意粉屋 (PopCorn 2)

Open Now

Now Closed

吾知有無人依排去左食？但係成間牛奶冰室定咖哩屋甘早餐吾係賣湯意粉，賣沙嗲牛肉麵，豬潤麵完全唔知係做緊乜，可能係想薄利多銷？但其實我地客人係睇性價比，吾係鬥平，見住意粉屋甘樣玩自己招牌，見住間野由開門到而加甘，真係好心酸，BTW我係行過見到轉晒型，無入到去食

叫咗個外賣肉醬意粉,,$86食垃圾意粉無味同乾,,肉醬都可以做到無醬,,呈現乾到冇得再乾嘅狀態想問點樣可以煮到咁乾返到去仲要自己加醬再煮過難食到嘔以後都唔會再食佢嘅意粉!!!

晚餐，係無咩客情況下落單，居然職員落漏單。一邊等，頭頂冷氣開到超大，我家小朋友凍到受不了，叫他們較細風，最後還是一樣大，因為漏單，害全家白等，最後未食飽，便埋單走人，不知所謂餐廳。大家不要幫襯。

周末午餐，行過意粉屋，居然有All day breakfast。佢嘅All day的確係幾大份，係個蕃茄最好切返開，同有番啲菜會好啲。另外個龍蝦汁意粉就不過不失。要講講個服務，雖然係scan QR，但餐飲可以揀”後上”，係幾唔錯，另外食完侍應會自動上牙簽，同樣係幾貼心。

聖誕突然好想食芝士火鍋應佳節⋯種類有幾款：「美國燒牛肉拼盤🐮」如果唔食牛既朋友重有「海鮮拼盤 」可以選擇🫕：經典瑞士芝士火鍋 / 金沙鹹蛋黃芝士火鍋這次選擇了海鮮拼盤，鹹蛋黃口味 、但味道不是很突出鮮蝦如果分量多點就更好⋯套餐有「 雜錦凍肉拼盤 」 、「蔬菜拼盤」、通粉和麵包，一開始會覺得分量可能不足夠，但食至中途已很有飽腹感了

當日平日午膳時間到訪，被安排坐卡位，唔算人多，感覺舒服。選擇都幾多，有套餐或可以選 a la carte。選擇咗平日午市套餐，包括三道菜：湯或沙律、主菜 及 飲品。也可以升級飲品 / 追加甜品等等。當日點了蘑菇湯、欖油香煎香草醬魚柳鮮茄茸意大利粉 及 凍咖啡。蘑菇湯好足料，啖啖蘑菇蓉，唔係用粉開；個魚柳意粉就不過不失啦。連加一都唔使 $70，性價比高，非常之抵食及豐富，喺將軍澳地鐵站附近，食晏又多個選擇，唔使食快餐店。

如果你打算在將軍澳意粉屋享用2人餐，我可以給你一些建議。這裡有一個適合兩個人分享的美食組合：前菜有一份鮮蔬沙拉及兩碗龍蝦湯。沙拉可以提供清新的口感，而湯則能為你們帶來溫暖的味道，好濃郁。接下來點主菜。菜單上有多種選擇，我選了燉飯及牛排。燉飯好濃郁，而牛排口感都可以，味道就有點淡，建議點醬食。除了以上建議，你也可以根據自己的口味和飲食喜好，在菜單上自由選擇適合的菜品組合。別忘了詢問服務員推薦，他們會樂意幫助你選擇最適合的2人餐組合。

