東京大眾酒場 (Closed)

最近發現左大角咀有間食居酒屋、關東雜煮嘅選擇。相信會喺附近上班一族下班之後聚腳嘅好地方。有邊個裝修其實擺設好特別，儘量擺設格局做到好似東京市內地道嘅風格，所以相當有氣氛。入到去仲有感覺好似係東京收工之後，成班朋友一齊聚餐喺小攤檔面前食關東煮咁樣。大量日本燒酒、清酒、啤酒選擇。菜單上面有唔少係關東煮、串燒、燒物、炸物等等大量關東煮菜式、蘿蔔、雞蛋、蓮藕、魚蛋、竹輪。個湯好甜，記得大家都要飲埋，唔會太鹹啱啱好而且有少少甜。我自己個人最鍾意當然係蘿蔔啦，又多汁又甜！另外值得推介嘅係牛筋，雖然有啲港式風味，但係最重要真係好味竹輪冰凍黑啤，成個杯都係用冰鎮，非常過癮！記得定要試吓！我自己覺得明太子玉子燒都係一個非常之惹味嘅食物，雖然只係香噴噴嘅玉子燒，上面加上明太子加芝士，但係簡單好味嘅食物，反而係居酒屋最特別嘅特色燒牛舌蒲燒鰻魚 鰻魚肉烤得軟軟，皮脆脆有的口感，燒製的鰻魚色澤偏深色，魚肉味鮮富彈性最後係邪惡嘅和風紫菜薯條作為主食！飲啤酒又點少得依啲熱氣野🤪

大角咀有數座銀行商廈，吸引中高質素的餐廳在此區落户，其中在利得街利奧坊的(東京大眾酒場)顧名思義，主打時尚日菜、有日本酒、啤酒、以及輕食如關東煮、燒物、炸物、鍋物等等。環境設計以日本江户時代格局為主軸，以摩登時尚風格呈現，客人大多來自鄰近商廈的白領一族，收工後同同事過黎飲番杯，食D簡便輕食送酒，吹吹水。感覺仿似已身在日本的居酒屋。必點的關東煮，芸芸幾十款，與友人從檔口中揀選了幾款自己喜歡的，價錢大概$15-30一款，有福袋、魷魚鬚、魚蛋、牛腸、日本魚蛋、蘿蔔等，湯底樸素而清甜。炭燒生蠔$28/隻，蒜是最佳的配撘，蒜泥味突出，充滿蒜香。當店員知悉我們點叫了一些串燒，他立即奉上一個迷你串燒烤箱，使其盡可能保持熱度，還原出爐時的味道，乃是幸福的小確幸。由左至右:芝士免治雞肉串$18；日本和牛串$28，明太子免治雞肉串$18；明太子玉子燒$15。燒池魚$48，香脆可口，細骨已被炸至酥軟，"一口一魚"絕對不是問題，夠哂過癮！shake shake薯條$38，有我最喜愛的和風紫菜味！

嚟到2019年最後幾日，當然要把握機會約朋友聚下舊大家聽日仲要返工，冇飲酒。先叫啲唔飽肚嘅食物：枝豆絕對係首選啦日本和牛串味道都唔錯，不過價錢就唔算好平。煙肉番茄$15一串，抵食又好食！明太子雞肉串都係必點推介，味道小小辣，幾惹味知唔知道呢舊係乜嘢？呢個係芝士煙肉焗大啡菇，大啡菇好厚肉好juicy，鋪喺面嘅芝士好澎湃，鍾意食芝士嘅人就一定要點呢個啦之後叫咗個美人鍋。分量十足雞肉又多蔬菜又多！煮熟啲餸之後仲可以加埋烏冬，食完真係好飽！不過甜品都係要食嘅簡單一球綠茶雪糕下年再見啦

