唐包點

Open Now

Now Closed

而家好多地鐵站都有呢一間唐包點，原因係咩呢？就係因為佢所有嘢都已經整好曬，我哋要做嘅嘢就係落order然後等店員執就已經可以拎走，所以真係啱晒我哋呢一啲趕時間嘅人🤣🤣🤣//通常我早餐都會嗌一個有餡同埋冇餡嘅包，所以麥皮饅頭同埋香菇雞包都係我經常係嘅選擇！佢哋嘅麵包全部都好大舊，所以食兩個都已經超級飽啦，麥皮饅頭超健康，好香嘅麥皮味！香菇雞包嘅餡料都好多，香菇同埋雞肉嘅比例好好，食到好香嘅冬菇味呀

往往朝頭早返工都係超級趕時間，唔到夠鐘都唔出門口，所以成日都唔夠時間去食早餐🤣所以唐包點真係我嘅早餐好選擇😋因為一去到買就完全唔使等，佢哋嘅包呀、飯啊或者係粥等等，都已經一早整好曬，比完錢就拎，成個過程都唔使1分鐘🤣👍-我自己就最鍾意食佢嘅番薯包同埋菜肉包，佢哋嘅包餡料都非常之多，所以早餐食一個包其實已經夠啦😻另外佢哋仲有點心，例如豉汁鳳爪，鮮竹卷等等，味道都可以拍得住出面嘅茶樓㗎👍❤️

一早起身，梗係想食啲清淡啲嘅早餐，見到唐包點除咗比較dry嘅包之外，亦都有粥，就去買嚟食喇！其實最緊有兩款選擇，一款係我買嘅皮蛋瘦肉粥， 另一款係粟米蕃薯粥，其實兩款都好啱口味。以為皮蛋只不過係濕濕碎碎咁敷衍下，點知會有一個匙羹嘅size，甚至有兩件添， 真係喜出望外！

唐記包點已經唔係第一次食 ，今日經過，竟然見到有一餸飯， 有別於樓下附近嘅唐記！ 索價都只係29蚊！！！ 當中有三個款式(魚香茄子/咖哩雞/豬軟骨)。魚香茄子飯～ 分咗兩個兜 ，汁唔會浸住曬啲飯， 茄子份量足， 汁嘅口味都好啱胃口！有驚喜！章魚肉餅飯～ 一包包嘅蒸飯豉油，多少自己隨意加！ 肉餅有馬蹄、香菇等配菜，非常豐富！鮮竹卷～ 鮮竹卷每一條都包到好豐滿 材料爆燈，味道不錯！雞扎～ 用料充足，除咗雞件大件香滑之外，仲有豬肚、芋頭、豬皮……等喺裏面， 因為有豬肚嘅關係，口感有別於一般酒樓食嘅雞扎，比較爽口彈牙！讚！喺地鐵站嘅分店的確非常方便，所以都會有人龍。而且價錢非常之優惠，選擇亦多，朝早會有粥，其他時間都會供應飯、點心、飲品、糖水、包，想食豐富啲或輕怡啲，都係一個好選擇！

因為家住油塘在地鐵出口就看到有間叫(唐包點)，(唐包點)都有好多食物可供選擇，好像今天的我無煮飯就買左隻:足料糯米雞$25，內有雞翅、叉燒、咸蛋黃、少許馬蒂和豬肉碎，食材豐富而且味道適中，還有好香荷葉味，好味過去酒樓食。秘製豬軟骨飯$29，都幾多豬軟骨仲好腍又不會散，薯仔都好入味，白飯一粒粒，加少許汁更加好味，食多碗飯都可以。菜肉包$7，肉就多左些，如果菜和肉各一半就好啦！香菇雞包$7，香菇雞包就做到肉和菜各一半，而且好多木耳，木耳加上椰菜和豬肉混合一齊，食時覺得爽口感覺仲帶有肉香，包的皮都幾軟棉熟。白饅頭$5，外皮比較實左些，但有嚼口。香滑奶茶$12，都幾滑仲好飲過一些茶餐廳，好濃郁的奶茶香味又唔太甜，而且買回家放在雪櫃幾時想飲都得，十分方便。👍👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

前一晚無買定早餐，所以一出地鐵站就打算買個包拎返公司食xppp去到睇梗食咩包個時就咁岩撞到同事不過我就去返工，佢就收工回府休息~~~我最終就決定要個熱辣辣既叉燒包HKd$7.5之後加多枝HKd$9既芝麻豆漿做早餐！！！而同事就買左pack有特價既香芋包同兩枝奶茶不過店員以為我地一齊買，所有就無幫我地分開d飲品黎裝~~~但都唔緊要，反正我都係得一枝豆漿同個包所以唔洗用袋仲環保xppp返到公司食左個叉燒包先拎到返去都仲暖笠笠架食完包包就飲埋枝豆漿先食飽飽有氣有力就係時候開工啦