好多年冇食過意粉屋嘅芝士火鍋，最近天氣突然凍咗，又臨到聖誕節，同屋企人食芝士火鍋就最適合不過了除了芝士火鍋套餐，我們還叫了一款小食：焗忌廉菠菜田螺薯蓉，$68 性價比都算高，田螺焗得幾香 主菜來了… 非常期待芝士煲滾冒煙的一刻法包和芝士真是最佳配搭，因為會像海綿一樣完全吸收芝士的香味後來因為食唔晒芝士醬，我們還encore了一下法包；略嫌不足的是，麵包切得有啲大件，如果可以細細粒一口 bite size 會更完美燒牛肉：唔算好特別，冇乜牛味，肉質幾腍，份量有點少雜錦凍肉拼盤：蜜瓜和火腿是最佳配搭，Prosciutto/ salami/ 辣肉腸，這些都算正常發揮，但最深色那款火腿，未知是否風乾期太長，肉質好硬，但味道唔算好濃，我個人唔係太鍾意 整體上，我覺得這個芝士火鍋套餐都算抵食，埋單連加一，三個人食咗$600左右，簡單慶祝聖誕節都好滿足

去完英國旅行返嚟，竟然都係去意粉屋吃咗個焗魚柳薯蓉以及一個漢堡配薯條，好像有點反智，不過在家庭活動之前先打打底，因為生怕太肚餓，或是其後等得太久很久沒吃意粉屋，看餐牌睇一睇，價錢比以往感覺上沒有那麼貴，可能因為是午餐的因由吧。漢堡端來之後，發現薯條份量都不算太多，不過小嬰搞氣，不是吃了太多便不肯食，其實味道也不算太差，有點兒薯皮在外邊，可能由於這樣所以他不太願吃；漢堡的質地也不錯，牛油然之後拿去烤過，少許脆的質地，反而牛肉比起想像中好得多，想不到連鎖的意粉屋，而家敢將漢堡煮到中間呈少許粉紅，帶少許生的狀態，因此味道帶點牛肉香，而且不會太熟，保留少許牛肉汁。另外的熱咖啡，用大大隻的圓形咖啡杯盛載，和自行滴製的也差不多，看呢個杯子還算是夠大杯，味道都算香濃。雖然這兒都是連鎖商場，不過原來地下都有很多食肆，會見到不算太多食客。

若果喜歡吃西餐，又想吃到平民價錢的話，當然可以試意粉屋！ Popcorn這間意粉屋是在地面那層，商場一入就已經是，非常方便！❤️❤️❤️上次我們到意粉屋，點了不同的菜式，先有肉丸意粉，意粉充滿着返茄汁，濃郁的蕃茄味非常開胃，而且肉丸都是非常有咬口，亦鮮嫩多汁！另外，我們都會點焗千層麵，裏面有很多肉醬、芝士，配搭着一起吃，千層麵非常香。我們亦都會掂一些蔬菜，點了焗芝士西蘭花，很香很濃郁的芝士味，喜歡吃芝士的話可以一試哦！

聖誕節，今年老公不在港，仔又要返工，原本重諗住要自己在家無聊過。又估唔到仔仔怕我節日一個人悶，一早同公司講左25,26紅日都不上班。不過得我同仔仔都係冇乜野好做，就搵埋婆婆一齊出去食個晚飯啦。反正舅父亦不在港，我地唔搵婆婆，佢又係一個人過。係商場行黎行去都唔知食乜好，行過The Spaghetti House見到佢個芝士火鍋幾吸引就決定食佢啦。不過雖然望落唔多人，結果我地等位都等左大半個鐘，好彩有得坐住等，唔會話企到累，等到心情唔好。我地叫左個牛肉拼盤芝士火鍋 ＋20蚊轉左香草醬芝士火鍋汁，再加多個肉醬闊麵，雖然睇落唔多野食，但食到我地三婆孫都好飽呢，因為芝士真係好漏，不過真係好好味。跟芝士火鍋的煙三文魚沙律，沙律本身都冇乜特別，煙三文魚都幾大片的，唔錯。另外叫的焗芝士肉醬闊麵，仔仔一向鍾意食肉醬闊麵；如果好似Pizza Hut咁有薯容係4邊就更好了。芝士火鍋的燒牛肉，因為依碟牛肉，個芝士火鍋貴左成百蚊架，佢有另一set芝士火鍋冇燒牛肉的只係400幾蚊芝士火鍋，好正丫。個芝士火鍋Set本身都唔少野食，有法包，粟米，西蘭花，啡菇，肉丸，通粉，雞翼，炸魚手指，炸芝士條咁上下。最好味，真係法