約咗好耐冇見嘅朋友晚飯，因為佢就係搬咗嚟大角咀呢邊，過嚟探佢，順便帶我食好嘢，大角咀出名多野食。門面很和風，有居酒屋的燈籠裝飾，光猛又吸睛，在遠處已見到了。裏面是開放式廚房，跟日本的居酒屋格局 差不多。地方很寬敞，坐得很舒適，真的很適合把酒談心。餐牌有個日本酒啤酒放題，每位$278起，可以任飲日本酒和啤酒，還包括了幾款關東煮和串燒小食，其實好抵！ 可惜我哋兩女仔飲唔到幾多酒，還是決定散點兩份酒和食物。坐下不久，職員服務超好，已經送上兩碗熱雞湯，說明是送的，天氣轉冷了，一入座便有暖湯喝，很窩心！關東煮，可以自己走出去看看，想吃什麼就點什麼，廚師即時為你盛上。 這樣可以讓食物保持新鮮熱辣，客人感覺又互動， 這裏的職員都熱情呢！點了日本魷魚鬚魚蛋、芋絲、酒場板燒魚蛋， 乘著滿滿的一碗感覺很有滿足感。很推介福袋，裏面是芝心，可以拉絲口感非常煙韌，福袋吸收了關東煮的湯，很入味；還有日本魷魚鬚魚蛋，一條魚蛋裏包著一條魷魚鬚，食落有咬口，越吃越香；芋絲可以吸收湯底味道，不會太鹹，但就充滿醬油和蘿蔔湯底味；酒場板燒魚蛋很香甜要試。酒場當然少不了酒，朋友點了這裡的招牌清酒-東京大眾酒場清酒150ml,

今晚朋友約我食日式料理～關東煮，我本身對關東煮就普通，但朋友大力推介，咁要去試試。這間店大多用落地玻璃做裝修，感覺寬闊，舒服，睇黎係個吹水落腳地☺️。我地未order,已經有人送上熱熱的麵豉湯👍🏻。朋友見意先食關東煮先，有日本牛筋，蒟蒻，酒場板燒魚蛋，真係有驚喜，原來關東煮可以咁好味，尤其是日本牛筋，彈牙又滲透晒關東煮果湯的味道，所以再order左牛筋😉。之後來一杯柚子兵衛，柚子是我的至愛👍🏻。同朋友吹水，當然要有小食啦，枝豆，墨魚咀，還有炸池魚，好脆口👍🏻，再來加點海鮮，燒日本豪and帶子，賣相不錯，又鮮甜☺️滿足。最後點了牛肉烏冬，烏冬好彈牙，湯底好正，所以飲晒個湯。大滿足。仲有今晚叫左咁多野都係好經濟，的確抵食👍🏻👍🏻

呢排對日本居酒屋有股莫名嘅喜愛，一有機會就約friend去試，呢間日式小店咁岩係朋友公司附近。雖然環境唔大，但感覺乾淨衛生，風格幾精緻一黎每人會奉上一杯雞湯，呢排天氣咁凍真係好暖心呢度主打關東煮，仲可以自己出去好似D小攤檔到揀，好多都係日本直送，我地要左日本蘿蔔、竹輪、日本魚餅、日本牛筋、魷魚鬚魚蛋、福袋同牛腸，多到要分開兩盤上炸池魚 - 呢個面頭炸得夠乾身，入面仲KEEP到濕潤，真係幾好食芝士薯餅 - 呢度D炸物都好出色，薯仔蓉非常綿密，加上溶化GE芝士完全係冬天GE comfort food蟹肉蟹膏甲羅燒 - 香港好少可食到甲羅燒，滿滿蟹膏包住條條蟹肉，根本無可能唔好食啦燒雞泡魚乾 - 我每次黎居酒屋必點GE佐酒小食，好香口，配美奶滋更推上另一層次野菜盛合 - 呢個係燒菇拼盤，多汁鮮美又唔會有罪惡感芝士煙肉大啡菇 - 一切開D汁瀉哂出黎，D料都好足胡椒柚子雞肉串 - 呢個口味幾特別，不過不是我杯茶明太子玉子燒 - 口感好細緻綿密，加埋超厚GE明太子，一舊真係唔夠XDDDD美人鍋 - 我地幾個大胃王最後仲加左個鍋，D雞超級多，而且仲KEEP到嫩滑，食完成個人暖笠笠蘋果梳打同桃味梳打

