唐包點

Open Now

Now Closed

一到長假期間，日常作息都變得不規律，睡眠時間時長時短，一覺訓醒，邊個會想張羅食咩？最好緊係足不出戶就有早餐食啦！阿媽有先見之明，一早買定一堆凍包，一早蒸定，大家起身就有熱辣美味早餐食！今日有紅豆包同沙嗲牛肉包，紅豆包我搣左一半食，留肚食我的新歡沙嗲牛肉包，講真，呢個包初初出時，真係鹹左啲，沙嗲味又略嫌太少，不過之後食得出味道不斷改良變好，可見出品部門係有不斷因應市場口味調節配方，抵讚！仲食到包入面有洋蔥絲，調味剛好。一隻半包，加杯咖啡，就成了假期中的簡單味美早餐了，yummy!

搭地鐵順手在唐包點 買早餐，今天清清地試下 腐竹粟米粥。唐包點是唐記 旗下一條young line, 包裝跟唐記的有所不同，走簡約路線，店員亦以年青人為主。粟米粥標榜無添加，店員會自動跟一包胡椒粉及鹽。以$10來說，粟米粥份量不少，粥底不會太稀。粟米多但腐竹很少。如果不加調味料，本身是沒有味道的，清淡得很，可按自已喜好加鹽、胡椒粉調味。喜歡它本身沒有放調味料，點這個粥就是想吃得清淡點。朝早清清腸胃也是個不錯選擇！

一直以來都覺得唐記包點好好食 尤其是香菇雞包($7) 有一天看到長沙灣地鐵站開了一家唐包點 本以為是不同的店 但原來是同一家公司但不同品牌 不過食物是一樣的 太開心了！一定會多多幫襯😋

香港麵包舖流行嘅空氣包，講真食一個點夠飽呢？所以愛上左中式包點，起碼佢嘅包皮夠實淨，禁落去嘅時候唔會扁先，喺地鐵站都有唔同嘅分店。有時經過真係都忍唔住買返過嚟食，試過香芋包，菜肉包，最終都係返到最愛嘅番薯包$7🍠。拎上手熱辣辣，早餐食一個就啱啱好，佢冇香芋包嘅甜味，冇菜肉包嘅油膩，只有最紮實嘅一舊大番薯，賣點仲要係高纖。食一舊真係好夠飽，食多舊就可以變午餐，但唔好諗住食三舊變晚餐，只會令你飽上加飽。

老人家常感歎吃雞無雞味，吃魚無……，時代進步，食物退步。有些老人家是不會吃大集團的內地製點心。唐包點崛起於中環，轉瞬間已有4間。在深水埔老區開設，我覺得有點兒冒險。觀察所得，光顧人少，店員由4名減至1至2名。我認為問題是熱櫃式銷售點心。店內只有熱櫃，食物早已包裝好，如同在便利店買即食點心。食物經包裝處理，質素已打了折扣。有7類包點，在港鐵店內經營，款式已算不少。7元一個，比其他包點店略貴，勝在就腳，方便上班族。重點是菜肉包，食一個以測試水準。質素平平無奇，菜，豬肉比例平均，包餡比例則略嫌不足。除了就手，找不出要食此店食品的原因。再試食豉椒排骨飯，排骨約有8件，數量合格，質素一般，調味合格，但不算厚肉。最大敗筆是飯份量太小，只是女士做早餐尚可。比其他包點店，貴了一成，此份量令性價比大降。此店標榜鳳爪排骨飯，糯米雞這些宜存放熱櫃點心，只有十八款點心，欠缺了食物多樣性。 包裝紙，盒，貼紙質素好，但不環保，令我聯想起是在吃工業製成品。定位是速食，對象是上班族，此店未詳細考慮如何把包點店轉變為港鐵站點心速食站。美心，鴻福堂是成功例子，它們的產品類別是18的多少倍?

上星期五晚收工搭地鐵返屋企，好鬼死攰，又唔想煮飯，見到地鐵站開左間唐包點，d款式好似唐記包點，但包裝又有d唔同，好奇之下就買左個鳳爪排骨飯同菜肉包，加埋支豆漿做晚餐。鳳爪排骨飯真心唔錯，飯d分量剛剛好，鳳爪味道唔錯，排骨咬落有肉汁，飯就粒粒分明。價錢都幾經濟，25蚊一個，個盒又可以放入微波爐，超方便。菜肉包就7蚊一個，用牛油紙包住，有d老麥feel。d餡都幾多，幾扺食。支豆漿都係經店員介紹，幾好飲。走之前都想買兩個涷啲饅頭做早餐，但d職員話冇，so sad!

長沙灣港鐵站開咗同唐包點，買咗佢哋嘅蒸包同埋蒸飯試吓，買完之後上網睇吓原來同另外一間唐記包點係唔一樣嘅，唔怪得知個蒸飯係用圓碗而唔係用飯盒裝啦，咁都買咗冇辦法啦就都要食。番薯包＄7，個味道都不錯，食得出有絲絲嘅番薯，帶少許甜味，包皮亦都整得不錯夠鉛鋅，整體上都似另外一間嘅蒸包。北菇雞飯＄25，一打開嘅時候得一粒冬菇，冬菇蒸得夠軟身，雞肉有驚喜，肉質嫩滑，雞味一般，飯粒分明，屬於乾身嘅蒸飯，但係可能放涼左嘅關係會黐埋一舊舊，份量偏少，下次唔會再買佢哋嘅蒸飯，蒸包嘅話就會再試。