星海薈 (利舞臺廣場)

Open Now

Now Closed

秘製瓦罉醬油雞味道太鹹不能入口菠蘿咕嚕肉粉漿太厚甜品難食到嘔，尤其楊枝甘露，蓮蓉焗布甸，建議千祈不要下單服務員服務態度差，要求客人迴避方便收取污糟餐具，其實八人大枱是否有足夠的空間服務員工作

嗰日同屋企人去飲茶，去咗銅鑼灣利舞臺。揀咗位於5樓嘅星海薈。一入去就見到雲石樓梯，高貴水晶吊燈。宴會廳雍容華貴，仲有一個大舞台。非常適合婚宴。多款點心小菜午市套餐可供選擇。仲有特色小食同推介菜式。南翔小龍包皮薄餡豐，汁多味鮮，肉餡肥瘦適中。雪山叉燒焗餐包細細個，叉燒爆餡，醬汁甜中帶鹹。蜜汁叉燒腸叉燒飽滿，腸粉透薄、柔軟、滑嘟嘟，搭配鹹甜特製醬油，口感一流。黑椒乾炒安格斯牛河必試主食，用上安格斯牛，肉質嫩滑。招牌胡椒濃雞湯灌湯餃湯餃大大隻，熱辣辣，胡椒味濃郁。雞粒天鵝酥高貴天鵝酥，外型精緻，口感香脆。蒜蓉蝦棒棒蝦大隻鮮爽，外脆內軟，大小適中。杞子桂花糕香氣濃郁，味道清新，桂花香加上杞子，更有口感。

星海薈在利舞臺廣場有獨立電梯上落到地面，本為方便婚宴客人，我們來飲茶亦方便，尤其是有行動不方便的老人家。亦因為如此佈置靚靚，來飲茶食點心、聚會或飯局亦很舒適。平日下午茶每位15，銅鑼灣灣區來說很吸引。我們今日吃了：特別優惠價的：蠔皇鮑魚 $78*2軟熟得來有口感的鮑魚好好吃，仲有一隻大冬菇，鮑汁超好味，入晒味，就是西蘭花都特別好食。紅燒皇子乳鴿 $68乳鴿一分為四，皮脆肉嫩，味道好。下午茶優惠的：南翔小籠包 $34皮薄有汁。蜜汁叉燒腸 $34腸粉滑溜，豉油汁好味。正價的：蒜蓉蝦棒棒 $48其實幾似春卷，很多蝦肉，脆卜卜。雞粒天鵝酥 $38很可愛的天鵝，裏面是雞粒，外面酥脆。

星海薈的鮑汁炆鳳爪$68很好味😋鮮蝦腐皮卷$46為必選的點心脆皮燒雞$158是我的最愛黑胡椒安格斯牛肉腸$48 值得一試湯灼芥蘭$58很嫩很爽星海荟蝦餃皇 👍加上茶位费，合共$508会再帮襯！

今天與友人在銅鑼灣逛街，下午到附近的星海薈飲茶，然後繼續行程。當我們一進入酒樓，便被那滿佈花束的樓梯吸引，亮麗又有氣勢，不期然便聯想到這裡絕對會是舉辦婚禮理想之選；環顧四週，亦發覺這酒樓的環境佈置美觀，尤其那充滿動感的巨大燈飾更是吸晴，是婚宴、聚會和飯局的理想地點。～蒜蓉蝦棒棒（3件開2）長條蝦棒棒外皮非常脆口，內裏填滿了惹味蒜蓉鮮蝦肉，香味四溢，美味可口。～滑蛋蝦仁炒河鮮黃色的滑蛋汁料配上大大隻的蝦仁非常吸晴，蝦仁入口爽口彈牙🍤，配合份量十足的幼滑河粉，味道香滑鮮甜，十分可口。～紅燒脆皮乳鴿（1隻）乳鴿大小適中，燒得恰到好處，肉厚多汁；沾上准鹽或醋來吃，味道更佳。～星海薈蝦餃皇不愧為招牌出品，餃皮厚薄適中加上鮮甜爽口的蝦肉，入口十分討好。～瑤柱鮮蝦菠菜餃大大隻的餃子🥟餡料充實，整體的味道較清淡卻依然保留適當的鮮味。～蜜汁叉燒腸腸粉皮包著大小適中的叉燒粒，既香滑又有咬口；沾上附上的鮮味豉油來吃，味道更佳。～南翔小籠包一客三個，皮薄、饀料多汁充實。淋上醋汁來吃，十分不錯。～雪山叉燒焗餐包叉燒餐包焗得外脆內軟，餡料豐富，鹹甜兼備，是老幼咸宜的好味包點。這酒樓食物的質和量都十分不錯，取價合理