今日係training day，所以唔使返公司！一早嚟咗油塘呢邊上堂，上完堂之後阿媽話想飲豆漿同食砵仔糕~我就喺附近嘅地鐵站入面買打算買完之後就搭車返屋企:]除左買砵仔糕同白豆漿俾媽子之外，我仲買咗支 黑豆漿俾老豆自己就要咗支奶茶同香菇雞包做下午茶xppp返到去擺靚嗰陣，影咗張大合照先之後就自己攞自己嗰份開餐喇 (/^▽^)/ 媽子就即刻拎咗嚿砵仔糕嚟食~我就飲返啖奶茶先(*^ω^*)黑豆漿同白豆漿就佢哋兩老嘅!我就食返上次食咗覺得幾好味既香菇雞包上次冇影到相，今次影返個餡先xDD入邊除左有香菇粒同雞肉之外仲有木耳絲添㗎~

周未睡醒已12時，小女生說要吃糯米雞，不過這個時候平時吃開那間茶記一定售罄，蝦子餅就建議到地鐵站的唐包點買來試試。首先不得不讚，唐包點的兩名職員很有禮貌，帶著微笑，再看看食物種類，除包及點心外，原來飯的種類也不少，而且價錢也很相宜。今時今日，邊度可以吃到$25一個飯呢！而且地點就在地鐵站，回家順路買一盎兩件，唔駛到酒樓排隊等位。糯米雞 $25大大隻，有荷葉的清香。內有义燒和雞翼。味道真不錯，而且不會太鹹， 餡料和糯米的比例剛剛好， 吃一件已經很飽。排骨飯$25排骨軟滑，帶著香香的蒜味 ，米飯煮得剛好，粒粒分明，軟硬適中。章魚肉餅飯$25 相當驚喜 ，入口有濃濃的章魚味 ，肉餅也淋 ，份量很多，很惹味。山竹牛肉$17 大大粒的 ，爽口彈牙 ，比起很多酒樓也做得出色。看到有香芋包$7 ，點買了一個來吃。 對於我來說 甜度適中（ 屬少甜）, 入口有陣陣的芋頭香味 ，十分喜愛。再看它的包裝， 十分精緻， 三口子，不用一百蚊 就吃了一頓午餐， 真的是平是、靚、正呢！

今日放假，我好想試下朋友講嘅香芋包，見到樓下地鐵站就有唐包點，於是就決定買外賣返去☺️店員都好好，好有禮貌，見我諗緊買咩就介紹咗幾款新產品俾我，有自家製奶茶，粥同蒸飯，仲有缽仔糕。不過今次我一心想食香芋包，唯有下次再試😚😚最後買左排骨蒸飯、雞扎、香芋包同奶茶做午餐，再買咗幾個凍包俾屋企人第2日做早餐✌🏻咁多款都係一百蚊有找，真係好抵食!!!😍🍀白饅頭 ($5) & 香菇雞包 ($7) & 香芋包 ($19@3個)🍀豉椒排骨飯 ($25)啲排骨唔會肥，而且有好香嘅肉汁😋🍀雞扎 ($18)個雞扎裡面嘅芋頭好粉，腐皮索晒啲湯汁，味道唔錯!!👍🏻🍀香芋包 ($7@1)香芋包真心好食，唔會太甜，仲一啲都唔膩，麵包好鬆軟配埋裡面熱辣辣嘅芋頭泥，食完一個仲想食多個，真係值得推薦!!!! 👍🍀奶茶 ($12): 幾香滑

其實呢間唐包點都開左一排架喇，平時食開唐記既我一直都未去幫襯過呢間新店，今日LUNCH想食得平D就去左買外賣。樣樣野都好抵食，蒸包都只係$7，基本上早餐$7都可以搞掂。佢仲新出左特色客飯！$29蚊咋，我諗都冇諗就叫左個豬軟骨飯。豬軟骨同飯分開裝，咁就可以按自己喜好落汁既份量豬軟骨好大件同入味! 講真$29黎講真係好抵食！佢仲有蘿蔔係入面，其實有少少似蘿蔔牛腩既整法，不過佢係豬軟骨黎之後仲試左香滑奶茶($12)，奶同茶既balance岩岩好，好香濃同滑!為食既我買左個砵仔糕($7)做甜品，非常煙韌唐記咁抵食，我仲買左d蒸包做第二日既早餐。番薯包($7), 菜肉包($7)同埋$12三個既白饅頭