友人介紹黎食，雖然係平日嘅晚上，但呢度都座無虛席。我哋叫咗啲日本小食，關東煮同美人鍋～嗜酒友人試左suntory high ball, 我地就飲蘋果汁同蜜桃汁，清涼解渴。餐廳本身有提供湯，幾好味。雞泡魚干，好耐冇食，呢間燒得唔錯。關東煮，入面有竹輪，日本魚餅，日本牛筋，魚蛋，福袋等，全部都係自己配搭，整體黎講都整得幾好味！芝士薯餅，大大件，邪惡之選。炸池魚，細細條，點茄汁幾特別。串燒試咗啲燒秋葵，雞肉串，玉子串同牛舌，燒得好香，有日本風味！芝士煙肉焗大啡菇，焗完個菇都無出水，讚！蟹肉蟹膏甲羅燒，配薯片食，好濃味。野菜盛盒，有雞脾菇，冬菇同金菇，有香濃蒜味。最後就上美人鍋～真心好味！個湯底好濃，雞肉又滑，啲菜索哂個湯汁，非常滿意！！

同朋友喺奧海城睇完戲之後，麗都附近嘅大角咀搵食。行行吓見到一間裝修好有日本風情嘅餐廳，於是坐入去試一試。一入到去呢間餐廳，店員以日文親切咁樣同我地打招呼，而且不停播日文歌，個感覺好似去咗日本嘅居酒屋一樣。首先講一講佢嘅服務先，一入到餐廳店員同我地推介唔同食物，最後聽佢推介我哋叫咗關東煮同埋美人鍋。一上到枱佢哋亦都有送上兩碗熱湯，個魚湯十分驚喜，味道濃郁，而且飲得出冇乜味精，真係想問佢哋攞多碗。講一講個關東煮先，個湯底應該係昆布魚湯，味道清甜，啲食物索哂啲汁，好正，拍得上日本嘅質素。另外個美人鍋非常大份，起碼係三人份量，而且雞肉嫩滑，湯底仲要係奶白色，店員絕對冇介紹錯！我哋亦都叫咗唔同小食，想特別讚一讚嘅係燒雞泡魚干，唔係好多餐廳都有做呢個小食，但呢度嘅魚干好香口，配埋沙律醬一齊食送酒一流！另外佢啲串燒全部都做得好出色，特別係大怱雞肉串同埋燒雞皮，有日本嘅十成味道！我哋亦都叫咗個炸雞配啤酒，炸雞即叫即炸，香脆而且多汁！配埋個黑啤簡直係絕配！整體來講呢間餐廳誠意十足，無論係餐廳裝修、員工服務態度抑或係食物質素都好，都拍得上日本嘅水準，好適合三五知己嚟聚餐，又或者想自己一個食宵夜，呢度都係一

話說今次約咗老婆喺大角咀食嘢，就話食串燒，於是我哋就係Open Rice 有咩好推介 ，嚟到呢間可以一次過滿足晒所有同事嘅要求嘅餐廳 嗰日好凍周圍都冇乜人，淨係有個都幾似樣嘅商場仔，一入到去竟然有驚人嘅發現 ，入到去竟然係坐滿晒人，全場爆滿。仲要排隊 ，我心諗喺呢個周圍都冇乜人嘅地方，竟然爆場，一定有佢吸引之處，所以我哋兩公婆，就一齊去試吓呢間，係排隊嘅時間服務員嘅態度10分殷勤非常有禮貌 ，值得一讚嘅係佢嘅裝修都非常好有特色嘅味道 ，入座嘅時候，佢即刻送咗啲湯俾我哋飲，等我哋暖暖肚，唔使咁凍，跟住我哋就點食物，呢度可以飲酒，又可以食串燒又可以食好多唔同嘅日本食物，我哋幾乎嗌晒可以食得嘅，值得一提嘅係佢唔單止好味，而且咁凍嘅天氣簡直就係一流，我就叫啤酒加串燒，簡直絕配，我老婆就叫左東京大眾酒場自家製的桂花味梅酒，清香甜美，佢嘅嘢食又多又夠切，最重要嘅係樣樣都好好味，係我哋近期最值得推介嘅一間，水準達到國家級嘅程度。佢嘅燒粟米令到我哋兩公婆都爭住食，呢間東京大眾酒場真係好值得一去，仲有蟹殼食添，就係一流享受，大眾價錢。如果你問我成班朋友喺大角咀去邊度好食，我一定會推介呢間餐廳大家一定要去