今晚同屋企人食飯，喺銅鑼灣想食中菜就去咗星海薈。估唔到一入到去環境好靚，有一條長樓梯同埋水晶吊燈，周圍仲有好多花佈置，怪唔之得係好多人選擇嘅婚宴場地🌞同時間地方都好大，所以適合聚會或者朋友飯局🙆🏻‍♀️🦞鐵板白胡椒煎焗澳洲龍蝦一上菜好香鐵板仲出緊煙，龍蝦都算大隻同埋多肉。食落去白胡椒味好重少少辣，但係都接受到，龍蝦肉彈牙。🍗台山蠔啫啫走地雞煲 有四隻台山蠔，好大粒同埋肥嘟嘟，食落去唔會有腥味。調味偏向惹味，走地雞唔會太嚡。💫得獎金磚脆豆腐外皮非常脆口，內裏好嫩滑。⭐️紅燒皇子乳鴿 皮夠香脆，肉juicy，我自己就重口味啲鍾意點淮鹽食。

星海薈 (利舞臺廣場) (銅鑼灣)銅鑼灣波斯富街99號利舞臺廣場5樓裝修雅致精緻,設有寬敞優雅的樓梯和大廳,非常適合各種聚會和婚宴。1. 迷你蝦乾珍珠雞 - 外皮酥脆,內餡鮮嫩多汁,是點心中的佼佼者。2. 生拆鮮蝦腸粉 - 細緻滑嫩的腸粉配上鮮甜彈牙的蝦肉,口感絕佳。 3. 蒜蓉蝦棒棒 - 蝦肉飽滿,蒜香味濃郁,可謂鮮嫩多汁中帶有一絲辣味。4. 紅燒煲仔翅 - 足三兩，肉質軟嫩,湯汁醇厚,營造出家常般的溫暖感。5. 星海薈蝦餃皇 - 富有咬勁的蝦餃,皮薄餡厚,一口咬下瞬間流出鮮甜湯汁。

同舊同事食晚飯，呢間真係坐得好舒服💓💓💓酒樓內有好有氣派嘅長樓梯，大型水晶燈，好適合婚宴，會將佢介紹俾一個搵緊酒席嘅好朋友🥳🥳鐵板白胡椒煎焗澳洲龍蝦大隻、有鑊氣、胡椒味剛剛好👏🏻👏🏻👏🏻食到好滋味！星海薈燒鵝皇（例牌）份量好夠，香甘入味，皮脆肉嫩！菜脯肉鬆炒飯肉鬆香甜，米飯粒粒金黃香口😍😍😍吃完還坐了很久，因為樓底好高好高，坐得好舒服，傾得好盡情！下次會考慮食佢嘅胡椒蝦，因為今日賣晒。又或者搵多啲人嚟試多啲，真係值得坐耐啲🤗😅🤗

招牌白胡椒蟹🦀呢個係必試🥳 十分濃郁胡椒味，蟹肉超級厚身大份，超級惹味，啱晒兩人食😋香蔥脆皮海生蝦🦐外殼炸到金黃色🤩薄身得黎又好香脆一點都唔覺得油膩架😋蝦肉好鮮美彈牙金銀蒜蒸元貝好多蒜蓉加粉絲超級入味好食😋環境好舒服座位好寬闊😌樓底好高，好多人係呢度擺婚宴😙仲叫左個瑤柱珍菌伊麵味道好正 份量超足！仲好適合一大班朋友同事聚會飲茶架👫👭👬鐘意影相打卡既都唔可以錯過佢地既樓梯位🤩真心好令呀

