THIRTY'S

Open Now

Now Closed

知道煥然2居有間新嘅越南餐廳，行遠啲走去試下。之前睇過佢個餐牌，俾佢寫住法國晚餐吸引，以為真係法國菜🤣。今日下午茶前入去，有午餐食，餐牌上寫住法式午餐，首先大部分係香茅調味，法國餐有香茅🤨？對唔住，我食得法國菜唔多😅可能係新派法國菜啦😎。最奇特係有個菜寫明係泰式，仲以為自己返左深圳😎，啲餐牌亂Q咁寫😆😆。既然法式入面有泰式，咁中式午餐入面有泰式都唔係咩怪事啦🤣🤣。就咁，我就叫左個中式午餐入面嘅泰式手撕雞飯。碟飯好大呀，個碟，最最奇怪係，飯旁邊有一堆沙律🤨🤨，搞乜呀🧐，而飯上面又有啲疑似日式芝麻飯素😱，至於泰式味道無乜特別，酸酸甜甜咁囉。老婆就叫左個下午茶生牛肉河粉，佢食完話唔夠咸，我試下個湯，ok喎，但加埋河粉一齊食就真係幾淡😕。跟餐熱奶茶就比較KIP😣。食完呢次應該無下次😏。

食過幾次，諗住幾乾淨就再去呢間，叫左雞絲河，食到一半， 發現有雞毛， 俾個店員睇，佢最初望完就行開，一句sorry都無，我都停手無再食。過左陣個員工話俾9折，再過一段時間先問我要唔要換過碗俾我。唉，係都食第二樣，仲食雞毛湯咩。 自己行去收銀度俾錢，仲要等 ，放埋張單係收銀面前 ，仲問我”係咪9折”，好似覺得點解要俾9折我，係你地主動俾我，唔想俾就唔好扮野。我鬧都無鬧過，未食飽，仲要我等你收錢，仲玩野要我答你問題ar? 可能有d人覺得50蚊碗， 你仲想點，但係基本乾淨，煮既人應該要留意到,同埋知道有雞毛之後店員既第一反應。

紅磡算是舊區，老店也特別多。不過小妹在這區工作多年，普遍大小食肆都差唔多光顧過了。偶然發現有新開食肆，都會急不及待一試。餐廳名很特別，一進店舖感覺好開揚，樓底好高。用餐氣氛不錯，不是茶餐廳格局，有點清吧的感覺。午餐時間，當然不會點杯酒飲吧～見餐牌有手撕雞飯，竟然有多款口味。似乎是大廚得意之作。愛辣得我點了泰式手撕雞，愛香口的朋友點了炸蝦餅黑豆飯。手撕雞已與調味料混和，中間夾雜了青瓜絲，酸爽辣味道很對胃口，有追吃的衝動，配白飯吃很適合。雞肉用雞髀肉，有連住少許雞皮，肉質好滑👍🏻炸蝦餅黑豆飯，炸蝦餅做得不錯，真材實料，夠彈牙。就是份量少了點，拌碟的雜果沙律好食，剛好平衡了炸蝦餅的熱氣。黑豆飯只是感覺健康，其實沒什麼味道。價錢在舊區來說算是中上，不過以環境舒適度，用餐體驗，食物質素，絕對值得。尤其這區絕少這種環境食物都有格調的餐廳。

本身極鍾意食越南嘢，所以知道紅磡開咗呢間Thirty's，主打越南菜，就即刻嚟試下新開舖樓面十分乾淨企理，一邊係Bar枱，另一邊就有唔少四人座位。本身係出面望入去覺得窄窄地，入到去可能因為有啲長Sofa，感覺decent d，都唔會坐得辛苦。我同太太唔太肚餓，只係一人嗌咗一個撈檬牛肉撈檬（$54）雞扒撈檬（$55）撈檬份量好足夠，非常飽，配料亦多。相比之下，撈檬汁就顯得有啲唔足夠，令成個粉感覺上有d寡兩個撈檬我會鍾意雞扒多d，雞扒有烤過既香味，配埋d炸蒜都幾香口，牛肉就一般般，不過不失啦。整體嚟講，呢個價錢無配飲品，只可以話食得過，唔算太驚喜啦。

屋企附近有一間新開嘅越南餐廳，放工過嚟試一試。餐廳供應泰式同越式菜，開放式廚房都幾大，而佢本身也有酒吧區，同串燒食。我叫了熟牛肉，牛肉份量足。唯獨湯底令我較失望，冇乜牛肉味，應該唔係牛肉湯底。熟牛肉湯河 $58先生叫了沙薑雞髀湯河，分量足夠，真係成隻雞髀上。沙薑雞髀湯河 $78我們另外點了小食，串燒用孜然粉調味，可以唔食。蒜蓉牛油雞翼大大失望😔，我原本以為自己食緊香茅雞翼，因為雞翼本身冇蒜蓉同埋牛油味，但香茅味非常重，搞到以為落錯單。食物方面一般般，不過會再試試泰式菜，希望會好少少🤏

趁餐廳剛過試業再加上平日，人流相對減弱，便walk-in 光顧晚市。小食方面，蒜蓉牛油雞翼 - 外型相對嬌小，吃下去還以為在吃隨意醃過的香茅雞翼⋯完全沒有蒜蓉及牛油香味，勉強在表面找到少許幼細蒜粒才確認他們沒有上錯餐點。$55 / 4隻 算是毫無性價比的小食。泰式酸辣鳳爪 - 不過不失，在這家餐廳選擇冷盤才是明智，因為在往後介紹的餐點，每一樣都是「凍滾水」般的溫度。炭燒豬頸肉 - 入味但焦香欠奉，涼菜般的體驗。湯水方面，海鮮冬蔭公 - 我們錯了！不應該在越南餐廳點泰菜，因為實在太不倫不類～雖然大碗，但整體味道像是茄膏開室溫水，不香不辣，口感不順滑（應該近乎沒有椰奶），香茅南薑等香料味道自動潛水⋯而且蟹柳當配料之一還是第一次見主食方面，蝦頭膏鮮蝦炒飯 - 我們又錯了～完全明白蝦頭膏的味道並不會很鹹鮮，但總不會像沒下鹽巴的蛋炒飯吧⋯而且那是處理過的蝦仁而不是鮮蝦，溫度還是涼涼的，真是「直升機咁嘅聲」⋯最後人均消費約$185，在外吃飯來說不算貴，但是這樣的質素完全不及格⋯可能給多次機會吃個越式河粉（Pho)，單點其他就不了！

生牛河唔錯， 都算抵食 ， 蝦頭膏炒 金邊粉 都幾大碟幾足料， 可以推介，希望附近 陸續更多好餐廳， 環境氣氛，音樂都可以接受， 開放式廚房都幾衛生希望做落咗，唔會加價或咗細碟咗，