唐包點

Open Now

Now Closed

今日經過買咗咖哩牛筋腩飯，牛筋腩炆得好冧，份量夠多，又有紅蘿蔔逈薯仔，咖哩非常好味。另外買了鴨腿湯飯，湯的味道甘腴夠熱，鸭腿和冬瓜都好冧，陳皮味非常之香，價錢便宜合理。

最近新出嘅，聲稱蒸嘅，唔熱氣仲要係湯種軟熟於是買個試試先佢都有唔同款式，今次買咗核桃軟包($10)攞上手好輕、唔平白奶晒咁，睇落已經知唔熱氣之後打開，睇到佢都幾實淨唔係空氣包除咗面頭，入面見到都好多合桃唔係深係表面，擘開佢之後入面都有好多合桃合桃脆口每一啖都咬到又軟又脆嘅口感而喺比較淡口之中的麵包當中咬到合桃就覺更加香同埋佢雖然好輕身但因為其實都幾大個，$10一個都算係咁因為有好多合桃感覺養生作為一個早餐，女仔係夠

屋企人都外出，晚餐要食自己，所以貪方便係地鐵站就腳的唐記包點買外賣。本來想食南瓜粟米粥，不過賣曬，所以叫左足料糯米雞，因為都好耐無去酒樓飲茶叫來食。.佢個足料糯米雞都份量十足，一件等於平時酒樓三件份量。以荷葉包著糯米，入面放了雞肉碎、叉燒肉、原隻冬菇、半隻鹹蛋黃，重有細細隻雞翼，都幾多料。吃完一個糯米雞都已經勁飽。味道方面還可以，中規中矩，以$25價錢來講都算係甘。同埋佢嘅食物都夠熱，夠衛生，都係一個外賣點心不錯嘅選擇。

放工太肚餓，經過見到有熱辣辣既野就忍唔住買左。佢依加期間限定，有流心奶茶包，珍珠奶茶茶流心包。見幾得意，平時又鐘意飲珍奶，就買個試下。.🔸珍珠奶茶流心包 ($7)唔算好甜，甜度可接受。餡有少許流心，真係有奶茶味。入面既珍珠就唔係話好in un，但都咬到既。

唐包點新出咗情人節限量版心形玫瑰加野莓嘅朱古力流心包,睇宣傳紙版賣相已經覺得好吸引。💕外皮有點點嘅玫瑰花碎,成個包粉紅色真的好靚,再加上朱古力流心內藏有4種野莓,酸酸甜甜食落唔會滯。值得一試!!👍😁

唐包點唔平，不過勝在夠方便我食開佢個紅豆包，真心正$7.5，直徑都有8cm同埋都好重身，唔會皮厚餡少你睇吓佢作為一個紅豆包，係好稱職嘅先睇表面，唔止一粒紅點表示佢係紅豆包係好多紅豆衣喺上面感覺好有料到個包我凍食都軟熟嘅睇埋入面，好多紅豆粒粒佢啲紅豆蓉唔係一pat中式紅豆咁反而似日式紅豆蓉，係有好多紅豆粒粒嘅有原粒紅豆的而且佢份量好多，基本上每啖包都食到紅豆蓉嘅仲咬到好多紅豆粒粒tim~~感覺係食緊固體版的紅豆沙佢嘅甜味配埋層包皮就剛剛好真係好多紅豆紅豆味又唔假食完有飽肚感的

一早起來，想吃個清淡的早餐，每次返工前都經過這裡，都見到poster寫有粥賣，但每次都賣晒！今日皮蛋瘦肉粥賣晒，但仲有粟米番薯粥，正！一於食個健康又有營養嘅早餐！番薯粥自動跟鹽、黑椒及匙羹。粥底非常杰身順滑，未落調味料之前先試一口，味道清淡天然，真的沒有加味精！由於口味太淡口，落了少許鹽同吃。粟米粒很多，番亦有兩大塊。本人認為性價比是蠻高的，最緊要是味道天然又健康！怪不得每天都那麼早就給賣清光！！

