瑞士餐廳

Open Now

Now Closed

久違了多年瑞士菜，以前星期六/日午餐也爆場，今日1250前到衹有幾抬枱客；太多也是熟客人。行政午餐超抵！$208，已有果汁/汽水/啤酒可以選擇，之後前菜(帶子沙律及煙三文魚選擇/主菜：豬扒配薯絲/牛仔肝/雞柳絲配飯(一小圈)，汁好味再加上一款甜品(也各選一)；最後仍有茶或咖啡結尾(包括在內)；正常另有加一。牛仔肝好味，甜點有香蕉船(微形配雪糕)；也有芝士拼盤，愛好者一定喜歡。懷舊環境配上多瑞士風格裝飾，很有風味。

今日約左6:30pm食瑞士餐廳，我地準時到達。一入座我哋就交咗個蛋糕俾侍應話俾佢聽，陣間我哋會食。坐低之後等咗好耐都冇人過嚟落單，我哋同在場嘅幾個侍應講左我哋可以落單，但個個都話陣間先過嚟幫我哋，有啲直程無視我哋。最後等咗差唔多15到20分鐘先有人幫我哋落單。飲品同埋第一道菜響7:05pm上枱，分別係焗蝸牛同埋洋蔥湯。然後冇幾耐佢哋就放咗個爐響我哋枱面點着咗火，但爐上面冇放芝士鍋，由得佢響度乾燒，勁危險。7:28pm先至放個芝士火鍋上個爐度。 另外豬肋條同羊架都係7:46pm先上菜。 然後8:00pm突然有個男侍應突然拎住張單同我哋講叫我哋俾錢，話我哋只可以食到八點。但預約短訊開始到我哋入座都冇人提過8:00要交枱。男侍應話：「我地依輪係食到8:00pm架」講到好理所當然咁。我哋話我哋仲有個蛋糕未食，而且望到周邊其實有好多空枱。個男侍應勁冇禮貌話：「你哋食得太慢啦」，然後逼我哋俾錢。我哋堅持要食埋個蛋糕先走，佢就話要我哋5分鐘之內食晒，同埋要我哋比切餅費。我哋話冇問題，切餅費照計，但要我哋要食埋個蛋糕先至俾錢。然後個男侍應就好唔耐煩咁樣走開咗。之後其他侍應都係慢吞吞咁樣執枱同上蛋糕，我

一行五人第一次來這家餐廳，點了三個主菜後女職員才告訴我們五位必須點五道菜，所以再次查看菜單。第二次下單時，請了另一位男職員推薦菜色，他卻說：「我都唔知你地叫咗咩？」「唉，要一次過落單，先上得快，分開落又會遲架啦！」他抱怨我們分兩次下單，說這樣會讓廚房出菜慢。態度非常差勁。接著，他建議我們點個頭盤。乍看之下，好像有順序，但沙律最先上，接著是一碟烘過的方包，我們還以為這是特別的沙律搭配！食完沙律和方包後，把空碟收起，才上牛肉他他。後來，回家查看其他食評才發現那碟方包其實是配牛肉他他的，明明應該一起上桌，結果上菜先後分開得離譜。整個用餐體驗真是大失所望，服務質素完全不行！

到尖沙嘴搵食，要環境好，有特色，赫德道的瑞士餐廳是一個不錯的選擇，在香港，瑞士菜，除半島酒店的Chesa, Swiss Chalet (瑞士餐廳）可能是另外的選擇，也是經得起香港經濟起起跌跌的餐廳，雖然話香港人的消費力減退不少，同時，我估計瑞士餐廳的中產顧客也有部分已移居海外，但還有不少的支持客。環境非常適合與朋友消磨一個中午，午市套餐包括飲品、前菜、主菜、甜品、咖啡，一點都無因貨就價，特別是，喜歡食芝士的朋友，就一定要食Cheese Platter.  前菜和主菜的選擇多，一定有您喜歡的！

The Swiss Chalet 係一間專提供正宗🇨🇭瑞士料理的餐廳，特別以 🧀 芝士火鍋 🫕 而聞名～ 係冬天的絕佳選擇 👍🏽 熱騰騰的芝士火鍋，簡直一種無與倫比的享受，每一啖都充滿濃郁的芝士～🧡 芝士火鍋選用多種、高品質的瑞士芝士，熔化後的濃郁口感，配料（麵包粒、小薯粒），完美搭配芝士火鍋，都讓人回味無窮 ♾️🩷 瑞士炒牛仔肉配蘑菇忌廉汁薯餅牛肉口感很滑，薯餅煎得外脆內軟，兩類夾住蘑菇忌廉汁都好出色 🪅🤎 瑞士風格設計餐廳內大量使用木材，搭配佈置充滿瑞士風情，牆上掛有瑞士相關的藝術品 & 照片 🖼️ 增添左文化氛圍🩵 舒適氛圍餐廳裝潢溫馨，適合各類聚餐，提供多種座位選擇，包括小型桌子 & 大圓桌整體而言，環境不錯，想體驗正宗的瑞士火鍋，呢間餐廳係不二之選 💕#瑞士火鍋 #芝士愛好者 #冬季美食 #尖沙咀餐廳 #正宗瑞士料理 #好友聚餐 #暖心美食 #餐廳推薦 #舒適環境 #美食探險 #火鍋時光 #冬天必吃 #美味享受 #瑞士風情 #獨特餐廳 #食物攝影

We ordered the cheese fondue, it was ok but way overpriced, bread was stale and the owner pressured us to order more. What was most upsetting however, was they charged 10 dollar pp for tap water. The menu said they charged for “iced water” if we didn’t get drinks, but they served us lukewarm tap water and never did they mention anything about charging us for it while serving. Do not recommend, it’ll probably be more worth to spend a little bit more and go to Chesa.

