蕃滿門 (Closed)

次次去奧海城行街,食唔起貴野,所以最後都會走咗落大食代搵野食之前成日都會幫襯間「胡椒」餐廳,個鐵板飯真係太吸引....不過今次見到人格離枱食緊蕃茄湯飯,上面重有d滑蛋,都好似幾好食睇睇餐牌,超抵食!三十幾蚊一個蕃茄湯飯/意,重可以揀個餸記得都有成7 -8 款揀,不過講到最吸引應該都係脆皮豬手,不過味道就....個皮淋咗同有d肥咁囉....好彩叫多咗個炸薯餅~熱辣辣好鬆脆不過個蕃茄湯飯做得唔錯o架....蕃茄味好濃~加咗粟米粒甜甜地就重好~三十幾蚊有咁嘅質素算唔錯~

食過好多商場嘅大食代，來來去去都係個幾間，反而未食過依間，我就叫左脆皮咸豬手配公司麵大辣蕃茄湯，不過就唔係好夠辣，可能蕃茄先係主角。最初諗住價錢普通，食物都普普通通，但佢個脆皮咸豬手令我有驚喜，外皮夠脆，膏位根位夠彈性，配合埋個甜甜地嘅芥末醬，真係一絕！

小新同愛麗絲今日去左蕃滿門食晚餐，店員一直強調佢地既蕃茄湯冇加味精，絕對健康。愛麗絲點左一碗煎豬扒配蕃茄湯長通粉，小新就點左一碗牛扒配蕃茄湯意粉加芝士同玉子豆腐。初初食，唔知係咪因為特別肚餓哈哈，第一啖覺得好正，蕃茄湯好濃味，湯中帶有細細既蕃茄蓉，但認為加左芝士冇乜特別，湯中食唔出特別芝士味，反而有啲漏既感覺😳，所以食耐左就會濟..😐 但係大碗既，係food court比起上泥貴左啲，但其實兩人食都係食左$122，價錢係合理既。個人建議餐廳應該為客人剪開扒類食物，或提供力叉，咁更方便客人用食👍總括來說係好食既，不防一試😀

去奧海城foodcourt食dinner，見到蕃滿門碗麵勁大碗，但都只係幾十蚊,覺得好抵食，所以就簡左佢。最後我叫左個’什錦蕃茄滑蛋濃湯’，即係最大碗個種，乜餸都有，仲可以自己簡麵種，另外仲有5,6種辣度可以簡，非常貼心。師傅ge 效率幾高，等左2,3分鐘就有得食。呢間餐廳以蕃茄做主題，仲話自己ge茄湯不含味精，所以我二話不說就試飲下個湯。Ｄ茄湯好濃味，而且感覺上的確同外面加左味精個Ｄ有D分別，感覺蕃滿門ge係比較fresh D。至於D餸同麵就都唔錯，同普通餐廰差唔多。值得一提再提ge係，碗麵真心大碗，又足料，我都差Ｄ食唔曬，性價比真係一流呀。

For fun I got the $66 bowl of noodles which is a huge bowl about the size of the tray.I chose the instant noodles which is topped with almost everything from egg, shitaake mushrooms and meat.The broth was too spicy, otherwise it would have been nice and the scrambled egg was fairly good because it was fluffy and slightly runny.

蕃滿門的濃郁蕃茄湯底早有所聞，可是每次經過大埔店時，總被門外大堆輪候入座的食客嚇怕，—直未有機會嚐試。這天正好來到奧海城午餐，在大食代發現了蕃滿門，當然就要跟E先生—試。招牌蕃茄滑蛋濃湯螺絲粉配餃子 $39蕃茄湯的確濃郁，還有不少蕃茄肉在其中，上面的滑蛋亦夠香、夠滑，只可惜螺絲粉没吸收到蕃茄的精華，吃來倒没有什麼味道。餃子較為油膩，肉餡味道還可，只是外皮有點硬。吉列脆香豬扒螺絲粉 $45豬扒亦稍油，肉質、味道一般。我們總算嚐到過蕃滿門，雖然食物不似預期般想像中美味。

唔知點解，睇見呢個鋪頭名，就令我諗起打麻雀。。。這間店舖是以吃蕃茄湯底的粉麵為主，近年蕃茄大熱，深得各 OL 喜愛，平日經常大排長龍。今日我也來分一杯羹，叫了碗「茄蛋通粉」：其實它的湯底蕃茄下得很足，味精感不算強，味道略甜，滑蛋反而炒得不錯，是嫩嘟嘟的感覺，$39 作為午餐也吃得過。