同朋友仔係將軍澳popcorn 商場行完，肚仔有啲餓我哋走咗去意粉屋食個下午茶，餐廳坐位寬闊又乾淨！我哋order 咗兩份下午茶套餐，一個芝士焗牛肉肉醬意粉另一個係海鮮芝士忌廉汁意粉，再+$15升級有酥皮周打海鮮湯酥皮周打海鮮湯入面有蜆肉、蝦，魚肉粒材料豐富，加上焗到金黄香脆酥皮真係超滿足芝士焗牛肉肉醬意粉🍝肉醬份量多再加上面頭鋪滿芝士，熱辣辣食時有拉絲，醬汁不會太酸，好味😋海鮮芝士忌廉意粉🍝有蝦、帶子、鮮魷、蜆材料豐富，加上用芝士忌廉煮成醬汁味道冇得彈最後嘆番杯檸檬茶

意粉屋1️⃣芝士焗龍蝦尾海鮮天使麵份量好多,好熱,海鮮都好多,龍蝦尾肉都大舊同彈牙.但個汁濃味到好似有d苦咁...💰HKD$2382️⃣牛肉千層麵本來好期待,因為意粉屋招牌千層麵,香港都好小地方食到.點知等左好耐,個千層麵都唔熟,係硬的,同埋都好厚身...再等又要15-20分鐘,所以取消左🥲🥲 千層麵建議去返Pizza Hut 食

疫情過後，久違地約朋友出去小聚吃晚餐。我們特意選這裡，人不多，也不會限時，更不會被趕走，我們可以暢談一番。侍應安排我們坐卡位，位置相當寛，叫一台食物也不怕，餐牌上的食物全都十分吸引，絕對會選擇困難症，我們最後決定了一個一人餐分享，再加多客蒜蓉包。女生太細吃，不想浪費。一人餐包括了餐湯，主食，飲品。我們升級了酥皮帶子龍蝦湯，另外再加了一份蒜蓉包，龍蝦湯很濃郁，材料好足，有龍蝦肉帶子，酥皮絕對是這個湯的靈魂精粹，外脆內軟，牛油味重，一下浸落個湯到，簡直令人垂涎欲滴，一下就把酥皮吃光光，意豫未盡之時， 蒜蓉包到😋，人生最愛蒜蓉包，呢到蒜蒜包夠哂熱，新鮮焗起，勁香蒜蒸味，再配埋個湯，無得頂，飲完湯都飽左5成，再黎就是主菜了。主菜：芝士焗龍蝦汁帶子白菌意式飯這飯勁香濃芝士味，金黃色，意大利飯夠淋，不會太硬又不稀爛，火侯剛剛好，帶子新鮮大粒，配上龍蝦汁，把鮮味更突出，還有少許沙律菜，可以減輕肥膩感，份量也足夠多，男生吃也絕對足夠，女生可以兩人一起吃☺️驚喜最後一杯餐飲，聊了大半晚，十分開心，下次聚餐會再來😆

一行3人叫左lunch set二人餐（$328）揀左220克石燒牛肩肉連沙津薯條 （+$20）& 火腿波羅pizza，仲有兩款前菜同野飲。前菜同野飲正常野，都係湯呀，蟹子多士果啲。到主菜，本身都驚唔夠食，但個牛肩肉好大份，完全唔止220克，上菜時好生，岩曬小弟，食落好夠肉味，就算燒熟啲食亦唔會好韌👍🏻，薯條有薯皮好有薯味，沙津就正常。靜係食完果個都飽飽地，好彩冇眼闊肚窄叫多個意粉，有機會再試。而pizza亦好味，味道正常。總恬而言，全餐有前菜，有兩樣主食，仲有野飲都係$38x，好抵食，起碼石燒牛肩肉好食過將軍澳中心間石燒牛先啦，有肉味得多又唔會韌。Sorry冇影到相，因為冇諗過咁高質。