瑞士餐廳就梗係要是瑞士芝士火鍋啦。佢呢度嘅芝士火鍋係跟人頭叫嘅，如果想食多啲其他唔同嘢可以幾個人share一份都得。呢盤芝士真係香到不得了，下面有火㷫住佢。我哋叫咗牛肉粒嘅芝士火鍋，另外佢會跟埋麵包粒同埋蔬菜。啲牛肉粒本身已經差唔多熟，放落個芝士火鍋度其實主要係等佢沾滿芝士然後先至食，啲蔬菜亦都係熟咗嘅，我覺得西蘭花點芝士真係正。用麵包粒嚟點芝士都唔錯，我諗緊如果佢唔係麵包粒，而係多士粒可能會仲正。睇OpenRice話呢度嘅生啤好味，所以叫咗嚟試吓，味道真係唔錯。上菜之前有一舊好靚嘅牛油仲有一啲暖笠笠嘅麵包俾你作為餐前小食。呢度啲餐具都好靚㗎。

是日無意中光顧了一家有特色有氣派的餐廳，可惜只飲咗杯啤酒食咗少少野，因為有下場，不過下次一定要黎試吓佢嘅瑞士芝士火鍋，因為見隔離枱叫咗，好似都幾好食咁樣。由於係早到等人開飯嘅關係，我只叫了啤酒同食了半打生蠔，生蠔價錢略貴，不過都幾新鮮。至於呢隻啤酒好似出面未見過，都幾好飲。呢間係一間瑞士餐廳，其實佢個餐廳名已經話咗比大家知，入面好有瑞士Home Style，有一種好warm的感覺。佢份餐具都真係靚，成件事非常高貴，不過佢個Menu上的食物又唔係好貴，我估食個Dinner如果唔飲酒，人均消費大約$300-$400左右。

真係唔知尖沙咀有間咁正嘅瑞士餐廳，由食物、服務至到餐廳環境都係一流的。首先侍應會拎一籃麵包比你揀，我就揀咗兩個，熱辣辣好好食，再配一大舊好靚嘅牛油，雕晒花，開頭以為係植物牛油，原來係硬身的真牛油。跟住就飲住啤酒等芝士火鍋，呢隻德國生啤好飲。主角出場，正宗瑞士芝士火鍋，配牛肉粒，佢另外仲跟一籃麵包粒同一份雜菜。啲芝士真係幾香，點牛肉點麵包點蔬菜都好食，占滿晒芝士真心正。另外餐廳入面都好靚，好有瑞士特色。呢度平均一個main course大約$300，CP值非常高。

瑞士菜在香港一向比較低調,絕非主流菜系餐廳。印象中香港有兩間主打瑞士菜的餐廳,大家同樣位於尖沙咀：一間是位於半島酒店；另一間則是位於尖沙咀赫德道的瑞士餐廳 The Swiss Chalet。進入The Swiss Chalet, 彷彿從尖沙咀赫德道飛到了瑞士的小木屋餐廳,環境充滿濃濃的歐洲鄉村餐廳感覺,餐巾都是非常有心思,充滿瑞士風情~~個人覺得非常適合在這裏慶祝聖誕🎄食物方面,瑞士菜屬於比較飽肚的食物,大部份食物份量都相當大碟。其中酥皮盒酥脆香濃,牛仔肉嫩滑好味,絕對是上準之作。而要感受瑞士氣氛,當然亦要品嚐芝士火鍋, 叫上一份與親友一同分享,亦不會太過飽滯。

呢間餐廳裝修都幾靚，古色古香，一坐低先飲返杯生啤先，佢係嚟自德國嘅，屬於清爽型，幾好飲。我哋個頭盤就叫咗一份生牛肉他他，啲生牛肉配埋洋蔥仲有塊生菜嘅埋落塊多士道味道真係唔錯，啲牛肉質素應該都幾高，因為好香牛肉味而且有冇血腥味。主菜點咗呢個脆皮豬手，其實我覺得似德國豬手，另外跟一份酸椰菜，入面仲有薯仔嘅，我都係第一次食熱嘅酸椰菜。隻豬手好好食，而且份量都算多，我哋兩個人食到好飽先食得曬，雖然去瑞士餐廳叫得過嘢好似好奇怪，但係呢個豬手真係好好食。

