Toast Luck (青衣城2)

Open Now

Now Closed

店長都無心做咁，外賣單等左半個鐘，問一句就話做好會拎出嚟，但係做嘢仲施施然，跟住見佢廚房包好左都特登唔拎出嚟，等咗佢5分鐘，要我問多次先肯入膠袋拎俾我，問佢既時候仲態度勁差講轉頭拎比你。唔會再幫襯。

之前去食NeNe Chicken，只有炸雞買，沒有這個吐絲賣，所以我都分唔到究竟佢哋係咪同一間舖頭，頭先我係外賣返屋企食嘅。凍咗少少，但還是很香口，值得推介。如果下次再食的話，我可能會喺青衣城二期的公園外坐下來食，咁樣即食會更加香口，同埋會望住大草地感覺都好relax。舖頭隔離都有台式飲品賣，所以我覺得係等待吐司嘅過程都可以去望一望隔離台式舖頭的飲品。舖頭樓上就係戲院啦，所以睇完戲嘅朋友都可以考慮呢一間小食。

星期六12點黎買個炸雞吐司，其實50幾蚊60都唔算好平，但諗住試下啦，埋完單話要人等20分鐘先有得拎，明明冇乜人過左20分鐘比單有個男職員拎外賣，佢對完張單比外賣我，多謝都冇聲，算啦，諗住拿拿臨番屋企食晏番到屋企打開個袋點知發現佢比左個平d既薯餅吐司，跟住打番去同佢講叫佢換番，又要仆番去換去到換，同一個男職員又係黑面，唔好意思都冇聲，淨係好似想你快d走咁前前後後搞左成粒鐘先拎到件岩既吐司，d人仲要無禮貌咁，真係唔會再幫襯

好掛住喺韓國掃街既日子🤤🤤而家又未去得韓國住，唯有買 Toast Luck既吐司同小食思思鄉先🇰🇷🇰🇷🍱韓風戲院小食盒 $108✨呢款係新推出既小食，包括有炸熱狗2件、香腸年糕串、滋味波拼盤同初雪薯片～～熱狗可以自選口味，我就揀左芝士脆薯同芝士初雪炸熱狗😋😋熱狗即叫即炸🔥，咬開仲有芝士拉絲🧀！超邪惡！！而滋味波拼盤就有芝士波、牛奶波、朱古力波同芝士通心粉波各一❤️❤️口感外脆內軟，煙煙韌韌幾好食👍🏻👍🏻🥪香脆炸雞吐司 $57✨賣相豐富！包括有炸雞、粟米蛋、車打芝士、酸瓜同椰菜絲等～～炸雞外皮香脆，肉質嫩滑！加上芥末醬同甜辣醬🌶，好惹味🤤🤤🥪墨西哥芝味煙肉薯餅吐司 $54✨呢款都好受歡迎！包括有薯餅、煙肉、粟米蛋、水牛芝士同nachos芝士醬等～～薯餅外脆內軟，炸得好香口！同其他配料一齊食口感好豐富❤️❤️飲品方面，我地揀左西柚梳打($21)愛文芒果沙冰($27)～～西柚梳打酸酸甜甜，飲完好解渴👍🏻👍🏻愛文芒果沙冰口感綿密，芒果味好清新！唔錯😋😋

平時都好少去青衣城，原來青衣城二期商場都有很多餐廳。呢日就去咗這間韓國菜外賣店，買外賣上朋友屋企食。呢間店係正NENE Chicken門口，而且重有多款韓國街頭小食和我最愛的韓式吐司。.💕韓風戲院小食盒 $108包括任何口味炸熱狗2件、2份香腸年糕串或滋味波拼盤，重有初雪薯片。.🌭蒜醬初雪炸熱狗 & 芝味初雪炸熱狗熱狗前半段係🧀cheese，而後半段係脆薯香腸。🧄蒜醬和🧀芝士味兩款都很吸引，前者蒜香十足，十分惹味；後者芝士味夠香濃。.✨滋味波拼盤可以食晒牛奶波、芝士波、朱古力波、芝士通心粉波四款口味。食落口感有點似麻薯波波，外邊煙煙韌韌，入邊軟心。個人最喜愛🧀芝士通心粉波和🍫朱古力波，前者芝士味好香濃，有流心的感覺；後者朱古力味濃郁，又不會太甜。.🥔初雪薯片 份量不少，口感非常香脆，食落帶韓式香甜味和芝士味。.🥪深海牛油果吐司吐司套餐 Set C $70 (增量蔬菜+$6)吐司好足料，塗上牛油再香烤，食落外脆內軟。入面🦐炸蝦餅，食落香脆彈牙；而🍳煎蛋重放有粟米和蟹柳。另外，配上惹味🧀芝士、新鮮🍅蕃茄、酸瓜、🥬生菜、椰菜絲和🥑牛油果醬，真的很健康，同時中和了油膩感。.🥭愛文芒沙冰 不同

