可以睇到九龍嗰邊嘅市景。小編有少少愕然玻璃有好多水漬，唔太乾淨，日頭去就一定睇到啲漬。服務算係咁，不過不失啦。食物就唔錯，唔可以話超級好食，但以呢個價錢呢個景，野食有呢個質素算好。食完唔會好口乾同頸渴，不過小編比較敏感，食完有少少口乾。鮮萵荀蝦餃皇(4件) $93蝦餃大大粒，皮夠薄，好食。海皇芝心角(3件) $70呢個涵係芋頭，不過小編唔食芋頭所以冇食，朋友就話唔錯。螞蟻上樹餃 (3件+1件$27) $107涵係蝦同芹菜。陣芹菜味都幾勁，唔鍾意嘅朋友記得唔好嗌，可以食返蝦餃😂脆皮松露豬 (3件+1件$24)係咸水角黎，松露味好輕。個皮有少少厚，可能因為要就返個形狀，賣相係幾可愛嘅。如意鮮蝦腸 $92個皮薄薄 地，蝦大隻爽口，入面冇其他料。小編覺得唔錯。牛油蛋撻仔(3件) $60正常黎講喺香港食蛋撻唔應該難食得去邊，但呢個真係強差人意。佢唔係曲奇又唔係酥皮，有啲似奶皇月餅啲皮，而且真係有奶皇味。個底勁厚，同個蛋嘅高度係50:50😂 個蛋冇乜味。點心未食哂就上左蛋撻，食嗰時已經凍哂，另佢更加唔好食。大澳艇家蝦醬炸雞(半) $288呢味餸幾得意😂 蝦醬味唔會太勁，唔會炸

上網睇到呢間餐廳個VIEW好正 所以就打電話訂位侍應態度非常親切  他們服務非常貼心 門口小姐還怕我迷路帶我去洗手間每一款點心都好特別好精緻我非常喜歡他們的xo醬 開茶時,侍應給我一碟小食和一碟xo醬仔細問問原來他們的xo醬是自製的 我立刻點了xo醬煎腸粉和xo醬煎蘿蔔糕最後還買了一樽xo醬回家 真的好好味呀!!未食完已經打算再次訂座 決定下星期再來