Three Dice Kitchen (Closed)

今日到銅鑼灣嘅three dice kichen 食分子料理。呢個晶瑩剔透嘅水晶球名為水信玄餅，我叫左個玫瑰味嘅，粉紅色嘅特別靚，造型好精緻，擺設得好靚，隔離有一粒粒好似玫瑰花瓣嘅顆粒酸酸地，叫一啖透明水晶球配埋醬汁，味道好襯。

餐廳位於禮頓道136號，於希雲道交界再往前走一點，隨即到達，是美食雲集之地。 餐廳賣點是分子料理，日間售賣甜品，晚市分三場，可即場觀賞廚師製作晚膳，雖是立食，但價錢以分子料理而言，甚是相宜。未能待至晚上，便帶個甜品吧，嘗試每日限量供應二十個的水信玄餅。三款口味任君選擇，冰選了浪漫迷人的玫瑰果園(HKD35)，外賣回家品嚐。 晶瑩剔透的水晶球，佐以分子凍乾紅桑子粒及玫瑰草莓糖漿，甜甜酸酸的非常開胃醒神，紅桑子粒嚼勁十足，與水信玄餅的軟彈形成強烈對比，十分有趣。 第一次試過水信玄餅，也是初嚐分子料理，燃起了點點好奇心，他日定必再找機會來一次立食分子晚餐。

水信玄餅，因為其有如水晶般透潤色澤與果凍質感，所以近年在港人心目中成為大熱的日本甜品很久之前在日本品嘗過一次，雖然不至於驚為天人，但以美感來說絕對是令人難忘可能是因為有著果凍質感，而且作法不算容易，所以在香港並不容易找到。這次偶然走過這家曾被電視台訪問過的分子料理餐廳發現此物，而價錢亦不算太昂貴結合粉子料理派頭的水信玄餅又會是怎樣的呢？▲薄荷朱古力水信玄餅★★★★：水信玄餅味道就如之拳在日本吃到的一樣，無色無味，應說帶有淡淡天然的甜味，有點像大菜糕，但比大菜糕更滑更有彈性。店方稱為分子薄荷魚子醬的東西，其實是用凝固方法做成的薄荷球，每粒薄荷球帶有陣陣薄荷香，混合濃郁的朱古力醬彷彿就像吃薄荷朱古力一樣。將其蘸上水信玄餅後就成了薄荷朱古力味水信玄餅了。總體來說這個水信玄餅不算驚艷，但在欣賞廚師即席在你面前表演將薄荷汁變成薄荷球的過程，和廚師傾談交流的時間，也是一種享受。畢竟會做水信玄餅的店家不算多，而且此物也難有突破，能做到日本吃過的水準也是很厲害了。▲星空特飲★★：比較失望的是星空特飲，因為會期望是多種飲品混合而成，但原料是雪碧混合蝶豆花茶而成。雖然看顏色轉變過程是賞心悅目，但味道與觀賞

以前讀書最憎就係physic &chem，因為學黎唔知有咩用，成日唔合格。估唔到時至今日，食物都可以加入宜D科學元素，成為新興既分子食物!之前見到雜誌介紹宜家分子甜品店一直都想去朝聖了，終於咁岩同朋友一齊去CWB，可以品嚐了!宜家分子料理店以立食方式用餐，大約容納到十幾人，另設有外賣!重點係價錢唔貴，非常超值！水信玄餅加入左分子料理原素，一日只限量賣20個，售完即止，當然有得order梗係食喇！女生都是粉紅控，我們Order了玫瑰果園水信玄餅，即係水信玄餅伴上分子凍乾燥紅桑子粒+玫瑰士多啤梨糖醬水信玄餅晶瑩，好似一個大大既水晶球，口感很彈，但就冇乜味道。主以依靠伴料。分子凍乾燥紅桑子粒超有咬口，味道很酸，配上甜甜的玫瑰士多啤梨糖醬，酸甜之間正好取得平衡！