Soul Food Truck & Toast LuckNenéchicken同一個舖位嘅toast luck🍀 係韓國好出名架，見屋企附近新開就即刻去食🥰至尊薄餅薯餅吐司🍞- 好似食緊pizza咁，飽肚足料嘅pizza🍕深海牛油果吐司 - 喜出望外嘅感覺，好有層次，咁樣食到蟹柳感覺好特別😆韓國戲院小食盒🤓 可以揀兩個熱狗、兩份：香腸年糕串/ 滋味波拼盤/ 芝士波4粒/ 牛奶波4粒/ 朱古力波4粒/ 芝士通心粉波4粒，同埋初雪薯片我揀咗芝士脆薯&滋味初雪炸熱狗🌭️ 滋味波拼盤(朱古力&牛奶波)，芝士通心粉波，不過我首先要讚係佢嘅初雪薯片，啲芝士粉真係好正，係平時食炸雞嗰隻💗💗 啲波波好感好特別，尤其係芝士通心粉，佢入面有通心粉煙煙韌韌好得意😛 呢類型嘅熱狗🌭️我第一次食，口感幾特別，值得一試💗佢啲飲品好足料，唔會只係有糖水/甜味，愛文芒果沙冰&朱古力奶昔都值得推介🥰📍Toast Luck (青衣)青衣青敬路33號青衣城二期2樓226號舖

連鎖韓國餐廳NENE Chicken內有另一品牌「Toast Luck」，主打正宗的韓式吐司和韓國小食。一共有十二款吐司，均以即叫即製。外賣包裝很穩妥，有堅固的紙盒，飲品還有膠套密封不會漏出，更有膠手套和餐具提供。每份吐司兩面都塗上秘製的蜜糖醬，再煎到金黃香脆，外酥內鬆軟濕潤。香脆炸雞吐司 - $63大大塊酥脆不膩的炸雞扒好嫩滑，而不乾柴，淋上自家製芥末醬及甜辣醬倍添惹味；再夾著嫩滑的炒蛋有粒粒香脆香甜的粟米、車打芝士、酸瓜和椰菜絲；另加$6升級增量蔬菜，多了生菜和蕃茄，更健康更清新。脆墨蝦博士吐司 - $63金黃酥脆的炸蝦餅有爽口彈牙的蝦肉和香酥的炸魷魚，淋上酸酸甜甜的蜜糖芥末醬；同樣夾著粟米炒蛋、車打芝士、酸瓜、椰菜絲和升級增量蔬菜。韓風戲院小食 - $108炸熱狗(任何口味)2件、香腸年糕串或滋味波拼盤2份、初雪薯片芝味初雪炸熱狗厚度適中的麵包糠鬆脆而不膩，再有一粒粒酥脆的薯粒，塗滿芝士粉和芝士醬，更內有一條脆皮香腸。蒜蓉初雪炸熱狗這款則芝士醬換成蒜蓉。滋味波拼盤有齊牛奶波、芝士波、朱古力波和芝士通心粉波四款，咬開流出半溶化的餡料，其中芝士通心粉波的外皮特別酥脆，帶點辛辣。初雪薯

之前去過韓國食Isaac Toast🥪呢間韓國小食店嘅吐司同韓國嘅Toast差唔多我同男朋友叫咗香脆炸雞吐司同墨脆蝦博士吐司🍞好大份啊麵包沾咗蛋醬同蜜糖烤，香口脆卜卜，甜甜地，好好味中間夾住蝦餅，爽口之餘又香脆煎蛋入面夾住墨魚餅，口感非常豐富！另外，韓風戲院小食盒賣相都好吸引🥳只係$108好抵食！自選四款小食有韓式炸熱狗🌭️、香腸年糕、同滋味波仲為初雪薯片🫣撒滿芝士粉嘅薯片，口感豐富，鹹鹹地幾特別！蒜味初雪熱狗 🌭️芝士同蒜香味十足做到拉芝效果，邪惡得嚟好滿足啊😚香腸年糕原味都好滋味，年糕煙韌，淋上甜醬，味道甜甜地滋味波，特別鍾意牛奶味，唔會好飽滯，堅硬程度爆燈😆Toast Luck 青衣青敬路33號青衣城二期2樓226號舖

某快餐店的雙層包也未能挑戰人類口部開合極限，這兒的吐司，究竟有多少人一口可嚐盡各層的滋味。一般公司三文治只能當下午茶，但它絕對可做一客午餐。大大件，一層又一層內餡，有蛋，薯餅，煙肉，芝士，蕃茄，再加兩層菜。食完有強烈的罪惡感，要做多少運動才可抵銷美食的誘惑。蔬菜和蕃茄也很新鮮，薯餅香脆不算油，煙肉就半肥瘦。雖然餐牌標示了辣椒，但口感有一點甜，沒有任何辣味。唯一美中不足的是吐司不夠脆，粟米太少了，得一啖食到有粟米。其實三文治沒有任何廚藝要求，只要用料有質素，一定不會難食。如果它們想進一步擴大市場，建議可推出自選吐司，客人按其口味選擇餡料和醬汁。我最想食自選吐司是：薯餅酸瓜炸雞扒配牛油果醬加田園蔬菜。