原汁原味

Open Now

Now Closed

想試好耐，一個人，就點了晚餐。金蒜好香冇得輸，斑球彈牙又滑，好食，份量剛好。加一，盛惠 $90。地方不大，但有特色。晚上9點，仍有四枱客，店員親切，看得出同客的關係不錯。

打完風照出黎拍拖食飯🥰🥰 ✨柚子片皮雞（半隻） $198呢度嘅signature 緊係要試下😆😆😆 不得不讚個皮真係正 好薄脆🤤🤤 唔油膩 好正 而啲雞都幾滑 搭埋個柚子感覺好清新👍🏻✨原汁原味鮑魚小炒王 $168鮑魚切左片 唔算有好多片 🤔🤔 不過整體都非常有鑊氣 有好多鮮蝦 又有啲脆脆嘅蝦乾好香👍🏻👍🏻 都好推薦✨黑椒腰果牛柳粒 $128牛柳粒都有幾多 🥰 個肉質好好 完全唔係平時嗱得好勁嗰種肉質 👍🏻👍🏻 黑椒味都調得剛剛好 都係非常有鑊氣總括嚟講所有嘢都好好食😆😆 價錢係貴左少少但覺得都值得嘅 環境方面就都坐得舒服而且冇限時間嘅 服務都幾好 會加茶味道❤️❤️❤️❤️❤️抵食❤️❤️❤️❤️服務❤️❤️❤️❤️環境❤️❤️❤️💰晚餐人均～$270（包括+1）

過海去灣仔，與友人碰面，選擇了支持這小店。全部都係小菜加飯加湯的套餐，我哋揀咗出名的咕嚕肉，蔥油雞，雖然每個餐嘅餸細細碟，女士一定夠食，咕嚕肉好入味，啖啖肉，酸甜度啱啱好。蔥油雞啖啖肉，有雞髀肉，又有我最愛的雞胸肉。另外加了一碟清炒白菜，作為兩位女士的午餐，份量剛剛好店舖裝修比較古舊，但係有一種香港情懷的小店的感覺。店員講嘢雖然大聲，卻感覺到他的熱情。午餐時段不用等位，上菜快。雖然店舖不大，都可以坐到幾十人，不過有少少迫，那種迫可能也是香港情懷。

朋友食過午餐話食物正常，所以經過灣仔區 晚市試一次，踏入店舖門口 店員態度正常嘅 但係 落單嘅時候，問店員關於菜單問題，佢竟然答 "菜單已經寫得好清楚"， 即刻呆一呆 真係想同佢講聲唔好意思，點菜叫咗"涼瓜魚肚炒鮮奶，最後嚟咗"芥蘭頭魚肚炒鮮奶"，芥蘭頭與涼瓜其實我都冇問題嘅，所以冇問店員，費事店員同我講芥蘭頭咪仲好食過涼瓜， 位坐得比較迫 食物算係合格 冇乜驚喜。 10% service charge 但係提供街邊大排檔嘅服務態度 幫唔幫襯自己諗。

係附近做野，成日經過原汁原味但唔知點解從未入去食過，呢日同事提議食原汁原味，原來呢度lunch都有羊腩煲，咁就試吓佢話說本來4個人食，點知有一個叫晒野先話黎唔到，咁我地就突然食左一餐好豪既lunch😂3個人食4個套餐，落完單，姐姐就會送上每人一碗老火湯，幾好味飲落應該冇味精羊腩煲一上檯就見到每件羊腩都好大件，而且份量都好多！如果一個人食一個套餐都幾飽，即刻試試d羊腩，好香好肥美，又好入味啖啖肉，都算係近期食過滿意既羊腩煲之一沙嗲牛肉粉絲煲，份量都好多，d醬汁濃稠剛剛好，唔會水滴滴咁，掛滿每件牛肉同粉絲，非常惹味蔥油雞上面鋪滿左香蔥，意外地d蔥油唔會好咸，雞肉都幾腍滑麻婆豆腐送飯一流，辣度剛剛好，豆腐夠滑而且大大件發現左呢間好野，間中Lunch都要黎幫襯下

約了朋友在灣仔吃午飯，選了原汁原味這家餐廳。這間店像中式茶室，中午時分大約七成滿，方便朋友聚餐傾偈。餐牌上的選擇不少，比一般茶室或茶餐廳略貴。看見店員拿着一盤盤煮好的蒸飯放在各張客枱，我們也跟着點了兩盤龍躉荷葉蒸飯、兩款小食，花雕醉雞翼和海蜇。蒸飯上枱，香味撲鼻，魚肉嫩滑，分量十足。米感適中，不會過軟。至於兩款小食，海蜇有咬口，沙雕醉雞翼。味道尚可。我朋友加點了一支啤酒，說價錢相宜。總括而言，朋友和我都覺得這頓午餐👍為食指數外觀味道飽肚總分=1/2

中伏 龍蝦訓左教的 龍躉没鮮味 斑球一般 牛肋骨如蒸熟雖然不計龍蝦錢 環境一般 飲水耍叫待應斟 可是並非經常見到待應價格屬上等例如龙蝦伊麵一斤468但是質素是下等 以為價格作保證 豈料中伏太深