最近得閒返d，約多左已為人妻既師姐朋友見面，所以三日唔埋兩日又見到佢既小魔怪xpp呢日同佢食完lunch就接埋學完跳舞既小魔怪上我屋企攤抖下，之後就同就快考試既小魔怪補下習~~~接左小魔怪之後經過地鐵站，俾佢見到有砵仔糕，個為咁就買兩個俾佢做下午茶，食完先溫書啦！！順手買埋做梗優惠價 19蚊有三個既香芋凍包同蕃薯凍包做第二朝既早餐~~見到有奶茶（12蚊）就要左枝，小魔怪就話要飲豆漿（9蚊），仲指明話要飲黑色，唔要白色添XD返到屋企放好d野之後已經話要食:問佢可唔可以請我同佢媽咪食啖......佢就好大方咁拎左另外個果話請我地食xppp人妻朋友唔想佢一次過食太多，所以就同我一人一半食左個，多豆唔太甜，都幾好！食完之後我就飲我既香滑奶茶：）小魔怪就同佢媽咪一齊飲豆漿，飲一杯大讚好飲之後仲要添飲，睇黎佢真係好中意=]食完飲完既小魔怪都好聽話，乖乖咁溫習同做練習，抵我咁錫佢；）

呢日返晏但遲左起身，出到地鐵見到呢度有蒸飯買，就決定買返office先食lunch平時食開既蒸飯系列多左兩款既新肉餅，此外仲有客飯啵不過呢日都係想食返鳯爪排骨飯多d呢度係地鐵站入面，所以包款會少d，但有某d既凍包有做優惠除左個鳳爪排骨飯之外，仲見到有缽仔糕（為食既我又左個做飯後甜品xppp）本身想飮返飲過覺得好飲既奶茶，但呢排好易胃痛，所以最後都係決定試下飲佢地既黑豆豆漿~~~店員超快手，唔洗5分鐘就完成落單兼可以拎埋野食走人返到office都仲有成9個字先要開工，可以慢慢食，唔洗急原來佢地既黑豆浆都唔錯， 雖然唔係話好濃郁但都有豆味，而且唔會太甜最鍾意蒸飯啲飯粒粒分明嘅感覺，加埋蒸飯豉油特別好味唔好睇佢細細哋一盒，其實食完都真係幾飽㗎食完個飯就到我嘅紅豆缽仔糕啦依舊多豆又唔會淋patpat，食飽就有力量開工

今天一早陪媽咪去買餸;回家時，阿媽叫我去油塘地鐵唐包點買午餐，經過地鐵就見到，非常方便，買左1個秘製豬軟骨飯$29，豬軟骨和飯是分開裝的，可避免軟骨內的汁弄濕個飯，而且仲可以喜歡食濃味些就落多些汁，真的很貼心，豬軟骨很腍應該是炆左幾小時，薯仔都好入味，飯非常粒不會太腍，加小小汁非常惹味！另1個是鳳爪排骨飯$25，鳳爪有2小隻，數件排骨，排骨好腍不鞋口食到很滑，飯內有些豆豉和紅辣椒，紅椒不會太辣，都幾好食。順便買埋幾個包留待明天做早餐，叫左2個菜肉包($7一個)，內有攪碎豬肉和爽口椰菜。1個香菇雞包$7，有好多香菇、木耳絲同雞肉做饀料；1個番薯包$7，是黃肉番薯，都好多番薯肉，而且不會太甜，包皮很軟熟。另外仲叫左2支芝麻黑豆漿($9一支)，有少少芝麻好和黑豆味，而且不是太甜，我好喜歡飲，食完飯飲支芝麻黑豆漿，無咁熱又健康，簡直心情都靚得多。🥰🥰+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

唔好以為唐記得啲蒸包蒸飯，豆漿等等。而家連有汁嘅飯都做埋！今日試下魚香茄子飯（$29），打開個盒真係夠曬香。燒賣宜家有埋蝦係上面咁精緻（$17）。俾錢期間見到可以$19買三個凍包咁抵，就買返一條三個番薯包啦。可以擺係雪櫃慢慢食。仲見到而家除左豆漿，仲新出左香滑奶茶（$12）同蜂蜜紅棗生薑茶（$9）。奶茶真係勁香，好有絲襪奶茶既感覺。生薑茶夠曬養生，第日要買多啲！仲有我最愛既砵仔糕（$7）！不過食落好似唔夠魚膠粉所以唔夠彈。不過味道夠曬紅豆味，合格的。要多個菜肉包（$7）做宵夜就夠曬。呢度因為係地鐵站入面，價錢都係用番原價。人流比較少所以好快就攞到手了。

今天很晚才收工，本以為沒有什麼可以選擇，一步出地鐵，就看見唐包点仍未關門，看看還有什麼可以吃，原來這店有很多不同種類的蒸飯及包点。。。今次是第一次試食這間店，就買了魚香茄子飯回家品嚐。店舖很細心，將米飯與餸菜分開膠碗盛載，這樣不會令米飯被餸菜的汁變 “淋“，影響口感。沒想到外賣蒸飯的米飯是乾爽，可以看見一粒粒的米飯，非常好吃，而魚香茄子也很可口，茄子煮得很軟熟，還有很多肉碎，不太咸，味覺剛剛好，但咸魚味就稍為欠缺少許，但整體也算不錯。