上星期有日收工突然想食盅頭飯，但夜媽媽諗唔到邊到有得賣，就醒起平時地鐵站經過有間唐包點，所以就落左地鐵站睇睇。去到發現都有幾多款式既盅頭飯，樣樣都想試下，有選擇困難既我，最後就揀左章魚肉餅飯，北菇雞飯同咸魚肉餅飯，同屋企人share，每樣都試下！除左盅頭飯之外，唐包點仲有好多包同點心，好似鳳爪，排骨等等，我地就加左菜肉包同埋香菇雞包試試。講返d盅頭飯，質素一d都唔比酒樓同點心鋪既差，肉餅香口，雞肉亦嫩，份量足夠，最重要係唐包點周圍都有分店，非常方便，絕對係性價比高既另類點心選擇！

今日返工返到好夜先收工，屋企人又冇留飯俾我，所以我就唯有去唐包點買飯食啦🙈🙈因為太肚餓嘅關係，一次過我就叫左三樣手食物🙈🙈鳳爪排骨飯呢度嘅鳳爪排骨飯好大兜，排骨同埋鳳爪色都仲有，而且加埋蒸飯豉油，呢個飯而外賣來講都算唔錯！抵食！！！👍🏻👍🏻菜肉包呢度嘅菜肉包同樣大大個，入面亦都好足料， 味道亦都調配得啱啱好！！！鮮竹卷因為返工關係好耐已經冇去過飲茶，所以我都忍唔住叫咗一碟點心，去滿足下自己，呢度嘅鮮竹卷果然冇令我失望，好足料！👍🏻

最近看到唐記包點新推出了柯華田流心包及柯華田奶茶，我當然急不及待去試！豈料原來地鐵站分店的唐包點是沒有售賣的，又撲空了t^t 我應該再多做點資料搜集....那只好多買幾款甜包點作為家人第二天的早餐：有香芋包、蕃薯包、紅豆包、白饅頭，還有家人指定要買的香滑奶茶，另外還買了蒸燒賣及豉汁蒸鳳瓜吃。蒸燒賣；豉椒鳳瓜中式點心類質素也很不錯，跟酒樓吃到的相約，蒸鳳瓜帶少許辣味味道很不錯。香芋包餡料幼滑，甜度適中，帶淡淡的芋頭香，間中更會咬到一些芋頭粒。蕃薯包上次吃過後覺得很不錯的包，餡料跟香芋包一樣滑身，但感覺其纖維量更為豐富。紅豆包有驚喜！本以為跟豆沙包差不多的，但原來很不同的，餡料是看得到的紅豆粒壓製而成的紅豆餡，而且不是死甜的那種，吃完不會感到很口渴，又是一個很不錯的蒸包！(*¯︶¯*)

返左成日工已經好攰好餓，放工返到長沙灣地鐵站比唐記既點心香味吸引住。咁我地2公婆買左幾款點心蒸飯就可以返屋企醫肚啦，真係方便又快捷。山竹牛肉:味道唔錯.,同酒樓質素差唔多,無得彈有3粒,大大粒燒賣有4粒好抵食 燒賣上面有鮮蝦，啖啖豬肉味道超好味。鳳爪排骨飯排骨份量夠多夠軟腍,鳳爪濃味,粒粒米飯有咬口。足料糯米雞食一個飽到上心口,而且餡多,入味嘅雞翼,半肥瘦嘅叉燒,鹹蛋黃,冬菇等。糯米軟糯唔糊口,好有水準。

今日有點累，想方便食，回到長沙灣港鐵站，才發現站內開了一間"唐包點"。有多款特色客飯、蒸飯、點心和包類選擇。蒸飯 - 北菇雞飯 $25蒸飯豉油是另外分開的，雞肉十分嫩滑，汁潤不會乾。足料糯米雞 $25打開聞到香噴噴，糯米飯軟糯煙韌口感很好，餡料汁潤，還有全隻雞翼添。雞扎 $18雞扎十分飽滿，餡料份量十足，整體味道入味香濃山竹牛肉 $17三顆大大粒，牛肉味道香濃，質感軟腍。蒸包款式多，有咸的也有甜的，有餡和沒有餡的，我試試叉燒包和菜肉包，有餡的包類都是 $7.5。麵包熱辣辣質感鬆軟，叉燒餡料汁潤肉夠多；菜肉餡味道正好唔會咸。地鐵站有唐包點實在方便，下次還會光顧。

