Video
5-min walk from Exit C2, Cheung Sha Wan MTR Station
continue reading
Telephone
27256788
Opening Hours
Today
06:00 - 20:00
Mon - Sun
06:00 - 20:00
Above information is for reference only. Please check details with the restaurant.
Signature Dishes
去開長沙灣，老婆指定🈯️去呢間東京買包，話平靚正，我就好少去諗緊買三個包特價好定買其他包，最後老婆話買個大麥包$8.5分兩日食仲好，我緊係聽老婆話平時我幫襯開名島，見到東京個包樣唔算靚仔🤵♂️同新鮮（靚包係漲卜卜），咁我照樣去俾錢🤌，因為只收現金,所以我就喺散紙包俾$8.5，因為唔想找返毫子，咁啱我散紙包有一毫兩毫，但店又無告示話唔收，我就俾咗收銀，佢收時都冇野，反而係我行到門口走時就鬧我仲乜俾一二毫，我冇辯駁就走了，一肚氣今朝食包，咬落唔夠鬆軟，味道一般，名島好食d，下次未必幫襯東京
continue reading
中規中矩唔錯既麪包舖，成日買黎頂下肚，今次買咗肉鬆包同埋雞尾包，雞尾包味道不差，個餡好香，肉鬆包有好多肉鬆，兩個麪包都幾足料，Size唔細，價錢都算平民既，早餐或者有時肚餓都係唔錯既選擇。
continue reading
小店系列走到第2XX編今年已經寫了好多老店小店今次在長沙灣,經過一間麵包店,望到滿滿的中秋感覺忍不住走入店內看看有什麼特別好買位置於長沙灣元州商場至蘇屋村中間,好多人會經過停步買麵包老式麵包店,目測最少都有十幾廿年歷史,連冷氣機都係舊款這種老味道,仿不來的見到老闆娘是一位老人家就跟她聊了幾句,看到有應節的月餅,而且款式十分之多,就買了麵包跟月餅回家吃下次仲叫我來買老婆餅試下 $11-3隻好抵食大香蕉蛋糕$13一條,鬆軟濕潤同樣地有皮蛋酥,蛋黃酥,棋子餅,五仁酥等等~店面小小,款式多多,好辛苦經營呢~有公仔餅,馬仔,小蛋卷,排包月餅都係自家出品,一隻白蓮蓉月餅$42,低糖雙黃$45,不用買一盒,買一隻就當應節~最令我驚訝係竟然有流心奶黃月,老闆答我,都係咁樣做,個餡唔同,唔難做 $20一隻仲有叉燒五仁月 呢度既麵包又係超平,一個面咁大既波羅包只賣$3.5 $10就有3隻!!肉鬆包,芝士火腿包,紅豆包,叉燒包都係6.5 2隻就$12價位好便宜而且都係大大隻,好飽滿另外檸檬蛋白蛋糕一件$10,有清新既檸檬香氣,麵包有彈性又好吃
continue reading
一淡一個香香雞仔餅以前經過好多次都無試過，今日飲完茶，啊媽送左包系附近東京餅店買的雞仔餅，18蚊都幾多喔。番到屋企馬上同老婆試下一包裡面應該有20個嗎，個個都細細個，一淡就可以一個， 個個不同大小，應該人手做，咪以為街坊野無好野，咬開足夠餡料，咬聞落已經好有南乳香味，咬落更加香味四溢，但餅皮就不夠香脆，但18蚊，想要乜啊！肯定比新一代的老牌元朗大"銅"餅店好。街坊生意，靠的都是好食，抵食，東京，你做到啦。
continue reading
星期六，saturday night fever，如常咁樣走去麻雀腳屋企度打麻雀，當晚手風一般，不過總係覺得啲氣氛奇奇怪怪咁樣，我做咗幾十年人挑通眼眉，就係覺得有啲唔妥，到中場休息嘅時候，雀友肥Ming失驚無神拎咗個蛋糕出嚟， 原來3條衰鬼同我慶祝生日，怪不得咁奇怪嘅氣氛。呢個生日蛋糕呢，個樣就真係唔係幾好睇，不過勝在喺special order，而且係餅店自家製嘅 檸檬忌廉蛋糕，仲大大隻字咁樣寫住 ，仲有兩隻老鼠喺度，因為我有兩個花名，就係叫 大波蓮 and 老鼠楠，呢個檸檬忌廉蛋糕味道酸酸甜甜，嗰啲cream好有奶油味，個蛋糕嘅質地比較乾身，嗰兩隻老鼠個樣就真係做得比較難睇啦，不過係朋友送俾自己嘅，食落就係特別好味。
continue reading