吃飯後吃個甜品也不過份吧，經過被這家分子料理店吸引著，是賣水信玄餅，在網上看過好美，但卻沒吃過，看到店內不算滿場，所以貪吃的我就決定進去嚐嚐味道店內都是立食方式用餐，店舖地方不大，可容納十個客人左右看到店門有此報導文章，原來這裡的水信玄餅一天只限量20個，售完即止。一向我也很喜歡玫瑰味的甜點，毫不猶豫選了玫瑰果園店員說此款甜點是眾多女生大愛，還教我要試這個水信玄餅有多Q彈，可以用叉在玄餅上拍打幾下，果然非常有彈性，感覺QQ的水晶球晶瑩剔透，旁邊伴著美國的分子凍乾紅桑子粒搭玫瑰草莓糖醬，上面放了法國玫瑰花瓣，第一口試下個水晶球，口感像啫喱，也有點像大菜糕，但Q彈程度完全跟這兩樣的口感不一樣，凍乾紅桑子粒酸酸的，一顆顆乾果有咬勁，再配玫瑰草莓糖醬，酸甜度剛剛好，這個水信玄餅是視覺加味覺的享受雖然只吃了分子甜品，但看見其他客人在吃其他款式的分子料理，店員亦為他們逐一介紹每道菜，也挺吸引，下次必定要到來嚐嚐分子料理晚餐

同朋友去cwb行街，經過宜家分子甜品店令人不其然著魔！門外貼滿雜誌報導，就連DJ小儀都黎過唷！近期日韓大熱既水信玄餅一直都未有機會吃，咁岩宜度有，就order了一客嚐味！每日限量二十個咋！一共有3款口味：原味=黃豆粉和黑糖，玫瑰草莓= 玫瑰糖漿和脫水紅桑子脆粒&薄荷晶粒魚子朱古力！同傳統既水信玄餅有小小唔同，薄荷晶粒玩味十足！好似一粒粒既魚子，但富有薄荷味！晶瑩通透既水玄餅口感好似jelly,好Q彈，但就冇乜味道既！ 所以配上濃濃既朱古力醬就perfect!好食又好睇，用來影相呃like一流‌！

同朋友食完飯就諗住搵間甜品店消消滯 咁岩見到尼間餐廳仔 門口貼左好多介紹 好評推薦 就一於試下就算見到有唔同餐 有黑毛豬火腿 刺身等等 魔術表演 覺得好搞笑 可惜我去個陣無得睇 有機會一定要去睇下 食更多野因為晚飯食太飽 所以同朋友只試左個水晶球。第一次食係台灣街邊檔 個陣食感覺好似龜零膏 唔太好食。今次再比多次尼粒水信玄餅 果然無錯 真係好QQ 好彈口 我係食玫瑰果園，覺得尼個配搭好有心思！ 由於水晶球本身無乜味，所以紅桑子粒好脆酸酸地配上士多啤梨玫瑰醬 好易入口 亦好快就食曬 完全唔覺膩同滯 好清甜又酸 好好食如果再經過一定會試下特飲 顏色好靚好吸引，由於店舖唔太大，所以要注意係企住食的呀

話講小弟一直都想試下分子料理 今日經過左呢間分子甜品鋪 所以入去試下啦 由於岩岩食完正餐無耐 就諗住叫個水信玄餅試下 之前朋友去台灣話個質感幾得意 咁岩呢到又有得食除左食既 都有飲品既分子料理 唔知係點既呢 可惜頭先我買左樽水 無緣試飲下開始整啦 我見個師傅仔又插電掣又開架撐 但好快搞好左比我 有效率噴煙脆餅呢個好似幾得意咁 但唔敢試 怕個鼻不停冒煙 終於整好啦 個樣都幾特別 我叫左個薄荷朱古力水玄信餅 一開始咬個水玄信子好似一個無味既果凍 但加埋d分子薄荷魚子醬同d朱古力醬之後 陣味清新同埋甜甜地 好得意個d薄荷魚子醬咬落好特別 咬一啖就即刻無左咁 從未試過呢個食法D朱古力醬同薄荷好夾 食落唔算好甜 入面唔算好寬廣 但有得比客人掛衫 好貼心好多電視報紙都有訪問呢間鋪

分子料理係香港都出名左好多年，不過之前就未有時間去嘗試，而且價錢亦比較貴真係唔捨得食。如果有得平平哋又試吓分子料理都算係平民享受。食完晚飯之後就去銅鑼灣嘅地方食分子甜品，估唔到好多人其實喺度原來都係食分子料理立食。呢個甜品要來影相真係一流，感覺滑不溜手如果放喺手上面一定會好快跌落地下！！玫瑰果園＄35有分子凍乾紅桑子粒，玫瑰草莓糖醬本身透明色嘅分子凍帶少少甜味，而且近乎入口即溶。除左咁之外，當然要加醬一齊食令味道豐富，玫瑰草莓糖醬令到整體味道更加甜，亦都有啲玫瑰味更似日本本土味道。除咗甜之外，亦都可以有少少酸味，就係乾咗嘅紅桑子。因為本身紅桑子食會比較酸，變成果乾之後就會冇咁酸，不過就變成甜中帶酸，甜酸味道都有齊！係食就襯手啦，如果唔係嘅話驚會溶解～

