添記法式三文治

Open Now

Now Closed

渡船角佈滿美味食店， 而且以小店居多。馳名法式三文治的添記，一間小小店舖，以外賣作主力，用一半以上的空間作為半開放式廚房；晚上客人不多，因自己胃納不大，只點了一個小法包，淺嚐一下這個街坊名店的味道。等了約5分鐘，食物出來了，法包內包裹著很多配料，肉類分別有鹹豬手、五香腩肉、扎肉和嚼肉，嚼肉原來會選用鵝肝的，現在則是豬肝再加豬肉做成的肉醬，小店式經營，食物價格也不能定太高，於是出現了這個地道版做法; 除了肉以外，還包括了醃過的紅蘿蔔絲，薄薄的蕃茄片和青瓜，味道整體配搭出色; 當然不得不提焗得香脆美味的法包，跟豐富的配料同吃，味道不會比賣貴幾倍的名店三文治遜色，可能還有過之呢！ 接下來在渡船角上繼續遊走，一方面幫助胃納消化，另一方面發掘一些其他餐廳，下次再來開餐。 美食從來不是以價錢來定義的，收費高昂的，不一定是好，平宜地道的，也不一定會差，問題取決在經營者的心態；我們是夜有幸到訪過的，都是用心運作食店的餐廳，一個滿足的晚上！

晚上九點幾在官涌體育館做完運動，決定行去渡船角附近揾食，因晚上不想吃太飽，所以決定來個法包輕食。添記法式三文治舖面懷舊樸素，只有2、3個坐位，食物選擇不多。我點選了小法包（$39），因即叫即整，要等一會兒才有得食。拿在手上，只見法包夾著我不喜歡的紅蘿蔔絲，外貌一般，個心即時沉一沉，誰知一口咬下去才知「堅料」。法包烤得剛好，外脆內軟，面層的紅蘿蔔絲，青瓜，蕃茄，爽脆卻沒有丁點草腥味，下面是一些碎雜肉，帶有微微胡椒香，沒有多餘的汁醬，每一口都清爽輕盈，很是滋味。這區我之前從未踏足，原來也有不少食店，雖與熱鬧的佐敦港鐵站有一段距離，但正因爲如此，人流相對較少，感覺比較寧靜舒服，這區我一定會再來！

朋友介紹有間老店整法包好好味，咁岩男友勁鍾意食，就帶左佢過去。朋友話間鋪好隔涉，但係柯士甸站行過去都唔遠。下就4點左右去到，都唔少人係鋪頭入面等緊，大家都為左個法包黎，都有人黎散買包入面既配料，可惜我地住得唔近，如果唔係得閒買返去晚餐加料都唔錯。條友無食晏，一叫就叫左個大既法包，飽到傻。我就要個細既，食完留肚去食其他野。不過我諗2個人要飽肚，一大一細一齊share就岩岩好啦。個法包烤得好脆，入面啲蘿蔔絲少少酸酸地，加埋啲肉，好豐富好正有機會再去

這裡店子不大，嚴格來說，是有四個座位。唔介意是可以「立食」，企埋一邊或者出去食都得！今次係第三次去了，老闆是有兩人，但每次都係見到一人在團團轉，一時烘包，一時夾肉，一時收錢，有時又要回答問題！因為兩個人經營一個做，咁就可以頂下D假咁。有大小兩種選擇，只需要說出要幾多個「大」及幾多個「小」比老闆聽便可以啦。今次我就要了個大呢。廚房開放式的，可以見到老闆每一個Step，先將三文治法包噴點水，才再放進大焗爐法包才能烘得香脆！🔹大－法式三文治 ＄74焗好熱辣辣，一咬落去卜卜脆！充滿越南風味！餡料有法式嚼肉、扎肉、腩肉、鹹豬手、再加入用魚露醃好了的蘿蔔絲及蕃茄、醃甘筍絲和青瓜等，入口微酸鮮甜，十分醒胃。再照客人的要求去加辣，熱辣辣的法式三文治就送上來了。吃不完的話，打包拿走，遲些拿出來吃，也好吃的。店內還售買越南米粉、香料、醬料和涼果，如檸汁薑、九製芒果、話梅等等。🔹我仲買左包蝦片走添！超好吃的呀！饀料是自家製，尤以嚼肉濃郁，令三文治味道更豐腴。喜歡用上最簡單的烹調方法，也做到好味道！老闆話賣光就收工了。「好嘢唔使多，賣一樣都夠喇。」不變的水準，有機會真係可以去一試！