週年紀念來到瑞士餐廳共度晚餐，發現餐廳在街外有點低調，入到餐廳亦覺得很有舊式、傳統、樸實的感覺，格外有情調。一坐下侍應便主動遞上牛油及麵包，侍應會問我們麵包要哪兩款，麵包頗別緻而且味道不錯。牛仔肉，蘑菇，白酒忌廉汁釀酥皮盒 - 牛仔肉非常林，配上白酒忌廉都唔會一種很膩的感覺反而帶岀牛肉的鮮味，酥皮亦非常鬆脆，切下酥皮盒時白酒忌廉汁仲會流岀來，非常治癒❤️雜菌芝士火鍋配法包 - 非常邪惡😈的芝士火鍋，想不到仲帶有香濃的白酒味，法包完全吸收整個芝士醬汁，連唔食芝士嘅我，今次都食得津津有味。燒羊架跟菠菜麵根 - 羊架我選了5成熟，想不到羊架燒得十分惹味且因有油脂而略帶羊肉羶味，不羶不羊肉😋，外皮更意想不到的香脆，有驚喜。罌花子撻配炒金蘋果及雲呢拿雪糕 - 罌花子撻十分香濃，好好食，炒金蘋果亦很香甜，至於雪糕係Movenpick, 而且職員表示有數款口味可以選擇，還有各種berries 配搭，真的色香味俱全😋。

週末收到嬸婆邀請過海午膳，地點為其相熟嘅「瑞士餐廳」，為食小XO唔洗返工喎，當然立即答允。原來長輩早於開店前經已認識大廚及經理，緣自半島酒店！據悉，英文店名中嘅「Swiss Chalet」其實係一種傳統瑞士小木屋設計，室內木造嘅裝修及打獵嘅裝飾好自然地亦以此作題。食客大多都係三代同桌用餐，故用餐大堂擺出嘅都係長枱。八口子被安排入座店內嘅方形上座，印有餐店大名嘅布餐墊滲出歐陸風情。散點餐牌共有四頁之多。午市亦有兩款素食及行政套餐可選。另有是日推介項目。經理哥哥推介嘅白酒好清新，炎炎夏日可助降溫。點好菜，即由外藉服務員派發暖手嘅麵包。大肥爸爸真係好眼，見到配備嘅牛油都印有餐廳個名。Oven baked Burgundy Snails（$132）：是日精選嘅焗田螺香潤彈牙。烘瑞士（辣力芝士）配新薯、酸洋蔥仔及酸青瓜仔（$78/Taster Portion）：熟客們極力推介嘅芝士超級巧薄嘅同時竟能如此香脆，真係冇介紹錯，必吃也！忌廉菠菜湯：忌廉湯輕盈芬芳，稀杰度適中，叔公一口氣飲咗兩碗，證明一啲都唔溜！Beef Tartar flavored with Calvados with toast（

2022年聖誕去呢度慶祝因為我話想食芝士火鍋餐廳格調好classic嘅歐式小屋見到差不多每檯客都會點芝士火鍋未食已經好興奮😆點完餐有人拎成籃包問我地想食邊隻餐包我好貪心差唔多每樣都要咗件淨係包包都食飽飽叫咗杯傳統聖誕飲品Mulled Wine小小嘅一杯飲過或者聽過嘅都知道Mulled wine係熱飲黎因為加熱之後 酒精揮發基本上佢唔係一杯酒唔飲酒嘅人都可以飲㗎龍蝦湯好濃味好creamy嘅湯酥皮盒呢個好少係香港見到/食到本身鍾意食酥皮 加埋啲白汁 無得輸芝士火鍋（麵包，牛肉，雜菜）芝士正 不過燒得耐小心燶底要keep住攪吓佢佢跟包包，肉同雜菜所以淨係呢個都夠飽Tiramisu 始終唔係意大利餐廳唔好要求咁高喇😅Hot raspberry with ice cream呢個真係初體驗佢淋咗啲酒 雪糕凍嘅 raspberry 醬熱嘅期待下次嘅芝士火鍋😌

今次同幾個朋友突然間興起話去食，其實我同其中個朋友耐唔中就會嚟食，所以冇乜特別期待因為都知道基本上都還可以。因為今次多咗幾個人，所以可以嗌多少少，芝士火鍋方便就叫咗兩款，一款係純芝士，一款係蕃茄芝士，純芝士味道比較傳統，蕃茄芝士就會開胃啲，完全係睇個人喜好。除咗麵包之外，一般習慣都會叫多一份新薯用嚟點芝士。呢個完全係個人喜好，有興趣嘅都可以試吓。仲有嗌咗份鵝肝，同埋個凱撒沙律，另外加蘆筍，鵝肝味道係唔錯嘅，份量可能細咗少少，凱撒沙律調嘅味道都好足夠，佢特別肥大嘅蘆筍，加埋個汁嘅味道都好好味。其實之後仲有叫咗個牛仔肉加薯餅，同埋一份魚，不過掛住傾偈唔記得影相，之後唔夠我哋都嗌咗播一份開晒沙律。整體來講都係幾好嘅，就係有陣時叫餸溝通方面要清楚啲，如果唔係有機會會搞錯。