星海薈位於利舞臺五樓，華麗高貴既旋轉樓梯加上一片花海，非常夢幻，少女風十足。酒樓不論飲茶吃點心，或是好友聚會，公司飯局，婚宴都非常合適，性價比高！招牌白胡椒蟹 惹味精選！肉蟹大隻肉厚，並非水蟹，蟹肉鮮甜萬分，而且用白胡椒、金不換、紫洋葱烹調，非常惹味。以鐵板熱騰騰呈上，鑊氣十足，辣得滋味台山蠔啫啫走地雞煲香氣撲鼻，手掌般大既台山蠔非常新鮮，炸粉薄而香脆，雞肉嫩滑，配合惹味薑蔥爆香，相當惹味，每啖都充滿著順德菜風味。星海 The Starview星海薈 (利舞臺廣場)📍銅鑼灣波斯富街99號利舞臺廣場5樓

今次朋友約喺銅鑼灣嘅利舞臺酒樓，入到去感覺摩登，裝修時尚典雅大方，樓底夠高，成個佈局好適合婚宴場地，仲有華麗嘅旋轉樓梯打卡，完全同普通酒樓唔同風格！另外仲要大贊呢度服務非常好，職員不停幫我哋清理枱面同埋換碟，有留意住我哋嘅需要提供即時嘅幫助🫶🏻望到餐牌比白胡椒蟹深深吸引，呢個亦都係出邊比較少有既菜式多數都係避風塘或者普通炒蟹🦀 招牌白胡椒蟹極力推薦嘅招牌菜😇胡椒蟹份量十足，蟹蓋size 大個男士嘅手掌！嚟到嘅時候職員再灑上胡椒汁，鐵鍋嘅熱力將醬汁鎖住喺蟹既表面！每嚿都啖啖肉，肉質爽口新鮮，蟹蓋入邊仲有蟹膏，加埋秘製嘅白胡椒汁夠鑊氣又惹味，辣得過癮🤩 薑蔥煎焗魚頭上碟有用鐵鍋鎖住肉汁保持溫度👍🏻魚頭脆炸加埋大葱、薑一齊炒，香口得黎吸晒配料精華台山蠔啫啫走地雞煲雞煲用大量蒜子爆香，陣陣香味，台山蠔有4隻左右，新鮮厚身唔會有腥味，雞肉入味，肉質鮮嫩紅燒皇子乳鴿乳鴿燒得啱啱好，咬落去有肉汁

星海薈有數間分店,位於銅鑼灣利舞臺分店擁大型水晶吊燈,階梯上滿佈花朵,紫色配金色為主調浪漫優雅.還有專用獨立電梯,是適合婚禮或宴請親朋好友好地方.當日午市人如泉湧,但店員亦自動波密密服務,非常不錯🔸椒鹽魷魚鬚($78) 🔸雞粒天鵝酥($44)🔸老干媽蒸鳳爪($38)🔸鮮蝦腐皮卷($44）🔸黑胡椒安格斯牛肉腸($48)🔸生磨蛋白杏仁茶($38)🔸砂窩鱆魚雞粒炆飯($168)特別最愛【砂窩鱆魚雞粒炆飯】砂鍋盛載香噴噴,每匙都有章魚及雞粒,足料又香口,底層更有飯焦.【黑胡椒安格斯牛肉腸】內裡牛肉又厚又大件,軟腍而充滿牛肉味道,黑椒味重,非常惹味.【雞粒天鵝酥】酥香又吸精~所有點心及菜式普遍大大件,一點都不的骰,份量十足,完全對得起價格,而且熱辣辣上枱,新鮮吸引.酒樓不時推出頗實惠推介套餐,晚餐與父母聚餐應該亦不錯～

約咗朋友嚟到位於利舞臺五樓嘅星海薈，一打開𨋢門就見到條好華麗嘅旋轉樓梯，嘩，好fancy喎！除咗樓梯之外，星海薈嘅樓底都幾好，喺大堂嘅一邊有一個高枱，適合攪宴會、活動，係婚宴嘅理想場地。另外，星海薈嘅特別之處係有專用𨋢，招呼賓客都唔擔心佢哋等得太耐，好細心周到。🔹招牌白胡椒蟹 $638個白胡椒蟹係第一道嚟嘅菜式。未見到隻蟹已經聽到佢啱啱煮好嘅吱吱聲。呢個胡椒蟹嘅胡椒味非常之濃郁，蟹肉都幾鮮味。白胡椒蟹上有金不換，下有紫洋葱，全部都吸收晒啲白胡椒嘅精華，送飯一流！🔹台山蠔啫啫走地雞煲 $188 啫啫雞煲同蠔煲都食得多，但兩樣都有嘅啫啫煲就第一次食，走地雞件半煎炸後配上海量蒜子爆香嘅台山蠔啫啫走地雞煲蒜香十足，香噴噴之餘食入口都有濃濃嘅蒜香味🔹籠仔梅菜蒸菜遠 $138呢道順德菜幾特別，蒸菜本身都唔係太常見，仲要用籠仔蒸好新奇。蒸菜心味道清清地加上梅菜薑絲嘅微香，配搭唔會太單調🔹瑤柱珍菌炆伊麵 $138食完咁多味道濃濃嘅菜式之後，食返個清清地唔算油嘅伊麵都係一個唔差嘅選擇。什菌淡淡嘅味道滲透咗入啲伊麵度，既好味，又飽肚，滿足呀！