今日經過銅鑼灣發現一間立食餐廳，原來有分子甜品，叫一個試試。日本水信玄餅。彈彈的口感，入口輕輕甜味不太膩。旁邊伴上黑糖漿和黃豆粉，清甜水信玄餅伴上甜甜的黑糖漿味道更是特別。原來這個甜品放太耐會變成水狀，分子甜品的確有趣。

一間主打分子料理的立食店，中午經過入去試試，原來都有甜品。選了黑糖味。彈彈的感覺，口感彈牙輕輕甜味，伴上黑糖漿和黃豆粉。放得太耐會變水狀，要快食先有彈牙口感，清甜味道非常解膩，口感特別。

呢間食分子料理好特別！有三隻口味，揀左黑糖黃豆粉，甜味適中。佢由80%的水和糖組成，唔似出面果啲舖頭的大菜糕，呢個口感係好qq，感覺好正宗！雖然位置偏僻啲，但絕對值得試。

喺銅鑼灣食完晚飯之後，朋友話有人推介去食一間特色嘅甜品，又唔係雪糕又唔係蛋糕，系一件好似啫喱嘅物體。我真係完全摸不着頭腦，都唔知佢講緊乜，但係佢就話呢個甜品比起好多甜品店都要平，同埋更加特別，今次就唯有聽佢講同佢一齊食。去到一個都比較偏僻嘅位置，發現有好多人企喺度食嘢，主要都係食分子料理，不過我哋食飽飽就叫個甜品薄荷朱古力＄35裏面除咗有一個水信玄餅之外，仲有分子薄荷魚子醬、黃金朱古力醬水信玄餅有超級晶瑩通透的外表，完全係信透明色，真係超級靚，而且表面又滑，好容易跣來跣去，正！坳落去有少少似啫喱，不過更加爽口同埋有少少天然嘅甜味，表皮好似特別有彈性。隔離嘅分子薄荷魚子醬其實就係好似魚子醬質感嘅薄荷粒粒，一咬就爛，味道都幾天然，唔係太化學，再加埋勁香濃嘅朱古力，層次真係好豐富，不過原來卡路里好低，食咗一件唔會好飽但係就滿足左口感同埋甜品胃。

這個就是水信玄餅了!!!前個排好興的甜品，我現在才有機會食....分子料理，早幾年前非常流興的新派飲食料理！經過店內，就打算即興！但原來佢係要打電話預約既，因為佢地只有一個SET MENU要預先準備，所以只點到水信玄餅！SET MENU個陣會有師傅喺你面前製作，為你解構甜品既製作過程同原理.....「即場表演」既分子料理，真的非常吸引，下次有機會一要試試。雖然只點到水信玄餅，但都安慰既，因為我從末試過，所以都幾期待架個SET MENU $200左右就成個晚餐SET食曬都幾超值.....仲有，負責人話布早鳥優惠會平D架!!! 玫瑰草莓醬+分子凍乾紅桑子粒=玫瑰果園晶瑩剔透既圓球狀， 個口感似食一個無味道既蒟蒻或大菜糕的，會依靠個瑰草莓漿汁點綴下，桑子乾更是酸酸甜甜很開胃，QQ水晶晶滿足了視覺的享受.....低脂，更是食完唔會有邪惡感啦～店細細，內裡係無椅子的，咁客人要企起度睇住廚師表演兼開飯的

係朋友既介紹下，我地去左希雲道去試下一家專門食份子料理既餐廳，不過就唔係full set食啦，食個叫水信玄餅既份子甜品only,因為之後要返屋企食住家飯。門面都幾靚仔，電視仲有tbb既飲食節目賣緊佢地添。我地就叫左一個roseberry口味同一個黑糖味既水信玄餅。我地可以全程睇住師傅既製作過程好得意，Roseberry口味相當唔錯，一粒粒既就係打左做份子既酸莓，中間個水晶球其實用左80%水同糖打出黎，甜甜地食落幾似啫喱。黑糖原味既水信玄餅仲有d黃豆粉可以撈埋食，感覺好似日式，甜度適中。有機會仲想試埋佢地個正餐menu添