朝早開完會返公司，經過地鐵站見到唐包點，俾佢吸引住，因為價錢真係好平，$25有一個蒸飯，超抵食，一於試下平野有無好野先。「魚香茄子飯」佢好貼心咁將白飯同茄子分開。汁同飯既份量都好足夠。茄子有6大塊，茄子好淋，肉碎都幾多，味道惹味，不太辣，唔食得辣既都絕對可以食到。白飯粒粒分明，唔會太爛，正呀！「章魚肉餅飯」同事叫左呢個飯，我都試左少少，肉餅結實，塊肉餅都幾厚👍🏻好香章魚味，再淋上蒸飯豉油食，味道一流！另外再叫左個燒賣同鮮竹卷share食。其實一開始對呢d係工場做既點心都無抱好大期望，始終覺得佢經過咁長時間由工場運落鋪頭再擺係熱櫃熱住咁耐，質素應該點都唔夠酒樓好，但佢推地既點心質素實在係有少少驚喜。「燒賣」一份有四粒豬肉燒賣。燒賣size雖然唔係大粒，但裡面既肉好結實，味道鮮味，再加上每粒燒賣上面都有一隻蝦，真係真材實料，味道不比酒樓差。「鮮竹卷」一份有3條。腐皮緊緊包著豬肉、木耳絲、蘿蔔絲，咬落去唔會散開，好味道。另外我再試左佢枝黑芝麻豆漿。怕甜人士唔洗擔心，因為唔太甜，有淡淡既芝麻香味，唔錯！總括黎講，唐包點絕對係性價比高既選擇，質素高之餘又唔貴，特別對我呢d窮L黎講，絕對係糧尾救星

今日晏左收工，攰攰地已經唔想周圍覓食，回到長沙灣港鐵站，經過"唐包點"，十分方便，一於試下先。可能比較晏了，看餐牌見到多款點心已經售罄。不過尚有多款可選擇。特色客飯 - 秘製豬軟骨飯 $29餸和飯是分開的，秘製醬汁香濃，豬軟骨腍軟入味，蘿蔔也吸滿了醬汁。蒸飯 - 豉椒排骨飯 $25經典的排骨飯，醬汁是另外包裝分開的很貼心，排骨爽嫩。鮮竹卷 $17汁香味濃，每條都夠飽滿，還有蔬菜墊底，不錯。蒸包也是一大特色，款式多樣，有咸有甜。我點了：奶皇包 $7.5、香菇雞包 $7.5、菜肉包 $7.5和番薯包 $7.5麵包熱辣辣且鬆軟，菜肉餡味道正好唔會咸，汁潤夠香。整體都不錯，店員有禮貼心，下次再試其他款式。

簡單速食唐包點，平平地，慳慳地，有餐好食身邊好多朋友都要儲錢結婚，儲錢買樓，儲錢生B，除左開源之外，就係節流25蚊個飯，去邊搵，又熱，又飽肚，又正常味我買左3個飯，2個包1支野飲都係100有找牛肉飯，似彈牙版山竹牛肉，岩我口味排骨飯，香，仲好食過茶樓叫果d糯米雞，大大隻，入面仲有雞翼，呢三個飯類計，我最愛糯米雞，大隻，惹味我個女最愛兩個包，香菇雞包同菜肉包，好多餡，又香，原來我老公日日去買佢地個紅豆包食，話好好食同有誠意喎海鹽檸檬🍋柚子蜜，呢個好值得入口同入手，我女一飲完，即問我，媽咪你係邊度買架？好好飲喎~買多d返黎哎~笑死我🤣🤣🤣