   約了兩位同學出來茶聚聯宜一下，久未見面一定話題多多飲茶食中菜最合適。選了在銅鑼灣利舞台廣埸5樓有好口碑的「星海廥」，地點，交通都方便。這酒樓點心，小菜味道都很好，尤其是環境佈置得相當舒適，有高雅的水晶吊燈，富麗堂皇的裝飾，是個很適合婚宴及宴會場地。水滾茶香！點心精緻，小菜色香味材料優質，菜式選擇多茗茶晚飯豐儉由人。雪山叉燒焗餐包  (3件)   34元軟綿蓬鬆熱熱的，味道鹹甜鹹甜好味道！化皮燒腩仔  108元肉味鮮甜柔軟，肥瘦適中皮十分鬆脆。紅燒皇子乳鴿  / 隻 68元皮色漂亮鬆脆，肉質嫩而多汁連骨也是軟的味道很好。 金粟鯪魚餅 (3件 )  34元外面煎得金黃香脆，魚肉軟滑Q彈。原隻蝦燒賣皇 42元燒賣大粒！蝦好大隻賣相靚！蝦爽彈肉香口。南翔小籠包 38元為免弄穿外皮每隻都獨立 承托 方便拿起享用，十分有心思！皮薄肉汁豐富充滿鮮味。星海薈蝦餃皇  42元粒粒圓潤 ， 晶瑩 的 蝦餃皮上有一層 金箔 顯得更名貴。不愧為蝦餃皇！蝦大隻爽甜鮮味！ 用料非常 優質！ 焦糖西米焗布丁 48元香滑甜度適中。生磨蛋白杏仁茶 38元蛋白滑溜溜，杏仁香滑濃郁。真不錯的甜品！最後，酒樓還為客人送

位於利舞臺廣場的星海薈有專屬客𨋢直達五樓餐廳，一入去已經有一條華麗長樓梯，天花板佈滿由細魚組成的水晶吊燈，整體裝修精緻有氣派，除了適合舉辦婚宴外，亦適合家庭，同事聚餐，聯誼及慶祝活動等。今晚就跟朋友到這裏試試網上很多好評的胡椒蟹以及順德菜。❤️招牌白胡椒蟹網上有不少好評以及推介都關於這道白胡椒蟹，果然沒有令人失望。雖然菜式價錢不算便宜，但絕對物超所值，由於蟹屬於寒涼食材，配合白胡椒烹調就非常適合。白胡椒蟹份量大，蟹鉗蟹腳全部都啖啖肉，味道方面白胡椒惹味香濃，微微香辣但不會嗆鼻，反而更能帶出蟹肉鮮甜，醬汁更適合用來拌飯。❤️順德煎焗雞所謂煎焗，是粵菜的烹調手法，用先煎後焗的處理，煎可以提香，帶出食材香味，至於焗就可以保留雞肉水份。此道菜口味咸鮮，帶香料味，雞肉外脆水嫩有肉汁。另外配上炸薑絲以及乾葱條一起炒，令到雞肉更加惹味。❤️沙薑豬手粒此款前菜小食處理得不錯，豬手粒啖啖肉，切成一口份量，豬皮位置呈啫喱狀，口感爽口彈牙。至於肉質亦不會嚡口，配上醬汁以及沙薑，味道微微鹹香，作為前菜以及伴酒小食都非常適合。❤️瑤柱珍菌炆伊麵瑤柱味鮮，蠔油醬汁香濃，再配合菌類增加口感，至於伊麵底麵質煙煙韌韌，整體味道