今日同朋友慶生，去左公司附近既餐廳食，見到有人介紹呢間好有日本風味既餐廳，人唔多又可以靜靜地傾下計，岩晒放工後同同事朋友黎食野吹水門口望入去裝修好有日本風味好靚餐牌見到有好多選擇，燒物好多款，豬牛雞都有，蔬菜都有八九款，唔會只係食肉咁寡，前菜更加多，價錢又平又我貼地，試多幾款都唔會話好貴關東煮係餐廳推介，值得一試關東煮係餐廳入面俾食客慢慢揀，可以見到岩食先點，跟足日本既做法，好似真係去左日本我地揀左三款，白蘿蔔好入味好冧，好正，芋絲爽口味濃，竹輪都好香好冧，最後忍唔住飲多兩啖湯三款前菜好開胃食到停唔到，蓮藕爽脆，仲有柚子既少少酸味，好開胃，味付大根都好多汁，少少酸，開胃一流，墨魚咀好少見有餐廳提供，好爽口，三款都好正串燒我地試左四款，由上到下係明太子玉子燒，黑毛豬腩肉，胡椒柚子雞肉同日本和牛，玉子燒好驚喜，明太子好足料，同蛋好夾，烤得好香，豬腩肉既油脂同肉比例一半半，但烤得好香脆，烤既時間好好，唔會韌或者鞋雞肉串味道好豐富，柚子香味好夾雞肉，雞肉好嫩滑和牛更加無得彈，好濃牛肉香又唔韌油香令人好想食完再食，最貼心係個串燒爐，一路熱住串燒唔會放耐左就凍晒，岩曬同朋友吹水甲羅燒好特別，用薯片

今晚約咗閨蜜出嚟食飯傾吓計，咁嘅時勢唔搵人傾訴下真係唔得。我哋今晚揀咗間居酒屋。裝修都幾特別，有啲喺日本嘅感覺。一坐低先有一杯湯，暖下身呢度嘅嘢食以串燒為主，亦有關東煮、美人鍋等等嘅食物。我哋要左一支梅酒，$328，價錢都合理。之後我哋去睇下關東煮有咩食，原來都好多選擇！即叫即夾，我哋要咗蒟蒻、蛋、福袋、魚餅等等，味道都唔錯喎！之後就叫啲小食同串燒。枝豆就啱晒我哋傾計慢慢搣。串燒我哋叫咗好幾款明太子雞肉串好食！牛粒都正，好juicy炸雞皮好脆，又係好啱送酒！牛舌係必點推介，夠厚身，牛味重最後再食咗個炸薯餅，真係飽到上心口

相信唔少朋友都試過約人食飯，而日本野，更加係唔少香港人鍾意嘅選擇。坊間日本餐廳開到成行成市，但食物質素卻一般。而筆者今次選擇左一間無論環境同埋食物質素都高質嘅餐廳—東京大眾酒場。店內裝修風格十足日本餐廳，剛坐下店員便為我們準備了一碗味增湯。此湯鮮味濃郁，有蔥花作點綴更令此湯口感大大提升。然後我們點了燒雞泡魚，第一次食雞泡魚嘅我估唔到又幾好食喎。口感同牛肉乾差不多但味道卻是另一番層次。然後我們點了鮭魚刺身，新鮮而且非常鮮甜、入口即溶。當然唔少得必點的蟹膏，店員為我們準備了薯片作伴，想不到薯片配蟹膏是非常好吃，蟹膏也十分鮮甜。飲品方面我點了黑加倫子梳打，炎炎夏天喝這梳打非常涼爽呢！然後我們點了雞肉及雞軟骨串燒，也非常好吃。最後點了美人鍋，材料豐富。有冬菇、金菇、雞肉、白菜應有盡有。填飽了我們的肚，哈哈。總括而言，這日本餐廳我會再來光顧，因為真的十分高質呢！