2019 的第一日估唔到同太座到佐敦搵食的店舖可能因為大時大節, 家庭團聚大過搵錢的關係 - 休咗息, 咁就在附近幾條街搵其他野食啦, 來到添記門口, 現在只得老闆一個一腳踢攪晒, 有點門庭冷落嘅感覺, 一入店內彷彿我們進入了時光機, 配合80's 嘅格局, 腦海突然漂過周潤發的舊情人歌詞, " 曾經痴戀　曾經分手如今跟你又聚頭, 一種他生的感覺　心底默默流, 如果當初重不分手,人生一起怎麼走, 可惜當初的一切　不可以回頭........ " 作詞的潘源良的寫照乎? 而當年雖然發哥似讀歌多D但都出到隻碟出來, 而今日的歌手即使唱得幾好都好難有機會出隻CD, 除非老子大把! 講返正題,  這裡是即落柯打即做三文治的, 剛好前面有三個後生仔落咗柯打正在整緊佢地嘅包, 我們 一於要個大法包$74兩個人分, 材料是二,三十年不變, 包的口感亦不變, 如果用現在對法國麵包的認知去界定的話,這個種法包又是另一個版本, 口感會偏向乾脆, 一咬下感覺係碎同散開, 麵包的質感同組織偏向餅乾, 但話說回來這是差不多三十年前的版本, 即使今日去越南在那邊超市買到的法包也是這個版本, 彷彿講求的是體積而非對麥

我去越南都食唔到咁好食嘅法包！外脆內軟嘅法包，4種不同嘅肉，唔鍾意食肥豬肉嘅可以唔要腩肉同豬手，淨要扎肉同嚼肉！佢最正係用糖醋同美極醃嘅紅蘿白，男朋友唔鍾意食紅蘿白都鍾意食！真係好出食！不過呢幾年加左唔少價！不過都值得食！

外賣一個細法包和蒜蓉包整塊蒜蓉包塗滿牛油和蒜蓉, 烤得香脆惹味, 只賣$9屬超值之選細法包上有大量略帶酸味的紅蘿蔔, 跟札肉的配搭很不錯。而法包本身的口感不會太硬, 表面略脆內裏鬆軟假如去佐敦閒逛可以一試這間已開業多年的添記

唔好睇小呢一間睇落去好似好舊嘅法式三文治小店，其實佢喺呢區已經多年屹立不倒，好有名氣 佢位於佐敦渡船街，我記得細細個媽咪成日帶我黎食，好細個小店已經喺度佢主打嘅係越南法包。我細細個已經愛上咗佢嘅蒜蓉包同法包聽聞好似係越南華僑開嘅。 店舖雖小但五臟俱全店內仲會售賣唔同嘅粉麵、醬汁等，有d係來自越南!今日經開呢度附近，已經食完晚飯，其實都飽，但係都忍唔住去買個蒜蓉包食真係冇誇張，我食咗好多唔同嘅蒜蓉包，我始終覺得呢一間係我食過最好食嘅蒜蓉包可能我本身真係好鍾意食蒜蓉包，呢一間嘅蒜蓉包係即叫即焗，焗得好香脆而且蒜蓉同埋牛油嘅配搭份量啱啱好，剛剛焗好熱辣辣，一咬落去卜卜脆蒜蓉香味充滿整個口，好好味而且仲有少少嘅蒜蓉粒即食! 另外亦都買咗細法包聽日食， 由於聽日食，所以通常我都會叫老闆將啲瓜類菜類分開，免得會令到個包變咗。當聽日想食嘅時候先至自己加返落去再提及一次，佢啲法包係特別香脆，而且入面仲有唔同嘅配菜:有越南扎肉、酸瓜、紅蘿蔔條等蔬菜。食落去味道充滿越南風味 其實講係好難形容佢有幾鬆脆好味，真係要買一個試下先至知道 有機會大家真係可以去試下 宜家呢啲小店真係買少見少，值得支持，食落唔止好味

之前經朋友推薦我去食這家‘添記法式三文治’，鐘意食宵夜的老公和我大約十一點半去食，店內好懷舊，睇黎都有返咁上下歷史，見到貼左好多報紙報導出黎，當時咁夜，店內都仲有一個客人在等包，一問之下，大法包已經賣曬只有小法包同最後一個蒜蓉包，會賣曬，可見真係幾熱門，遲少少去都無得你食。Order個時係整叫即整，等左大約5分鐘就拎得。個包仲熱熱的，重點：法包好脆！！！👍🏻之前就算去到法國食既法包都係好硬！石頭咁硬！反而呢個好脆！ 正！ 大加分！D內餡好好食！ 整體黎講好味！食再返轉頭食！不過值得留意係個條街好窄，渣車去既朋友要小心😂😂