蕃茄濃湯滑蛋豚肉螺絲粉- 湯味夠濃，我覺得係鮮蕃茄既濃而唔係茄糕既濃，滑蛋一落匙散晒試唔到滑唔滑但夠蛋香，肥牛略為過火同乾咗啲，粟米要加三蚊至有，整體嚟講好味！

今日收工有啲肚餓。我份人又幾大食。約左同事係奧海城睇戲落左去food republic行左個圈。見到啲食物既膠模形碗碗都咁大碗。我就問佢地真係係咪都咁大碗。間間都話唔係就只有呢間tomato club話係好！就食呢間丫又真係幾大碗仲大碗過個模形。衰鬼！我建議兩三個人share一份。因為我自認大食都食唔曬佢問我食唔食豬手但我叫左湯飯。多飯又多料。感覺良好但試左啲番茄濃湯就feel到好明顯用一罐罐茄膏溝水煲出黎依家呢個年代。有幾可飲到出面會堅用番茄煲湯配料有啲豆卜。貢丸。蟹柳。西籣花。鴨胸感覺似番茄湯車仔面轉飯底我仲加10蚊食左4隻餃子。不過不失似我係惠康買返黎煎咁樣問我會唔會食多次。我會比較想試下其他野如果有一日饑荒有呢碗野放係眼前。我都會食左佢

放學唔知去邊食，諗住睇戲，所以走左落foodrepublic見到餐牌都幾多選擇，但又唔係好肚餓，所以同男朋友share左碗大大碗呢餐蕃茄泡飯相當唔錯。佢仲可選米線，意粉等，但我覺得飯同蕃茄match d招牌滑蛋好好味！叫左小辣湯底，但係食唔到辣味，因為個蕃茄湯底酸左少少。配料幾多，冬菇都好味，鴨胸就一般般啦。呢個飯其實份野好大，要兩個人先食得哂，女仔一個人食既話一定食唔曬。整體俾七分，味道唔錯係好易口渴。

蕃滿門？如果你住大埔可能會認識。對於我呢，呢間當然第一次食啦^_^聽說在大埔幾有名喔！「蕃滿門」在大食代，算是頗有新鮮感。是日，午餐點一客「招牌蕃茄湯配螺絲粉（滑蛋 & 豬軟骨餃子 ）$38」飲品可另加，價錢好似加$5。先食滑蛋，果然名不虛傳，有蛋香且口感相當滑。湯底蕃茄湯濃而不咸，伴蕃茄肉，味道不錯，配螺絲粉。so match 至於，雞軟骨餃子，是普通來貨，沒有甚麼特別，質素合格啦。最值得一讚，午餐呢個繁忙時間，湯底相當熱騰騰。食物夠熱，味道同樣會加分不少呢！

是日千里迢迢黎到奧海城shopping~為把握時間, 諗住簡簡單單地幫襯food court喇~兜個圈睇下d店, 俾呢間賣蕃茄湯既檔口吸引住~~39蚊既麵餐都唔使考慮咁多喇~本身係想揀螺絲粉既, 但見到有公仔麵, 又諗起尖沙咀哂蕃茄麵~~~所以最後叫左滑蛋蕃茄公仔麵配龍蝦丸, 再加3蚊加粟米!!又係一個大碗夾抵食既選擇! 蛋係炒得好滑但唔重牛油油膩味既~龍蝦丸雖然再半但都係好大粒, 再加埋成半個碗咁多既粟米蕃茄湯係夠濃既, 仲有舊舊大蕃茄~ 不過個公仔麵煮得過左少少..如果可以生返少少就會更爽!! 

極愛吃蕃茄的我每隔一陣子便會掛住這裡的螺絲粉這次吃中辣，很惹味。有冬菇，玉子豆腐，椰菜花，西蘭花，炒蛋，很豐富！大大碗，每次也吃不完。$45 很抵！另一碗是蕃茄雞扒湯飯，一樣好味！這雞翼是必叫的！！！超級好味超級入味$39四隻，雖貴了點，但吃了第一口就覺得幸好沒有錯過。雞翼本已醃得夠味，加了有芝士和茄醬去焗，味道特別！推介

筆者自某天光顧在大埔的蕃滿門總店，便愛上了它的蕃茄濃湯出品，其品質絕非普通茶餐廳能做到。是日筆者生日，便到此作一頓簡簡單單的晚飯。環境只此普通美食廣場的格局，不欲多談。服務甚佳，店員清晰地回應顧客之要求，且交代找續金額。取餐時店員亦十分大聲叫號，能有助阻止任何誤會。食物：1. 雞扒蕃茄濃湯螺絲粉 ($46-)蕃茄湯的味道恰到好處，蕃茄酸味剛剛好，可見蕃茄選料不差。另外在控制辣味方面也做得不俗，廚師在烹調時已將辣粉徹底和蕃茄湯混合，使辣味平均分散在湯底上，而沒有因辣粉沉底而出現半辣半不辣之情況。另外，湯底也加上了滑蛋作為配料，十分足料。煎雞扒之水準也是中規中矩，雞肉雖然嫩滑，但略欠特色。此店之食物水準和大埔總店一樣良好，但選擇仍只得蕃茄湯粉，頗感單調。若有意嘗試更多菜式，應會繼續光顧大埔店。

聽同事講有間紅湯唔錯既食店都一段時間, 終於有機會試個湯茄味好足, 我試大碗螺絲粉, 有蛋, 鴨胸, 豆卜等, 都幾多餸飽到喊同事食小辣冬菇螺絲粉, 辣度OK,怕辣既我都仲入到口大碗果然大好多大家路經奧海城可以去試下