餐廳有個大電視，可以一邊睇電視一邊食嘢，正！員工服務態度親切。餐廳環境闊落，周圍環境算係清靜，所以坐得好舒服。👍🏻最重要嘅係，食物選擇非常豐富，想食咩都有！👩🏻‍🦰美人鍋美人鍋我哋揀咗雞肉，師傅好用心喺我哋面前整。趁而家轉天氣，食個鍋，暖粒粒。🇯🇵關東煮：日本蘿蔔、日本蒟蒻、竹輪關東煮可以自己揀材料，order完，師傅即刻整。🐚扇貝扇貝肉超級大隻！大件夾抵食！🍲枝豆、墨魚咀枝豆係嗌啤酒嘅must have item！墨魚咀係開胃小食！🐥雞軟骨串、芝士明太子玉子燒次次食居酒屋都一定會叫雞軟骨串，燒得好香口。🐡雞泡魚干有啤酒，又點少得雞泡魚干。點埋沙律醬食，超級配！🐚清酒煮蜆食到飽飽濟濟，最好就係食清酒煮蜆，清清地， keep住食，同friend慢慢傾吓計。🌴椰青水🍻啤酒

美人鍋好大煲而且好香既雞味，一上台係一隻大既生雞脾，店員會幫你睇火同埋煮。個煲仲有好多菜同埋菇，煮咗大約8分鐘左右就食得，雞味好濃郁而且夠嫩滑。重點係個湯底，超重雞味同埋又清唔會太油，成個鍋都好出色，鍾意食雞一定要嗌!串燒串燒係另一個好推介既item, 當中既黑毛豬腩片、胡椒柚子雞肉串、明太子雞肉串、同埋牛舌都好好食，香料味好重同埋肉質都結實，特別係牛舌好香同惹味，上菜既速度都好快，職員燒得好純熟同埋有技巧，唔同既雞肉都係有雞皮同雞肉，唔會燒到好乾搞到鞋口，下次一定會再叫更多唔同款!Shake Shake炸雞啤酒套餐Shake Shake粉有得揀紫菜同埋咖哩牛肉，而且啤酒方面有Hoegaarden同埋Suntory，仲可以揀兩溝! 我地最後揀咗咖哩味，同炸雞好夾而且雞鎚都係大隻唔會一啖就食完，香脆又好惹味。啤酒個杯已經雪過所以啤酒超級凍而且好有氣，同朋友齋飲啤酒食串燒都好好feel!關東煮有好多唔同既關東煮係到不斷煲緊，個湯好鮮甜而且唔會太咸，魚蛋同埋魚餅都好正，尤其係佢跟埋一個麻辣醬，加少少一齊食令到成個關東煮個層次再提升!

近排外出晚飯，還是選一些人流較少的地方比較穩陣。朋友家住大角咀，介紹一間不錯的居酒屋。居酒屋有啤酒放題，酒類選擇不少，可惜同行朋友不勝酒力，唯有下次另約朋友再試！一入門口就看到很多款式的關東煮，朋友嚷着要點，由於點了很多燒物、鍋物，所以只選了竹輪及蘿蔔。蘿蔔大大件，清甜軟腍，沒有渣，好吃。過了一會串燒來到，上枱時會放一個細炭爐，保持食物溫度，好睇又貼心！我們點了和牛、柚子胡椒雞、煙肉蕃茄、雞翼等和牛牛味較濃，軟腍不韌，入口陣陣油脂香。柚子胡椒雞肉質嫩口，胡椒惹味，有柚子汁酸酸甜甜中和一下，不會太膩。不能不點煙肉番茄卷，蕃茄仔酸酸甜甜，跟充滿鹹香的煙肉很夾。點了杯Suntory 黑啤，泡沫柔滑細緻，麥芽味重～吃到中段美人鍋來到，份量比想像中驚人！$200有找很化算！雞件蠻多，鍋底有大量蔬菜墊底，配有日本豆腐、蘿蔔、冬菇、大蔥等美人鍋湯底清甜，吃到蔬菜的鮮味，雞件新鮮好吃，簡簡單單吃食材原味道～美人鍋還配烏冬，滑嘟嘟，彈牙不易發漲，好吃！店舖有新鮮海鮮，我們又點了魷魚及蟶子！原條魷魚賣相吸引，充滿燒烤香氣，煙韌微鹹，聖子乾淨沒有沙。