有一種起源於法國，但是在越南一帶盛行，最近二十多年傳入香港的長麵包，坊間稱呼這種長麵包叫做「法包」，寓意從法國傳入亞洲流行的長麵包食品。不過我以前一向都不喜歡食法包，因為我嫌法包質感太韌，口感不軟熟。大部分在香港盛行不少，以法國長麵包作為材料製作三文治的法國菜餐廳，我雖然有幫襯過那些有賣法國長麵包三文治食品的法國菜餐廳，但是一向不喜歡食法包，每次享用過程都很辛苦。所以我知道在港鐵「柯士甸」站旁邊的美食區「渡船角」，亦有一檔以法國長麵包作為主要食材，製造出美味「長法國麵包三文治」的越南菜食店，食店的名稱叫做「添記法式三文治」。我第一次來到「添記法式三文治」，看過「添記法式三文治」店舖裡面，所有有關食店的報章雜誌專欄介紹之後，我才知道「添記法式三文治」原來這一段悠長，而且複雜轉折的發展史。原來現在的「添記法式三文治」，都已經易手過一次，「添記法式三文治」最初開張時的店主店員，到現在都已經成為了歷史痕跡，再看現在接手「添記法式三文治」的店主，我不禁慨嘆「十年人事幾番新」。不過「添記法式三文治」店舖內部的裝修跟格調，感覺反而卻是有「十年如一日」，歷久常新的感覺。我總覺得「添記法式三文治」好像從

Been here multiple times and decide it's time to write a review. Ordered the famous bread sub shown on the newspaper review inside the store. The bread is specially baked in the oven for the texture of the sub. There is a waiting time. However, I think for the quality of the food a bit of a wait is okay. The store isn't very appealing and it did put me off at first.The bread is crunchy and the inside of the sub is meaty. It's a perfect balance for me. The store is an old Hong Kong style store. Y

朋友係外國番黎，一直念念不排以前讀書時期食到的法式三文治。前排見到FB介紹呢間添記法式三文治就話一定要去試! 添記法式三文治位於佐敦渡船角，有小小偏僻，係柯士甸站或者九龍站行過去大約10-15分鐘。鋪面都幾細同唔起眼，要小心D留意先唔會MISS左。同老闆ORDER完就企埋一邊等，因為所有法包同蒜蓉包都係ORDER完再入爐翻焗的。原本一入到去只係有幾個人食緊，點知係我地等緊的時候就好多人黎買，企滿晒成間鋪😱，睇黎佢真係幾受歡迎!等左5分鐘左右就有得食，我地叫左一個大法包同一個蒜蓉包。一拎到即刻比滿滿的蒜蓉味吸引住，相都唔記得左影就已經食晒。🤤🤤🤤佢係係一片法包上面鋪上滿滿的蒜蓉然後再焗，外脆內軟，非常好味，喜歡蒜蓉的朋友一定要試!👍🏼👍🏼👍🏼之後就係期待已久的法式三文治喇! ORDER時可以同老闆講要一開幾，我地兩個人食就一開二啦! 一拎上手就見到D餡料滿到就黎滯出黎，一啖咬落去首先食到外脆內軟的法包，然後再食到入面的醃蘿蔔、嚼肉、扎肉、五香腩肉等等。嚼肉同五香腩肉的咸味剛剛好比醃蘿蔔微酸中和番，味道配合剛剛好，食完仲覺得意猶未盡，差D想叫多一份黎食啊! 🤤🤤🤤🤤🤤我真係好好奇究竟點解老

一份又愛又恨的感覺，坐落在舊區的小店，無裝修、食品無多選項、無靚服務生.......只得老闆一個one man band，但以前我就是住在這個舊區，大約三五七天就到此餐廳，吃個輕食小法包，配支樽裝可樂；感覺簡單而美味，法包焗得很”趣”，每次都要趕著吃怕”淋”咗，一口咬下必定包碎橫飛，扎肉胡椒蘿蔔絲配起來很美味.......有人說貴，但有記憶的味道，就是這個價錢，只怕吃過今次之後沒下次了！

一心諗住試下叫咗一客大法包同青檸汁share，因為已經食咗個午餐。一開四的法包打算食兩塊留番兩塊回家才食，咬咗一口外脆內軟，每1口都脆脆，肉有咸香味同胡椒的香味，雖然有肥膏本人最怕，但既然唔油脷，胡羅白絲雖然特制，唔酸亦令人食完唔'留'的感覺，食完一舊，唔夠，食埋原先諗住帶回家的。青檸汁係我所飲過最好味的，有新鲜好香青檸味，亦唔係好酸。食完好滿足。不難明白點解会有人讚。位置雖然唔就腳，離地鈇都一段距離，下次再去左敦都会再食。

它。還在第一次光顧，還是6年前的事小法包售價約廿幾元，隨著時間變遷，物價漸漸高昂，現足足貴了1倍，$38才能叫1份小法包，太誇張吧？！店內仍是當年的原汁原味，人物依舊，只有幾個座位，主力外賣為主。太想念越南的味道，忍不住還是叫了一份小法包以解相思之苦。法包應該是自製的？香脆鬆軟，食落去Chok chok聲，餡料足夠：蘿蔔絲、肥豬肉片、青瓜、鵝肝醬、蕃茄等等，算不上是新鮮，但我堅係喜歡越式鵝肝醬，總是覺得塗上它，什麼也變得好吃！但我忘了在越南食法包時，餡料是暖是冷？好似現在吃下冷冷的餡料，再加上熱烘烘的麵包，感覺似是怪怪的！不過，味道依舊不變，實屬難得。好想再去越南狂食法包呀！