同朋友約咗響灣仔食個快晏，搵咗幾間舖頭都要等位。最後見到原汁原味，就諗起之前有位師兄介紹過，話個蠔仔泡飯好得，就入咗去睇下有咩寶藏。見到個餐牌，即係就俾佢個籠仔龍躉蒸飯吸引咗，朋友就嗌咗個蔥油雞飯，都係午餐嚟嘅，包杯嘢飲，落樓價八十幾蚊位。但係兩個飯都值回票價，龍躉蒸飯，魚油魚汁索哂落個飯度係意料之內，但係魚肉可以保持到一個相對滑口嘅狀態就算係難得。個雞嫩滑冇雪味，同樣係基本要求，不過原來個飯嘅重點係個葱油，簡直可以叫多個白飯嚟送個蔥油。非常好味，已經忍唔住想再去食

星期六午飯時間行經灣仔，見到餐牌都有興趣就入去原汁原味。侍應姐姐都算係熱情招呼，我叫咗個原籠蟲草杞子蒸雞飯，送例湯一碗。蒸飯份量都幾大，男士都實夠飽，可惜蒸飯嘅味道淡淡地普通過普通，蟲草蒸雞無乜特別，蒸雞都係切到細細粒無乜肉，荷葉只係裝飾，承惠$85老實講，收呢個價錢而得到呢個食物質數係失望，早知去食兩餸飯好過

和朋友去完Wine & Dine，去灣仔搵食😉之前搭車經過，見到這間原汁原味都想試，就今晚和朋友一試！多人可以試多幾款😄點了米芝連推介的招牌柚子片皮雞，上菜見到無什特別！但原來片片脆雞皮下，是起骨雞肉加柚子醬及鮮柚子肉👍清新👍還叫了話梅豬手煲，蟶子米粉底，梅菜蒸菜心，雜菜煲等，款款都份量十足👍

今晚去完中環美酒佳餚，朋友帶路落左一灣仔晚飯，一行5人，朋友話事點菜，點左6樣食物，果然同舖名相 符,原汁原味/米芝蓮推介，招牌柚子片皮雞，第一次食，果然有驚喜，真心係好食

同朋友一行八人，想食港式小菜，有朋友唔太喜歡味精，呢間主打原汁原味，就決定試下😊😊😊鋪頭位於灣仔區，位置方便，裝修係懷舊香港風，空間感正常，我地被分配坐一張長枱，share送尚算ok👌🏻👌🏻👌🏻呢個黃金豆腐分量係小食size，外皮炸得好香脆，神奇既係入面既豆腐依然嫩滑，沒有散開👏🏻👏🏻👏🏻試左好多個小菜，原個波蘿咕嚕肉肉質淋滑，一啲都唔鞋，掛住啲酸甜汁，開胃小菜😋😋薑蔥大蝦煲同薑蔥桶蠔煲好惹味，用煲仔上菜更顯風味，處理海鮮生熟度剛剛好，桶蠔超大隻，非常鮮味😋😋😋大蝦都唔會過老，好岩送飯!!!脆皮黑毛豬叉燒幾驚喜，外皮烤得香脆，好香糖味，肉質有咬口但唔會過un~~仲有米之蓮推介片皮雞，雞係起左骨，雞肉同柚子肉撈埋呢個配搭好夾，柚子解滯，食起泥又方便👏🏻👏🏻 個雞皮好脆，又冇乜脂肪，罪惡感即刻底左🤭🤭呢個籠仔帶子蒸飯好香味，值得一試~~~最後試埋糖水，芝麻湖甜左少少，反而腰果露好香味，為呢餐飯畫下完美句號👏🏻👏🏻👏🏻下次會再來試其他菜式😊

今日同屋企人提早慶祝母親節， 我哋去咗最近有親戚介紹過的粵式懷舊中菜館食飯，聽講係曾經有米芝蓮推介過的中菜餐館今日餐飯每道菜都色香味俱全，屋企人都食得津津有味，有D菜式仲好有創意服裝員亦都好親切有禮貌，食物質素及服務質素絕對值得米芝蓮推介今日母親節六人套餐$2380全包，我地再另外加多一個 薑蔥桶蠔煲＆ 話梅豬手煲如果人少，可以揀四人套餐$1680係同樣的菜式，真心抵食👍👍👍咁性價比高的餐廳，價錢又親民，係灣仔區已經唔多。

芝士乳猪柚皮片鸡豆萁黄仓鱼空心菜 味道不错，很地道的港菜值得一品。住在附近的，可以到访把他家的菜品都尝试一变。味道还是很耐斯哦。吃完还可以来一份甜品，顺便在附近，继续逛街，

原汁原味晚餐食得多，午餐都係第一次，今日食日月魚肉餅荷葉蒸糙米飯份量好大，糙米飯帶荷葉香味，肉餅好夠淋好大塊，加咗適量馬蹄同冬菇，面頭有日月魚同蔥花，食落口感更豐富，味道更香，午餐仲配自家靚湯，今日係節瓜粟米湯，好清甜，節瓜同粟米都好食，整體嚟講好食